سؤال وجواب أبي أشتري من مكتبة النيل والفرات

[so alone]

السلام عليكم
أبي أشتري كتب من مكتبة النيل والفرات على الانترنت
https://www.neelwafurat.com
مو عارف شنو احط عنوان البريد؟
حاطينلي اختيارين: البريد المضمون وبريد دي اتش ال
أنا عندي حساب على أرامكس ومومشكلة اقدر افتح واحد ثاني على الدي اتش ال
بس اذا فتحت على الدي اتش ال راح يعطوني 6 أو 7 صناديق في أمريكا والصين وبعض دول أوربا
ما يعطوني صندوق كويتي فشلون استلم الكتب​

 

[so alone]

محد يعرف !!!
انزين افتح صندوق بريد كويتي خاص فيني شلون؟؟؟​

 

[تويتر الكويت]

محد يعرف !!!
انزين افتح صندوق بريد كويتي خاص فيني شلون؟؟؟​

هل تقصد صندوق بريد عادي تابع لوزارة المواصلات ؟

 

[مطمئن]

مرحبا
أنا أطلب منهم كثيراً.

حط عنوان البريد الدي أتش أل ( عنوان بيتكم) و راح يوصلك للبيت على طول.

لا تدش بمتاهات صندوق بريد وغير ذلك.....


بالتوفيق

:وردة:

 

[so alone]

تويتر الكويت
إي كنت أقصد تابع لوزارة المواصلات

عنك
إذا حطيت عنوان بيتنا مكان صندوق البريد راح يوصلونا بيتنا عن طريق دي اتش ال بدون مايكون لي تعامل معاهم؟
أنا سويت جذي بس للأسف طلعتلي هالرسالة
غير مسموح للبلد استعمال الدفع الانترنت (الصورة في المرفق)
بطاقة الفيزا الي عندي خاصة بالشراء من الانترنت مطلعها من البنك الأهلي



​

 

[مطمئن]

مرحباً
أحسن طريقة أنك تحط عنوان بيتكم و بعد أستكمال كافة البيانات تختار الدفع عن طريق ( ويسترن يونيون)

راح تلقى حاطين أسم شخص بالمكتبة عندهم ترسل الحوالة بإسمه

وأول ما تدز الحواله دق عليهم عطهم رقمها و راح يبلشون بإعداد الطلبية لك

الموضوع سهل جداَ... طلبت منهم في حدود ال 15 إلى 20 مره بنفس الطريقة.

بالتوفيق

 

[so alone]

راح أجرب هالطريقة
أشكرج أختي

 

[تويتر الكويت]

تويتر الكويت
إي كنت أقصد تابع لوزارة المواصلات​

اخوي الحصول على صندوق بريد سهل جدا
ما يبيله شي و اجراءاته سهلة وتخلص في نفس اليوم خلال دقايق
تاخذ بطاقتك المدنية و تروح لمكتب البريد اللي في منطقك
وتدفع رسوم فتح صندوق البريد وهي رسوم رمزية بسيطة
رسوم تدفع كل سنة مرة مبلغ بسيط جدا اذكر قبل كان عشر دنانير
و مكاتب البريد موجودة في اغلب المناطق عند الجمعية التعاونية