اي سؤال يختص برياضة كمال الأجسام أسأل ونحن نجيب

مدمن

عضو مميز
السلام عليكم

كما هو معروف ان رياضة كمال الاجسام من الرياضات الجميله المنتشره اليوم وبشكل واسع في الكويت .. حيث بدأ الشباب بالاهتمام في هذه الرياضه بشكل كبير و تحديدا في منتصف التسعينات من القرن الماضي

خصصت هذه المساحه لكل من يهوى او يمارس هذه الرياضه وللرد على جميع التساؤلات والاستفسارات من اجل الافاده والاستفاده من الجميع وللحظي برياضه مفيده ولممارستها بشكل سليم وصحي يأتي بالنفع على الجسم بعيد عن المشاكل والاصابات

على سبيل المثال:

1- التمارين المتنوعه: " لجميع عضلات الجسم "

2- الجداول المتبعه: "للعضلات وايام التمرين والراحه وساعات التمرين المناسبه"

3- النظام الغذائي المناسب: "لجميع الاوزان المختلفه سواء حميه انقاص وزن او برنامج زيادة وزن"

4- المكملات الغذائيه: "جميع المكملات الغذائيه المصرح بها من قبل وزارة الصحه"

5- النوادي الصحيه: "كل مايخص الانديه اشتراكاتها والمدربين و توفير البيئه المناسبه للتمرين الخ"

سوف ارد على كل مايتعلق بالنقاط السابقه وبحدود معرفتي المتواضعه وارجوا من الاخوه الذين يمارسون اللعبه ان لايبخلوا علينا بمعلوماتهم التي سوف تاتينا بالنفع والفائده وسامحونا اذا قصرنا معاكم

ملاحظه: لن ارد على اي استفسار يتعلق بالمنشطات والهرمون لانها ظاهره غير صحيه وسيئه ولها مضار جسيمه تؤدي الى عدة امراض خطيره كهشاشة العظام وامراض العقم والفشل الكلوي وسرطان البروتستاتا وتاثير مباشر على اعصاب المخ
 
اخي سؤالي هو هل البروتينات لها تاثيرات جانبيه على لاعب كمال الاجسام

وكورسات الابر والبروتينات الحيوانيه لها تاثيرات ايضا

وهل صحيح ان البعض يقول ان لا ياخذ بروتينات ولا ابر ولا شئ وتشوف جسمه اوكي هل صحيح ذلك او ان مجبور ان ياخذ بروتينات

واذا ابي العب حديد بدون لا اخذ بروتينات هل ينفع ولا ماراح ينفع وتعب على الفاضي
 

مدمن

عضو مميز
اخي سؤالي هو هل البروتينات لها تاثيرات جانبيه على لاعب كمال الاجسام

نعم بعض البروتينات والاحماض الامينيه كحبوب الامينو اسيد لها ضرر خصوصا على الكلى بسبب عدم شرب كميه كافيه من الماء .. ومثل منت عارف الرياضي اللي يمارس اي لعبه غير كمال الاجسام يحتاج الى لترين وثلاثه في اليوم .. لاعب كمال الاجسام ان كان يستعين بمكملات غذائيه كالبروتين والاحماض الامينيه يحتاج لشرب كميات كبيره من الماء

وكورسات الابر والبروتينات الحيوانيه لها تاثيرات ايضا

الكورسات شي والبروتينات شي ثاني .. البروتين مكمل غذائي واغلبه مصرح من قبل وزارة الصحه .. وان تم استخدامه بالشكل الصحيح وغير المبالغ فيه ماعليه ضرر ان شاء الله .. لكن الكورسات فهي مضره جمله وتفصيل وتؤدي لامراض قاتله .. وفيها الحيواني اللي يستخدم للكلاب اجلك الله والحصن "شلون البشر تدخله بجسمها" والبشري اللي وجد لامور واستخدامات طبيه غير كمال الاجسام مثل هرمون النمو اللي اهو بالاساس للاطفال الخدج او الهرمون الذكري "التستسترون" بانواعه لعلاج حالات العقم للشياب الخ

وهل صحيح ان البعض يقول ان لا ياخذ بروتينات ولا ابر ولا شئ وتشوف جسمه اوكي هل صحيح ذلك او ان مجبور ان ياخذ بروتينات

نعم صحيح .. فهي مكملات وليست اساس .. كمال الاجسام تعتمد بالدرجه الاولى على عدة امور منها الاكل الطبيعي المتكامل , النوم الكافي وراحة الجسم , التمرين الصحيح والاستمراريه

واذا ابي العب حديد بدون لا اخذ بروتينات هل ينفع ولا ماراح ينفع وتعب على الفاضي

ينفع وافضل اخي الحبيب .. العب بشكل صحيح ومتواصل وشد حيلك واتعب على جسمك راح تشوفه يتقبل ويصير احسن واحسن
 
سؤال :

انا استخدم نانو واستخدم امينو فيول بس ؟
هل كافي كمكملات غذائيه خاصه اني ما ابي يكون جسمي ضخم بس فتنس ؟

وشكرا
 
الف شكر اخوي مدمن تائب على التوضيح

ولكن استغرب من احد اصدقائي يقول انه ياخذ ابر ويقول اذا اخذتها في انتظام ماتأثر بس انا ما اقتنعت من كلامه لان الولد ساعات يجينا منتفخ مره وحده وساعات يضعف


عموما اشكرك على التوضيح :وردة:
 

مدمن

عضو مميز
انا استخدم نانو واستخدم امينو فيول بس ؟
هل كافي كمكملات غذائيه خاصه اني ما ابي يكون جسمي ضخم بس فتنس ؟

وشكرا


النانو فبر ممتاز للناس الضعيفه اللي طبيعة جسمها ناشف والسبب انه يحتوي على ست انواع كرياتين .. والكرياتين معروف انه يتفخ ويترس منطقة الخواصر والبطن من تحت .. لكن اذا حرقته زين مامنه خوف .. وهو يعتبر افضل منتج للطاقه منتشر بالسوق الكويتي وتفوق على السوبر جارج المشهور .. اخذ النانو مره وحده باليوم وقبل التمرين مباشره .. والامينو فيول الشراب تعبان اخذ امينو عشر تالاف حبوب يعطي عضل صافي ينباع بريزولت وجي ان سي ولا تاخذ الفيول لانه رخيص ومفعوله تعبان .. وطبعا كافي ووافي وكل ماقلت المكملات كل ماكان اريح للجسم واحسن
 



النانو فبر ممتاز للناس الضعيفه اللي طبيعة جسمها ناشف والسبب انه يحتوي على ست انواع كرياتين .. والكرياتين معروف انه يتفخ ويترس منطقة الخواصر والبطن من تحت .. لكن اذا حرقته زين مامنه خوف .. وهو يعتبر افضل منتج للطاقه منتشر بالسوق الكويتي وتفوق على السوبر جارج المشهور .. اخذ النانو مره وحده باليوم وقبل التمرين مباشره .. والامينو فيول الشراب تعبان اخذ امينو عشر تالاف حبوب يعطي عضل صافي ينباع بريزولت وجي ان سي ولا تاخذ الفيول لانه رخيص ومفعوله تعبان .. وطبعا كافي ووافي وكل ماقلت المكملات كل ماكان اريح للجسم واحسن


..............................

الف شكر لك يا اخوي على الرد والتوضيح الشيّق​
 

فيصل الظفيري

عضو بلاتيني
^

مامن قصور طال عمرك

جعل ابوك للجنه


عاد عندي كم سؤال محيرني


السؤال الاول

كم شهر يبيلي على شان يصير جسمي مقّسم؟ < بدون منشطات طبعاً


وهل حصص السويدي تفي الغرض ؟


انا صارلي شهر بالسويدي وحسيت جسمي شّد فسرلي هالظاهره ؟


ولا هنت :وردة:
 

فكر

عضو بلاتيني
استاذ تائب

سمعت ان الكثير من انواع البروتينات الموجوده في السوق مضروبه

يعني مغشوشه بهرمون لزيادة المبيعات لسرعه النتائج

ابي اعرف اسماء البروتينات النظيفه

الخاليه من الهرمون

وشكرا
 

مدمن

عضو مميز
^


مامن قصور طال عمرك

جعل ابوك للجنه


عاد عندي كم سؤال محيرني


السؤال الاول

كم شهر يبيلي على شان يصير جسمي مقّسم؟ < بدون منشطات طبعاً


وهل حصص السويدي تفي الغرض ؟


انا صارلي شهر بالسويدي وحسيت جسمي شّد فسرلي هالظاهره ؟



ولا هنت :وردة:


مشكور بدوي حبيبي :وردة:

اولا يعتمد جم وزنك وطولك اخوي الحبيب

ونوعية جسمك هل هو من النوع الناشف اي الضعيف او من النوع القابل للسمنه

بعدين السويدي من اجمل الرياضات وانا انصح فيها مع الحديد للشباب اللي يبون التقاسيم والفتنس .. واذا حسوا بالتعب من الاثنين مع بعض وماتحملوا يمكن ان تدخل حصص السويدي ثلاث او اربع مرات بالاسبوع وتمشي جدول حديد اعتيادي

والامر الاخر نعم حصص السويدي تفي بالغرض لكن على المدى الطويل لكن حط في بالك انك محتاج للحديد لشد الجسم .. السويدي يضعفك نعم .. لكن يشد جسمك ويعطيه شكل رجولي جميل على المدى الطويل .. دخل معاه الحديد ويصير شغلك مضبوط وتمام .. واذا تبي اي شي عن الجدول والتمارين انا حاضر

ومسألة صارلك شهر وجسمك شد هذا امر طبيعي ومعناه ان جسمك بدا يستفيد ويتقبل التمارين واستمر اخي الحبيب لكن مع التاكيد على الجزئيه ان السويدي راح ينزل وزنك ويشده على المدى الطويل .. نصيحتي لك اكررها العب حديد خفيف مع السويدي .. حتى لو تلعب تمارين "الشامل" للتقويه والشد مافيه مانع حبيبنا

واي استفسار اخر انا حاضر
 

فيصل الظفيري

عضو بلاتيني
مشكور بدوي حبيبي :وردة:




اولا يعتمد جم وزنك وطولك اخوي الحبيب

ونوعية جسمك هل هو من النوع الناشف اي الضعيف او من النوع القابل للسمنه

بعدين السويدي من اجمل الرياضات وانا انصح فيها مع الحديد للشباب اللي يبون التقاسيم والفتنس .. واذا حسوا بالتعب من الاثنين مع بعض وماتحملوا يمكن ان تدخل حصص السويدي ثلاث او اربع مرات بالاسبوع وتمشي جدول حديد اعتيادي

والامر الاخر نعم حصص السويدي تفي بالغرض لكن على المدى الطويل لكن حط في بالك انك محتاج للحديد لشد الجسم .. السويدي يضعفك نعم .. لكن يشد جسمك ويعطيه شكل رجولي جميل على المدى الطويل .. دخل معاه الحديد ويصير شغلك مضبوط وتمام .. واذا تبي اي شي عن الجدول والتمارين انا حاضر

ومسألة صارلك شهر وجسمك شد هذا امر طبيعي ومعناه ان جسمك بدا يستفيد ويتقبل التمارين واستمر اخي الحبيب لكن مع التاكيد على الجزئيه ان السويدي راح ينزل وزنك ويشده على المدى الطويل .. نصيحتي لك اكررها العب حديد خفيف مع السويدي .. حتى لو تلعب تمارين "الشامل" للتقويه والشد مافيه مانع حبيبنا


واي استفسار اخر انا حاضر


وزني طال عمرك 69

وطولي 174

تقصد يعني المسأله تنظيم لا أكثر


مثلاً احط نفسي جدول

يومين حديد

واربع ايااام سويدي


ويوم راحه لي ؟
 

مدمن

عضو مميز
استاذ تائب

سمعت ان الكثير من انواع البروتينات الموجوده في السوق مضروبه

يعني مغشوشه بهرمون لزيادة المبيعات لسرعه النتائج

ابي اعرف اسماء البروتينات النظيفه

الخاليه من الهرمون

وشكرا


اهلا اخوي كويتي قومي ذكرتنا بالعم الكبير جاسم القطامي الله يطول عمره :وردة:

لايوجد اي بروتينات في اي من الوكالات والمحلات الموجوده في السوق الكويتي مضروبه فهي تمر على البلديه و وزارة الصحه .. لكن المضروب واللي نحذر منه هو اللي يدخل من دول مجاوره عن طريق افراد ويتداوله المدربين اللي لايهمهم سوى الربح المادي

واطمنك لم تتم عملية الغش سوى في بروتين الميقا ماس وهذا بروتين قديم ويستعمل للناس الضعيفه جدا والمحتاجه فات والان تم سحبه من السوق وكذلك بروتين الدب الروسي وهو بروتين فاشل ولا يباع في الوكالات المعروفه ويوجد حبوب امينو يأتون بها من البحرين شركة هلث اند فت والشركه منهم براء وليس لها وكيل في الكويت

انا ما ودي اسوي دعايه حق منتج او شركه معينه لكن اقولك اشتر من الاماكن المعروفه بالكويت مثل شركة ريزولت مع انهم حراميه بالاسعار وشركة جي ان سي وهم بعد مومقصرين حراميه و لي سافرت الامارات في بمجمع برجمان خوش محل معروف واسعاره رخيصه وعنده عدة وكالات عالميه

انت قولي نوعية جسمك ووزنك وطولك وشنو اللي تبيه وانا اقولك شنو البروتين المناسب لك

 

مدمن

عضو مميز
وزني طال عمرك 69


وطولي 174

تقصد يعني المسأله تنظيم لا أكثر


مثلاً احط نفسي جدول

يومين حديد

واربع ايااام سويدي



ويوم راحه لي ؟


جسمك زين ووزنك متناسق مع طولك تحتاج الى شد وتقسيم عضلي بس

لأ مو هذا اللي اقصده

انا اقولك :

تدش السويدي يوميا .. تطلع من حصة السويدي تدش صالة الحديد على طول تسخن بالدانبل عدل تسخن الاكتاف "تسخينها مهم جدا" والباي والتراي "ماله داعي تسخن المفاصل لانك مسخنهم بالسويدي اولريدي وجسمك حار" وبعدها تبدا شامل اسبوع لانك الظاهر اول مره تلعب حديد والشامل اهو تحفيز لجميع عضلات الجسم قبل البدء بالجدول .. والجدول يعني التركيز على عضلتين باليوم عضله كبيره وعضله صغيره اعلمك عليها بعدين .. ورى ماتخلص اسبوع الشامل تدش جدول طبيعي .. الشامل سبع ايام تلعبه وراح تلاحظ بعد اول يوم من تقعد من النوم ان جسمك شاد حيل ومتعور وهذا شي طبيعي ترد ثاني يوم تكمل عليه لين ماتفج العضله وتتعود على الدق .. خلص اسبوع الشامل بعدين اقولك شلون يصير جدولك ماشي ؟

يعني تلعب سويدي وحديد مع بعض .. بس راح تتعب باسبوع الشامل .. ولمه تدش الجدول راح ترتاح شوي .. راح يصير حلو لك حصة السويدي مع جدول الحديد وان شاء الله يصير جسمك مثل ماتبي واحسن

 

فيصل الظفيري

عضو بلاتيني
جسمك زين ووزنك متناسق مع طولك تحتاج الى شد وتقسيم عضلي بس


لأ مو هذا اللي اقصده

انا اقولك :

تدش السويدي يوميا .. تطلع من حصة السويدي تدش صالة الحديد على طول تسخن بالدانبل عدل تسخن الاكتاف "تسخينها مهم جدا" والباي والتراي "ماله داعي تسخن المفاصل لانك مسخنهم بالسويدي اولريدي وجسمك حار" وبعدها تبدا شامل اسبوع لانك الظاهر اول مره تلعب حديد والشامل اهو تحفيز لجميع عضلات الجسم قبل البدء بالجدول .. والجدول يعني التركيز على عضلتين باليوم عضله كبيره وعضله صغيره اعلمك عليها بعدين .. ورى ماتخلص اسبوع الشامل تدش جدول طبيعي .. الشامل سبع ايام تلعبه وراح تلاحظ بعد اول يوم من تقعد من النوم ان جسمك شاد حيل ومتعور وهذا شي طبيعي ترد ثاني يوم تكمل عليه لين ماتفج العضله وتتعود على الدق .. خلص اسبوع الشامل بعدين اقولك شلون يصير جدولك ماشي ؟

يعني تلعب سويدي وحديد مع بعض .. بس راح تتعب باسبوع الشامل .. ولمه تدش الجدول راح ترتاح شوي .. راح يصير حلو لك حصة السويدي مع جدول الحديد وان شاء الله يصير جسمك مثل ماتبي واحسن



اها فهمت فهمت

يعني بعد حصة السويدي اروح العب حديد شامل ( 7 ايام )

وبعدها الجدول

إي والله اول مره العب حديد

نورني :)
 

مدمن

عضو مميز
اها فهمت فهمت

يعني بعد حصة السويدي اروح العب حديد شامل ( 7 ايام )

وبعدها الجدول

إي والله اول مره العب حديد

نورني :)


طبعا اسبوع الحديد ليس مثل الاسبوع العادي .. اسبوع الحديد 6 ايام وفي بعض الجداول 5 وجدول المحترفين 8+1 يوم قوه بعدها راحه يومين .. انت ماعليك من هذا العب ست ايام شامل مع السويدي بعدين ريح يوم والعب اخر يوم شامل وورى ماتخلصه تدخل جدول حديد .. وطبعا مثل ما اتفقنا ماتوقف السويدي ويكون شغال وماله شغل بجدول الحديد ودايما تدش حصة السويدي قبل الحديد

الشامل: وهو عملية اعداد العضلات وتحفيزها قبل البدء بالجدول

الشامل متعب نوعا ما لكنه ممتع ومفيد راح تلعب جميع العضلات الكبيره والصغيره

الكبيره: الصدر , الاكتاف , البيطان "الظهر" , الريول "الرجلين"

الصغيره: الباي , التراي , المثلثات , السواعد , البطات

طبعا بالشامل راح تلعب كل هالعضلات ماعدا اللي باللون الاحمر .. اما اللي باللون الاخضر فيمكن ان تلعبها مع الريول بالشامل تمرين واحد .. وطبعا جميع تمارين الشامل تلعب تمرينين للعضله الوحده بس .. وطبعا عندكم مدرب بالنادي يعلمك التمارين .. واذا طلع موخوش انا اعطيك التمارين واللي تامر فيه حاضر وسامحنا على القصور
 

فيصل الظفيري

عضو بلاتيني
طبعا اسبوع الحديد ليس مثل الاسبوع العادي .. اسبوع الحديد 6 ايام وفي بعض الجداول 5 وجدول المحترفين 8+1 يوم قوه بعدها راحه يومين .. انت ماعليك من هذا العب ست ايام شامل مع السويدي بعدين ريح يوم والعب اخر يوم شامل وورى ماتخلصه تدخل جدول حديد .. وطبعا مثل ما اتفقنا ماتوقف السويدي ويكون شغال وماله شغل بجدول الحديد ودايما تدش حصة السويدي قبل الحديد


الشامل: وهو عملية اعداد العضلات وتحفيزها قبل البدء بالجدول

الشامل متعب نوعا ما لكنه ممتع ومفيد راح تلعب جميع العضلات الكبيره والصغيره

الكبيره: الصدر , الاكتاف , البيطان "الظهر" , الريول "الرجلين"

الصغيره: الباي , التراي , المثلثات , السواعد , البطات


طبعا بالشامل راح تلعب كل هالعضلات ماعدا اللي باللون الاحمر .. اما اللي باللون الاخضر فيمكن ان تلعبها مع الريول بالشامل تمرين واحد .. وطبعا جميع تمارين الشامل تلعب تمرينين للعضله الوحده بس .. وطبعا عندكم مدرب بالنادي يعلمك التمارين .. واذا طلع موخوش انا اعطيك التمارين واللي تامر فيه حاضر وسامحنا على القصور


اهاا فهمت الحكايه:p

لاهنت يالغالي

وسامحني تعتبتك معاااي ^_^
 
يعطيك العافية أخوي التائب،

أنا صار لي فترة منقطع عن الأندية الرياضية بسبب كثرة الأشغال، و ودي أعود بعد الصيف إن شاء الله.

فيا حبذا لو تعطينا نبذة شاملة عن النوادي الرياضية في الكويت، الله لا يهينك.
 

مدمن

عضو مميز
يعطيك العافية أخوي التائب،

أنا صار لي فترة منقطع عن الأندية الرياضية بسبب كثرة الأشغال، و ودي أعود بعد الصيف إن شاء الله.

فيا حبذا لو تعطينا نبذة شاملة عن النوادي الرياضية في الكويت، الله لا يهينك.


الانديه كثيره ومنتشرف بالكويت وكلها فيها الخير والبركه ان شاء الله

اذا كنت تبي تلعب رياضة الكمال الاجسام والحديد بروحها .. اي نادي يمشي معاك حتى لو كان من ذوي الاشتراكات الرخيصه .. اهم شي برياضة الحديد الاجهزه المختلفه متوفره ولجميع العضلات وان ماتكون الاجهزه "عويه" او مستهلكه ومحتاجه للتبديل وتكون شبه يديده

انا انصح لواعيب الحديد وكمال الاجسام بنادي اوكسجين لانه اغراضه للحديد كامله ومتكامله لجميع العضلات .. اما اذا كان اللاعب يبي يلعب سويدي وتايبو وحريص على السباحه بشكل يومي مع السونا والامور هذي عليه بنوادي كبلاتينيوم وفليكس بنيد القار وتشامبيون الجابريه
 
يعطيك العافية اخوي على مجهودك الرائع ..

بقيت اسالك عن تستا فون
وعن الدكة الهولندي
ومن الصيدلية بعد

شنو قوتهم على الجسم وشنو خطورتهم وشلون اتحاشى اخطر.!!
 
أعلى