سؤال وجواب استفسار عن البناء

zarat

عضو مميز
مساء الخير

عندي ارض بصباح الاحمد وابي اعرف شنو الخطوات اذا ابي ابنيها ؟

شنو الاوراق الرسمية اللي لازم اطلعها ؟

شنو الرسوم اللي ادفعها ؟


ارجو الافادة
 
طال عمرك تروح تفتح ملف بالتسليف ويطلبون عليك عدت طلبات بيوم واحد تجيبها وبعدها بشهر تنزل لك الموافقه على القرض وبعدها تروح انت والمدام للفرع الرئيسي بالكويت الاداره القانونيه وتوقع انت والمدام وبعدها بكذا يوم ينزل لك القرض ١٣ الاف يخصم منها ٣ الاف قيمة الارض وتروح لاي مكتب هندسي وبعدها تبدا برحلة التصميم والتعديل الى ان تستقر على تصميم يرضيك ويرضي اسرتك واحتياجاتك وبعدها المكتب يرخص لك من البلديه وبعدها تتفق مع مقاول للبناء واخذ الامور حبه حبه تمشي الامور ، الخلاصه عندك اولا :: فتح ملف بالتسليف وبعدها تضبط التصميم عند مكتب هندسي وسلامتك
 

تويتر الكويت

عضو مخضرم
بالنسبة للقسيمة مو شرط تسجل زوجتك معاك بالوثقية
بيت الحكومة لازم تسجلها معاك في وثيقة البيت
بس القسيمة اللي ارض و قرض
مو شرط تسجل الزوجة معاك بالوثيقة
كلامي واضح اتكلم عن تسجيل الزوجة
في وثيقة ملكية سواء في البيت الحكومي
او القسيمة
اللي على نظام أرض و قرض
 
بالنسبة للقسيمة مو شرط تسجل زوجتك معاك بالوثقية
بيت الحكومة لازم تسجلها معاك في وثيقة البيت
بس القسيمة اللي ارض و قرض
مو شرط تسجل الزوجة معاك بالوثيقة
كلامي واضح اتكلم عن تسجيل الزوجة
في وثيقة ملكية سواء في البيت الحكومي
او القسيمة
اللي على نظام أرض و قرض
اخوي تويتر الكويت دخول الزوجه معك بالارض والقرض مفروض عليك فرض من الدوله والقانون فهي اسمها معاك بالارض وكذلك القرض
 

تويتر الكويت

عضو مخضرم
اخوي تويتر الكويت دخول الزوجه معك بالارض والقرض مفروض عليك فرض من الدوله والقانون فهي اسمها معاك بالارض وكذلك القرض

بس مو شرط أن الزوج يسجلها معاه بالوثيقة
لان القرض يتحمله الزوج بروحه والزوجة ما تدفع ولا فلس من القرض
أنا أقصد تسجيل الزوجة في وثيقة الملكية
وثيقة ملكية القسيمة اللي تطلع بعد سنوات من استلام القرض
اخوي تأكد من الكلام اللي قلته لك يمكن انت تقصد بيت الحكومة
 

zarat

عضو مميز
يا جماعة الخير
اشكركم بالبداية ع ردودكم ولكن الارض بصباح الاحمد البحرية وابي ابنيها شاليها من مالي الخاص ومن دون الرجوع الي بنك التسليف
ما هي الجهات والاوراق الرسمية التي احتاجها علما بان الارض باسم ام زوجتي لذا اريد ان اعرف الخطوات المتبعة لاستخراج رخصة بناء وكل ما يلزم لذلك
 
اخي تويتر الكويت الارض والقرض الحكوميه زوجتك معاك شئت ام أبيت اما اذا قصدك ارض تشتريها وتبنيها من حر مالك طبعاً مو شرط كلامنا عن الاراضي الي تتوزع من الحكومه وينزل عليها قرض التسليف ، زوجتك تلقائيا نازله معاك
 

تويتر الكويت

عضو مخضرم
اخوي انا ماني عارف شنو سؤالك بالضبط
الارض عندك و الفلوس عندك وين المشكلة ؟؟؟؟؟؟
منو اللي مانعك من البناء ؟؟؟؟؟؟؟؟؟
روح البلدية و طلع ترخيص بناء منو اللي قالك لا تبني ارضكم
وبالنسبة للمراجعات في بعض المراجعات
تحتاج حضور صاحبة العلاقة شخصيا
او من لدية توكيل رسمي عنها ولا يشترط ان يكون توكيل عام
توكيل خاص بمراجعة جهات محددة يكفي ما تحتاج توكيل عام
لا تنسى تختار مكتب هندسي معروف وصاحب سمعة طيبة
لتصميم المخطط و للاشراف على البناء ( مكتب اشراف هندسي )
اختار مكتب هندسي صاحب سمعة طيبة
علشان ما يقوم المقاول برشوة المكتب الهندسي و يغشونك ويتعاونون عليك
واهم شي لا تتتفق مع المقاول على مواد البناء نهائيااااااااااااااااااااااااا
لا تخلي المقاول يجيب او يشتري مواد البناء اطلاقا بتاتا البتة نهائيااااااااااااا
لا يشتري لك طابوق و لا اسمنت ولا رمل
ولا حتى كرتون مسامير فولاذ بربع دينار او نص دينار
قوله انت عليك الشغل ( المصنعية ) فقط فقط فقط لا غيييييييييييير
قوله ماك شغل بمواد البناء انساها شيلها من مخك
قوله انت اكتب لي شنو تبي وانا اجيب اللي تبيه
حسب المواصفات اللي تبيها وحسب الكمية اللي تحتاجها
لان اذا خليته هو يجيب المواد راح يغشك ويجيب شي رخيص
او يجيب لك مواد ذات جودة متدنية او يغشك في الكمية
لا تقولي في مقاول شريف او مقاول ما يغش او مقاول نعرفه من سنين
للاسف مافي مقاول ما يغش واذا هو مايغش اللي معاه يغشون
اهم شي لا تنسى مواد البناء
منو اللي يشتريها تعرف الجواب ولا نسيت ؟؟؟؟؟؟؟؟
انت اللي تشتري مواد البناء بنفسك
مو المقاول ولا العمال اللي معاه ولا احد ثاني غيرك
ولازم تشرف على المقاول و العمال
و تكون متواجد بشكل شبه يومي والافضل يومي وشوف الشغل بنفسك
لا تقولي مشغول او ماني فاضي
حتى لو ساعة باليوم او نص ساعة على الاقل
المهم تمر عليهم ويحسون انك حاطهم تحت المراقبة وعيونك مفتحة عليهم
واذا ضاق خلقك اخذ قهوة وشاي وعصير وكستنة
واعزم الربع وطيحوله سوالف و شوي كستنة بالشتا على كيف كيفك
او اخذ عيالك او ربعك والعب معاهم كرة قدم او كرة طائرة بالبراحة
لازم تحسس العمال انك مراقبهم بصفة يومية و يحسون انك ذييييييييب
ولا تعلمهم متى اوقات حضورك و انصرافك اذا سألوك متى تجينا بكرة
قولهم مادري حسب الظروف يمكن الصبح يمكن الظهر يمكن العصر
حسب فراغي متى مافضيت جيتكم مالي وقت محدد
علشان يحسون ان حضورك راح يكون بوقت مفاجئ وغير معروف
لان بعضهم يسرقون مواد المواد او يبدلونها بمواد ارخص منها
يعني يبيعون المواد الغالية و يجيبون بدالها مواد رخيصة واقل جودة
وذا تحس نفسك مو فاضي والمشوار بعيد عليك
في حل ثاني يعجبك و كثير من الناس مسوينه
شوفلك واحد صايم مصلي متدين صاحب ذمة و ضمير
من اي جنسية عربية او هندي او بنغالي او اي جنسية مسلمة
وحطه حارس على القسيمة و بنفس الوقت يكون مراقب على الشغل
يعني يعلمك باللي يصير كل يوم ويعطيك تقرير يومي عن اللي صار
وقوله فتح عيونك ولك اكرامية فوق معاشك وحاول بين فترة وفترة
تجيب له طبخ كويتي من البيت غدا او عشا راح يشتغل لك بذمة وضمير
حاول ما يكون عربي لان المقاولين والعمال اغلبهم عرب
يعني اهم شي مايكون من نفس جنسية العمال علشان ما يتفق معاهم
اذا هم سوريين حط عليهم هندي او بنغالي
او مصري مع اني ماودي بالمصري
واذا ايرانيين حط عليهم واحد سني صايم ومصلي علشان ما يتفقون عليك
وفي حل ثالث بما انك شباب ومن جيل التكنولوجيا الحديثة
وهو تركيب كاميرات مراقبة تكون مربوطة بالنت
او مع تلفونك الذكي
يعني تربط كاميرات المراقبة مع الهاتف الذكي
سواء كان ايفون او جالكسي او اي نوع من انواع الهواتف الذكية
وتحط الكاميرات على مدخل القسيمة وعلى مكان تخزين مواد البناء
 
التعديل الأخير:
أعلى