سؤال وجواب اجراءات صبغ سيارة

[جيمس بوند الكويت]

السلام عليكم

يا جماعه بسال عن صبغ السيارة

شلفرق بين الميتاليك والعادي ؟

وهل صحيح ان المطفي يكون عازل للحرارة ؟

واهم شي الترخيص او اذن تغيير اللون من وين اطلعه اى ادارة بالضبط

شاكرلكم مقدما

 

[ابعتذر]

تغيير اللون من عند الفحص الفني ولازم حضور السياره قبل صبغها

اما الصبغ فنصيحتي لك اصبغ في الصيف لان افضل للصبغ بالحر
واما من ناحية عزل الحراره ماله شغل الصبغ في عزل الحراره
واهم شي تصبغ في كراج عنده فرن

 

[جيمس بوند الكويت]

اخوي دقيت على الفحص الفني قالو مالنا شغل

 

[ابعتذر]

اخوي دقيت على الفحص الفني قالو مالنا شغل

انا غيرت لون سيارتي بس قديم
والي غير لي هالشغله مكتب ملاصق للفحص الفني في مرور الاحمدي

انت ليش تدق تلفون
شغلتك ما تاخذ نص ساعه يا جيمس بوند الشبكه

 

[Greis]

عليكَ السَلام و الرحمة ,,
بكُل بَساطة أول الخَطواتـ، أنك تصبغ السيارة ثُمَّ تذهب إلى مكاتب التأمين و تقول بأنّك غيرتـ، صبغ السيارة و تذكر الصبغ الجديد ثمَّ يعطيك ورقة
بعد ذلك تذهب للفحص الفني و تذكر له بأنك مغير لون السيارة و يتفحّص رقم الشاصي لـ، يتأكد أن رقم الشاصي مطابق لـ، رقم الشاصي الموجود في الدفتر ثُمَّ يعطيك الموافقة لـ، تذهب تستخرج الرخصة الجديدة من المرور .

 

[جيمس بوند الكويت]

شكرا على التوظيح

خدمات الحكومة مافيها جيمس وشومخر