سؤال وجواب استشاره مصيريه ؛(

[كويتيه ماركه]

السلام عليكم

أنا حبيت أستشيركم وأنا للأمانه لجأت لكم لأن احس رواد هالشبكه كبار وفاهمين

المهم بتكلم عن موضوعي
أنا تقدملي شخصين كلهم من العايله

واحد فيهم شخصيته مكسوره من صغره وفيه نسبه من الجمال ووظيفته حيل راقيه // وكل اللي استشيرهم يقولون اخذيه عشان تسيطرين عليه وتتحكمين فيه !! وانا احس تفكيرهم سطحي انا ابي امن حياتي على شخص اعتمد عليه في كل امور حياتي مو شخص كلمه توديه وكلمه تجيبه !!

والثاني وظيفته عاديه بس الكل يحط له اعتبار يعني بالعربي له وجود ..

انتو شرايكم لأن الموضوع مصيري ؟؟ و هل الموضوع فيه عقوق لأبوي لو خذيت برايي واخترت اللي ابيه واشوفه يناسبني

 

[رَسـيـلْ]

وعليكم السلام والرحمة خيتي
أول شي الله يوفجج ويرزقج على قد نيتج:وردة:

أهم شي بالرجل أخلاقه،مومعناته إن شخصيته مكسوره يعني مافيه خير؟ ولا إن شخصيته قويه إن تضمنينه ظهر لج....
ساعات يكون شخصيه قويه وخدوم للغير وهوا أردى واحد يعامل أهله
وساعات تكون شخصيته مكسوره (بسبت ظروف قدرها ربي )،وهوا الوحيد اللي يجبر بخاطر أهله.

اختي استخيري وسوي اللي يرتاحله قلبج
والموضوع مافيه عقوق دام الريال صالح ومافيه شي يعيبه بنظرة أهلج :وردة:

 

[تويتر الكويت]

السلام عليكم

أنا حبيت أستشيركم وأنا للأمانه لجأت لكم لأن احس رواد هالشبكه كبار وفاهمين

المهم بتكلم عن موضوعي
أنا تقدملي شخصين كلهم من العايله

واحد فيهم شخصيته مكسوره من صغره وفيه نسبه من الجمال ووظيفته حيل راقيه // وكل اللي استشيرهم يقولون اخذيه عشان تسيطرين عليه وتتحكمين فيه !! وانا احس تفكيرهم سطحي انا ابي امن حياتي على شخص اعتمد عليه في كل امور حياتي مو شخص كلمه توديه وكلمه تجيبه !!

والثاني وظيفته عاديه بس الكل يحط له اعتبار يعني بالعربي له وجود ..

انتو شرايكم لأن الموضوع مصيري ؟؟ و هل الموضوع فيه عقوق لأبوي لو خذيت برايي واخترت اللي ابيه واشوفه يناسبني

هذا الموضوع ما يبيله سؤال ولا استفسار
انتي جاوبتي على نفسج بنفسج
اكيد اللي شخصيته قوية و له احترام وتقدير عند الناس افضل
اللي شخصيته مكسورة مثل ما قلتي او ضعيفة او مهزوزة
هذا شلون يبي يحميج او يدافع عنج وشلون تحسين معاه بالامان
وشلون راح يربي عيالج وشلون عيالج بيهابونه ويسمعون كلامه اذا كبروا

 

[تويتر الكويت]

العقوق لو عصيتي ابوج في حق من حقوقه
لكن انج تختارين الشخص الانسب والاصلح وين العقوق ؟؟؟؟؟؟

 

[رَسـيـلْ]

هذا الموضوع ما يبيله سؤال ولا استفسار
انتي جاوبتي على نفسج بنفسج
اكيد اللي شخصيته قوية و له احترام وتقدير عند الناس افضل
اللي شخصيته مكسورة مثل ما قلتي او ضعيفة او مهزوزة
هذا شلون يبي يحميج او يدافع عنج وشلون تحسين معاه بالامان
وشلون راح يربي عيالج وشلون عيالج بيهابونه ويسمعون كلامه اذا كبروا

ردك للأسف مافيه إنسانية
التعميم منبوذ( ولا تزر وازرة وزر أخرى ﴾

 

[تويتر الكويت]

ردك للأسف مافيه إنسانية
التعميم منبوذ( ولا تزر وازرة وزر أخرى ﴾

شدخل الانسانية بالموضوع
انا اتكلم عن صفات شخصية والشخص ما اعرفه علشان اظلمه او اتحامل عليه
هذا رأي شخصي وكل شخص حر في ابداء رأيه

 

[محمد001]

السلام عليكم

أنا حبيت أستشيركم وأنا للأمانه لجأت لكم لأن احس رواد هالشبكه كبار وفاهمين

المهم بتكلم عن موضوعي
أنا تقدملي شخصين كلهم من العايله

واحد فيهم شخصيته مكسوره من صغره وفيه نسبه من الجمال ووظيفته حيل راقيه // وكل اللي استشيرهم يقولون اخذيه عشان تسيطرين عليه وتتحكمين فيه !! وانا احس تفكيرهم سطحي انا ابي امن حياتي على شخص اعتمد عليه في كل امور حياتي مو شخص كلمه توديه وكلمه تجيبه !!

والثاني وظيفته عاديه بس الكل يحط له اعتبار يعني بالعربي له وجود ..

انتو شرايكم لأن الموضوع مصيري ؟؟ و هل الموضوع فيه عقوق لأبوي لو خذيت برايي واخترت اللي ابيه واشوفه يناسبني

أولا: بالنسبة لي موافقة الأب هذا شرط من شروط الزواج كما أن موافقة البنت شرط من شروط الزواج،

يعني إذا انتي مو موافقه ما يتم الزواج وإذا أبوج مو موافق ما يتم الزواج.

ثانيا: إذا كانوا متساوين بالدين والأخلاق فذو الشخصية القوية أفضل خصوصا في تربية الأولاد وكذلك في مسألة المشاكل العائلية مع أم الزوج وأخوات الزوج.

 

[محمد001]

وطبعا الدين والأخلاق في المرتبة الأولى قبل كل شيء

 

[حوللي]

نصيحة أختاري منهم الأكثر قرباً من الدين بغض النظر عن قوة أو ضعف شخصيته (رغم تحفظي الشديد على المصطلح) .

 

[ابو غلا]

القرارات المصيريه يبيلها قرار فردي و ما تتحمل المجامله

 

[ابعتذر]

اسستخيري

وانصحش بالثاني

مهما غرقك بالفلوس والهدايا ومعدوم الشخصيه راح يطيح من عينك ومن عيون غيرك
يا زين الرجل الي معاه هيبه وينفقد لا غاب ولا حضر اثبت وجوده

يا كم دكتور ومحامي قضبناه الباب
ويا كم عسكري شاصي قلنا له يا مرحبابك ههههههههههههههههههههه

والله يوفقك

 

[تويتر الكويت]

نصيحة أختاري منهم الأكثر قرباً من الدين بغض النظر عن قوة أو ضعف شخصيته (رغم تحفظي الشديد على المصطلح) .

الدين وحده لا يكفي
لابد من الدين والخلق
الحديث يقول
اذا جاءكم من ترضون دينه و خلقه فزوجوه
ولم يقل من ترضون دينه
دين بدون اخلاق لا يكفي
لان بعض الناس يدعي انه متدين وهو أبعد الناس عن الدين
شنو الفايدة تتزوج البنت واحد متدين لكنه بخيل او جبان او ظالم
لان بعض الناس تدينهم الذي يدعونه كذبا و زورا
لا ينهاهم عن الظلم و البخل والقسوة والجبن
لانه ليس متدين بمعنى الكلمة فهو متدين ظاهريا فقط

 

[تويتر الكويت]

القرارات المصيريه يبيلها قرار فردي و ما تتحمل المجامله

بل تحتاج الى استخارة و استشارة
كما تقول الحكمة لاحد الحكماء وهو ليس حديث كما يزعم البعض
ما خاب من استخار ولا ندم من استشار
ولكن استشارة من تثق في دينه و خلقه و عقله
وأهم شي ما تستشير الحريم لان أغلب الحريم رايهم عوج
لانها تفكر بعاطفتها مو بعقلها وتفكر بالمظهر وتترك الجوهر
والحريم يكثر بينهم الحسد والغيرة
بعض الحريم تعطي استشارة غلط علشان تنتقم من صديقتها
لانها ماتت من الغيرة لان رفيجتها انخطبت وهي للحين عانس
لذلك احسن شي سوته الاخت انها استشارت اخوانها في المنتدى
حتى تبعد عن راي الحريم لان اغلب اراء الحريم غلط في غلط

 

[تويتر الكويت]

يا كم دكتور ومحامي قضبناه الباب
ويا كم عسكري شاصي قلنا له يا مرحبابك ههههههههههههههههههههه

بهذي صدقت
خصوصا اذا كانوا من الدكاترة
اللي قال عنهم النائب السابق سعد طامي العجمي

 

[ابو غلا]

بل تحتاج الى استخارة و استشارة
كما تقول الحكمة لاحد الحكماء وهو ليس حديث كما يزعم البعض
ما خاب من استخار ولا ندم من استشار
ولكن استشارة من تثق في دينه و خلقه و عقله
وأهم شي ما تستشير الحريم لان أغلب الحريم رايهم عوج
لانها تفكر بعاطفتها مو بعقلها وتفكر بالمظهر وتترك الجوهر
والحريم يكثر بينهم الحسد والغيرة
بعض الحريم تعطي استشارة غلط علشان تنتقم من صديقتها
لانها ماتت من الغيرة لان رفيجتها انخطبت وهي للحين عانس
لذلك احسن شي سوته الاخت انها استشارت اخوانها في المنتدى
حتى تبعد عن راي الحريم لان اغلب اراء الحريم غلط في غلط

اكثر امثالنا وحكمنا الدارجه دججتنا وضيعتنا

 

[عبدالله العبدلي2]

استفتي قلبك وان افتوك الناس ، انصحك اختي الكريمه بشخص مختص بأمور الاسره مثل حارث المزيدي تواصلي معه قد يفيدك اكثر وانت بحاجه الى معلومات اكثر عن المتقدمين لك من ناس موثوقين ولايبالغون بالسلب ولا الايجاب ،.