سؤال وجواب مشكله ابي لها حل

[shamsq8]

السلام عليكم
انا موظفة في وزاره الصحه اشتغل في اداره الصحه عامه شهادتي دبلوم صحه بيئة
خلال سنوات الشغل درست أدب انجليزي في جامعه خاصة بدون اجازة دراسيه و الحين اتخرجت ابي أعدل وضعي و وظيفتي شلون؟ و ابي اعرف جم معاش المترجمين في وزاره الصحه و هل استطيع انى انتقل حق وزاره التربية

 

[تويتر الكويت]

اختي جربي تقدمين على وظيفة
معلمة لغة انجليزية في وزارة التربية

 

[shamsq8]

شكرا ع الرد بس حبيت اعرف شلون أقدم ع التربيه و شهادتي في ديوان الخدمه دبلوم و أهم ما يدرون عني شنو الإجراءات الي ﻻزم اسويها

 

[قبس]

فيها خطورة اذا بتعدلين وضعج الوظيفي وانتي دارسة بدون اذن

ابحثي في ردودي في مواضيع الدراسة والوظيفة

 

[البار بوالديه]

اقول اختي اذا عندك واسطة
توظيف في الديوان الأميري مترجمه

الراتب افضل والدوام خفيف

 

[shamsq8]

انزين عندكم معلومه عن معاش المترجمين في وزاره الصحه

 

[تويتر الكويت]

اقول اختي اذا عندك واسطة
توظيف في الديوان الأميري مترجمه

الراتب افضل والدوام خفيف

بالنسبة للديوان الاميري اللي عنده بكالوريوس مطلوب في الديوان
و وضعه الدراسي سليم و تخصصه مطلوب و كويتي بالتأسيس
أنا مستعد أساعده قدر المستطاع بشرط يكون من جامعة معتمدة و تقدير امتياز

 

[تويتر الكويت]

انزين عندكم معلومه عن معاش المترجمين في وزاره الصحه

اختي عرفتي كم المعاش ولا بعد ؟

 

[تويتر الكويت]

فيها خطورة اذا بتعدلين وضعج الوظيفي وانتي دارسة بدون اذن

شنو الخطورة اخوي قبس وشنو الاضرار المحتملة

 

[تويتر الكويت]

شكرا ع الرد بس حبيت اعرف شلون أقدم ع التربيه و شهادتي في ديوان الخدمه دبلوم و أهم ما يدرون عني شنو الإجراءات الي ﻻزم اسويها

اختي حاولي تعدلين شهادتج في ديوان الخدمة المدنية

 

[shamsq8]

وزاره الصحه قالوا لي يصير تعدلين وضعج مافي مشكله بس راح يصير خصم من راتب أسبوع أو لفت نظر و للحين ما عرفت جم معاش المترجمين و ﻻ وين يشتغلون

 

[تويتر الكويت]

وزاره الصحه قالوا لي يصير تعدلين وضعج مافي مشكله بس راح يصير خصم من راتب أسبوع أو لفت نظر و للحين ما عرفت جم معاش المترجمين و ﻻ وين يشتغلون

اختي أول خطوة عدلي وضعج بخصوص الشهادة
دام العقوبة خصم اسبوع او لفت نظر الامور بسيطة
يعني العقوبة بسيطة تستاهل الانسان يتحملها علشان يعدل وضعه

 

[رُبـّـمــا]

الله يوفقج