سؤال وجواب مشكلة هوا براسي .. وربي تعبت ماقدر انام ولا اقعد

ا

الخيل الحر

عضو فعال
انا مشكلتي سلمكم الله ..بدات من بعد ما خلصنا كره وتسبحت بالنادي قبل خمس ايام .. وكنت معرق وقعدت تحت التكيف .. وقبلها حطيت ستشوار براسي حاااار لمدة ربع ساعه وانا اسولف ..وناسي نفسي

المهم ماقدرت انام ورحت مستفشى وتحاليلي سليمه .. وتعبت من الطبيب .. شاروا علي قالوا يمكن هوا بالراس ..

اعراضي

1- صداع فضيع متنقل ما ينفع معاه لا ادول ولا بندول ولا اكسترا ولا شد راس
2- الم بالظهر والعظام وتعب واجهاد فضيع جدا ..احس اني راكض الف كيلوا اذا وقفت
3- اسمع صوت طنين باذني كاني سابح بالبحر وفي باأذوني ماي .. يعني الف رقبتي اسمع هوا يلعب وراسي ثقيللللللللللللللللل كانه متروس ماي
اذا ضحكت او سولفت يشد الالم براسي ..وكتمه مو طبيعيه وعصبيه زايده

بعد اعراضي شنو تشخيصكم ؟ اتصلت بشيخ وشافني قال ماتحتاج رقيه لاني خفت انه يكون مس ويقول مافيك شي يمكن فيك عين او هوا

المهم شوروا علي اروح عند منو .. بس تكفون مو تقولون النصاب الي يسوي لبخه بالدوحه .. لانه مو مضبوط


تكفون الي مرت عليه الاعراض يعطيني الحل واتمنى يكون مجرب بنفسه ..

دعواتكم
 
ترتيب حسب التاريخ ترتيب حسب الأصوات
أم فواز

أم فواز

فـزّاعة
ح / م ~ قال:
تبخر بالقسط البحري وعن تجربه
وهم اشربه عالريج اخذلك منه بملعقة حوس بفنجان وشوي ماي دافي،
استمر جم يوم بس وراح تلاحظ الفرق بسرعه باذن الله الشافي المعافي​
أنقر للتوسيع...

نعم أؤيد الأخت الكريمة @ح / م ~
.. فالقسط البحري
مفيد لأعراض كثيرة واسأل عنه عند الحواج ..
لا بأس عليك وان شاء الله تجد فيه الشفاء .
 
تأييد 0 تصويت سلبي
ا

الخيل الحر

عضو فعال
/quote="ابو مناحي المطيري, post: 3342897, member: 10646"]بحياتي كلها ما سمعت عن هالاعراض متجمعة بوقت واحد!!!!!!!!

أسأل الله العظيم رب العرش الكريم أن يشفيك
[/quote]

ياخوي عساك ماتشوف هل اعراض ولا تعرفها ... هذه سلمك الله يسببها دخول الهواء بالراس.. او ما يسمى بالفتك او ما يسمى بالفري ..

وهو سبب لانتحار كثير في امريكا .. لعدم معرفة السبب الرئيسي لهذا المرض .. وسبحان الله علاجه سهل بالطب الشعبي ..
وعل فكره 90/100 من الناس المصابين مايدرون بوجود الفتك .. وللاسف فجئه تشوفه صار مينون وصار يهذي .. او يسولف ما يشبع لما راسك يصدع .


أسبابه : - التكيف البارد بعد رياضه شاقه ... بريك سياره قوي ارعبك او صدمه عاطفيه او نفسيه .. او عين من حاسد ..او رش ماي بارد على الراس واهوا ساخن ..

جزاك الله خير على الدعاء الطيب
 
التعديل الأخير:
تأييد 0 تصويت سلبي
ا

الخيل الحر

عضو فعال
ح / م ~ قال:
تبخر بالقسط البحري وعن تجربه
وهم اشربه عالريج اخذلك منه بملعقة حوس بفنجان وشوي ماي دافي،
استمر جم يوم بس وراح تلاحظ الفرق بسرعه باذن الله الشافي المعافي
​
أنقر للتوسيع...
الله يجزاك خير عزيزي ح م .. باذن الله بعد ما اشيل الصبخه أجرب القسط البحري واتبخر فيه ..تسلم ربي يحفظك
 
تأييد 0 تصويت سلبي
ا

الخيل الحر

عضو فعال
أم فواز قال:
نعم أؤيد الأخت الكريمة @ح / م ~
.. فالقسط البحري
مفيد لأعراض كثيرة واسأل عنه عند الحواج ..
لا بأس عليك وان شاء الله تجد فيه الشفاء .
أنقر للتوسيع...


مشكورة اختي ام فواز ربي يحفظج .. باذن الله بنجرب هل قسط والله يكتب الي فيه الخير

جزاج الله خير عل دعاء الطيب ..
 
تأييد 0 تصويت سلبي
ا

الخيل الحر

عضو فعال
نسيت اقول شغله يا اخوان يمكن تفيدكم

انا كنت قبل التمرين وصار لي بس اسبوعين؟ اشرب ماي اسمه اوكسجلينر .. يعني ماي كله اوكسجين .. فما ادري هل كان سبب من الاسباب او لا .. بس حبيت احذركم
 
تأييد 0 تصويت سلبي
H

Hossam Edden

عضو جديد
اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك اسأل الله العظيم رب العرش العظيم ان يشفيك
اخي الكريم ان لم تفلح المحاولات الطبية وايضا بجانبها عليك بالرقية الشرعية الفاتحة سبع مرات واية الكرسي ثلاث مرات والمعوذتين وقل هو الله احد ثلاث مرات واخر سورة البقرة من اول امن الرسول بما انزل اليه من ربه ثم بعد ذلك تقول اعوذ بكلمات الله التامة من كل عين لامة ومن كل شيطان وهامة ثلاث مرات وايضا حاول تشوف كم المبلغ الذي كلفك الفحوصات والادوية وتبرع به في اي مكان به مرضى غير قادرين على تكاليف العلاج كل هذا مع يقينك التام بان الله هو الشافي وانه بيده كل شيء ودمت بصحة جيدة استودع الله دينك واماناتك وخواتيم اعمالك ان شاء الله طهور
 
تأييد 0 تصويت سلبي
ا

الخيل الحر

عضو فعال
الله يجزاكم الف خير .. راح اقولكم خطواتي حتى من يتعب بعدي لا قدر وعسى ربي يعافيكم منه .. يبدا من حيث انتهيت

1- حمدلله مشيت بالرقيه الشرعيه بالبيت مع نفسي ..ارتحت لكن لم تختفي الاعراض
2- سويت صبخه مرتين طول فترة العشر ايام هذه الي اعاني منها عند وحده عيوز اسمها ....... .. خف بس الصداع بنسبه كبيره لكن ما اختفى الهواء الي بالاذن .. ...يمكن لان الواحد لما يشد بعصابه راسه طبيعي يختفي الصداع؟ لكن لم تختفي الاعراض
3- رحت للمستشفى وسويت تحاليل دم وتحليل اشعه للصداع قبل خمس ايام .. تحاليل الدم
سليمه ... وقالي الدكتور التهاب بالجيوب الانفيه؟ مع ان ماعندي اي شي بالجيوب الانفيه ماذيني
ولا ادخن ولا اشيش .. المهم عطاني مضاد حيوي اكلتها خمس ايام وماكو فايده.. الصدمه رحت
اليوم لنفس المستشفى ولقيت دكتور ثاني؟ شاف الاشعه القديمه قال من قال فيك التهاب بالجيوب
الانفيه...@@ .. وحط على الاذن جهاز يقول المجري نظيف ومافي شي بالاذن .. المهم شار لي ببعض الفحوصات .. وكلها نظام مواعيد ولويه ..
4- اسعملت القسط البحري الابيض.. صراحه ماقدر اقول ما استفدت .. لكن ماراحت الاعراض خصوصا
الاذن مسكره وكان فيها هواء ..للامانه استعملتها بس يومين ..
5- سويت حجامه وكاسات هواء .. وكرب للراس ههههههههه هم ماكو فايده
6- الي عنده اي فكره تفيدني انا حاضر.. صرت حقل تجارب هههههههههه
اللهم اشفني فانه لا شفاء الا شفائك شفاءا لا يغادر سقما ..
.........
 
تأييد 0 تصويت سلبي
U

Unkent

عضو جديد
يعطيك العافيه اخوي الخيل الحر انا فيني نفس هالاعراض اللي تقول عنها احس راسي فيه ثقل وجنه فيه هوا اذا تقدر تفيدني لقيت علاج لها ولا لأ
ومشكور
 
تأييد 0 تصويت سلبي
ا

ابو عبدالله الهلالي

عضو جديد
او اي احد من الاعضاء ولا حد يقول لي تجارب الزيتون ومدري شنو. خذيت زيتون وحبه سودا ما نفع
تبخرت باذخر ما نفع
الفكس خلصت علبه وما نفع.
وعندي طنين بالاذن اليسرى وانهاك بالجسم. وصداع متنقل غالبا نصف الايسر من الراس بس صداع متوسط مو قوي .
التحليل الكامل اظهر انخفاظ في فيتامين دال
تخطيط السمع اظهر انخفاظ في السمع في الاذن اليسري بمقدار١٠٪فقط ولا يوجد التهاب في الاذن الوسطى او الداخليه
Thank you very much
 
تأييد 0 تصويت سلبي
تباشيرالأمل

تباشيرالأمل

عضو مخضرم
السلام عليكم
علاج هواء الراس اذاكان شديد الكي فقط
وعند شخص عارف يكوي في منتصف الراس ومقدمته
واقول هل الكلام عن تجربه عشتها مع ولدي
سنه وهو يعاني من الاعراض الي ذكرالاخ
وزياده عليها النسيان والتوهان وعدم النوم
كواه رجال معروف في منطقة القصيم
في البداية تعب وزادت الاعراض بشكل كبير لكن الرجال طمنا عنه
من شدة تعبه ترك ترم دراسي ..وكان حاميه من اللحم والصوت العالي
لمدة اربعين يوم ومن الماء مايوصل لمكان الكي
وبعد شهر ونص ولله الحمد والشكر
طاب وصار احسن من اول
ورجع.لحياته الطبيعيه

نصيحه لاتهمل نفسك شف
شخص يعرف يكوي هواء الراس
وربي يشفيك
 
تأييد 0 تصويت سلبي
ب

بو ماجد

عضو بلاتيني
الأخ الخيل الحر
أسأل الله العظيم رب العرش العظيم أن يشفيك وأن يريحك من هذا المرض
جرب الكي وشوفلك واحد من أهل الطب الشعبي حتى لو تروح القصيم للي ذكروه الاخوان
لاتهمل نفسك

الأخ نايف العنزي
التداوي بالكي ثابت عن الرسول صلى الله عليه وسلم وأنا شخصياً لولا الله سبحانه وتعالى ثم علاج الكي ماشفيت
كنت طفل عمري ست شهور ومرضت مرض شديد يأس منه الأطباء ولولا كي الرأس بمنطقتين والرقوش اللي بالظهر كان الله أعلم بحالي
ولا زال أثرها موجود إلى الآن والحمدلله الحمدلله الحمدلله
 
تأييد 0 تصويت سلبي
يجب تسجيل الدخول أو التسجيل كي تتمكن من الرد هنا.
أعلى