ذائــــــ شعريهـ ــــــــــقهـ

تباشيرالأمل

عضو مخضرم
لا تشتكـي مـن جـور الايـام للنـاس
وادفن همومك في ثرى الصمت كله




اسرارعمـرك خلهـا تحـت الانفـاس
لا صــار هــرّاج القـفـا فاطـنـن لــه



هذاك يفرح لا لمس جرح الاحساس
و هــذا مـنـاه لا لـقــى فـيــك عـلــه



جو الربيـع بعجـة الصيـف ينحـاس
لاجت هروج(ن) ما تجي فـي محلـه



داعب همـوم الليـل لاهـب نسنـاس
وعطها الخبر من قلب خل(ن) لخلّه



قلّـه حبيبـك مـا وطـى قلبـه الـيـاس
حتـى عذابـك بالهـوا جـايـز(ن) لــه



تعيش بالوجدان ما عـاشه الـراس
لولاك قلـي وش انـا عايـش(ن) لـه



إن زانـت الايـام يــا شــوق لابــاس
ولاّ صـبـرنـا لــيــن ربــــك يـحـلّــه
 

تباشيرالأمل

عضو مخضرم
لاخـاب ظـنـي بالرفـيـق المـوالـي مالـي مشاريـهٍ علـى نايـد الـنـاس
لـعـل قـصـرٍ مايجـيـلـه ظـلالــي ينهـد مـن عالـي مبانـيـه للـسـاس
لاصــار مـاهـو مـدهـلٍ للرجـالـي وملجا لمن هو يشكي الضيم والياس
بحسنـاك يامنشـي حقـوق الخيالـي ياخالـق أجنـاس ويامفنـي أجـنـاس
تجعـل مقـره دارس العـهـد بـالـي صحْصـاح دوٍ دارسٍ مـابـه اونــاس
البـوم فـي تالـي هـدامـه يـلالـي جزاك ياقصـر الخنـا وكـر الأدنـاس
مـتـى تـربّـع دارنـــا والمـفـالـي وتخضرّ فياضٍ عقـب ماهيـب يبّـاس
نشـوف فيهـا الدّيـدَحـان متـوالـي مثل الرعاف بخصر مدقوق الألعاس
ونمشي على البيدا سوات الزوالـي يشرق حماره شرقة الصبغ بالكـاس
وتكبـر دفـوف معبّسـات الشمالـي ويبني عليهن الشحم مثل الأطعـاس
 

تباشيرالأمل

عضو مخضرم
اخـتــار سـمـحـات الـــدروب النظـيـفـة اللـي غسلهـا رايــح الـمـزن بـرشـاش

مشونهـا قـوم النفـوس الشريـفـة == اللي ضمايرهـم نقيـة كمـا الشـاش

ابيوتهـم مثـل الحصـون المنيـفـة == ما هي لطير البوم غيران واعشـاش

وحلالهـم للضيـف دايـم مريـفـه = لو رجلهم يسرح ويضوي على مـاش

والرجـل منهـم مـا يخلـي رديفـه = إن ما ت مثله مات وان عاش له عاش

وان مات منهم رجـل عقـب خليفـه = يطعن نحور القـوم ويـرد الادبـاش

يعرف هدف روحه ويعـرف وليفـه = ما يعرف الخونـة ولا هـو بغشـاش

وليـا رزقـه الله بعـذراء عفيـفـة = ايحطها مـا بيـن نونـه والارمـاش

ماهو على الخفـرات يستـل سيفـه = وان طالعوا فيـه الرياجيـل ينحـاش

حلـو النبـا سمـح المحيـا لضيفـه = ويصير له خـادم مسخـر وفـراش

وان مـد مـا مـدت يمينـه قصيفـة = مدت يمينـه تبهـر الخبـل والـلاش

واليا هـرج تلقـى علومـه طريفـة = ما هـو لهفـوات المناعيـر منقـاش

وان شبت النيـران مـا هـو بليفـة = في ساعة الكربـة سـواي ورشـاش

سده بعيد ولا أحـد يعـرف غريفـه = ولا هو لعرض المكرم العرض نهاش
 

( القلب الكبير )

المعرف السابق:النوخذة بوعبدالله
فيا رب سو الحب بيني وبينها .... يكون كفافا لا عليّ ولا ليا
هي السحر إلا ان السحر رقية .... واني لا ألقى لها الدهر راقيا
فمن أجل ليلى صرت راع ٍ لأهلها .... ثلاثين شهرا في السنين الخواليا
ومن أجل ليلى شاب يا قوم مفرقي .... وخلّيت بعدها جميع رجاليا

قيس العامري
 

تباشيرالأمل

عضو مخضرم
سر ياقلم واكتب على بيض الاوراق

قصة صويب ٍ هل دمعـه عنـادي

ببحر معك واغوص بك كل الاعماق

وبنرتحل فـي كـل طعـسٍّ ووادي

الهم كاوينـي وذا البـال مـا راق

كني على جمرٍ حمر مقبل وغـادي

واحس إن الكون من حالتي ضـاق

من زود ضيقه عفت حتـى زوادي

هذي تجارب شخص لك دوم توّاق

افهم قبل يشمت عليـك الأعـادي

اليأس وان صابك يجرّك للاخفـاق

وبعد البياض يصير قلبك سـوادي

والفقر ماهو عيب والرزق ينسـاق

من عند رب الكون علـم ٍ وكـادي

احذر تصاحب شخص كاذب ونمّاق

تهلك وتفقد معـه حلـو المبـادي

واحذر تخاوي ناقل الهرج بنفـاق

تميل بك نفسك عن أهل الرشـادي

هذي تجارب عشتها حق واحقـاق

وان ما اقتنعت التجربه لك تنـادي

تبي تعيش بدنيتك عيش باخـلاق

صدق ووفا واخلاص والطبع هادي

اللي حفظ عهدك وماخـان ميثـاق

وان جيت له يستقبلـك بالـودادي

هذاك لامن غاب له صدق نشتـاق

ذاك الـذي بارواحنـا لـه نفـادي

وختام صلوا عـد مـالاح بـراق

وعداد مـزن خضـرت بالبـوادي

على نبي الخلـق ومنيـر الافـاق

شفيعنا في يـوم حشـر العبـادي
 

تباشيرالأمل

عضو مخضرم
لاضاق صدرك واعتلتك الهواجيس
ارفــع يديـنـك وادع ربـــك ونـاجــه
نــاج الإلــه الـلـي يـفــك المحـابـيـس
عنـده عـلاج اللـي صعيبـن عـلاجـه
بأمـره علـى خلقـه تـهـب النسانـيـس
و بفضلـه المهمـوم يصـفـي مـزاجـه
انصاع لأمره واجتنب سكـة ابليـس
ولا يغرك مـن ضحـك لـك حجاجـه
و ايـــاك تـتـبـع للـوجـيـه المفـالـيـس
من يتـرك الطاعـات سهـل انعواجـه
دور علـى خـوت زبــون النوامـيـس
الـلـي يـشـوف الـديـن عــزه وتـاجـه
نفسه موسسهـا علـى الديـن تأسيـس
وفي صحبة الأخيار سهـل إندماجـه
و يقيـس الأصحـاب بالفكـر تقيـيـس
وإن زلو الأصحاب يعـرف خراجـه
وما ضيع الأوقات خلف الوساويس
وإن حـارب الشيـطـان زاد ابتهـاجـه
و ما دبسوه ابفكر الأرهـاب تدبيـس
فكـر الغـدر والزيـف يعـرف نتاجـه
هـذاك صخـر لـه جميـع الأحاسيـس
فـي صحبتـه همـك يحـيـن إنفـراجـه
 
أعلى