سؤال وجواب ما هي أفضل حملات الحج بالكويت ؟

شقردي

عضو فعال
بما إنني بإذن الله قررت أحج هذه السنه و أخذ والدتي معي ..

فأرجو منكم تزويدي بخبراتكم عن الحملات سواء كان عن تجارب شخصيه أو ما سمعتموه من الناس ..

أنا شخصيا كنت أفضل حملة ( على الرصيف :) ) .. ولكن بما أن الوالده حفظها الله ستكون معي .. فيجب إختيار حمله مريحه .. ودائما ما يقولون إن حملة الشايع والكندري هم الأفضل ..
ولكن أسعارهما مبالغ فيها

وأرجو ذكر مميزات الحملات التي تختارونها

(سؤال جانبي : ليش في بعض الوظائف تكون إجازة الحج 30 يوم ..
والبعض الآخر 40 يوم ؟!! ) :(

وتحياتي للجميع ..
 

شقردي

عضو فعال
الظاهر محد يحج بهالمنتدى !!

يعني مو لازم تقولون أحسن حمله ..

ولكن يكفي إنكم تذكرون مميزات أو عيوب الحملات الكويتيه اللي حجيتوا فيها أو سمعتوا عنها

قولوا أي شي !! آنا لازم أحجز بسرعه قبل لا تسكر الحملات :(
 

أحمداني

عضو بلاتيني
عبداللطيف الشايجي, الكندري, العساكر, الشويع, الهولي,الرومي, مندكار

هؤلاء أفضل حملات كويتيه

وأذا كنت تريد شي ( زوين رخيص ) عليك أن تذهب إلى حفر الباطن وهناك تجد حملات أرخص

بكثير عن ماهو عليه بالكويت


وبسلامة!!
 

شقردي

عضو فعال
الحوطي
جربته للأمانة ممتاز
بس الكلام سنة99
ألحين مادري عنه

أبحث عن الحملات التي حصلت على تقدير امتياز للعام الماضي
وعندك مثلا
الشايع
الكندري
الجيران
الحوطي
الدوسري


إتصدق حتى آنا جربت الحوطي سنة 2000 !! :)
الصراحه حمله ممتازه .. ولكن بوقتها آنا كنت ( شبه إداري ) لذلك فإنني لم أرتاح

ودي أحج في حمله ما أعرف أحد فيها .. علشان ما أنشغل هناك بالسوالف !!

والأقرب حاليا في بالي :

الشايجي أو الدوسري أو الرومي أو ..

تحياتي لك
 
ع

عضو محذوف 5672

Guest
حملات الرصيف لها لذة , عندك حملة سمران بن كنعان للحج والعمرة ثم النزهة , لكل ملتحق كيس فستق الرفاعي وكيس خبز لبناني وكرتون جبنة أبو الولد , وتفاحتين , وحدة خضرة والثانية حمرة .


حديث جانبي : أنا مستغرب من حملات أم خمس آلاف , ودي أعرف هل يطوفون بهيلوكبتر مثلاً !


حلاته يا جماعة المناسك كعابي , تحس فعلا إنك أشعث أغبر , وإذا رآك أحد لم يعرفك .


بس دام الوالدة معاك أعتقد الدوسري كويسة , من ناحية طبعا المواصلات الدوسري تقدر تقول أحسن الموجود بس غالية شوي , وعموما الحملات الكويتية 90 % منها مواصلاتها زفت وماتدخل منى , يعني أعتقد وماني متشائم الدم فيك فيك , خاصة إن السنة هذي بتكون أزحم , وأنا ماراح أضايقكم وبقعد بالبيت .
 

شقردي

عضو فعال
عبداللطيف الشايجي, الكندري, العساكر, الشويع, الهولي,الرومي, مندكار

هؤلاء أفضل حملات كويتيه

وأذا كنت تريد شي ( زوين رخيص ) عليك أن تذهب إلى حفر الباطن وهناك تجد حملات أرخص

بكثير عن ماهو عليه بالكويت


وبسلامة!!


الله يسلمك ..
ومشكور على هالمعلومات

بس صعب الحج مع حملات سعوديه !! هناك إختلاف في العادات والتقاليد :)



حملات الرصيف لها لذة , عندك حملة سمران بن كنعان للحج والعمرة ثم النزهة , لكل ملتحق كيس فستق الرفاعي وكيس خبز لبناني وكرتون جبنة أبو الولد , وتفاحتين , وحدة خضرة والثانية حمرة .


حديث جانبي : أنا مستغرب من حملات أم خمس آلاف , ودي أعرف هل يطوفون بهيلوكبتر مثلاً !


حلاته يا جماعة المناسك كعابي , تحس فعلا إنك أشعث أغبر , وإذا رآك أحد لم يعرفك .


بس دام الوالدة معاك أعتقد الدوسري كويسة , من ناحية طبعا المواصلات الدوسري تقدر تقول أحسن الموجود بس غالية شوي , وعموما الحملات الكويتية 90 % منها مواصلاتها زفت وماتدخل منى , يعني أعتقد وماني متشائم الدم فيك فيك , خاصة إن السنة هذي بتكون أزحم , وأنا ماراح أضايقكم وبقعد بالبيت .


إتصدق..
انا لو الموضوع راجعلي جان حجيت بحملتك .. أفضل بكثير من حملات ال5000 دينار ! :)

إحنا وين و الكعابي وين !! لا تنسى إن احنا كويتيين .. يعني ما نحب نتعب كلش ملش

وأتمنى إنك تحج علشان أشوفك هناك :) .. على العموم إنشالله راح أدعيلك هناك

وتحياتي لك وللجميع
 

صريح حيل

عضو بلاتيني
أفضل حملات الحج على الإطلاق وفيها الراحة هي تلك التي صنفتها وزارة الأوقاف على أنها حملات ممتازة لحج عام 2007

وهناك حملات لا تتنازل عن هذا التصنيف مثل

عبداللطيف الشايجي
العساكر
حسن الكندري
الشايع
الحوطي " وقفية "

ــــــــــــــــــــــــــــــــــــــــــــــــــــ

يأتي خلفهم

الرومي
بورحمة
الجيران " وقفية "
 

m.a

عضو فعال
قوة..
بالنسبة لأحسن الحملات انشالله كلهم...
بس (العساكر)وايد حلوة ويمدحونها وسعرها زوين...
وبالنسبة للسؤال الجانبي... في احد مؤسسات الدولة الأجهزة اللي فيها حساسة وعلى طول شغالة فعلشان ج>ي ما يعطون الشخص اللي اهوه الموظف الا 30 يوم لا ويطلع دهنه على ما يعطونه يصعد من مدير لي مدير وتوقيعات ولويه...
بس شوف في نفس الوزارة لكن بجهاز ثاني مثلا يكون المدراء اللي فيه سلسين على ما يقولون ويعطونك ياها بسررررعة...وكامله 40 يوم...
وشكرا...
 

الموسوي

عضو مخضرم
أحسن الحملات حملات ( الرصيف ) واذا الوالدة وياك خلها بحملة رسميّة وروح على الرصيف الذهبي ..

بالنسبة حق الحملات أعرف ملوت جماعتنا ( تبي أظبطك ) ؟

( أضبطك كتبتها أظبطك متعمد ) ..

تحياتي
 
أعلى