سؤال وجواب بخصوص الغتر يا اهل الغتر

ليله ويوم

عضو بلاتيني
االسلام يا اخوة يا اعزاء

ماهي افضل غتره بيضاء

من ناحية منظر ولبس ونسفه وسعر كويس :eek:

وبالمره

ماهو افضل نوعية شماغ احمر :cool:

ارجو ان اجد الاجابه الشافيه الوافيه!!
 

خلك طبيعي

عضو بلاتيني
االسلام يا اخوة يا اعزاء

ماهي افضل غتره بيضاء

من ناحية منظر ولبس ونسفه وسعر كويس :eek:

وبالمره

ماهو افضل نوعية شماغ احمر :cool:

ارجو ان اجد الاجابه الشافيه الوافيه!!

!!!
دام انك تسأل عن أفضل!
أكيد ماتعرف تنسف
ريح عمرك ومشيها كاب
 

أبو سديم

عضو فعال
أفضل شي القطن ، بالنسبة للغترة بروجيه ممتازة وسعرها حلو من 5 ونص إلى 6

الشماغ فيه نوعين ممتازين بس غاليين شوي، منهم ( فري ) بتشديد الراء ، ممتاز جدا وسعره 25 دينار
 

adilalroh

عضو ذهبي
الافضل ( شماغ ابيض) البسام وقطع انجليزي او بروجيه
شماغ البسام الأحمر...نوعيات منها " ماي فير" او " ابو بصمه"
الشمغ كثيره .. الملكي الانجليزي دنهل- جفنشي- فالنتينو <---- العينات تلك مع الغسيل تصير سيئه
علاوه علي ان خيوطها تنسل وتخرب منظر الشماغ

الغتر البيضاء مالك الا العطار

الزبده
تبي شماغ اخذ البسام.. والاعتماد هنا علي اطراف الشماغ" نقشته"
تبي غتره اخذ العطار.. والاعتماد هنا علي تموج الخيوط

الغتر السويسريه تضبط معاك مرزام ما تضبط سبعه او مربع
مثل لبسات الرويشد عبدالله
 
مثـل ما قالو لك الاخواْن العطـاْر . الـي لون قرطاسهـا الاخضـر الاصليـه .. سعرهـا تقريبـاً . 2.500 .الي ثلاث دنانيـر ونص .! غسيـل ولبس وسعرهـا معقول جداً ..
البسـام افضـل الشمـغ . وانا افضـل الشماغ الابيض . افضـل بكثيـر . من الآحمـر .


ماشاء الله عليك دخلت شبكة سؤال وجواب معاك على الخـط . من بنيـت . الي الان وصـلت لملابسك .!

بس ماقلت لنا متى العرس ان شاء الله :D
 

ليله ويوم

عضو بلاتيني
شاكر للأخوان اللي افادوني بالردود افادهم الله وبارك الله فيهم


اما بخصوص الاخ

ماذا قدمنا للكويت


اقول خلني اخلص اسألتي واضبط نفسي مع الناس

بعدين يالله على بابك ياكريم القى وحده تقبل فيني على سخافتي
 

عزيز وغالي

عضو بلاتيني
حبيبي
روح للمباركيه المحلات الي يم المسجد و الاربش للذهب
مهره وهنود تلاقي عندهم طلبك جوده ورخص واكثر بيعهم جمله
وغلب هالمحلات الي يبيعونك ب 10 و 7 يشترون من هناك
وقبل تشتري افرك الغتره بايدك وشوف ملمسها اذا ناعم وما فيه بلاستيك هذي الزينه

وادعي لي
 

ليله ويوم

عضو بلاتيني
حبيبي
روح للمباركيه المحلات الي يم المسجد و الاربش للذهب
مهره وهنود تلاقي عندهم طلبك جوده ورخص واكثر بيعهم جمله
وغلب هالمحلات الي يبيعونك ب 10 و 7 يشترون من هناك
وقبل تشتري افرك الغتره بايدك وشوف ملمسها اذا ناعم وما فيه بلاستيك هذي الزينه

وادعي لي



وصفك حلو وسهل ومختصر


الله يسعدك


تسلم ايدك على ردك الجميل


وهاذي احلا ورده :وردة:عربون المحبه والصداقه والكشخه
 

عزيز وغالي

عضو بلاتيني
وصفك حلو وسهل ومختصر



الله يسعدك


تسلم ايدك على ردك الجميل



وهاذي احلا ورده :وردة:عربون المحبه والصداقه والكشخه


ربي يسعدك اخي الحبيب
واتمني بالفعل تلاقي طلبن وان شاء الله راح تلاقيه وهذي وردتين:وردة::وردة:
 

عبدالله .

عضو بلاتيني
عليك بالشماغ الابيض والافضل والعملي هو شماغ البسام وسعره مناسب تقريباً 7
اما إذا تبي شي طيب وخامة ممتازة عليك بهيلد تلقاها بالصالحية الشماغ بـ 20 تقريباً
:)
 

CBA

عضو مميز
ماكو على شماغ البسام حيلك في كشخه ونقشه حلوه

انا صارلي سنتين شماغ ابيض وكلهم البسام وبالاشته احيانا احمر وهم البسام


والله ماكو عليه
 

الدكتاتور

عضو مميز
انت اسالتك واجد ... روح هالمحل وادعيلي

روح المباركيه .. شارغ الصرافيين نفسه وقف بالنص تقريبا

راح تلاقي محل اسمه ( السعيد ) مقابل الصرافيين كل شي عنده عقل وغتر وشمغ وبشوت وملابس داخليه رجاليه .. الخ

سمو الامير الله يحفظه ياخذ منه

غتره بيضا أفضل شي بوجه نظري عندك ريموند ودنهل ... والعطار رخيصه بدينارين ونص ولكن جم لبسه وتقطها

شماغ في ابيض واحمر ...افضل شي عجلان والبسام انجليزي ويفضل يكون شالش
واي استفسار حاضر
 

لا تعليق

عضو ذهبي
غترة عند المسلم شكل ونسفه وسعرها حوالي 10 او شي


اما الشماغ

في بالصالحية وليلى جاليري نفس المحل الامراء او شي جذي ناسي اسمه

شماغ فرزاتشي 30 - شماع فيرور 25
ممتازين من الشكل والنسفه كد مد وسعر حلو
 

لا تعليق

عضو ذهبي
بس اخوي ما شاء الله عليك
سألت افضل يكرم السامع __(( جوتـي )) وسألت شماغ وغتر في مناسبة عندك ولا تجهيز معرس
عشان نقوم بالواجب من طقطق لي السلام عليكم
:)
بالتوفيق وملبوس العافيه مقدماً
 
أعلى