تعــــــال أكــــــتب وقــول أي شــــــي ...........؟؟

[خجـل]

:وردة:​

 

[أم فواز]

لما تكتشف انك كنت مغفل بموقف ما .. لا تزعل ..
بل إحمد ربك الف مرة إنك كشفت هالشي .​

 

[رَسـيـلْ]

وَ إنْ ضآقتْ عَليكْ الأرضُ بِمآ رَحُبتْ
إخرُجْ وَ إنظُر كَيفَ هِي السمآءْ رُفِعت
أمــآ عَــلِــمــتَ بِـ أن الله رَافِــعُهآ . . !
قَآدِر عَلى تَفريجْ الكُروبِ وَ إن عَظُمت

 

[رَسـيـلْ]

انطق جمالاً .. أو تجمّل بالسكوت !

 

[أمين أفندي]

لمَا نشوف إخواننا اهل الخليج وخاصة السعوديين يقضون إجازتهم بالكويت
اكيد نستانس ونفرح ونقول بدت بوادر ومعالم السياحة تطلع عندنا
لكن لمَا إخواننا السعوديين تتكرر معاهم المسخرة والزحمة بمركز النويصيب بالدخول والخروج
أكيد ما راح يقضون إجازتهم الجاية عندنا..

 

[* الأفق البعيد *]

مابال أهل الشبكة.....

 

[Way one]

مابال أهل الشبكة.....

كل خير إختنا وإستاذتنا العزيزه الأفق البعيد

..

 

[الدّر]

مابال أهل الشبكة.....

مابالك أنت وقد قلت مشاركاتك

 

[بسطويسي]

آخر مسج وصلني من وزارة الداخلية MOI
سنكشف مالديك من أسلحة وذخائر ونحيلك للعدالة وعندها لن ينفع الندم
بادر الأن.
نحن في انتظارك في أقرب مخفر شرطة
الخط الساخن:
1888830
ياوزارة الداخلية قسما بالله ماعندي حتى نباطه
يرحم امكم بلاش تهديد مابي واحد من أهلي يطيح على مسجاتكم
ويعتقد اني ارهابي يتفاوض مع وزارة الداخلية على تسليم "كونتينر" الاسلحة اللى خاشها!



​

 

[بسطويسي]

 

[غيث]

انت يا بسطويسي احس انك عندك بلاوي مو بس سلاح
سلم سلم ولا تلف وتدور الوزاره ابخص مدام خصتك من بين المشتركين هي عارفه شنو تملك
شمعنى انا ولا رساله جتني !!
اعقلها وسلم بس لا تسلم بدون تصوير ادخل من باب الشبكة مستعرضا تبخترك وانت تحمل السلاح

 

[خجـل]

:وردة:​

 

[DarkLions]

:وردة:​

بالصميم هههههههههههه الله يطول ف أعمار أمهاتنا ويرحم من توفاهم الله

 

[DarkLions]

امطار خير حاليا ف الكويت انشاءالله

 

[شتات]

ما خلف ليل الكدِّ
إلا ضحكةٍ
تحنو عليك وبابُ حلمٍ يُشرق .
ما أبصرت عينايَ
منذ فتحتها
لطفًا كلطفِ الله لما أغرقُ .

 

[الدّر]

لا تحاول تبرير أفعالك ،،،
الأيام كفيلة في ذلك ،،،،

 

[غيث]

الكويت فيها ميزه لاتوجد في اي بلد
جميع الفصول تمر علينا بنفس اليوم
السؤال هل يعتبر يوم الكويت عن سنة ؟؟

 

[رُبـّـمــا]

مساج الله بالخير اختي الغالية ربما عساج بخير انتي والعيال والأهل . واتمنى تكوني بخير وعافية ...
بصراحة بكلمج انتي اختي اللي احبها وأعزها واقدرها واحترمها حيييل ، بس تبين الصج مو حلوة بحقج صراحتج الزايدة وحبج لواضح وكل مشاركة تذكرينه وكل الأعضاء يعرفون هالشيء لاهي عاداتنا ولا طبعنا هالتصرف الحب مو حرام ولا عيب بس الطريقة اقصد طريقتج مخجلة تفشل المرأو حلاتها بحشمتها وحيائها وهالشيءيقلل من احترامج جدام الاعضاء حتى لو مابينو ووضحو،،، اسفة جدا على كلامي ولا قصدي اجرحج او اضايقج بس حبي لج هو سبب ارسالي وحبيت اكون صادقة معج
الله يوفقج ويحفظج ويحفظلج عيالج ووالدينج ويرزقج باللي تتمنين وخير مما تتمنين


--
هذي رسالة وصلتني بالخاص قبل شوي اشيك عالايميل
وبزحمة شغلي ومتعتي حسيت هالرسالة مثل الكف اللي نزل على قلبي

الغريب بالموضوع ان الاخت اعلاه مع كامل احترامي وتقديري لها ولا مرة ارسلت لي خاص تطمن على غيابي او تتحمد لي بالسلامة او تعظم اجري
هذا اللي اذكره

لكن ضميرها الكبير خلاها ترسل لي عشان خايفة على حشمتي وسقوطي بدائرة العيب

يا اختي المؤمنة
اذا انتي متزوجة ومستقرة مع واضحج فانا لازلت ابحث عن واضحي فاتركينا وشأننا
انا ابيه وادوره من سنين اذا شفتيه قوليله ربما العجوز تنطرك بشارع سبعة على سطح الكرة الارضية

قدري واحترامي يا واضح اذا بيقل مثل ما تقول اختنا المسلمة اللي فوق فيا رخص ٍبقدري وغلاةٍ فيك ..
انتي ما جرحتيني .. انتي كدرتي خاطري لأنج قديمة وتعرفين اني من سنين وانا اتخيل شخص اسمه واضح
واضح مو موجود على العالم
واضح في خيالي بس
وللأسف مناشبيني حتى بخيالي

يضيق خلقي لما اشوف الناس تحط راسها داخل قلبك وتتل حلمك غصب

لحد يتل شوقي .. خلوني متى ما حنيت واشتقت دشيت وكتبت لواضح
اللي يتضايق من مشاعري يرتاح مني بالتجاهل ..

اتمنى من الجميع يدعيلي اني ألقى ضالتي واتهنى مع واضح بالحلال عاجل غير آجل آمين يا رب العالمين
حياتي جميلة بس ناقصها سيد الرجال ..
ولكل المنتقدين .. تعلموا الحب الصافي قبل أن تقطّعوا الغافلين بأنياب نواياكم .

 

[أم فواز]

دعوة صادقة للاخت العزيزة ربما :

الله يرزقج بواضح اللي تتمنينه وتنطرينه من زمان ..
ماكو شي على الله بعيد .. قادر على كل شي ..
يحقق امانيج وينولج مرادج ..

اللهم آمين :وردة:

 

[غيث]

ربما انرتي المكان الحمدلله على سلامتج
الكل يعلم بخيالج الواسع ولا اظن احد يعتقك بوجود واضح
فالتمسي لمن ارسل لج العذر فلربما ياربما خانه حدسه