سؤال وجواب ملعب ثيّل صناعي

المهم^الكويت

عضو بلاتيني
السلام عليكم

ودي اعرف اجراءات انشاء مشروع الملعب...الي اعرفه ان الاراضي الي عليها الملاعب اهي اراضي الدوله بس تختار الارض وتطلع ترخيص من البلديه وموافقه من الهيئه العامه للشباب و الرياضه ومتى ما ارادت الدوله استرجاع الارض تسترجعها...هل صحيح هذا الكلام؟؟؟

ادري ان السالفه تحتاج واسطه و الواسطه موجوده ان شاءالله بس بعرف الاجراءات بالتفصيل من الي عنده معلومات كامله

يعطيكم العافيه و لحد يبخل بالنصيحه
 

فهد3000

عضو فعال
السلام عليكم

ودي اعرف اجراءات انشاء مشروع الملعب...الي اعرفه ان الاراضي الي عليها الملاعب اهي اراضي الدوله بس تختار الارض وتطلع ترخيص من البلديه وموافقه من الهيئه العامه للشباب و الرياضه ومتى ما ارادت الدوله استرجاع الارض تسترجعها...هل صحيح هذا الكلام؟؟؟

ادري ان السالفه تحتاج واسطه و الواسطه موجوده ان شاءالله بس بعرف الاجراءات بالتفصيل من الي عنده معلومات كامله

يعطيكم العافيه و لحد يبخل بالنصيحه


عليكم السلام،،،
مو شرط اراضي الدولة ممكن تاجر مدرسة خاصة وتحط الملعب وتكلفة الملعب اذا صيني 24 الف،،، واذا ايطالي وهو الافضل 40 الف ،،، ويعطونك كفالة ،،، واجار المدرسة من 1000 الى 2000 شهريا وممكن اقل او اكثر ،،،

واراضي الدولة يبيلها واسطة قوية قوية ،،، وشوف ملاعب الابراج وجمعية المهندسين منو ماخذها،،،

واي استفسار انا حاضر ،،،،
 

المهم^الكويت

عضو بلاتيني
عليكم السلام،،،
مو شرط اراضي الدولة ممكن تاجر مدرسة خاصة وتحط الملعب وتكلفة الملعب اذا صيني 24 الف،،، واذا ايطالي وهو الافضل 40 الف ،،، ويعطونك كفالة ،،، واجار المدرسة من 1000 الى 2000 شهريا وممكن اقل او اكثر ،،،

واراضي الدولة يبيلها واسطة قوية قوية ،،، وشوف ملاعب الابراج وجمعية المهندسين منو ماخذها،،،

واي استفسار انا حاضر ،،،،

يعطيك العافيه ما قصرت

اذا اراضي الدوله وين ممكن تكون؟؟ يعني لازم مكان مغلق مثل جمعيه المهندسين والا اي مكان فاضي و آخذ عليه ترخيص؟؟ وفي مجال اخذ جزء من حديقه عامه واسويها ملعب؟؟
 

ولد وايل

عضو مخضرم
موضوع مهم للغاية بصراحة ..

وكنت أتسائل قبل فترة عن هذا الموضوع بالذات فلم أجد له جواب ..

ننتظر من الجميع أن يدلوا بدلوه .. ولكن اللي يعرف طبعاً .. مو يجي واحد يعزي على وكالة " يقوولوون " :confused:

نبي اللي عارف بالمسألة وبالاجراءات ..

وأشكر صاحب الموضوع :وردة::قلب:

وتقبلوا تحياتي لكم

الوايلي :وردة:
 

whahd1

عضو بلاتيني
موضوع الاراضي سالفته سالفه

هذي اغلبها اراضي خاصه وللتهرب من الضريبه الي اقرها القانون على الاراضي الغير مستغله صاحب الارض يسويها ملعب كره ومو مهم عنده ارباح الملعب المهم لا يخسر ويدفع ضريبه !!!

يعني لعب على القانون

الحلو ان الشباب يلقى متنفس مناسب بعيد عن الخرابيط
 

فهد3000

عضو فعال
يعطيك العافيه ما قصرت

اذا اراضي الدوله وين ممكن تكون؟؟ يعني لازم مكان مغلق مثل جمعيه المهندسين والا اي مكان فاضي و آخذ عليه ترخيص؟؟ وفي مجال اخذ جزء من حديقه عامه واسويها ملعب؟؟


لا مو لازم مكان مغلق ،،، انا قصدي على الابراج انها ماتصير بس طبعا ب فيتامين
(واو ) تدري ليش لانها على البحر والجريمة مو هذي عند الاكوابارك ،،، والاكوابارك فيها (يوم مخصص للحريم) صح انا الاكوابارك مغطينها ،،، بس انت روح وشوف جم المسافة بينهم،،،

فاذا عندك واسطة مثل صاحبنا ،،، ضبطنا:D

شوفلك مدرسة خاصة يمكن يأجرون لك،،،،

وعلى فكرة اذا الله بارك لك بالمشروع خلال اشهر اطلع حقه ،،، لانه مربح بشكل مو طبيعي،،
 

بدوي ذرب

عضو بلاتيني
حبيبي شوفلك مدير بلديه وضبطه مثل مدير بلديه الجهرا السابق عطي اخو نائب
ارض الدوله عشان يسوي دركال يغرف تراب عساه تراب بوجيهم ويبيع والنص بالنص
واخرتها من مدير بلديه الي وكيل وزارة بالتجارة !!!! مدد يا بلد
 

عبدالله .

عضو بلاتيني
اسهل طريقة تدور على المدارس الخاصة اللي مو مسوين ملعب ثيل صناعي
تتفق معاهم أنك بتسويلهم ملعب على حسابك وتنتفع فيه بالفترة المسائية وتعطيهم اجار بسيط
انت مستفيد بالتأجير اليومي اللي يمكن يوصل لـ 200 دينار وهم مستفيدين بأجار شهري خل نقول 500 إلى 1000 وانتفاع بالفترة الصباحية
 

المهم^الكويت

عضو بلاتيني
اسهل طريقة تدور على المدارس الخاصة اللي مو مسوين ملعب ثيل صناعي

تتفق معاهم أنك بتسويلهم ملعب على حسابك وتنتفع فيه بالفترة المسائية وتعطيهم اجار بسيط

انت مستفيد بالتأجير اليومي اللي يمكن يوصل لـ 200 دينار وهم مستفيدين بأجار شهري خل نقول 500 إلى 1000 وانتفاع بالفترة الصباحية

اذا يصير باراضي الدوله و بلاش شبي بالمدارس الاف انا اوله فيهم :D بني ادم طماع
 
والله مدري شقولك
يعني كذا واحد اعرفه يبي نفس فكرتك
بس شركة goal كانت بالمرصاد

نتفت كل الملاعب الي كانت تراب حولنا .. فما بالك اذا كان ثيّل وحلو

شد حيلك وشوفلك واسطه
والله يوفقك
واذا سويت عطنا خبر عشان نباريك بأرضك وبين جمهورك:D
 

المهم^الكويت

عضو بلاتيني
والله مدري شقولك
يعني كذا واحد اعرفه يبي نفس فكرتك
بس شركة goal كانت بالمرصاد

نتفت كل الملاعب الي كانت تراب حولنا .. فما بالك اذا كان ثيّل وحلو

شد حيلك وشوفلك واسطه
والله يوفقك
واذا سويت عطنا خبر عشان نباريك بأرضك وبين جمهورك:D

اهو خل يطلع ان شاءالله و اسوي دوره حق اعضاء المنتدى :D

بس لازم تلعب واحد مان تو مان معاي انا باصي انفراد ;)
 
أعلى