التجنيد الالزامي من جديد

ولد الوطن55

عضو جديد
السلام عليكم ورحمة الله وبركاته
منذ ايام تم تداول خبر في مواقع التواصل الاجتماعي وبعض الجرائد المحلية عن التجنيد الالزامي وفيما يلي الاخبار الي وضعت بهذا الخصوص

490760-3.jpg


اكد نائب رئيس مجلس الوزراء ووزير الدفاع الشيخ خالد الجراح ان قانون التجنيد سيبحث في دور الانعقاد المقبل في مجلس الأمة، مؤكدا حرص «الجميع» على هذا القانون.



Bu_zSATCQAEbgmm.jpg



=================

تعليقي: القانون اثبت فشله في السابق وبرأيي عودته لا فائدة منها مجرد هدر المال العام على أشياء ما تسوى اما الي يقول اوضاع مع اوضاع لي صارت الصجية امريكا موجودة ولا التجنيد ما ينفع. والغريب ان بشهادة ناس وايد خاضوا هالمجال انه فاشل.

عندنا مواضيع أهم نلتفت لها ونحلها شفايدة هالقانون في الوقت الحاضر!!

رايكم في الموضوع وتوقعاتكم هل سيطبق أم لا
وعطونا وجهة نظركم


اخوكم،،،، ولد الوطن55​
 

alkingz

عضو
كل سنه يقولون هل كلام ومافي تجنيد واذا صار قانون التجنيد راح يلغونه لان الحين جيل الماك تشكن وبلاك بيري وايباد ما يرضون بالتجنيد الالزامي واكيد راح يرفضونه
 

ميكائيل

عضو جديد
الكل يتفق انه امر مهم ويفيد البلد.. تدريب الشباب على الخطر ووالخ.
لكن سيطبق على فئه محدده والباقي واسطات واسماء ماتدخل.
ومثل ماتفضلت امريكا موجوده :)
وشكرا.
 

خطاب

عضو ذهبي
ماراح يطبق لان مثل ماذكر الاخ الكينغ عيال التجار والشيوخ شنو وضعهم ومنو يقدر يفرض عليهم وهم اصحاب القرار

بالامارات طبقوه لكن هل على الكل؟ لا طبعا وماشفناه رسميا


والاخ اللي فوقي
مو الغايه منه التدريب والرجوله الغايه منه زيادة الولاء وغرسه في قلوب الشباب وافهم يافهيم
 

غيث

عضو مخضرم
حلوه يشمل الجنسين :D الظاهر مستشاريهم على شاكلت ابن العلقمي
اتحداهم يطبقون قانون تجنيد الجنسين
ولا اشك انها فقعات كي يشغلون العالم عن التذمر من العبث بسحب الجناسي
 

قبس

عضو مميز
مختصر الكلام

انت هاقي شي زين من الدولة للشعب؟!

يبا الاضرار بمصالح البلد الداخلية والشعب هو هدف الحكومة
 

ولد بيان

عضو فعال
سؤال موجه للكل ... التجنيد الالزامي للبنات يخليهم مسترجلات + عيال التجار و الوزراء والوكلاء والشخصيات هامه مراح يدخلون + 70 الف للمطلقه واعانه من شؤؤن يعني الحكومه اهي السبب او المستشارين ......
 

قبس

عضو مميز
سؤال موجه للكل ... التجنيد الالزامي للبنات يخليهم مسترجلات + عيال التجار و الوزراء والوكلاء والشخصيات هامه مراح يدخلون + 70 الف للمطلقه واعانه من شؤؤن يعني الحكومه اهي السبب او المستشارين ......
مسماه مستشار

الي عطى القرار ملكة التفكير عنده ميته؟
 

ولد بيان

عضو فعال
ياريت يطبقونه .. عالاقل نفتك من الجنوس ..

تفتكين من الجنوس ؟ تدرين الجنوس شنو علاجهم اول شي وله تفكيرج حال الي على كيفه علاج الجنوس اهو علاج نفسي لاتقولين تجنيد وبطيخ فكري ب عقلج قبل جواب
 

آصال

عضو بلاتيني
الجنوس علاجهم خيازرين املحه ..

دلع وولع ووفلوس ورفاهيه وسفرات والله ما شفناهم تعقدوا من الفقر حتى الطب النفسي حاطينه حق المجرمين .. اشوف الميانين كلهم برا وماسكين مناصب .. عرفت شقولك يابو العريف
 

ولد بيان

عضو فعال
الجنوس علاجهم خيازرين املحه ..

دلع وولع ووفلوس ورفاهيه وسفرات والله ما شفناهم تعقدوا من الفقر حتى الطب النفسي حاطينه حق المجرمين .. اشوف الميانين كلهم برا وماسكين مناصب .. عرفت شقولك يابو العريف

كل الناس تسافر وعايشين برفاهيه يعني الي عايش برفاهيه وسفرات صار جنس ؟ يعني انتي مو عايشه برفاهيه وله تسافرين اله بسنه او سنتين بعد ف هذي مشكل الحسد مشكلتج تحسدين الي عايش بخير ومدلع نفسه لحد يضحك عليج قالت طب النفسي حق المجرمين روحي الطب النفسي بتشوفين ناس فيها صرع وامراض اكتئاب يعني مجرمين ؟ كلام ضايع وياج بس ماوصيج احسدي الي عايش برفاهيه هههههههه
 

آصال

عضو بلاتيني
رحت الطب النفسي 90 بالاميه ادمان ومجرمين ..

لا والله مو عايشه برفاهيه .. ادخل جمعيه عشان اسافر .. واروح الجمعيه وقت التخفيضات ومافكر ادش مركز سلطان .. ؟


اللي عايش بخير عليه بعافيه ويارب يعطيني نفس ما عطاه .. والكويت متروسه جنوس .. تعال شوفهم بالمطار والمجمعات وبالشوارع عالملأ ..

ويشوفونك انته شي دخيل عليهم مو اهمه
 

prince

عضوبلاتيني
ماراح يطبق التجنيد الالزامي ...
وممكن يكون هناك ماهو افضل لو عملوا محفزات للجيش بشكل مغري كي ينخرط الشباب بالسلك العسكري برغبه .
 

واثق

عضو
على اساس ماكوا جنوس الا عندنا الدول الخمس العظمى فيها وبعضهم مسموح زواج المثلين وهم اقوى دول والعسكريه مالازم تتوصخ بهالاشكال ومساحتنا ماتسمح لانه أي حرب المناطق الحيويه بمرمى الصواريخ والكثافه الناريه راح تمسجنا مسح
 

ذو الهمه

عضو بلاتيني
شباب ناعم وقليل خلق وظواهر تافهه بالمجتمع واتكاليه بكل شى وجرائم بسبب عدم الاحساس بالمسؤوليه
ما يحلها الا تجنيد حللى العالم تعرف الخشونه
 
أعلى