سؤال وجواب تحليل لمعرفة إصابه بالكبد الوبائي والأيدز ..

[شبابي]

السلام عليكم

يا الربع بأي مكان يقدر الواحد يسوي تحاليل لأمراض الكبد الوبائي و الايدز (الله يقينا شره) ؟؟

الموضوع هام وضروري ,,

 

[شبابي]

يا اخوان الموضوع جاد ,,


نبي الجواب الأكيد ,, لان صاحبنا بالدوانية بالموت أقنعناه يسوي التحاليل ..

 

[آصال]

كل مكان ؟

روح اي عياده تحليل دم بالسالميه سالم المبارك متروسين ..​

 

[شبابي]

كل مكان ؟

روح اي عياده تحليل دم بالسالميه سالم المبارك متروسين ..​

نبي الأكيد ,, اسم العيادة ومكانها وشنو نوع التحليل !!

نبي ناس مجربه ,,


الله لا يهيينكم

 

[عاقل ومجنون]

اذا علشان وظيفه تروح مجمع الاوقاف الدور الثانى ويعطونك ورقه تروح

فيها لمنطقه الشعب السكنيه فيه مختبر خاص لشغلات هذى .

ويفحصونك دايركت اللى بالشعب اذا مو علشان وظيفه وتدفع اعتقد

عشرة دنانير .

والله اعلم .

 

[المهذب]

قبل تقريبا 7 سنوات كان فيه قسم تنظيم الاسرة في مستشفى الصباح يسوي فحص الايدز

وأعتقد ان جميع المستشفيات الحكومية تسوي فحص الايدز بس تنظر النتيجة بعد اسبوعين

 

[عذب الاطباع]

انا قبل اسبوع رايح المستوصف وسويت تحليل دم شامل ( وظيفة الكبد والكلى ونسبة الاملاح وغيرها )

 

[الفوهرر2013]

اخوي بدال ما اتعب حالك وتدفع فلوس
روح طال عمرك لبنك الدم اللي بالجابريه وتبرع بالدم ان فيك شي لا سمح الله رقمك عندهم ويبلغونك
وان ما فيك شي ما يتصلون عليك ف انت اتصل عليهم بعد 2 يومين من التحليل وشكرا

 

[شبابي]

الشكر لكل من شارك ,, وتقريبا استقرينا على مختبر الخليج بالبلاجات ,,

بس صاحبنا هون يروح ,, قاعد احاول فيه .. دعواتكم

 

[بدركوم]

اخوي بدال ما اتعب حالك وتدفع فلوس
روح طال عمرك لبنك الدم اللي بالجابريه وتبرع بالدم ان فيك شي لا سمح الله رقمك عندهم ويبلغونك
وان ما فيك شي ما يتصلون عليك ف انت اتصل عليهم بعد 2 يومين من التحليل وشكرا

من اسوء النصائح


لنفترض انه مريض " لا قدر الله " وتبرع وحصل خطأ ولم يعرفو انه يحمل هذا المرض وتم اعطاء هذا الدم طفل سليم واصبح مصاب بالمرض !!!

هل يستحق ان يضحى ب 20 او 30 دينار بحياة انسان اخر ؟


اما صاحب الموضوع اذهب الي المستوصف واطلب تحليل شامل للدم من جميع الامراض وسيعطيك ورقة للفحص وتاتيهم اليوم الثاني بعد الصايم 14 ساعة للتحليل

فقط

 

[ابونايف السعيدي]

مافيه الا مختبر الشعب الحكومي ومختبرات المتحدة اللي بالجابرية يعملون فحص الايدز الله يكفينا والمسلمين شرة

 

[كلينكس]

روح مستشفى السلام مبنى المسيله قط فلوسك وحلل

 

[بسامكو]

اخي الكريم.
الكلام الاكيد والموثوق فيه
كل المختبرات الخاصه بالكويت اتسوي تحليل الايدزو بكل سريه والافضل تفحص عن كل الامراض الجنسيه (STD Test) ، و يقولون لك لا سمح الله اذا طلع شي رووح انت ابنفسك وعالج بس النتيجه اطول اسبوع .
الافضل والاسهل للكل روح دبي ومن فينا مايحب دبي (google it "STD Blood test laboratory dubai") ويطلعلك 1000 مختبر واتحلل الصبح و قبل المغرب دازين لك ايميل نتيجتك ! في اسهل من جذي ؟ الله يعافيه انشالله و يستبشر بالنتيجه ، و على فكره فايرس الايدز انتقاله جدا صعب

 

[aboyaseer]

اخي الصحه وفرت مكتب للصحه الوقائة بكل محافظه وبكل منطقة صحية مركزية

ادخل على طبيب الصحه الوقائة في اي مستشفي حكومي واسأل مكتب الصحه الوقائة

وهو دوره الاهتمام بذلك

ياخذ منك العينه ويخبرك بكل شىء

لكن اذا فيه شىء لا سمح الله اسمك بينزل

في القائمة السوداء بوزارة الصحه

حسب رقمك المدني

ومتى ما دخلت اى مكان بوزارة الصحه يظهر اسم حامل الفايرس

وان شاء اله مافي الا العافية ويبدو انك موسوس

وان فايرس الكبد اذا ما اصيب احد به ففترة الحضانه بالجسم 8 اسابيع تقريبا

فلو سافرت لدول مشبوهة أو ارتكبت شىء أو أكلت شىء وشكككت في فايرس الكبد فتظهر النتيجه بالأعراض حرارة اسهار اصفرار بالوجه وبكل افرازات الجسم تظهر خلال 8 اسابيع

فإن لم يظهر شىء

خلال 8 اسابيع اذا بفضل الله لا يوجد شىء

اما الايدز الخبيث فحضانته تطول وظهوره جحيم

تدمير انسان وزوجته وأطفاله وربما من حوله

نسال الله السلامه للجميع