سؤال وجواب اذا كنت تبي تفتح بقالة اي منطقة تختار

[عبدالله الرشيدي]

السلام عليكم

انا ابالي افتح بقالة والحمدلله درست الموضوع من ناحية تالرخص و توفير البضاعة لكن الأرباح

تعتمد على موقع البقالة بالدرجة الأولى ف مثلا في بقالة متنقلة عند بانزين العارضية 24 ساعة شغالة وعندها زحمه الله يرزقك راعيها وفي بقالة بنفس المنطقة بين البيوت محد درى عنها

ف سؤالي لكم وين افضل منطقة للبقالة بالكويت

 

[غيث]

كل تجارة لا تستطيع جردها لا تستحق المجازفة
من الصعب السيطره على ما يتم بيعه وان كنت ناوي ضمن البقالة ابرك لك

 

[مساعد الشويب]

اخوى مشروع ناجح ولازم تبحث عن الموقع المميز

اما بنسبه للبقاله الي عند بانزين العارضيه

هذي لشخص معاق وله رخصه البقاله المتنقله وهذا مكانه اكثر من ١٥ سنه

انصحك بطريقه الاولى
الموقع المميز مثل صناعية العارضيه او الفروانيه او تحت عماره جديده

وانصحك في البدايه العمل انك تحط اكثر (( من بنغالى )) بإداره سوريه او مصريه

وعسي ربي يوفقك ان شاءالله ​

 

[بوعوض]

موفق خير بس جوف انا الحين هم قاعد احاول افتح بقالة ورحت وايد اماكن السالمية المهبولة حولي خيطان فروانية ولازم اتعرف شغلة يمكن اتضيق خلقك وبما انك سألت عن ( الموقع ) يعني انت ماتعرف

اردى بقالة او محل يديد بدون خلو ومحل صغير لقيته كان اجاره 700 دينا وكحيان المحل طايح حظه ر واكثر شي لقيته 1550 دينار المبالغ نار وانا اخوك اذا تبي 400 الاجار فإنسى ترا الموقع ياخذ وقت يعني اقل شي شهرين اتدور او اذا الله رزقك

يعني انا لقيت بقاله ابخيطان خلوها اب 25 الف دينار واجارها كان 1200 يعني وااااايد الارقام فلكية حق واحد مثلك ومثلي اول مره يبون يفتحون محل

وبالنسبة للعماله هاذا حسب الشخص ولاتنسى المحاسب اقل شي ياخذ 400 دينار شهري بس مادام البزنز مالك طيعني جااااااااااااااااااااااااااااااااااااااابل المحل لاتخليه جذي بإدارة غيرك يعني كل يوم روح جابل

وخل عنك راس مال زين يعني لاتحط بالك 7000 دينار يعني على الاقل عدي سقف ال 10 الاف عشان اذا خسرت عندك احتياط

وجوف انا اعرف حمدالله الشركات اللي تورد وعندي لسته بس ما تواصلت معاهم اذا تقدر اتفيدني ارجوا انك ترد علي ابتعليق يعني شلون نظامهم ووين اشتري ثلاجات وارفف اذا تكرمت الخ

وعسى الله يوفقك

 

[جيمس بوند الكويت]

مصخرة بقاله بـ 700 دينار ؟؟ مشاركة بالحلال والله اخص من المافيا

على الاقل المافيات اشكره يبوقونك عيني عينك لكن الي عندنا ياخذون حلالك ويخسرونك باسم التجارة

اخذ فلوسك سوولك مشروع برا الله يعز اوربا الي عزت العالم كله

 

[آل باتشينو]

شنو هذا خلو 25 الف يعنى حتى مو تمليك !! وفوقها تدفع 1200 شهريا 20 الف بالسنة يا حبيبي اجرام ما بعده اجرام