على السادة المسافرين ربط الاحزمة

[رُبـّـمــا]

أختنا ربما شكراً:وردة:


أختنا خجل ...أجمل تعليق:وردة::إستحسان:

ولو ..:مصباح:

كابتن الرحلة يتمنى لكم أوقات سعيدة ,
وفرصة بعد تمر Argos وتاخذ لك منه جم دفاية حق البيت الجديد ..

 

[رُبـّـمــا]

هلا ربما وينج ترى قلت لولدي ينطرنا هناك !! فيني عجله للندن

كنت اشيك على الفيز

 

[رُبـّـمــا]

قواكم الله احبتى
بسم الله ما شاء الله تبارك الرحمن
اكثرت الرحلات هالايام
اللهم زد و بارك
فكرة رائعة :إستحسان: يا سيدة الشبكة @رُبـّـمــا :وردة:
بس ما قلتى لنا يا اختى
الرحلة بروحنا و إلا مع عوايلنا ؟
و كم يوم حتى نحسب حساب ؟

بس
أنا أملاحظ الحريم اللي نشفوا ريجي ذاك اليوم و كانوا خايفن من البحر
اشوف متشجعين هالمرة محد منهُمن قالت انا خايفة
يطلع لنا فك مفترس جوي
أو خافيه من المطبات الهوائية
اشمعنى يعني
و إلا عشان فيها لندن و تسوق ؟
عموما يبدو ان صار عندهن مناعة عقب الرحلة البحرية
خلاص ذهب الخوف :إستحسان:

بيني و بينكم
هالمرة انا اللي خايف ؟
على قول اخوي العود بو محمد الركوب في طيارة
تسوقها اختى ربما مغامرة
لا و انت الصاج يا بومحمد مو مغامرة
إلا مجازفة
مير لو صار فينا شئ في البحر في أمل للنجاة
لكن لا طاحت الطيارة
رحنا من جيس اهلنا
الله الحافظ
شكلي بهون
اقعد اهنيا بجزيرتى استمتع
good luck to all :وردة:

​

بدينا حسد

الله يهديك يا بوعبدالله مودينا بطراد تقول يخت
مالوم خواتي يوم تخوفوا من الرحلة ..

-------- منكر حسنا




وطول ما انا ورى سكان الطيارة مامن خوف إن شاء الله تعالى
وإن طاحت الطيارة تجمعنا الجنة


بالنسبة للرحلة والمرافقين
انتو واللي يعز عليكم

وكل شي مرتب له من تمشي وسهرات وتسوق لحد يحاتي الوزن اشترو اللي بخاطركم انتو واسركم الكريمة تم التنسيق مع شركة الصقر للشحن .

 

[khalid ahmed]

ولو ..:مصباح:

كابتن الرحلة يتمنى لكم أوقات سعيدة ,
وفرصة بعد تمر Argos وتاخذ لك منه جم دفاية حق البيت الجديد ..

دمج عسل كالعادة

 

[رُبـّـمــا]

رائع!!
:إستحسان:
تم تأكيد الحجز .. المقعد 4D

​

أحلى خطوط طيران وأحلى مسافرين :نجمة::نجمة::نجمة::نجمة::نجمة:

ابداااع :مصباح:






مسافرينا ازكرت :إستحسان:
افرحي يا لندن :امرأة:

 

[khalid ahmed]

ربما الكابتن ! والله كفو كويتية كابتن ! نعم الكويتية سباقة :إستحسان: يا سلام بييب معاي حب شمسي ورواية لأجاثا كريستي

 

[رُبـّـمــا]

ربما الكابتن ! والله كفو كويتية كابتن ! نعم الكويتية سباقة :إستحسان: يا سلام بييب معاي حب شمسي ورواية لأجاثا كريستي

كل اللي بخاطركم هاتوه معاكم :إستحسان:

,آخر الطيارة فيه ديوانية للأعضاء مساحتها 4x4

 

[خجـل]

ربما الكابتن ! والله كفو كويتية كابتن ! نعم الكويتية سباقة :إستحسان: يا سلام بييب معاي حب شمسي ورواية لأجاثا كريستي

ذكرتني بقصص اجاثا رحت اشيك على اللي عندي قلت ناخذهم نتسلى
جريمه فوق السحاب يامحاسن الصدف



:وردة:​

 

[khalid ahmed]

ذكرتني بقصص اجاثا رحت اشيك على اللي عندي قلت ناخذهم نتسلى
جريمه فوق السحاب يامحاسن الصدف

مشاهدة المرفق 9411

:وردة:​

حتى الحب بالتوابل هذا غرامي لااااا شهالصدفة الجميلة :وردة: عليج الحب والقصص والقهوة علي

 

[رُبـّـمــا]

جهزو تذاكركم اعزائي ..
ورانا رحلة ونيسة ..وايام راح تذكرونها .


ولا تنسون تاخذون راحتكم الطيارة طيارتكم ..:امرأة:

 

[رُبـّـمــا]

اخواني خالد احمد وفاكهة الرمان خجل نسيت ابلغكم ان الدور الثاني بالطيارة يوجد مكتبة
متواضعة بحجمها نعم ولكن عريقة بمحتوياتها.. تقدرون تستفيدون منها طول رحلتنا اللي راح تستغرق ست ساعات .:إستحسان:

 

[غيث]

طبعاً انا فوق ميتين كيلو
واقترح عليج ياكبتن ربما خجل ما تاخذينها ما خلت مكان بطيارتج فاضي من قشها
وافكر الحقكم بسيارتي اخاف فيه إرهابيين وياكم بعد مو ناقصين تدعمون قصر بكنغهام
المهم بخاويكم وامري لله بس جنب الدريشة

 

[رُبـّـمــا]

طبعاً انا فوق ميتين كيلو
واقترح عليج ياكبتن ربما خجل ما تاخذينها ما خلت مكان بطيارتج فاضي من قشها
وافكر الحقكم بسيارتي اخاف فيه إرهابيين وياكم بعد مو ناقصين تدعمون قصر بكنغهام
المهم بخاويكم وامري لله بس جنب الدريشة

لا ماراح ندعم قصر باكنغهام
ولكن راح نويّل فوقه :امرأة:



خوش تصميم :إستحسان: :إستحسان: :مصباح:
مسافرينا ذوووق

 

[أفراح الرّوح]

يُـــــــــووووبَــــــــاااا
واخييرا انا هنِــــيهْ ،
ميمتي والله ماشفت الموضوع الا من شوية
ماشاء الله،أشوف الرّكب اكتمــلْ ،
ومابقى إلّا الفاضلانprince+Gries
والفاضلتان'فوّضت أمرها لله'والغالية'الأفق البعيد' ،
وتنطلق الرّحلــة ،
طيران شبكيْ تحفة ، وخاصّة لمّا شفت مجموعة'خجلْ' حقّ'أجاثا الرهيييبة'،
حسيت جنّي نطّيت من الشاشة والتهمتهم ،والله أعشق كتاباات هالجنّية وأحسها مو طبييعية أبدْ ..
مييمتي ، من الكويت للندن تستغرق المسافة حوالي6ساعات،
بس من الدزاير يمكن ساعتين ونص .. أقول يمكن،لأني أقارن بالمسافة بيننا وبين باريس،وأضيف زيادة ..مع العلم أني مو كفوة بتاتًا بالحسابات..
حجزت تذكرة ، ورح اتشرّف أكــون ذوّاقــة الّرحلة ، قصدي اللي تطبخوا سادات المطبخ الملكي،
رح اكون اول من تتذوقو،على شاكلة'فولك'المرأة الألمانية اللي كانت تتذوق الأكل قبل 'هتلر'
بس مو نقص ثقة في الشيفات الحلوات لاا أبدْْ بس لأني بجوع بسرررعة ،وياادوبْ أصبر حتى ينضج الأكل
والعياال داايمن جذيه،ونا العيّلة هنيه وأصغركم كوووووولكم
خلااصْ رح تلاقوني ب'هيثرو' ناطرتكمْ ، ورح يكون نصيبي برفقتكم في رحلة الرّدّة
والله فكرة جُــــونَـــانْ ، تسلميلي ميمتي الذوووق ، الله لايحرمني منج ومن عقلج،
وعسى ماا أنحرم من شوفتج فالدنيا قبل الآخرة يااااااااااااااااااااااارب
احبج ماماتِي:قلب:

 

[أم فواز]

لا تحاتين طلعت مرسوم كل الكراسي اللي يم الدرايش للعضوات , :إحتضان_امرأة::امرأة::إحتضان_امرأة::إحتضان_امرأة::امرأة:
جم ام فواز انا عندي ,

نبي ميني بسبوسة حق الرحلة ما نستغنى عن ابداعاتج يا ملكة الطبخ :قلب:

حق اللي ما سمع ان الكراسي اللي يم الدريشة حقنا

والميني بسبوسة اشتهيتها اليوم وسويتها افا عليج بس

 

[رُبـّـمــا]

​

في المطار :فيلم:

أم العيال تسحب جناطها بيد ماسكة التذاكر وعين على الساعة والقلب مشغول :قلب_مكسور:
أم فواز ياية مستنة وتدعم وحدة ذربة هالوحدة واضح انها من طبقة مخملية عصّبت بنظراتها على أم فواز ولا ردت حتى بكلمة وحدة .
ما نقدر نلومها تواير جنطة ام فواز بليّة و تعوّر

هالوحدة الذربة واقفة تكلم ولدها :
ما راح أتأخر حبيبي شهر وراجعة , محتاجة اغير جو عشان ارجع لكم متجددة ونعيش بمحبة أكبر ,
لا تنسى ,,فرّش اسنانك قبل لا تنام وخل بابا يقرا لك من الكتاب الجديد كل ليلة قصة .

ام فواز تنطرها تخلص كلامها : آسفة السموحة أختي .
الذربة : خلاص اختي إتس اوكيه .

أم العيال تشوف الموقف وبقلبها : ادعمتج خير يا طير
مرة ثانية أم فواز : السموحة اختي ما انتبهت لج


من بعيد خجل ساحبة وراها خمس اجناط سفر متعددة الاحجام مابين تمشي ومابين تركض
لابسة كعب عالي ومن توترها لا تطير عنها الطيارة خانتها الخطوات وطاحت , بس الحمد لله رب العالمين ما تعورت , دافعة بلى هالبنت .

خالد أحمد ماسك جنطته السمسونايت بيد وتذكرته باليد الثانية حذف الجنطة وركض باتجاه خجل
خالد أحمد : عسى ما تعورتي ؟
خجل : أبد سلامتك .
خالد احمد : صوتج مو غريب علي
خجل : ولا انت
خالد احمد : انتي مسافرة دراسة او سياحة ؟
خجل : لا هذا ولا هذا
خالد احمد : علاج ؟ بعيد الشر عنك :رجل:
خجل : يكفينا شرك
خالد احمد : آسف
خجل : الحقيقة انا معزومة على لندن
خالد احمد : سبحان الله وانا بعد
خجل : صدفة
خالد أحمد : الأستاذ ياسين الحساوي الكاتب في جريدة النهار هو اللي عازمني
خجل : معقول ؟
خالد احمد : وشنو الغريب بالموضوع آنستي الجميلة
خجل : وانا بعد عازمني وتقريباً التذاكر مفتوحة لكل اعضاء الشبكة الوطنية
خجل وخالد احمد بصوت واحد : شسمك بالشبكة ؟
خجل : يدلعوني فاكهة الرمان لكن امي وابوي سموني خجل .
خالد احمد وهو يعدّل ياقة قميصه الفرزاتشي : تشرفنا .. انا خالد احمد وينادوني أبو وليد وكيس الحَب والقروضات داخل السمسونايت .








يتبع ,,


​

 

[أم فواز]

رووووووووووعه :وردة::وردة::وردة::وردة:
كملي كملي ربما .. انا قلت لهم يأجلون العشا على ما استمتع بحوار السفرة :قلب:

 

[رُبـّـمــا]

خارج مواقف المطار :فيلم:

بو عبدالله : يا الله يا ام عبدالله لا نتأخر عالجماعة الله إيبارك فيج
أم عبدالله : انت متأكد ان ربما تعرف تسوق طيارات ؟ ؟:باكي:
بوعبدالله : تعوذي من ابليس وادحري الشيطان ,,, حطيتي المعبوج بجنطة الماجلة ؟
أم عبدالله : ما خليت شي حتى الماش يبته
بوعبدالله : مسوايجي وينهم ؟؟؟
أم عبدالله : لفّيتهم بين فنايلك بالجنطة السودا اللي شريناها من مدريد ذيج السنة .
بو عبدالله : دقوس اصبار , إصخرة ريولي , وزاري الرمادي ابو سير كل شي موجود ؟



صوت من بعيد ينادي :
بو عبدالله , بوعبدالله ..:مصباح:
: هلاااا وغلاا يا الله حيه , :إحتضان_رجل:

بوعبدالله يقرّب من راس ام عبدالله يساسرها : اسبقيني داخل ام عبدالله انا لاحقج .
بوعبدالله : يه يه يه اشهالكشخة يا براااق , وشكلك على هالسكبة فعلا حازم .
براااق الحازم : يا شيخ لا تحرجني تراني مرتبك مرة .
بوعبدالله : وهذا حبيبي بسطويسي وصل ,
بسطويسي : هلااااا , الله بالخير ..:رجل:


بوطلال يطلع من المطار معصب : يه , للحين واقفين تتسامرون , خلصونا زين
بسطويسي : ارفض سياسة التهميش

غيث يمسك ابو طلال من يمينه : تعال يا بوطلّي شوف منو لقيت .
بو طلال : منوو
غيث : حياك حياك المختصر
بوطلال : ياااا هلاااا ومرحبااا ومسهلااا أخيرا شفنا هالويه السمح
المختصر : جزاك الله خير بشرنا عنك وشلون الأهل ؟
ابو طلال : بخير يمال الخير ماقصّر ابو محمد جمّعنا .
المختصر : عز الله رايته بيضه بو محمد ولا قصور فيك يا الزعيم
غيث : انا اشهد , الا ماشفتو بوفيصل ؟
بوطلال : توني مخلّص موضوعه
غيث والمختصر : اي موضوع بعد ؟
بوطلال : كان عليه منع سفر كلمت ربعي بالداخلية منّي منّاك قدرنا نرفعه عنه .
كاهو هناك بس منو هالذربة اللي معاه ؟
المختصر : هذي الدر المصون .
غيث : وين باقي الاخوان والخوات ؟ يريت انتجمع لأن باقي ساعة على موعد الطيارة يا الله الله يرحم والدينا ووالدينكم
المختصر : أنا بطلع ادخّن بره على ما يتجمعون الإخوان


أم فواز تساسر أم العيال : مو هذي اللي دعمتها قبل شوي ؟
ام العيال : ايه هذي ارفعت ضغطي


قريس ماسك الغليون : أهلا بالدوق مختصر ,
المختصر : هلا بالحبيب .
قريس : الجو ماتع هل توافقني الرأي ؟
المختصر : سلّمت ع الشباب ؟
قريس : سألتقيهم بالطائرة .. لا تستعجل .


أم عبدالله واقفة بنص صالة المغادرون : هذا وين راح , لا اعرف احد ولا احد يعرفني لو انخطف محد درى عني






يتبع ,,​

 

[أفراح الرّوح]

ههههههههههههههه
يااتج العافية والهنا مييمتي ،
والله انج ضحكتييني من صمصوووم قلبي على مقطع طيحة ختنا'خجل'ونُـبْــلْ النُّــوبْلْ 'خالدْ'
باين انو الرّحلة رحْ تكون صج ولابالأفلامْ ،
متاابعة ودعوااتي للنت حتى لاتنقطعْ ،
يكفينا شرك ههههههههه هذي خلتني اضحك حتى أمي البيولوجية يات من المطبخ وقاتلي:خير بنيّة؟هستيريا من جديد
الله يعيين:وردة::وردة:

 

[أفراح الرّوح]

خارج مواقف المطار :فيلم:

بو عبدالله : يا الله يا ام عبدالله لا نتأخر عالجماعة الله إيبارك فيج
أم عبدالله : انت متأكد ان ربما تعرف تسوق طيارات ؟ ؟:باكي:
بوعبدالله : تعوذي من ابليس وادحري الشيطان ,,, حطيتي المعبوج بجنطة الماجلة ؟
أم عبدالله : ما خليت شي حتى الماش يبته
بوعبدالله : مسوايجي وينهم ؟؟؟
أم عبدالله : لفّيتهم بين فنايلك بالجنطة السودا اللي شريناها من مدريد ذيج السنة .
بو عبدالله : دقوس اصبار , إصخرة ريولي , وزاري الرمادي ابو سير كل شي موجود ؟



صوت من بعيد ينادي :
بو عبدالله , بوعبدالله ..:مصباح:
: هلاااا وغلاا يا الله حيه , :إحتضان_رجل:

بوعبدالله يقرّب من راس ام عبدالله يساسرها : اسبقيني داخل ام عبدالله انا لاحقج .
بوعبدالله : يه يه يه اشهالكشخة يا براااق , وشكلك على هالسكبة فعلا حازم .
براااق الحازم : يا شيخ لا تحرجني تراني مرتبك مرة .
بوعبدالله : وهذا حبيبي بسطويسي وصل ,
بسطويسي : هلااااا , الله بالخير ..:رجل:


بوطلال يطلع من المطار معصب : يه , للحين واقفين تتسامرون , خلصونا زين
بسطويسي : ارفض سياسة التهميش

غيث يمسك ابو طلال من يمينه : تعال يا بوطلّي شوف منو لقيت .
بو طلال : منوو
غيث : حياك حياك المختصر
بوطلال : ياااا هلاااا ومرحبااا ومسهلااا أخيرا شفنا هالويه السمح
المختصر : جزاك الله خير بشرنا عنك وشلون الأهل ؟
ابو طلال : بخير يمال الخير ماقصّر ابو محمد جمّعنا .
المختصر : عز الله رايته بيضه بو محمد ولا قصور فيك يا الزعيم
غيث : انا اشهد , الا ماشفتو بوفيصل ؟
بوطلال : توني مخلّص موضوعه
غيث والمختصر : اي موضوع بعد ؟
بوطلال : كان عليه منع سفر كلمت ربعي بالداخلية منّي منّاك قدرنا نرفعه عنه .
كاهو هناك بس منو هالذربة اللي معاه ؟
المختصر : هذي الدر المصون .
غيث : وين باقي الاخوان والخوات ؟ يريت انتجمع لأن باقي ساعة على موعد الطيارة يا الله الله يرحم والدينا ووالدينكم
المختصر : أنا بطلع ادخّن بره على ما يتجمعون الإخوان


أم فواز تساسر أم العيال : مو هذي اللي دعمتها قبل شوي ؟
ام العيال : ايه هذي ارفعت ضغطي


قريس ماسك الغليون : أهلا بالدوق مختصر ,
المختصر : هلا بالحبيب .
قريس : الجو ماتع هل توافقني الرأي ؟
المختصر : سلّمت ع الشباب ؟
قريس : سألتقيهم بالطائرة .. لا تستعجل .


أم عبدالله واقفة بنص صالة المغادرون : هذا وين راح , لا اعرف احد ولا احد يعرفني لو انخطف محد درى عني






يتبع ,,​

أعتذر بزااااااااف عالردود المتدااخلة ،
بس لأني أشفي غليلي ،
عشان بااجر ما أقدر اشبك إلا بالليل وياادووووب ،
واليوم أنا أجااهد مع رداءة النت'جنّي فالمووزمبيق'
والله وضحكتيني بهالمقطع أكثر،
أضحك الله سنك بالجنة ميمتي..
عجبني مقطع حوار 'نوخدتنا العزيز'والحرم المصون'،والمسكينة حليلها بالمطار برووحها،والسيد ولا على باالو خلّاها وانشغل مع الرّبع،
يلاااا نشوف البااقي ،أكييد رح تكون لُــويَــا مفاجآتيّة مااحصلتْشْ:هدية: