داعوس

بسطويسي

عضو مخضرم





إن كنت مثلي "مدمن" للقهوة فإليك الحل الأمثل

https://www.youtube.com/watch?v=CwS367BZlw0


انا واحد من الناس أحب بعد الريوق أخذ فنجان فنجانين
العصاري فنجان فنجانين المغربية فنجان فنجانين
تمهيدا لوقت "الدوانية" لسف الفناجيل الواحد تلوا الآخر
طيب شالحل كل ما اشتهيت لك فنجان قهوة تروح تسوي دلة!
الوقت الذي تستغرقه لصنع القهوة العربية يمكن ثلث الى نصف ساعة حتى تأخذ اول فنجان
يعني الواحد لما يقوم من النوم يالله يلحق يتريق ويطير يوزع عياله على المدارس ويلحق على دوامه
والعصاري او المغربية لو تشتهي القهوة ملزوم تسوي لك دلة تشرب منها فنجان فنجانيين وبقية الدلة بالمغسلة!

اليك الحل عزيزي المدمن
قامت الشركة اليهودية عليها من الله ماتستحق" نستله"
صاحبة منتج نسكافية Nescafe
بانتاج قهوة عربية وتم تسميتها
آربيانا
وهي سريعة التحضير وتأتي بهذا الشكل


17-04-2015 03-45-10 م.png

وتجد بداخلها اكياس القهوة بهذا الشكل
"كأكياس الكابتشينو"

17-04-2015 03-45-10 م.png

القهوة للأمانة "خايسه" وماتنشرب وتشبه قهوة "حريم البدو" اللى كانها شاي حليب "الله يديم النعمة"
لكن يبيلها "تضبيط" وتصبح قهوة "منتازه"
الحل انك تخلطها مع قهوة عربية ثانية "مطحونه" تكون انت مضبظها ومبهرها
يعني خالط معاها هيل - مسمار - بهار قهوة - على مزاجك واللى تبيه
يعني كمثال
تاخذ كيلو من قهوة نسكافية العربية
وتحط عليها "كيلوين" من قهوتك وتخلطهم مع بعض
وتعبيها بالبرطمانات او القواطي البلاستيكية كهذه


13738782896576.jpg


وبهذه الطريقة كل ماطرت عليك القهوة خلال 120 ثانية يكون الفنجان بيدك!
وطريقة تحضيرها سهلة جدا كل ماعليك هو
تبيها بفنجان باستكانة او بيالة او حتى "طاسه" ماكو مشكله


IMG_20150415_173011.jpg


وهذه تحتاج لها "أقل" من نص قفشه "حجم وسط"


22.png


والحين تقدر "تسف" قهوتك


IMG_20150415_173217.jpg


ومرحبا بكم باول فنجان بهذا الداعوس الذي انشئ للراحة والاستجمام بعيدا عن ضوضاء باقي الشبكات
 

بسطويسي

عضو مخضرم
1.png

أطلقت مجاميع شبابية بادرة طيبة للمرحوم سعود ناصر الورع


17-04-2015 05-37-03 م.png


وهذه نبذة عنه

17-04-2015 05-37-31 م.png


وتفاصيله كالتالي

17-04-2015 05-37-43 م.png





وهذا ماتبقى على المبلغ

17-04-2015 05-38-29 م.png

والتبرع من دينار الى خمسين من خلال الكي نت

17-04-2015 05-39-04 م.png


فلا تفوتك الفرصة ولو بدينار واحد فقط!

https://alnouri.org/&path=122&product_id=277
 

جواهر*

مشرفة
طاقم الإشراف
ذكرتي بطريقة الوالد الله يرحمه كان متعود اذا يسوي دلة قهوة واللي يزيد يحطه ببطل فيمتو او بطل ماي وبالثلاجة لأيام عادي مايتغير طعمها هذي نفس طريقتك وسريعة التحضير... وطريقة ثانية لمحبي القهوة مادري اذا مجرب قهوة اسمها كيف المسافر قهوة عربية سريعة التحضير ماتاخذ دقايق وبنكهات هيل زعفران وغيره ،وهالقهوة صناعة سعودية واتوقع تلقاها هني بالجمعيات او محلات القهوة، حبيت افيدك بالهشيء لأني من فترة كنت اشتهي قهوة ولضيق الوقت ماسويها .
 

بسطويسي

عضو مخضرم
ذكرتي بطريقة الوالد الله يرحمه كان متعود اذا يسوي دلة قهوة واللي يزيد يحطه ببطل فيمتو او بطل ماي وبالثلاجة لأيام عادي مايتغير طعمها هذي نفس طريقتك وسريعة التحضير... وطريقة ثانية لمحبي القهوة مادري اذا مجرب قهوة اسمها كيف المسافر قهوة عربية سريعة التحضير ماتاخذ دقايق وبنكهات هيل زعفران وغيره ،وهالقهوة صناعة سعودية واتوقع تلقاها هني بالجمعيات او محلات القهوة، حبيت افيدك بالهشيء لأني من فترة كنت اشتهي قهوة ولضيق الوقت ماسويها .


رحم الله موتانا وموتاكم وجميع موتى المسلمين
يبدو ان التبس عليج الأمر وعلى السادة والمشاهدين وايضا المسمعين عبر الاثير
طريقة المرحوم ابوج "الطريقة الشمالية" حفظ او تخمير القهوة
يعني الزايد من الدلة يحفظه في بطل ماي صحة بمكان جاف "تتخمر" او بالثلاجة وتبقى "بنفس الوضع"
اما الطريقة اللى كتبتها هي خلط القهوة العادية مع قهوة النسكافية "اربيانا" اقصد القهوة المطحونة الجديدة "الخام"

imagesRMI46EGK.jpg

كل مقدار من قهوة اربيانا يصير امامه ضعفين من القهوة العادية
وعقب ماينخلطون مع بعض تحفظ بالبرطمان وتكون جاهزة للأستعمال
وطريقة الاستعمال تجهيز ماي حار حسب الحاجة واخذ قفشة من القهوة المطحونه وطيحي له حوووووووووووس لغاية ماتذوب القهوة
ومن المهم جدا ان القهوة تكون مطحونة طحن جيد يوازي نعومة قهوة "اربيانا" حتى يذوبان بالماء معا.




 

بسطويسي

عضو مخضرم
18-04-2015 05-15-57 م.png


انتشر خبر عن زمردة نادرة تم اكتشافها بروسيا!
قلت لنفسي ابي اشوف هالزمردة!
بحثت عنها فوجدتها بهذا الشكل!!!!


IMG_20150418_171154.jpg



فأقسمت ايمانا مغلظة انني لو انا من وجدها في بيتي لأمرت الخادمة بقذفها بدرام الزبالة خوفا على زجاج البيت وشاشة التلفزيون من الأطفال
صحيح من قال ولد الفقر طول عمره ولد فقر!!

:باكي:​
 

بسطويسي

عضو مخضرم
ياخجل الموضوع اسمه داعوس
وهالصينية واللى عليها المفروض ماتحطينها بهذا الموضوع اخاف تنسرق!
وبعدين انا اكره سوالف الاتيكيت
وقهوتج قهوة اتيكيت اكثر منها ترحيب

:rolleyes:
اللعنة على الايتيكيت
أتشرف ولي الفخر انني احد من قام بهذه المجزرة بالمخيم بالشتوية اللى فاتت


+18



18-04-2015 05-50-06 م.png








IMG_20150307_210231.jpg






 

تباشيرالأمل

عضو مخضرم
مساءبريحة الهيل
بسطويسي انا جايه اضارب واهاوش مع انه ماهومن طبعي
بس عاد انت شيشتني ومن قال ان حريم البدو ماهي بزينه قهوتهم
بالعكس البدويه هي راعية القهوة تعرفها من ريحتها اذا هي زينه اولا
وتعرفها من طعمها اذا محموسه صح اولا
وطريقتك مع احترامي للختراع حقك ماتعدل راس صاحب الكيف
الي له مزاج بالقهوة
وعموما بالعااافيه وجعل دلالك ماتهجر
 

أم فواز

فـزّاعة

والله خايفة اعترف بشي خاص بالقهوة .. واتفشل
بس عادي دام دشيت الموضوع بعترف ..

ترى توني أعرف أسوّي قهوة مثل خلق الله .. لاني راعية قهوة ولا عمري سويتها واضبطت ! ما غير اجرب فيها ٢٠ مره وآخرتها تنكب ..
عاد عقب ما ضبطتها الحين اقدر أقول اني أنجزت شي زين .. وترى ما علي ملامه لأني حضرية والحضر ما يقايشون البدو في عمل القهوة .. و يالله حيّهم :وردة:

بسطويسي ..
منزل مبارك هالداعوس العجيب .

image.jpg
 

خولة

عضو مخضرم
والله خايفة اعترف بشي خاص بالقهوة .. واتفشل
بس عادي دام دشيت الموضوع بعترف ..

ترى توني أعرف أسوّي قهوة مثل خلق الله .. لاني راعية قهوة ولا عمري سويتها واضبطت ! ما غير اجرب فيها ٢٠ مره وآخرتها تنكب ..
عاد عقب ما ضبطتها الحين اقدر أقول اني أنجزت شي زين .. وترى ما علي ملامه لأني حضرية والحضر ما يقايشون البدو في عمل القهوة .. و يالله حيّهم :وردة:

بسطويسي ..
منزل مبارك هالداعوس العجيب .

مشاهدة المرفق 13023

هلا بهالطلة ،، الشبكة كانت مظلمة بدونج ،،،:وردة:
 

بسطويسي

عضو مخضرم
بداية مشوقة للاسلوب المعهود من اخونا بسطويسي
سجلني متابع دتيم بدون ضرايب واسحب طلبي هذا بعد الضرايب
بس للامانة يابسطويسي الطريقه صجي مالت القهوه
لروحك بساتين زعفران


نورت الداعوس ياخوي
وبالنسبة للطريقة مجربة ومعتمدة وجربتها حتى بالسفر
انا ان سافرت ماوصلت لمرحلة اخذ عزبة معاي زين اشيل ملابسي
خلال هالطريقة شيل بس القوطي ووقف عند اي كافتريا او مطعم واطلبه فقط قفشه وقلاص فيه ماي والباقي عليك وتمتع بالمذاق واستمتع بالمزاج
 
أعلى