تقريبا كم يحكم فى اجرة المسكن وتأثيه ؟

boazozy

عضو جديد
السلام عليكم
انا طلقت طلاق بائن ولى منها 3 اطفال
حكمت المحكمه بالزامى مبلغ وقدره 260 دينار ولازالت القضيه مستمره لانها رافعه على استئناف
الان رفعت على قضيه اجرة مسكن وتأثيث

ما هو اقل مبلغ و أعلى مبلغ في أجرة المسكن وتأثيثه تقدر تاخذ حكم فية طليقتي حسب خبرتكم في الفضايا السابقة ؟

و الله يهدي المشرعين و يعدلون قانون الأحوال الشخصية الي يشجع الحريم على الطلاق و الأنتقام و ضياع الأطفال
 

الدّر

عضو بلاتيني
يعتمد على راتبك وماعليك من أقساط المحكمة تقدر ، وإذا كانت المطلقة في بيت أهلها ماتدفع أجار ماراح تحصل شي أو كانت تقاسمك السكن أما إذا مأجرة بره فللأسف راح يزيدون النفقة
 

boazozy

عضو جديد
يعتمد على راتبك وماعليك من أقساط المحكمة تقدر ، وإذا كانت المطلقة في بيت أهلها ماتدفع أجار ماراح تحصل شي أو كانت تقاسمك السكن أما إذا مأجرة بره فللأسف راح يزيدون النفقة
انا صافي راتبى تقريبا 800 دينار وهي مأجره بره
كم تقريبا ؟؟؟؟؟؟
 

alkingz

عضو
اخوي ما راح يفيدك الا محامي مختص وشاطرفي قضايا الطلاق وللعلم انا مطلق وعندي بنتين وادفع نفقه شهريه250 kd يعني انت احسن مني
 

alkingz

عضو
ترى على فكره القانون الكويتي مع طليقتك لان ما راح تهدك كل سنه يحق لها ترفع عليك ذياده نفقه الاولاد يعني بالعربي انت بطلت باب جهنم عليك شتسوي (ديره حريم ) الله يكون في عونك
 
التعديل الأخير:

alkingz

عضو
لا والحين في موضه جديده اي وحده طلق تاخذ راتب كل شهر من وزاره الشؤن ٦٠٠ دينار يعني احسب ٦٠٠ +٢٦٠ نفقه شهريه منك =٨٦٠ يعني طليقتك شتبي فيك
 
التعديل الأخير:

OmShosho

عضو جديد
تقريبا ١٠٠ دك للسكن

استشير محامين افضل.

عندك :

المحاميه منى الآربش ممتازه وشاطره بآغلب المجالات عن تجربتي الشخصيه معاها انا وبعض معارفي وتعطي من نفسها ووقتها وتتواصل وتهتم مو كل شي على المستشارين. اهي كان لها خبره ٧ سنوات بالحكومه اعتقد بالقانون الاداري

والمحامي هشام الفهد .. مكتبه قوي ومستشارينه اقويه بس اهو مو وايد بالقانون يعني اللي عنده بالمكتب اهم الاقويه..
 
التعديل الأخير بواسطة المشرف:

boazozy

عضو جديد
القاضي لم يراعي ظروفي وحكم علي ١٥٠ دينار بدل سكن في حكم استئناف مع قدمت له مذكرة وحافطة مستندات اثبت ان ما يتبقي من التزامات ٣٠٠ ولكنه لم يراعي ذلك وهم لي زوجه اخري اصرف عليها ولم يراعي ذلك وقام بحكم ١٥٠ بدل ايجار الله لا يسامحه لم يستمع الي لاني مسكين ولم اقوم باحضار محامي قمت بنفسي ذلك
 
التعديل الأخير بواسطة المشرف:
وليش تطلق ياخوي
انا من اسمع سوالف الربع انصدم منكم تطلقون وتبتلشون
خلك معلقها ليمنن تخلعك او تتنازل عن حقوقها وطلقها بس الحين الفاس طاح ع راسك ياخوي
 
أعلى