سؤال وجواب عندي سيارة ابي ابيعها و بيعتها ثقيله

denamet

عضو
السلام عليكم
عندي سيارة اللمانية يديده مواصفات زينه و سيارة محترمه

حطيت لها اعلانات وما كان في اقبال اكبير !؟
وعرضتها بمكتب ومحد طل فيها:(
وابي ابيعها وابي اشتري غيرها
مابي اثمن لانه يكسر السعر
المهم ان السيارة صارلها شهر ما انباعت
شنو تقترحون علي ؟ شسوي فيها ؟
 
اخوي دناميت

دناميت اكتب لي رقمك بالخاص وانا بتصل عليك وانا اعلمك الطريقة اللي تبيع فيها السيارة وانت قاعد في بيتكم وصدقني هالطريقة اريح شي لك وسهلة وبسيطة جدا جدا

تحياتي لك
 
هلا اخوي اول شي اعرضها بكويت كار وتلقائي راح ينزل الاعلان برنامج فورسيل ثاني شي فصل استكر بشارع الزينه مكتوب عليه للبيع او for sell ماراح يكلفك دينار ونص وافتر بشارع الخليج وان شاءالله بتنباع

والنقطه الثانيه لازم تحط سعر مناسب (سعر السوق) ومعروف اي سياره تطلع من الوكاله يطيح من سعرها 1000 دينار لو مو ماشيه كيلو وكل سنه يطيح 800 من قيمتها مو قاعده لكن متعارف عليه

والله يوفقك ويرزقك بالبنت اللي تاخذ السياره بالسعر اللي بخاطرك وبدون فحص وعوار راس
 

محمد001

عضو فعال
السلام عليكم
عندي سيارة اللمانية يديده مواصفات زينه و سيارة محترمه

حطيت لها اعلانات وما كان في اقبال اكبير !؟
وعرضتها بمكتب ومحد طل فيها:(
وابي ابيعها وابي اشتري غيرها
مابي اثمن لانه يكسر السعر
المهم ان السيارة صارلها شهر ما انباعت
شنو تقترحون علي ؟ شسوي فيها ؟

أنصحك تعرضها بالإنستقرام من خلال حسابات بيع السيارات

وإن شاء الله تحصل مشتري خصوصا أن الغالبية إلحين يتابعون الإنستقرام.
 
كتبت لك الحل فوق اخوي دناميت ,,,,,,, انا قلت لك بعطيك طريقة تبيعها وانت قاعد في بيتك والسيارة تنباع ......... انا قلت كلامي وكلامي واضح وانا اعرف شنو قاعد اقول ,,,,,, تحياتي
 

denamet

عضو
الله يوفقك اخوي في بيعتها

بس انتبه وانا اخوك من الهكره اللي يالصليبيه وتيماء اللي من ربع ( ضاع حلقك وهيجي وهيج )


هههههه لايحوشك لو شيصير ما اوقف لهم هذيل شغل شوارعي ومادري وين دور البلدية عنهم ماتمنعهم لان صج وايد ناس انضحك عليهم من هالسوالف
 

OK

مشرف
طاقم الإشراف
اخوي انت اللي تحل مشكلتك بنفسك حدد ليش السياره مو مرغوبه يعني فيها دعمه فيها صبغ فيها ضربة شاصي او الماكينة مو مضبوطة او او او وبعدها راح تعرف وين العله واذا كانت سليمه ادخل على فور سيل وابحث عن خواتها وشوف اسعارهم وقتها راح تقدر تقيم السوق عدل
 
أعلى