سؤال وجواب لا أنام

K

khalid ahmed

عضو ذهبي
السلام عليكم يالنايمين :(


ماهو فيلم عربي مصري من تأليف الكاتب إحسان عبدالقدوس.و بطولة فاتن حمامة وعمر الشريف !!


ويا اللي سهر والـناس نـيام وهجـود عين الـعرب نـامت وهــو ظـل سهـران .....

أنا انسان أعاني من قلة النوم ..تمر علي ايام عيني ما تغمض .. يومين ثلاث عادي .. اتعب وابي انام وما اقدر .. الارق يلازمني بين فتره وفتره .. آخذ منوم .. بنادول نايت ٠٠ dream water ... ولا شي ولا تأثير .. بالعكس احس اني اصحصح أكثر ،، مليت وانا سهران والناس نيام :( ... أبي حل وعلاج حقيقي .. وشكرا لكم :وردة:
 
ترتيب حسب التاريخ ترتيب حسب الأصوات
ا

الدّر

عضو بلاتيني
وعليكم السلام ورحمة الله

ليش ماتراجع الطبيب يسويلك تحليل غدة أو هرمونات

يمكن في خلل عضوي مأثر على نومك

طالما إن ماكو شي نفسي كبير يرهقك
والحالة ملازمة لك

وإن شاء الله خير
 
تأييد 0 تصويت سلبي
K

khalid ahmed

عضو ذهبي
مواضب على الصلاه والحمدلله واذكار الصباح والمساء .. وأجريت فحوصلت شامله من عينات دم واشعه للمره الثانية .. والحمدلله سليم معافى .. والله العظيم من أمس مو نايم ولا لحظه .. داومت عادي وشغل .. شغلي مكتبي لكن يتطلب حركة ومتابعة غالبية الوقت .. الحاله هذه تروح وترد لي ... مع اكتئاب وضيقه غالبية الوقت وعصبي جدا ..وعارف نفسي لي باجر ماكو نوم .. إلى أن يهد حيلي موليه .. المشكله لو نمت جني قاعد . الله يزينها .
 
تأييد 0 تصويت سلبي
م

محمد001

عضو فعال
ما تشوف شر وأجر وعافية ،
بعد إذنك بسألك أسئلة ممكن تساعدني بالإجابة عليك،

-هل لما تروح تنام تكون تعبااااان حيل خلاص تدور الفراش ولا تكون فيك طاقة؟

-هل جربت حبوب معينة تساعد على النوم ما أقصد بندول نايت لا في حبوب مفعولها أقوى تستخدم لفترات محدودة وتقطع؟
 
تأييد 0 تصويت سلبي
K

khalid ahmed

عضو ذهبي
الشر ما يجيك ويعافيك .. بعد يومين ثلاث اتعب فعلا وابي انام لكن يكون نومي متقطع مو مريح كأني صاحي .. الحبوب من المستوصف ومالها اي تأثير بس ترخي الاعصاب .لانها ضعيفه ..دريم ووتر . مفعوله اقوى لكن ينفع بالايام العاديه الي تصادف يحوشني ارق وفعلا انام .. لكن ما عاد له تأثير كبير هالايام يمكن تعودت عليه .. هذا اليوم الثالث وما نمت احس عيوني جمر صاروا ..
 
تأييد 0 تصويت سلبي
م

محمد001

عضو فعال
في حبوب من الصيدلية يكون مفعولها قوي بس لا تتعود عليها تأخذها فترة معينة بعدين تقطعها إسألني عنها لا إراديا تنام منها تحس راسك ينسحب بعدين تنام مباشرة بس المشكلة إذا قعدت من النوم تحس بدوران يروح بعد ما تغسل وجهك ،

والحل الثاني الرياضة إحرق طاقتك بالرياضة عشان لما يجي وقت النوم تكون مو قادر تفتح عينك.
 
تأييد 0 تصويت سلبي
M

meshal

عضو بلاتيني
اخذ حبة زيرتك . وهي حبة حساسية مالها مضار مثل ما أسمع لكن ما يعني إنك إداوم عليها خلها للأوقات الصعبة واستشير طبيب قبل كل شي .
zyrtec.jpg
 
تأييد 0 تصويت سلبي
م

محمد001

عضو فعال
أنا شاريهم بره الكويت وناسي اسمهم لأن من زمان مستخدمهم،

إسأل الدكتور أو الصيدلاني عنهم عادي الحبوب متوفره في كل بلد وأكثر من يستخدمها المسافرين على الرحلات الطويلة يأخذ حبه أول ما يركب الطيارة ما يفتح عينه إلا في بلد الوصول.
 
تأييد 0 تصويت سلبي
K

khalid ahmed

عضو ذهبي
الزرتك حق شنو ؟ ابوي ياخذهم مرات . عملية فتح قلب ومشاكل بالقلب . عادي انا اخذهم !!


والاخ محمد !! حريتني .. :( دام انها برا الكويت ..


يعطيكم العافيه جميعا وما قصرتو :وردة:
 
تأييد 0 تصويت سلبي
M

meshal

عضو بلاتيني
khalid ahmed قال:
الزرتك حق شنو ؟ ابوي ياخذهم مرات . عملية فتح قلب ومشاكل بالقلب . عادي انا اخذهم !!


والاخ محمد !! حريتني .. :( دام انها برا الكويت ..


يعطيكم العافيه جميعا وما قصرتو :وردة:
أنقر للتوسيع...

الله يشافيه ويعافيه الزيرتك لاهل الحساسية. اليوم الصبح يسولف لي رفيجي بالدوام ويشكي من كثرة النوم بسبة حبة الزيرتك فيه ربو وحساسية ويقول انه ياخذ نص الحبه , وبعد انا دايم اعطي الصغار شراب زيرتك حتى لو ما فيهم شي ابيهم يدوخون وينامون بدال ما يدوخوني ويسهرون . الشاهد ما له مضار استعمال خفيف وللحاجه .
بس تأكد أن اللي عندك نفس علبة الكرتون والحبة صغيره اخاف الشركة عندها منتجات غيرها لأغراض ثانية الله أعلم .
 
تأييد 0 تصويت سلبي
A

aboyaseer

عضو مميز
نصيحتى لك أخي الكريم ولكل من يعاني من ارق النوم


يجب أن تنام خالي البال قدر الامكان

ولا تفكر في شىء لا طائل من التركيز عليه في التفكير.

تزوج إن كنت أعزب

توضأ قبل أن تنام

اقرأ بعض سور القرآن وأنت في فراش النوم

ردد أذكار النوم عدة مرات

وأخيرا أنصحك بأم مغيث

حجامة في الرأس باليافوخ


أخوكم : ابو ياسر
الحجام

ويمكنك الاطلاع علي هذا الرابط لإثراء معلوماتك عن الحجامة

http://www.nationalkuwait.com/forum/index.php?threads/262025/#post-3476916
 
تأييد 0 تصويت سلبي
ي

يالله الجنه

عضو
اتوقع انك تفكر حيل بالموضوع
وتحط ف بالك انك ما راح تنام وما تنام فعلا

شوف انا بقولك شنو اسوي اذا جاني ارق يمكن يفيدك
اروح اتسبح واحاول اقرا من كتاب عشان ادوخ وما اشرب چاي ولا قهوة ولا اي منبه ولا حتى كاكاو
واسكر تلفوني واتوضا قبل انام
وما اجي غرفتي الا وانا طافيه خلاص
واسكر كل مصادر الضوء واهم شي اصك الباب
واذا ما نمت احاول افكر بموضوع احبه يعدل نفسيتي
ولا اتذكر اشياء تضايقني
وشوي شوي تتعدل النومه ويروح الارق
حاول تجرب وتعرف شنو اللي يساعدك ع النوم
 
تأييد 0 تصويت سلبي
A

Al5aldi_89

عضو
اول شي لازم تسويه تجنب تمسك التلفون قبل النووم بساعتين اقل شي لان التفون يعطي اشعه زرقه مضره بالعين

دعاء لمن يجد صعوبه في النوم : اللهم غارت النجوم، وهدأت العيون ، وأنت حي قيوم، لا تأخذك سنة ولا نوم، يا حي يا قيوم أهدأ ليلي وأنم عيني.
 
تأييد 0 تصويت سلبي
ع

عبدالله العبدلي2

عضو مميز
مايمنع تروح طبيب متخصص في اضطرابات النوم وتشرح له راح يوصف لك بعض الادويه المنومه مؤقته طبعاً لانها تسبب التعود فتره وجيزه تنظم نومك،
اعتقد اخي الكريم انك تعاني من قلق فتحتاج طبيب مختص والله يكتب لنا ولكم ولجميع المسلمين الشفاء من كل داء .
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى