عبر عن حالتك النفسيه...ببيت من الشعر

.


لا مر طيفك علي ب حزنه وعيده ** أشوف قلبي على متن السما شلّـع

ما فاد شجبه لحرمانـه وتنديـده ** قلبي ولكن أحسه منّي مطلّع

بيت الغلا اللي تشاركنا بتشييـده ** مالت ركونه علي وبابـه مخلّـع

وشلون اطبطب وادلّع وانتي بعيدة ** والبعد ما فيه لا طبطب ولا دلّع

مافيه غير التعب و2000 تنهيـدة ** ومع كل تنهيدة القى خافقي ولّـع


.
 
.

عزاه ياقلب ظروفه تحداه ** مامر به يوم من الهم سالي

وعزاه ياقلب فقد كل قواه ** وشدة عليه الحمل سود الليالي

على حبيب مابقى غير ذكراه ** اللي بنومي شفت زوله قبالي

وفزيت من نومي ابي القرب وياه ** وجدت نفسي في فراشي لحالي



.
 
.

أخفى دموعى لكن الدمع حـراق ** لا حـل طاريها تبيـن الحقايـق

متشربٌ صدرى هواهـا بالاعماق ** ولعطرها يأخذنى القلـب تايـق

كتبتها بالاسم فـى بيـض الاوراق ** ولصدهـا كتبـت مانى بطايـق

أقّبل حروف الاسامى ليا ضاق ** صدرى ومنها يصبح الصدر رايـق


.
 
ظروفنا تشين لكن خاتمتها تزين
وما نرخص نفوسنا لا شانت ظروفنا
ومعروفنا ما نعده لا فعلناه دين
لكن عند الكفو ما ضاع معروفنا
ما هوب يا خوفنا نخسر رضا العالمين
ما يغضب الله هو اللي منه يا خوفنا
ومن شافنا بعين ولا شافنا بنص عين
حنا نشوفه مثل ما عينه تشوفنا
 
.


عزاه ليت الصبر يشرى والله اني لشتريه ** وياطي حالي من غرابيل الزمان وطيته

اثر الهوى يخلي الرجال ينسى امه وابيه ** الا بري حاله وعزيله وممحق نيته

يصد عن بعض الوجيه ويشكي لبعض الوجيه ** لاهل دمعه عند خلق الله وربي بيته

ياليتهم يدرون باللي في فوادي كلّبيه ** كان اعذروني واتركو قلبي على سجيته

.
 
أعلى