سؤال وجواب عندي مشكله كبيره بالنسبه لي صغيره وتافهه ومضحكه بالنسبه لغيري

[ضاع عمري]

قسم بالله كل حرف اقوله صاج فيه ومو ماراح اكذب بشي


عندي مشكله بالنسبه لي طامه كبرى وادري في ناس بتضحك وتطنز


بس اذا شفت في طنازه وضحك بقفل الموضوع انا طارح مشكله بالنسبه لي صعبه حيل ومصيريه ساعدوني يرحم والديكم



شباب انا قلبي طيب حيل وتعبت من طيبة هالقلب بشكل. عام وعندي مشكله ثانيه الي هي لو اسمع بنت ماتت احزن عليها حيل حتى وانا ماعرفها




تكفون تعبان ذبحتني طيبة قلبي شسوي بغير هالطبع شسوي





والله تعبان

 

[ضاع عمري]

والله حيل تعبان مدري شسوي

 

[بنت القبايل]

الله يجزاج خير على هالرد ماقصرتي والله كثر الله من امثالج



تدرين اني قبل ١٠ سنين بالظبط يعني سنة ٢٠٠٤ ماكان فيني شي نهائيا كنت حيل متعافي بدنيا ونفسيا الى ان جا يوم قلب حياتي فوق تحت

اذا ودج تعرفين شسالفه كتبتلكم

١٠ سنين ساكت عن عمرك ليش ؟! علشان جذي اليوزر نيم كاتب ضاع عمري ، العمر عمر القلب مو السن

لا تكتب شنو صار لك بالنت هاذي اسرار شخصية قد يستغلها البعض ضدك ويضرك
وحتى لو كتبت لنا سالفتك احنا ناس مو مختصين
لازم تعرض مشكلتك على دكتور نفسي
راح ترجع صحتك البدنية والنفسية اذا انت قررت ذلك لأن الله لا يغير ما بقوم حتى يغيروا ما بأنفسهم
توكل على الله وروح دكتور نفسي
ويا ليت تغير اليوز نيم عمرك ما ضاع ، ما زلت حي ما زال أمامك وقت للتغيير وما زال أمامك وقت لتعيش أجمل لحظات حياتك
فقط تفائل

 

[ضاع عمري]

١٠ سنين ساكت عن عمرك ليش ؟! علشان جذي اليوزر نيم كاتب ضاع عمري ، العمر عمر القلب مو السن

لا تكتب شنو صار لك بالنت هاذي اسرار شخصية قد يستغلها البعض ضدك ويضرك
وحتى لو كتبت لنا سالفتك احنا ناس مو مختصين
لازم تعرض مشكلتك على دكتور نفسي
راح ترجع صحتك البدنية والنفسية اذا انت قررت ذلك لأن الله لا يغير ما بقوم حتى يغيروا ما بأنفسهم
توكل على الله وروح دكتور نفسي
ويا ليت تغير اليوز نيم عمرك ما ضاع ، ما زلت حي ما زال أمامك وقت للتغيير وما زال أمامك وقت لتعيش أجمل لحظات حياتك
فقط تفائل

مشكوره على هالرد وجزاج الله خير وكلامج كله صح وانا بسعى وبحاول اغير مشكوره ماقصرتي

 

[سايروس]

أبداء بتغيير اسمك أولا
تفائل بالخير
العافيه بالتدريج

 

[pupa_990]

الطيبة الزايدة مو زينه
الطيب بهل زمن ما يعيش
انا مقم اقولك لا تصير طيب
صير بس ب حـدود يعني مافيها شي اذا تضايقت ع موت احد
بس لا تتأثـر وايد عاد
اذا انت تعبت وايد وايد مو قادر..روح طبيب نفسي و والله تتعـالج لا تحـاتي
انا لان شفت جدامي ناس طيبه حيل و انداس على راسهم من اعز الناس لهم و اقرب الناس لهم
ف دير بالك الدنـيا بهل وقـت مو أمـان --- خل لطيبتك حـدود

 

[pupa_990]

واذا انته متأثر من شي صار لك
حط ب راسك ان الايام تمر و الوقت يمشي
ولازم نخطي خطوات يديدة ب حياتنا
العيش بل ماضي .. مو حل و مو تفكير سليم او صحـي
انته جي قام تقتل نفسك ب نفسك بالتفكير و الطيبه

حتى لو انته غلطت ب هل شي الي صار لك
حط ب بالك ان انت انـسااااااااااااااااان
سواء زعلت غلطت خنت غدرت اي شي صـار
انت انسان و هل شي الي قلب دنياك
واضح ان اثر فيك و بين انك شخص زيـن
لو انك مو زين جان ما همـك..
ف خفف ع نفسك
قلب الانسان صغير ما يتحمل كل هل الحزن..

 

[ضاع عمري]

واذا انته متأثر من شي صار لك
حط ب راسك ان الايام تمر و الوقت يمشي
ولازم نخطي خطوات يديدة ب حياتنا
العيش بل ماضي .. مو حل و مو تفكير سليم او صحـي
انته جي قام تقتل نفسك ب نفسك بالتفكير و الطيبه

حتى لو انته غلطت ب هل شي الي صار لك
حط ب بالك ان انت انـسااااااااااااااااان
سواء زعلت غلطت خنت غدرت اي شي صـار
انت انسان و هل شي الي قلب دنياك
واضح ان اثر فيك و بين انك شخص زيـن
لو انك مو زين جان ما همـك..
ف خفف ع نفسك
قلب الانسان صغير ما يتحمل كل هل الحزن..

شسوي مو بيدي



الدكتور النفسي يقدر يعالجني؟ وتعرف دكتور نفسي زين ؟

 

[pupa_990]

لاا للاسف ماعرف
راح اسـألك :*

 

[ملك القراصنة]

حبيبي لا يهولون فيك انت مافيك شي

ببساطه انت تخاف من الموت وقله ايمان

السؤال انت تصلي ؟ اذا كان الجواب لا صل واحرص على القران

وبس

 

[آصال]

او انك مريت بظروف تخليك تتعلق بمشاكل وازمات الناس .. حتى تنسى اللي تبيه او المشكله اللي عندك تحليلي !!!!

ايمانك ضعيف وافكارك مشتته وشرووود عجيب ..

كلنا نحزن ونبجي الفقد صعب نعرفه او ما نعرفه نتأزم ..

بس حاول توقف على ريلك تصير اقوى .. ويا عزيزي لا تصير طيب زياده عن اللزوم لانه راح تييك طقه عالراس ..

 

[ali111]

أنا كنت مثلك طيب وأهتم لكل شي وبسرعة اتأثر لدرجة لو تقط علي كلمة تجرح تشوفني اتنكد اسبوع وافكر واشغل بالي على شي تافه
ولما يتكلمون عن أحد أتأثر بسرعة ومن هالكلام الفاضي الي ضيعت وقتي فيه !!
جملتك (( زين ياغالي هل انا اذا بقيت اشوف احد بالجنه ابي جه اشوفه مثلا شخص بالدنيا شفته وما اعرفه وابي اشوفه بالجنه يصير؟))
والله ضحكتني وذكرتني بنفسي
ياخي في أوادم من تناظره أول نظره ودك تعيش معاه وتبيه سبحان الله
بس لو تعرف حقيقته يمكن يتكره كره العمى وما تشتهيه والناس مخابر مو مناظر

ياخي لا تهتم والله محد بينفعك يلعن ابو ذا الدنيا الوصخه اقسم بالله مافيه احد بينفعك حتى اهلك وبتكتشف مع الايام محد يهمه غير نفسه
نصيحة لا تدور إلا راحتك مع نفسك وماعليك من الناس تهتم لهم وتروح تشيل همهم وأنت محد داري عنك ولا مت من بيتذكرك ؟ محد داري عنك
نصيحة أنت الحين دامك حر وعايش حياتك لا تهتم ولا تشغل تفكيرك عيش اليوم بيومه وابحث عن سعادتك

عموماً لا تشغل تفكيرك وشكلك انطوائي وتحس بالوحده
ترى علاجك مو انك تروح وتطلع وتحوس لا ابداً
علاجك الوحيد أنك تغير نظرتك للحياة رح تستغرب اشلون ممكن نظرتك للحياة تغير حياتك 360 درجة
وإن شاء الله تتخطى هذي المحنه وأنصحك تبحث عن الصحبه الصالحه وتغير جوك لا تعيش على روتين واحد

وأبيك تشوف هالفيديو هديه مني لك

وسلامتك حبيبي:وردة:

 

[الفوهرر2013]

بدايتا اشكر كل اخواني اللي ردو عالموضوع
اول شي اهنيك على طيبة قلبك واعلم ان هالصفة كانو الانبياء عليهم الصلاة والسلام يتحلون فيها شوف وانا اخوك انت ما فيك الا العافية وصدقني الشيطان للاسف قاعد يتمكن منك وين المشكلة قلب طيب بس لازم تكون ذكي ومفتح وتفكر بالامور وتوزنها وليش وانا اخوك تفكر تنتحر انت انسان مؤمن بالله سبحانه وتعلم ان اللي ينتحر ربك يحرم عليه الجنة ويتعذب بقبره وصدقني لو مرت عليك كل مصايب وبلاوي الدنيا ما تساوي ثانية امام منكر ونكير وهم يعذوبك اذا انتحرت او اغضبت ربك عليك اافا عليك بس والله اني انا ياما سامحت ناس وكسرو خاطري ناس وافتخر ان قلبي طيب بس احمد ربي ما ينضحك علي واكون حذر من كل شي وفطين وذكي وابد ما تحتاج علاج نفسي خير شر وفكرة الطب النفسي اصلا كلها خرافة العلاج النفسي القران والذكر والدعاء والعمل الصالح هذا اعظم واقوى علاج وبالنسبة اللي تحبه وتبي تشوفه بالجنه اكيد ان كان من اهل الجنة بتشوفه وتسولف معاه وصدقني ان دخلت الجنة ان شاء الله منت لاهي جدامك حور العين ههههههه وانهار ونعيم ابدي وتفكيرك كله راح يتغير
واذا مات شخص عزيز عليك ابد ادعيله بالرحمه واستغفر له والله وانا اخوك ان المؤمن الحقيقي ما يخاف من شي حتى الموت لانه مستعد عدل وباني بيته بالاخرة الحين بسئلك اللي يدرس عدل ويحفظ ويسهر الليالي عشان ينجح يخاف من الاختبار ؟؟؟ اكيد لا فانت صل وتقرب من ربك واذكره وصدقني بالذكر تشعر براحة وثقه بالنفس ما تنوصف وربك سبحانه قال الا بذكر الله تطمئن القلوب .
وان ابتعدت عن ذكر ربك تعيش عيشه ضنكه حزينه قاسية وربك قال ومن يعرض عن ذكري فان له معيشة ضنكا.
عيش حياتك وانا اخوك واعمل لاخرتك ودنياك ولا تشغل بالك بوساوس الشيطان ترى طلع ابوك ادم من الجنة وكل المصايب اللي نشوفها اليوم وراها الشيطان تعوذ منه واذكر ربك وادعيه بالثلث الاخير تراه رحمن رحيم رؤف بالعباد والله ثم والله انه احن عليك من امك ورحيم فيك ادعيه وتغرب منه ولا تغضبه سبحانه ان حبك انصرك ووفقك ودخلك الحنة وان غضب عليك منو ينصرك؟؟؟؟؟؟؟
صدقني اني اشوف فيك الخير وان ربي حابك واتمنى ما تنسى ربك وعسى ربي يثبتك على الحق ما ابي اقول يشفيك لانك صاحي وما فيك الا العافية بس وسواسي شوي وامرك سهل وابتعدل عن العلاج النفسي ابتعد ابتعد ابتعد مافيك شي لا يلعبون دامك تشبك وتطرح مواضيع وتفضفض انت بكامل عقلك بس يبيلك تمسك بدينك وقرب من ربك وفالك الجنة وان ربك كتب ان شاء الله ودخلت ترى عزيمتي عليك اوك ههههه
واي شي تبيه سؤال او استفسار انا اخوك وحاضر وشكرا

 

[ضاع عمري]

☺️مشكور يالفوهرر

 

[ضاع عمري]

مشكور ياعلي وأصال




والشكر عل كل من رد على الموضوع

 

[تويتر الكويت]

تحتاج علاج بالرقية الشرعية
لان اعراضك نفس اعراض المصاب بالعين او السحر