حل مجلس الأمة قد يكون في 26 نوفمبر

آ

آل باتشينو

عضو مميز
هناك اخبار متداولة على تويتر عن قرب حل مجلس الامة

ما هي توقعاتكم ؟ وهل ستنزل المعارضة في الانتخابات القادمة
 
ا

ابي اتقاعد

عضو فعال
لا ما اعتقد يحلون او يبطلون المجلس لان الشاهبندر دافع فيه دم قلبه والمحكمه العام الماضي حصنت المجلس علي ما اعتقد هذي كلها اشاعات
 
Way one

Way one

عضو مخضرم
لو كنت مكان الحكومه ..لما فرطت بهذا المجلس ..

مجلس مطيع .. خاضع .. ويعتبر كأنه إداره حكوميه تابعه ..

وإن حصل حل .. او ابطال ..سمها ماشئت .. سيكون لإستيعاب المعارضه خارج المجلس .. ك حدس مثلا ..وغيرها .. حتى على الاقل . تتواجد كتله سياسيه بالمجلس ..
والله اعلم .. السياسه بحرها عميق ..

وكل شئ يصير ..
 
ت

تويتر الكويت

عضو مخضرم
مع الله قال:
وإن حصل حل .. او ابطال ..سمها ماشئت .. سيكون لإستيعاب المعارضه خارج المجلس .. ك حدس مثلا ..وغيرها .. حتى على الاقل . تتواجد كتله سياسيه بالمجلس ..
والله اعلم .. السياسه بحرها عميق ..
أنقر للتوسيع...

حدس اول من سوف يشارك بالانتخابات القادمة
وحتى لو ما دخلوا رموزهم راح يدخلون الصف الثاني او الثالث
حدس الاخونجية اكبر حركة تجيد اللف والدوران والتلون والمكر والخداع
 
B

bujassim

عضو مميز
انحل ولا ماانحل

هم بييينا مجلس أسوء من اللي قبله ومرزوق الغانم راح ياخذ الرئاسة

ولله الشرهه على بعض الناخبين اللي يقبضون جم دينار من المرشح عشان يوصل حق كرسي الأخضر

وبفلوسه ياخذ الرئاسة


لازم الشعب يستوعب ومايرشح إلا حق شخص فاهم ومتعلم ومايشتري أصوات

وخصوصا عدنان عبدالصمد - دميثير من قبل ماأنولد وهم أعضاء يعني لي متى وشنو سووا بالمجلس ؟


مانبي عسكر - اللغيصم - سعدون حماد - عبدالحميد دشتي - نبيل الفضل - مرزوق الغانم - يعقوب الصانع - فيصل الكندري - محمد طنا - الخرينج - التميمي
- منصور الظفيري - سيف العازمي


هؤلاء لانريدهم لانريدهم لانريدهم

استوعبوا ياشعب الكويت هؤلاء منهم قبيضه ومنهم مصلحجيه ومنهم طائفيين وأغلبهم ماتهمهم مصلحة البلد ولاالمواطن

اترجاكم مانبيهم ولاتبيعون ضميركم حق هالاشخاص مانبي نشوفهم بقاعة عبدالله السالم

خلاص جربناهم مانفعوا شوفوا غيرهم

نبي ناس فعلا تشرع وتراقب ويخافون الله ويخافون عالبلد ويلتزمون بقسمهم ولاتغرهم الماديات والمزارع

لازم تعرفون بأن الشعب يتحمل جزء كبير من نجاح هؤلاء

بتعطي صوتك حق فلان الفلاني عشان بيوظفك ولا عشان يضبطك واسطات ؟ ولاهمك مصلحة البلد ؟


كيفك تحمل نتيجة مخرجات المجلس اذا كل واحد تفكيره جذيه
 
B

bujassim

عضو مميز
تويتر الكويت قال:
مرزوق ما يقدر ياخذ الرئاسة الا بتوفر أمريم
دعم الحكومة له بالكامل
و اللعب بالمال السياسي و الرشوة
هل توقعون مرزوق ممكن يستعمل الرشوة و المال السياسي
أنقر للتوسيع...

اذا الحكومة تدعمه بالكامل فهذه مصيبه ؟!
واذا كانت تعلم بأن مرزوق الغانم راشي و يشتري أصوات الناخبين فهذه مصيبه أعظم !!!

فكيف تريدون بأن يتفائلوا المواطنين بمستقبلهم ورئيس مجلس الأمة (مجلس الشعب) راشي ؟

راشي ياشعب الكويت !!
راشي ياحكومة!!

ناهيكم عن كلامه في ندوة الصقر قبل عدة سنوات عندما خاطب الأسرة الحاكمه وقال ( تبون الحكم ولا ماتبونه )


ثم ينجح بالإنتخابات ويصبح رئيسا لمجلسة الأمة وبالرشوه ؟ ثم يأتي بالمقابلات ويتكلم عن الأخلاق والقيم !!
ويرسل حسابات وهميه بأحدى مواقع التواصل الإجتماعي لكي يدافعون عنه ويمدحون أعماله

قال رسول الله صلى الله عليه وسلم
(لعن الله الراشي والمرتشي والرائش)
رواه أحمد والطبراني من حديث ثوبان رضي الله عنه.
 
0

0utsider

عضو بلاتيني
جان زين لو المحكمه تحكم بابطال المجلس ،، مو عن شئ ،، بس علي الاقل ،، نلقي لنا سالفه نسولف فيها ،،، علشان نستانس ،،،، هذي ا اغلب رغبات الناس . هههههههههههههههههههههههه
 
يجب تسجيل الدخول أو التسجيل كي تتمكن من الرد هنا.
أعلى