سؤال وجواب اللي استقال من الجيش يتفضل

[يارب أرزقني]

السلام عليكم ورحمة الله وبركاته

أنا كنت موظف في الجيش البحري ولي 8 شهور ماداومت ماارتحت نفسياً وطلعت

وانا اللحين ابي اقدم استقالتي هل يقبلونها ؟؟

وهل علي عقاب؟؟

انا داومت في الجيش 4 سنين و7 شهور

وهل أستطيع أني أقدم على الجيش الجوي؟؟

 

[يارب أرزقني]

وكيف أقدم أستقالتي ؟؟

ساعدوني الله يساعدكم

 

[راجح العتيبي]

والله اخوي انا مو في الجيش لكن عندي خلفيه عن موضوعك

بنسبه للاستقاله في الجيش ما يسير تستقيل الا بعد خمس سنين

وبنسبه للنقل يسير بواسطه ... انا اعرف واحد كان يداوم في البحريه نقل للبريه بواسطه

 

[magnum]

السلام وعليكم​

انا سألتلك واحد يداوم بالقضاء العسكري يقولك​

من تغيب عن عمله أكثر من واحد وعشرين يوم ينزل فيه تسريح تحت التعقيب وأذا كمل اكثر من شهرين تلقائي تنزل كشوفات المتغيبين أذا تجاوزت الست شهور يسرحونك​

مسرح من الخدمه - غياب​

ولا تقدر تقدم أستقاله ​

اذا بتقدم أستقاله شوفلك واسطه تردك من القضاء العسكري ​

وبس يحاكمونك وتطبق الحكم بعدها أستقيل ​

الجيش الحين صارك 8 شهور فأكيد نزل تسريحك نهائي ​

مودتي​

 

[M!ND]

السلام عليكم ورحمة الله وبركاته

أنا كنت موظف في الجيش البحري ولي 8 شهور ماداومت ماارتحت نفسياً وطلعت

وانا اللحين ابي اقدم استقالتي هل يقبلونها ؟؟

وهل علي عقاب؟؟

انا داومت في الجيش 4 سنين و7 شهور

وهل أستطيع أني أقدم على الجيش الجوي؟؟

وكيف أقدم أستقالتي ؟؟

ساعدوني الله يساعدكم

لايوجد جيش بحري وجوي!!!!
هناك قوة جوية وقوة بحرية
اولاً لابد ان تداوم
ثانياً ستحاكم
وبعد صدور الحكم و(( تنفيذه)) تستطيع ان تذهب لاي مكان.
* اذا كانت اقوالك اثناء المحاكمه بأنك ترغب في العمل لدى القوة الجوية (( ستقدر المحكمة هذا امر)) ولكن لابد من العقاب...
:وردة:

 

[يارب أرزقني]

طيب كيف عقابهم ؟؟

حجز لمدة كم يووم؟؟

 

[M!ND]

صراحة لحد اهني STOP الأمر يعود لتقدير المحكمة (( والحيثيات ))
​

 

[يارب أرزقني]

على العموم مشكورين راجح العتيبي - magnum

عبدالعزيز الثاني على الرد والافاده

واللي عندها اي معلومه ياليت يظيفها

 

[الأناضول]

الله يعينك ويسهل أمرك

 

[كـــويــــت]

اخي الكريم
حاليا اعتبر نفسك مصرح من الجيش
وثاني شي راجع القضاء العسكر الدور الثالث اخر مكتب على اليسار
وشوف اسمك موجود مع الي مصرحين اذا موجود
اوكي مافي مشكله يدخلونك محاكمه وقول ابي تصريح بس لاتقول غير هالكلمه
وعقب ماتخلص تروح تسوي براءت ذمه وعقبها خلاص طلعت من الجيش رسمي
بعدين اذا تبي الجويه تقدر اتسوي اعادة خدمه بدون دوره وبتوزيع يقولولك وين تبي
قولهم الجويه وخلاص لاكن هالحجي يبيله مراكض والله يعينك
وموفق خير ان شاء الله

 

[ابعتذر]

حبيبي اخذ العلم الي يجمد عالشارب

كنت مثلك وخدمتي 4 سنين وقدمت استقالتي ثلاث مرات ورفضوها وإستشرت واسطتي الله يرحمه ويغفر له وقالي غيب 21 يوم وتعالي

وللتأكيد غبت 3 شهور ورحت أنا وواسطتي عند أبيض الوجه اللواء محمد العفاسي والعميد مبارك شبيب العجمي ودحاولوا فيني ارد ورفضت ونزلت محاكمه نفس أفلام مصر و5 دقايق وتم تسريحي من الخدمه

بس انتبه لازم معاك واسطه يمكن يرفضون تسريحك أو يحطونك سجن عسكري

وعقب التسريح لازم توقع تقريبا 17 توقيع برائة ذمه من جد تعبت وتبهذلت بالتواقيع يكرهونك نفسك

لا تنسى الهويات العسكريه تسلمها اول شي

وبضيف لك نقطه يمكن تجهل عنها المسرح نفس المستقيل في الجيش يعني يصرفون لك راتبين او راتب مع اجازتين سنويه

والله يحييك في الحياه المدنيه

موفق اخوي

 

[فاضل]

الله يسهل امرك

 

[احبج يا كويت]

ناس ما اداوم ويبون واسطه تردهم وينقلونهم مكان ثانى

يا اخى ما لك خلق الدوام اترك الشغل وعط مجال لغيرك

 

[يارب أرزقني]

ناس ما اداوم ويبون واسطه تردهم وينقلونهم مكان ثانى

يا اخى ما لك خلق الدوام اترك الشغل وعط مجال لغيرك

يااخي انت وش حارك ؟؟

أنا ما وجهت لك السؤال أنا وجهته السؤال للوجيه الطيبه اللي تعرف ترد

بعدين أنا ماذكرت في موضوعي أن مالي خلق للدوام

ما أقول إلا أصحاب العقول في راحه

 

[يارب أرزقني]

الله يجزاك خير أخوي الأ ناضول

 

[يارب أرزقني]

اخي الكريم
حاليا اعتبر نفسك مصرح من الجيش
وثاني شي راجع القضاء العسكر الدور الثالث اخر مكتب على اليسار
وشوف اسمك موجود مع الي مصرحين اذا موجود
اوكي مافي مشكله يدخلونك محاكمه وقول ابي تصريح بس لاتقول غير هالكلمه
وعقب ماتخلص تروح تسوي براءت ذمه وعقبها خلاص طلعت من الجيش رسمي
بعدين اذا تبي الجويه تقدر اتسوي اعادة خدمه بدون دوره وبتوزيع يقولولك وين تبي
قولهم الجويه وخلاص لاكن هالحجي يبيله مراكض والله يعينك
وموفق خير ان شاء الله

بيض الله وجهك أخوي كويت

وأن شاء الله أروح وتتيسر أموري

 

[يارب أرزقني]

حبيبي اخذ العلم الي يجمد عالشارب

كنت مثلك وخدمتي 4 سنين وقدمت استقالتي ثلاث مرات ورفضوها وإستشرت واسطتي الله يرحمه ويغفر له وقالي غيب 21 يوم وتعالي

وللتأكيد غبت 3 شهور ورحت أنا وواسطتي عند أبيض الوجه اللواء محمد العفاسي والعميد مبارك شبيب العجمي ودحاولوا فيني ارد ورفضت ونزلت محاكمه نفس أفلام مصر و5 دقايق وتم تسريحي من الخدمه

بس انتبه لازم معاك واسطه يمكن يرفضون تسريحك أو يحطونك سجن عسكري

وعقب التسريح لازم توقع تقريبا 17 توقيع برائة ذمه من جد تعبت وتبهذلت بالتواقيع يكرهونك نفسك

لا تنسى الهويات العسكريه تسلمها اول شي

وبضيف لك نقطه يمكن تجهل عنها المسرح نفس المستقيل في الجيش يعني يصرفون لك راتبين او راتب مع اجازتين سنويه

والله يحييك في الحياه المدنيه

موفق اخوي

الله يجزاك خير أخوي عاسف الأصايل
والله يعينا على العسكريه
ماقصرت أخوي وبيض الله وجهك

الله يسهل امرك

الله يجزاك خير أخوي فاضل