سؤال وجواب سيارات الكويتيين

[محمد001]

مساكم الله بالخير جميعا..

سافرت لكثير من الدول الأجنبية فوجدت أن سيارات أهلها على قدر ما يملكون من أموال يعني
الذي راتبه 3 آلاف دولار يشتري سيارة نقدي وليس أقساط تناسب ميزانيته والذي راتبه عشرة آلاف دولار يشتري سيارة نقدي وليس أقساط تناسب ميزانيته.

يعني عادي تلاقي مدير بنك يسوق كورلا!
عادي تلاقي دكتور بالجامعة على لانسر!

ليش؟ لماذا؟ بالكويت الواحد يحط على نفسه أقساط ويقعد يدفع فيها خمس سنوات أو أكثر عشان يشتري سيارة فوق مقدرته المالية؟

برأيك شنو السبب؟ هل هو المجتمع ؟ أم الفرد؟
أم أسباب أخرى تراها

 

[بو محمد 62]

ما وقفت على السيارات

شوف الموبايلات شوف الاكسسوارات والساعات شوف الي يبني بيت يهلك نفسه هلاك جوود يصير بيته مميز جدا يا اخي اذا عندك ليش لا لكن ديون وعمات عين هني المصيبة

باختصار قصوا علينا ان قيمة الانسان بالمظاهر والقشرة الخارجية وقامو يبيعوا علينا السلع بعشرات اضعاف تكلفتها على بو انها ماركة والله والكوبة ماركة تهد حيل شاريها

 

[meshal]

في سبب قوي ومسئول عن اللي شفته بدول الغرب
البانزين والضريبة والدولة ما توفر لهم كثير مما توفره لك الدولة في الكويت . هذا من غير مشكلة مواقف السيارات في بعض المدن الأوربية الشهيرة ورسوم عالية تدفعها للحصول على موقف .

الأسباب مادية بحته وإلا أخوي محمد هالدكتور أو المدير لو يخيرونه بين مرسيدس واسعة وسيارة صغيره يختار الأخيره !

​

 

[بو محمد 62]

في سبب قوي ومسئول عن اللي شفته بدول الغرب
البانزين والضريبة والدولة ما توفر لهم كثير مما توفره لك الدولة في الكويت . هذا من غير مشكلة مواقف السيارات في بعض المدن الأوربية الشهيرة ورسوم عالية تدفعها للحصول على موقف .

الأسباب مادية بحته وإلا أخوي محمد هالدكتور أو المدير لو يخيرونه بين مرسيدس واسعة وسيارة صغيره يختار الأخيره !

​

صحيح اخي الكل يحب الرفاهية بلا شك لكن رفاهية تتناسب مع دخله لا أن يثقل كاهله بديون ليعيش فوق مستوى قدراته ويحمل نفسه الكثير مما لا تحتمل

هنا موضوعنا لا نقول ان لا تترفه لكن على قدر المتوفر وليست الديون والوصول للحد الاعلى المسموح به من القسط من اجل المظاهر والسفر وما الى ذلك مما ابتلي به مجتمعنا

 

[khalid ahmed]

مساكم الله بالخير جميعا..

سافرت لكثير من الدول الأجنبية فوجدت أن سيارات أهلها على قدر ما يملكون من أموال يعني
الذي راتبه 3 آلاف دولار يشتري سيارة نقدي وليس أقساط تناسب ميزانيته والذي راتبه عشرة آلاف دولار يشتري سيارة نقدي وليس أقساط تناسب ميزانيته.

يعني عادي تلاقي مدير بنك يسوق كورلا!
عادي تلاقي دكتور بالجامعة على لانسر!

ليش؟ لماذا؟ بالكويت الواحد يحط على نفسه أقساط ويقعد يدفع فيها خمس سنوات أو أكثر عشان يشتري سيارة فوق مقدرته المالية؟

برأيك شنو السبب؟ هل هو المجتمع ؟ أم الفرد؟
أم أسباب أخرى تراها

عفوا انت من وين! اذا كويتي ما تسأل هالسؤال ...



احنا شعب مدلل حتى لو عندنا قروض .. نحب الكشخه نحب ندلع نفسنا . ليش نشتري سيارات كاش وحنا بنغيرها بعد جم سنه ابيعها بأقساطها جذي انا خسارتي مو كبيره ..

 

[الدّر]

الشحاطة والنظر لمن هو أعلى منا

هذا اهو الكويتي

والا معقولة البورش والرنج تارسين البلد وجناط شانيل وديور تجدهم في كل خزانة امرأة

للأسف افسدوا زهوة الشي الغالي

 

[إسبآنيول]

نعم لم يعد للثراء زهو منذ ظهرت الاقساط وفوائد الربا تطاول الحفاة بالبنيان وهذا من علامات الزمان في الخمسينيات لما تكشخ يكون هناك زهو اما الان فكل فرد بالمجتمع كاشخ حتى الوضعاء منهم فأين زهو الاثمان لحى الله الاقساط والفوائد الربوية يا ليتها لم تكن

 

[محمد001]

عفوا انت من وين! اذا كويتي ما تسأل هالسؤال ...



احنا شعب مدلل حتى لو عندنا قروض .. نحب الكشخه نحب ندلع نفسنا . ليش نشتري سيارات كاش وحنا بنغيرها بعد جم سنه ابيعها بأقساطها جذي انا خسارتي مو كبيره ..

أنا كويتي ،
وأنا أرى السبب الرئيسي هو المجتمع يا أخي جرب تركب لانسر أو كورلا الغالبية ما راح تحترمك بالشارع يعني مثلا تبي تطوف محد يطوفك !

بالمقابل سيارة فخمة يفتح لك الطريق!

لكن حبيت أعرف آراء الأعضاء بالموضوع.

 

[khalid ahmed]

أنا كويتي ،
وأنا أرى السبب الرئيسي هو المجتمع يا أخي جرب تركب لانسر أو كورلا الغالبية ما راح تحترمك بالشارع يعني مثلا تبي تطوف محد يطوفك !

بالمقابل سيارة فخمة يفتح لك الطريق!

لكن حبيت أعرف آراء الأعضاء بالموضوع.

كلامك صحيح المجتمع ايضا يؤثر ..لكن لو انت عايش بمجتمع فقير وانت مغتني بتركب سياره غاليه ولا سياره حالك حال الي حولك !! اكيد سياره غاليه .... ناهيك ان عوايل الكويت مو فرد ولا فردين .. العايله الوحده بس من ١٠ الى ١٥ نفر على الاقل . اي لانس او كورلا تشيل !! .

 

[إسبآنيول]

على الطاري اذا ركبت لانسر الناس ما تحترمك بالشارع ابن جيرانه قبل سنتين على طريق الجليعه شاف شفر 90 تمشي بنص الطريق ببطءوالي فيها طاق جريمبه وهو مسرع راح حده على الرصيف وكمل لحقه هذاك وحنج له بالبداية ع باله راعي الشفر الجريمبه صعيدي طلع شيخ من الاسرة ولا مو اي شيخ بعد والله ستر عليه

 

[رَسـيـلْ]

كنت أسمع (بديرة الحسد)؟
توني أصدق هالمقولة لمن قريت بعض التعليقات !!

الحمدلله على النعم ماظهر منها ومابطن

 

[بو محمد 62]

كم جميل ان يميزك ما تحتويه بجوهرك لا ما يحتويك ويزركشك

نعم هي ثقافة مجتمع وهي السبب في بلاوي الديون والمظاهر

 

[الشكوىى لله]

ناس فسقانه : )

 

[ضاع عمري]

انتوا شعليكم يا شباب من الي بيشتري سياره بالاقساط ولا كاش؟




ماباقي الا تحاسبونه بمعاشه بعد




واذا هو ارهق نفسه بالديون هو يتحمل انتوا شعليكم منه



ولا تقولون الكل يشتري سيارات فخمه انا انسان ماشتري سياره تعدى ٥٠٠٠ الاف دينار ومقتنع حمدالله



الله يزيدنا من عنده اتركوا الحسد

 

[unkown005]

انتوا شعليكم يا شباب من الي بيشتري سياره بالاقساط ولا كاش؟




ماباقي الا تحاسبونه بمعاشه بعد




واذا هو ارهق نفسه بالديون هو يتحمل انتوا شعليكم منه



ولا تقولون الكل يشتري سيارات فخمه انا انسان ماشتري سياره تعدى ٥٠٠٠ الاف دينار ومقتنع حمدالله



الله يزيدنا من عنده اتركوا الحسد

خلاص مو مشكلة , بس اذا واحد من هلحلوين طالب باسقاط القروض راح اطالب باسقاط راسه

 

[ضاع عمري]

خلاص مو مشكلة , بس اذا واحد من هلحلوين طالب باسقاط القروض راح اطالب باسقاط راسه

احنا الحين ماتكلمنا عن اسقاط القروض احنا موضوعنا الشباب يبون يقولون لهذا اشتر اقساط وهذا اشتر كاش بيتصرفون بحلال الناس

 

[unkown005]

احنا الحين ماتكلمنا عن اسقاط القروض احنا موضوعنا الشباب يبون يقولون لهذا اشتر اقساط وهذا اشتر كاش بيتصرفون بحلال الناس

ما قلنا شيء , خل يشتري سيارة ب 100 الف و يحط على نفسه اقساط , كيفه فلوسه و اهو حر فيها ... لكن اذا طالب باسقاط القروض اطالب باسقاط راسه



و اغلب الي يطالبون باسقاط القروض اهم نفس هلفئة "العبقرية" الي تاخذ قرض 30-50 الف دينار و تشتري سيارة و جناط ماركات و سفرات, و هذيل الي مخربين صورة الي ماخذ قرض محتاج و متوهق

بعدين "العبقري" هذا يوم يتوهق , يتبجبج معاشي ما يكفي , عندي فلوس سيرفس , ولا اندعمت و ماقدر علتصليح وايد غالي

 

[إسبآنيول]

اييي قالوها الاولين لو كل من يا و نير ما ضل بالوادي شير .،، شياب هوامير المناخ لميد الوطية

 

[ضاع عمري]

ما قلنا شيء , خل يشتري سيارة ب 100 الف و يحط على نفسه اقساط , كيفه فلوسه و اهو حر فيها ... لكن اذا طالب باسقاط القروض اطالب باسقاط راسه



و اغلب الي يطالبون باسقاط القروض اهم نفس هلفئة "العبقرية" الي تاخذ قرض 30-50 الف دينار و تشتري سيارة و جناط ماركات و سفرات, و هذيل الي مخربين صورة الي ماخذ قرض محتاج و متوهق

بعدين "العبقري" هذا يوم يتوهق , يتبجبج معاشي ما يكفي , عندي فلوس سيرفس , ولا اندعمت و ماقدر علتصليح وايد غالي

تمام يعني احنا متفقين

 

[Shja3]

ما قلنا شيء , خل يشتري سيارة ب 100 الف و يحط على نفسه اقساط , كيفه فلوسه و اهو حر فيها ... لكن اذا طالب باسقاط القروض اطالب باسقاط راسه



و اغلب الي يطالبون باسقاط القروض اهم نفس هلفئة "العبقرية" الي تاخذ قرض 30-50 الف دينار و تشتري سيارة و جناط ماركات و سفرات, و هذيل الي مخربين صورة الي ماخذ قرض محتاج و متوهق

بعدين "العبقري" هذا يوم يتوهق , يتبجبج معاشي ما يكفي , عندي فلوس سيرفس , ولا اندعمت و ماقدر علتصليح وايد غالي

القروض وجدت لهذا السبب شراء سفر الخ الخ من الأمور التافهة

ولكن البلاء ليس بالمقترض بل بالبنك الذي يقوم بفرض فوائد تخالف قوانين البنك المركزي بمعدل. ٧٪ فوائد علي أصل الدين القرض فبدل من أن يكون القرض مثال ١٠ اللاف دينار ويجب ان يرد للبنك ١٢ كمثال

يصبح القرض الذي كان ب ١٠ يجب ان يرد للبنك ١٥

وهنا
تكمن مشكله القروض

نصب البنوك علي المواطن،،