زين والحراميه
يا اخوانى من واقع تجربتى مع شركه زين
سافرت الى لندن وكان معي خطى الكويتى التابع لشركه زين الى مافيهم من الزين شى
واخذت خط من لندن فودافون
ما ابي اطول بالسالفه
المراد انى كنت اشغل الخطين علشان الى يتصل من الكويت ادق عليه من خط فودافون البريطانى
تميت على هذا الحال شهر تقريبا للعلم خط زين فواتير وكنت حاط في مبلغ 30 حساب زيادة قلت علشان الاشتراكات
المهم تم فصل خط زين قلت الظاهر شبكه دقيت عليهم سالت الموظف قال عليك 92 دينار قلت له في شى غلط حبيبي تاكد
لانى خارج البلاد من التاريخ الفلانى الصدمه انه جاوبنى بجواب مايدش العقل
قال نعم
انت ماتتصل ولاترد على الاتصال من خط زين ولكن احنا عندنا مجرد انك تشوف رقم المتصل في رسوم 400 فلس على كل اتصال
صدمنى لما سالته ليش قال هذى رسوم من الشركات الاجنبيه
ياناس اكثر من جذى استغلال ما مر على بتاريخ
رديت وفصلت الخط وتركت وصيت كل الى اعرفهم انهم يتاكدون من المعلومه
ولما اتصلوا وتاكدوا فصلوا خطوطهم
يا اخوانى لى متى زين وغيرها ماتحترم عقولنا ولا مجرد تكسب مادى
حسبي الله عليك ............... عبدة الدينار .........
وبنهايه اتمنى من الاخوان الاتصال والتاكد من نصب زين