المذكرات غريبة ...

علي المبهر

عضو فعال
عبد... شاب كيني مسلم التقيته في سكن المتقاعدين في سيدني سألته مبين عليك كنت مرتاح!
قال اي والله كنت بملبورن اشتغل ممرض ومتزوج وعندي اطفال اثنين... حصل الطلاق والمشاكل فجأة... طلقت وتركت ملبورن وشغلي وكل ما أملك تقريبا وجيت سيدني أنام بالسيارة!
قلت الله يعينك ... امش وياي الهاوسنق / الاسكان... رحنا وكمل الابلكيشن وواعدوه قريب ياخذ سكن
- ان شاءالله بس تحصل سكن... شغلتك بسهولة تلاقي وظيفة من اللجنة المركزية
قال وين اللجنة؟
- خبري بالعارضية!

:)

الحمدلله اشتغل عبد مراسل وقال بقعد في بيتك اخذ الغرفة الصغيرة
قلت حياك والبيت بيتك، قول تعرف تطبخ؟
قال ايه طباخ
تعرف تنظف البيت؟
قال ايه زبال
تعرف تدفع اجار؟
... سكت لوهلة
قال كم ادفع؟
قلت النص بالنص ونتساعد بشغل البيت

دن
دن


مر شهر وعبد ما دفع شي! قلتله تعال ولك اشاركك بالاكل والبيت واغلب الشغل علي هم قلت ميخالف! واعتبرتك ضيف.. بس امانة ما تحس انك مصختها؟

قال حسيت هالشي اكيد واصبر علي اسبوعين تجيني دفعة طيبة واعطيك حسابك!

- بس وين فلوس شغلك وفلوس السنترلنك؟ اكيد حصلت شي

قال دزيتهم لاهلي بكينيا

- ولك اوباما العب غيرها! تراني كنت بدون مبلتع! عموما اعتبرني هالشهر قمت بواجب الضيافة لأنك مسلم وما كان عندك سكن بس الحين ماشاءالله عليك تشتغل ووضعك احسن مني... ما عليك امر تفضيلي الغرفة بعد يومين

* وهذا حال الجميع في سيدني #خذلان

tmp_15606-IMG_20141219_145203-1709332339.jpg


كلمني ثاني يوم والعبرة بعينة! قال بترك الشغل

- افا! ليش مستر اوباما؟

_ قال اللي اشتغل وياهم يهود ومشغليني صبي عندهم.. اخلص مشاويرهم بسيارتي واتسوق لهم واسوي شاي وقهوة

- ما قلتلي هم منين؟

- من نيوزلاند

- نيوزلنديين عوذه! اتركهم عنك وامش وياي عيادة الدكتور تلاقي شغل محترم ان شاءالله والبيت بيتك :)
 

أم فواز

فـزّاعة
شهالعيشة اخوي بو سعود :oops:
لا حول ولا قوة الا بالله ..
الله يجزيك خير على عمل الخير ومساعدة الناس .. ويبعدك عن المحتالين اللي من يشوفون عربي الا فتشوا بمخابيه يدورون نفط !
 

Greis

عضو بلاتيني
عبد... شاب كيني مسلم التقيته في سكن المتقاعدين في سيدني سألته مبين عليك كنت مرتاح!
قال اي والله كنت بملبورن اشتغل ممرض ومتزوج وعندي اطفال اثنين... حصل الطلاق والمشاكل فجأة... طلقت وتركت ملبورن وشغلي وكل ما أملك تقريبا وجيت سيدني أنام بالسيارة!
قلت الله يعينك ... امش وياي الهاوسنق / الاسكان... رحنا وكمل الابلكيشن وواعدوه قريب ياخذ سكن
- ان شاءالله بس تحصل سكن... شغلتك بسهولة تلاقي وظيفة من اللجنة المركزية
قال وين اللجنة؟
- خبري بالعارضية!

:)

الحمدلله اشتغل عبد مراسل وقال بقعد في بيتك اخذ الغرفة الصغيرة
قلت حياك والبيت بيتك، قول تعرف تطبخ؟
قال ايه طباخ
تعرف تنظف البيت؟
قال ايه زبال
تعرف تدفع اجار؟
... سكت لوهلة
قال كم ادفع؟
قلت النص بالنص ونتساعد بشغل البيت

دن
دن


مر شهر وعبد ما دفع شي! قلتله تعال ولك اشاركك بالاكل والبيت واغلب الشغل علي هم قلت ميخالف! واعتبرتك ضيف.. بس امانة ما تحس انك مصختها؟

قال حسيت هالشي اكيد واصبر علي اسبوعين تجيني دفعة طيبة واعطيك حسابك!

- بس وين فلوس شغلك وفلوس السنترلنك؟ اكيد حصلت شي

قال دزيتهم لاهلي بكينيا

- ولك اوباما العب غيرها! تراني كنت بدون مبلتع! عموما اعتبرني هالشهر قمت بواجب الضيافة لأنك مسلم وما كان عندك سكن بس الحين ماشاءالله عليك تشتغل ووضعك احسن مني... ما عليك امر تفضيلي الغرفة بعد يومين

* وهذا حال الجميع في سيدني #خذلان

مشاهدة المرفق 10382


كلمني ثاني يوم والعبرة بعينة! قال بترك الشغل

- افا! ليش مستر اوباما؟

_ قال اللي اشتغل وياهم يهود ومشغليني صبي عندهم.. اخلص مشاويرهم بسيارتي واتسوق لهم واسوي شاي وقهوة

- ما قلتلي هم منين؟

- من نيوزلاند

- نيوزلنديين عوذه! اتركهم عنك وامش وياي عيادة الدكتور تلاقي شغل محترم ان شاءالله والبيت بيتك :)

^_^
أسعد الله أضْلُعك , مُحادثة فُكاهيَّة مَعَ عَبد الداهيَة
في الحَقيقة كنت أشعُر أن الهواء تَوقف لكن مع قِراءة هذا المنشور شَعرت بـ أصوات دار الأوبرا بحجم الغرفة التي سَكَنها عَبد الأوبامي .
شكراً لك و ل عبد و ل إنسانيتك مع عَبد .
 

علي المبهر

عضو فعال
الله يعين... اليوم بس حصلت فلوس من شغل تصميم ايا يبيني اسلفه.. اشتتوقعون ردة فعلي!!


زفيته وطردته!

* هذا اللي ناقص بعد يبيني اصرف عليه

....

وتستمر الحياة :)
 
التعديل الأخير:
  • إعجاب
التفاعلات: Greis

علي المبهر

عضو فعال
شهالعيشة اخوي بو سعود :oops:
لا حول ولا قوة الا بالله ..
الله يجزيك خير على عمل الخير ومساعدة الناس .. ويبعدك عن المحتالين اللي من يشوفون عربي الا فتشوا بمخابيه يدورون نفط !


اعرفهم وانا خوج

طبعا بعد ما انقرصت :)
 

علي المبهر

عضو فعال
^_^
أسعد الله أضْلُعك , مُحادثة فُكاهيَّة مَعَ عَبد الداهيَة
في الحَقيقة كنت أشعُر أن الهواء تَوقف لكن مع قِراءة هذا المنشور شَعرت بـ أصوات دار الأوبرا بحجم الغرفة التي سَكَنها عَبد الأوبامي .
شكراً لك و ل عبد و ل إنسانيتك مع عَبد .


الحياة رحلة كوميدية قصيرة وانا خوك.... استمتع ولا تشيل هم

شخصيا صرت اعتبر كل الناس ممثلين وانا المخرج (احدد ادوارهم)... ومثلوا عدل يا شطار :)
 

Greis

عضو بلاتيني
تَوقفتـ، عقارب الهَواء على ساعة مَلل فقط , أمَّـا " شيل الهَم " كانت مهنتي ثُمَّ تقاعدتـ، بدون نِهاية خِدمة , ثُمَّ عَملتـ، بـ، " كُشك " عيش يومك كما تُحب
يـا ل توائم الخواطر , في السابق قُلت أن الحَياة خَشبة مَسرح , الممثّلون فيها 7 مليار بِلا جمهور , عن نَفسي أخشى أن تنتقدني مي العيدان إن مثَّلتـ،
..
 

علي المبهر

عضو فعال
#فلسفتي - نظرية شريط الحياة

الله عز وجل بعد ان خلق الانسان واستخلفه على الارض.. اختبره وامتحنه واعطاه قدرة تحديد المصير (الإخراج) وسيعرض فلم حياته بعد البعث
لذلك كل انسان يخرج فلمه الخاص... والقدير عزوجل هو كاتب سيناريو الحياة

....

دعاء معتبر: نسأل الله أن يسهل سيناريوهاتنا والمهم حسن الخاتمة
 

علي المبهر

عضو فعال
كلمت عديلي السابق الدريسي.. سلمت عليه وسألته شلونك
- الحمدلله بخير انت شلونك وآمرني اشبغيت؟
- اسلم عليك
- الله يسلمك توقعتك سافرت الكويت
- قريب ان شاءالله بس اكمل العلاج واشوف عيالي
- عيالك انت خسرتهم الله يهداك تركت شغلك وقعدت فترة طويلة ما تشتغل! شوف اللي جو بعدك شغالين وشرو (سيارات)
- قلت الحمدلله لو عالسيارات شريت سيارتين ولو عالشغل تركته بعد ما حاشني التصلب العصبي وسويت عملية! عموما تساعدني؟ بشوف عيالي
- ولا يهمك بسيطة اكلم نسيبنا يجيب عيالك عندي وتعال شوفهم
- خير انشالله كلمه وعطني خبر

* اتصل بعد خمس دقايق قال النسيب يقول جيب جماعتك يكلمونه
قلت الساقط طيح الله حظه عطاني وعد اشوف عيالي يومين بالاسبوع عشان اكمل اوراق الطلاق وكملت الاوراق... واشوفه خان وعده

- قال انا مالي شغل باللي بينكم
- وليش صارلك ساعة تكلمني وبتحط اللوم علي؟ عموما مو هذا العشم...
عندي سيارة واقن 2006؟ تشتريها؟

* وقلبنا الموضوع عن السيارات... :)
... وتستمر الحياة

tmp_32109-IMG_20141215_095019-1709332339.jpg
 

علي المبهر

عضو فعال
فلاشباك: بعد الفلم... كلمني مدير الاسكان في سيدني
قال وجدنالك سكن في جورج ستريت!
مبروك علي

خذتني الافكار انا مريض! شلون الحين اثث البيت وارتبه... وشلون عالطبخ والغسيل وباجي شغل البيت.... توكلت على الله ورحت السكن وياي اغراض خفيفة وثلاجة...

افزعتلي جارتي الأوزية كرستي :) بارك الله فيها وساعدتني بترتيب البيت واهدتني مواعين طبخ ومايكروويف!

عرفت لحضتها ان الله وحده هو المدبر له الحمدلله

.........

اليوم وصلت البيت كلمتني كرستي 'باخذ كل اغراضي اللي ساعدتك فيهم!'
قلت ابشري بعطيج ياهم وفوقهم بوسة راس بس ليش بتاخذينهم؟
قالت صديقك اوباما اذاني وانا اشتكيت عليكم!
- @@ الله يخسه شمسوي؟
دقيقة اطرده وجاراتنا عن كل ساقط عفيفة.. اركدي بليز

* ابتلشت :) لو مريح راسي وراد الكويت
 
التعديل الأخير:

علي المبهر

عضو فعال
قال إمام دار الهجرة مالك بن أنس رحمه الله.
إن هذا العلم هو لحمك ودمك وعنه تسأل يوم القيامة فانظر عمن تأخذه.
الكفاية 21.

...

في هذا العام حضرت مجالس المسلمين سنة وشيعة ومتصوفين وغيرهم ليس بحثا عن الحقيقة بل بهدف ايجاد شغل! :)

تقولون ماكو شغل! وهو كذلك

المهم ما اردت قوله ان الحق بدا لي واضح مع الاسلام الحقيقي وان القدير سبحانه قد بين كل شيء

فاذكروا الله ولكم دعاء بالعافية والرزق والسيرة الحسنة
 

أم فواز

فـزّاعة
الشغل مع الاجانب حتى لو كانوا بوذا أفضل بكثير من الشغل مع بعض المسلمين
اللي ما يفكرون بالانسان اللي جداهم بصفة انسان ... انما ( مكينة ) و ( عبد )
لهم يأمرون وينهون دون النظر لحالته النفسية او الاجتماعية !
لا إنسانية إلا من رحم ربي .
 

علي المبهر

عضو فعال
للامانة ما اقيسها من هالناحية.. والاجانب عموما ما يتغشمرون بالشغل :) لا للتأخير طبعا ولا التهريب... تركتهم!
وانا عموما اقدر اسجل بموسوعة جينيس عن عدد الاستقالات اللي قدمتها :|

....

#ورق_خسران

فلاش باك بداية الألفية... كنت اشتغل مصمم مجلة فن الموسيقى وكان يزورنا الفنان (مساعد البلوشي)...
قال بو علوة شتحب تسمع
قلت عن الحلال والحرام سمعنا النشيد الوطني
هههه

يا لاعب في ورق خسران.... لا تصدق ابد تربح
 

علي المبهر

عضو فعال
عودة إلى موضوع (التهريب) من العمل!

كنت انهي عملي بسرعة واختصار واذهب للتصوير مع منال بالأغلب في جولات تصويرية كنا نطلق عليها (كهوف الكويت)

tmp_5232-Screenshot_2014-12-25-02-16-27-1595427624.png
 

رَسـيـلْ

عضو فعال
679dcb0b0db06d976b68a443e22c2158.jpg


السلام عليكم
أخوي علي إنته قوي وقدها وقدود بإذن الله،خيرة والأمل فيه سبحانه مايخيب
؛إلفتت انتباهي هالصورة ، اللي فوق نسخة miley cyrus؛ مشالله
ويعطيك العافية:وردة:
 

علي المبهر

عضو فعال
وعليكم السلام ورحمة الله رسيل
ما عليج زود اختي ربي يوفقك

هالصورة وقتها شريت كاميرا واشتغلت فيها اصور حفلات واعراس اهل استراليا! وكل شخص احلى من الثاني
* هل حاشني المرض! :)

ونسأل الله التوبة والمغفرة


...
 
أعلى