اجـمــل مـنـطقــه سـكـنـيـه فـي الـكـويــت

هدى الكويت

عضو بلاتيني
شاركونــا ارائكــــــــم وسولفـو عن مناطقكم وعن اجمل المناطـق السكنيـه فـي الكويــت علما ان كل مناطق الكويت حلوه بالنسبه لي
بالنسبــه لــي صراحــه اشوف ان احلى واجمل مناطق في الكويت هي كالتالــــي:
1- الشويخ السكنية
2- ضاحية عبدالله السالم
3- النزهة
4- الفيحاء
5- الخالدية
6_الـعـارضيـه :)
اهم شي العارضيه هههههههه داشه عرض بينهم
المميــــزات:
1_بصراحه العارضيه منطقـه تجمع كل اطياف المجتمع الكويـتـي
2_ناهيك عن قربها من اكبر مجمع في الكويت والشرق الاوسـط المجمع الشهير الافنيـوز 5 دقايق تقريبــا
3_وجـود استــاد جابـر الاحمـد الدولي فيهـا [جنوب العارضيـه]
4_جامعـة العـارضيــه[كلية الدراسات التجاريه وكلية التربيه الاساسيـه بنات+بنين]
5_مقهـى الفروانيـــه الشعــبي في العارضيـه
6_قنوات تلفزيونيـه الوطن+العدالـه+فنون
مطاعـم وجبات سريعـه[برجر كنج+كنتاكي+ماكدونالز+هارديز+المعلم+البراحـه] بنوك[ الوطني _التجاري_ التمويـل _الكويت والشرق الاوسـط ]فروع وجمعيات 12 ساعه+24 ساعـه
ناهيك عن قربها من مستشفـى الفروانيـه
عيوبهـا:
--------------------------------------------------------------
يلاا شاركوننــا ارائكـــم ب اجمل مناطق سكنيه واختارو منطقه وتكلمو عنهــــا بأنتظاركم :)
 
التعديل الأخير بواسطة المشرف:
هدي بصراحه دورت اجمل منطقه بالكويت وقولبتها فوق تحت
وافتريت بالعم قوقول
ماطلعت الا بنتيجه وحده
ان الجهراء أجمل منطقه بالكويــــــــــــــــــــــــــــــــــــــــــت
 

هدى الكويت

عضو بلاتيني
هدي بصراحه دورت اجمل منطقه بالكويت وقولبتها فوق تحت
وافتريت بالعم قوقول
ماطلعت الا بنتيجه وحده
ان الجهراء أجمل منطقه بالكويــــــــــــــــــــــــــــــــــــــــــت


شكــرا على مرورك
والكويت من شمالها [الجهـراء] الى جنوبهـا[الاحمدي] حلـــــوه
وفعلا الجهراء فيهـا اماكن كثير حلوه القصر الاحمــر +سليل الجهراء منتجع سليل والي يعجبني فيها ان اهلها لو بعد 50 سنه مايتخلون عن عاداتهم وتقاليدهم وهذا شي طيب شكرا لك اخوي
 
شكرا علي اطرائك الجميل للجهراء
فعلا الجهراء اهلها اهم اهم مايتغيرون
والجهراويين معروفين بحبهم لبعض وحب لكويت
لازم اقول لكويت اول لاني اعرف هدي يعني الوطنيه زايده عندج شوي :D
 

CBA

عضو مميز
الاحمدي دخلتها جم مره منطقه جميله اكثر منطقه شفت فيها خضار

وحسيت بفرق الجو فيها
 

ŞĥmLąŇ

مشرف الشبكة الرياضية
كل مناطق الكويت حلوة بصورة عامة

وبصورة خاصة احلي منطقة الاندلس

الاخت هدي الحين كل واحد يمدح منطقته ويصير فيه تحيز بالاختيار

والسبب نفسياً لان اي شخص ولد بمنطقة ودرس فيها وعاش طفولته فيها وله ذكريات فيها يحبها اكثر

ودائماً تكون هالمنطقة في تفكير هذا الشخص


تحياتي
 

Dark man

عضو فعال
تركو عنكم الحجي الفاضي::: اجمل منطقه الصليبخات::: وفديتها

قمة الذرابه اهلها:: وكل شي فيها وتجمع كل الاطياف حضر بدو سنه شيعه

وكلهم يحبون بعض
 
الجهراء ولا عنج يالجهراء صدود قطعتنا منا وفينا

بصراحه وبعنصريه كبيره احلا منطقه الجهراء كل شى فيها وحره بعد عندنا حكومه مول ههههههههههه

مع احترامى لجميع المناطق
 
6_الـعـارضيـه :)
اهم شي العارضيه هههههههه داشه عرض بينهم
المميــــزات:
1_بصراحه العارضيه منطقـه تجمع كل اطياف المجتمع الكويـتـي
2_ناهيك عن قربها من اكبر مجمع في الكويت والشرق الاوسـط المجمع الشهير الافنيـوز 5 دقايق تقريبــا
3_وجـود استــاد جابـر الاحمـد الدولي فيهـا [جنوب العارضيـه]
4_جامعـة العـارضيــه[كلية الدراسات التجاريه وكلية التربيه الاساسيـه بنات+بنين]
5_مقهـى الفروانيـــه الشعــبي في العارضيـه
6_قنوات تلفزيونيـه الوطن+العدالـه+فنون
مطاعـم وجبات سريعـه[برجر كنج+كنتاكي+ماكدونالز+هارديز+المعلم+البراحـه] بنوك[ الوطني _التجاري_ التمويـل _الكويت والشرق الاوسـط ]فروع وجمعيات 12 ساعه+24 ساعـه
ناهيك عن قربها من مستشفـى الفروانيـه
عيوبهـا:
وجــود عدد قليل من العقـد والقيزان و التشخط عندنـاو التقحص ماله والي رياييل شكبرهم و تقحص و الله يفشلون ما يستحــون



اولا احلى منطقه الخالديه وثانى شى والله انا ستغرب منك شلون بنت وحافظه ومشبره العارضيه قطعه قطعه ومطعم وجمعيات ومو مخليه شى مو عارفته عن العارضيه وبعدين انتى تحبين هواش ونجره بالمنتدى تحبين تعملين اكشن كثير ممكن تترجمين شنو عقد وقيزان ومنهم وتقصدين منو بالكلمتين
 
أعلى