مواليد الستينات والسبعينات

الموضوع في 'الشبكة الإجتماعية' بواسطة هارون الرشيد, بتاريخ ‏10 يونيو 2010.

  1. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451
    من خلال هذا الموضوع (المنقول )

    رايح انقل مواليد الستينات والسبعينات ومعاهم الخمسينات الى زمن جميل من خلال ذكريات

    طريفه بس ما ابيكم تضحكون ....ترى شيء عجيب:) واتحداكم ما تضحكون


    تذكر لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها .

    تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .

    تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب .

    تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع ( بلاستر وباندج)

    تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -

    تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
    تفاخيه وطبعا لاتفاخيه ولا قالها الله لين تطلع بلاعيمك منه .

    تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر

    تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.

    تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .

    تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم .

    تذكرون تيلفون بوقرص واللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
    خدامتكم تلاقي اصابيعك اتعورك.....صج كانت معاناة بالعيشه.

    تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول

    تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

    تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول

    تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .

    تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.

    تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .


    تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال .

    تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.

    تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه

    تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله .

    تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
    على كل الكتاب وين الشي المهم مادري لوووول .

    تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم .

    تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت .

    تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين

    تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه .

    تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد ......

    تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
    كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .

    تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .

    تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)

    تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم ....
    لووووووووووول .


    تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
    ترررررن تررررررن سكشن فايف.....هاي سوبر فالكون ههههههههه .

    تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول

    تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .

    تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول
    أعجب بهذه المشاركة solty
  2. ارحل ياجاسم
    Offline

    ارحل ياجاسم عضو مميز

    إنضم إلينا في:
    ‏28 مايو 2010
    المشاركات:
    868
    كثر ماظحكت

    دمعت عيني

    حسبي الله عليك

    ذكرتنا بشيء مايتعوض

    الحمدلله على كل حال

    مشكوور
  3. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451

    يعلك دوم مستانس اخوي ...فعلا هي ذكريات جميله :)
  4. ارحل ياجاسم
    Offline

    ارحل ياجاسم عضو مميز

    إنضم إلينا في:
    ‏28 مايو 2010
    المشاركات:
    868

    مو من الضحك دمعت عيني لااااااا

    دمعت من صج....

    مرات لما تتذكر شيء قديم

    ماتحس انك تشم الريحة وتحس بالهواء والجو بذاك الزمان؟؟؟

    هذا اللي صار فيني

    وانا اقرا مر علي شريط الماضي بسرعة البرق

    ودمعت عيني

    على ناس فقدانهم..على قلوب تغيرت...على زمن النية كانت فيه صااااافية

    الله يغير الحال الى الاحسن اللهم امين
  5. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451

    انا فاهم احساسك وشعورك تماما وعلى فكره تجد هذا الشعور

    والاحساس يبدأ من الاربعينات وتلاحظ اننا فى هذا السن كثيرا ما

    نستدعي ذكرياتنا ...اعتقد هي عملية هروب وتحايل على

    واقعنا الذي لا نرغبه او ننتقده
  6. BRiGHT_Q8
    Offline

    BRiGHT_Q8 عضو مخضرم

    إنضم إلينا في:
    ‏19 ديسمبر 2009
    المشاركات:
    14,612
    والله ضحكتني سوالفك ..

    وذكرتني بأحلى أيام عمري :D

    ودمعت عيني ,, حسافه على ذيج الأيام :eek:

    [​IMG]

    مواضيعك حلووووه :وردة:

    :وردة:

    :وردة:
  7. abo_ahmad_k
    Offline

    abo_ahmad_k عضو مميز

    إنضم إلينا في:
    ‏9 أغسطس 2009
    المشاركات:
    929
    ذكرتني بحميدو شامل

    من ينتهي نطبق حركاته واخرتها لازقين بالرصيف :D
  8. CBA
    Offline

    CBA عضو مميز

    إنضم إلينا في:
    ‏26 ابريل 2010
    المشاركات:
    925
    والله اعتقد ان الكلام الي نذكر ينطبق على مواليد الثمانينات و اول التسعينات بعد بجم نقطه

    وشكرا حبيبي
  9. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451

    بريجيت انتي اول امراه تعترف بعمرها على النت مباشرة

    تحياتي لبنت جيلي :)
  10. BRiGHT_Q8
    Offline

    BRiGHT_Q8 عضو مخضرم

    إنضم إلينا في:
    ‏19 ديسمبر 2009
    المشاركات:
    14,612


    :) اييي وليش ما أعترف ,,, مو أنا بروحي الي قاعده أكبر

    الكل يكبر معاي

    وبعد 3 أيام عيد ميلادي ,,, ;)

    إسمي ( برايت )
  11. kkk
    Offline

    kkk عضو مخضرم

    إنضم إلينا في:
    ‏20 أكتوبر 2007
    المشاركات:
    13,907
    الحمدالله طلعت انا اصغركم ....:cool:
  12. ارحل ياجاسم
    Offline

    ارحل ياجاسم عضو مميز

    إنضم إلينا في:
    ‏28 مايو 2010
    المشاركات:
    868
    لاااااااااايبه

    انا مواليد اواخر السبعينات

    انا موشااااااااايب

    رجااااااااااااااااااااااءن ءن ءن ءن ءن وبعد ءن زييييين

    :)
  13. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451
    انت لحقت على كونفو هذا يمكن سبب معظم الكسور فى جيلنا اهو وبروسلى (كراتيه) الكل بعد ما يشوف المسلسل او الفلم ثاني يوم يبي يطبق وتاليها على راسه مكسوره ايده ولا رجله:)
  14. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451
    يكاد المريب ان يقول تلوني(بالكويتي):)
  15. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451
    ما قلتي لي الله يطول عمرك كم شمعه:)

    واذا ما تقدرين على العام خليها على الخاص ...طبعا الهدف من

    الاجابه علشان اجيب لك هديه تناسب عدد رصيدك من الايام;)
  16. BRiGHT_Q8
    Offline

    BRiGHT_Q8 عضو مخضرم

    إنضم إلينا في:
    ‏19 ديسمبر 2009
    المشاركات:
    14,612


    شوف الشباب فوق ,, كلهم طايفين ال45 ,, ويصغرون عمرهم


    لا تخاف ما طفت الأربعين بعدي ,, بس ماراح اقول

    اخاف يصكوني عين الشياب الي ردوا علي :p

    طلعت أصغرهم وانا مادري
  17. هارون الرشيد
    Offline

    هارون الرشيد الفائز بالمركز الثالث للمثاليه يونيو 2014

    إنضم إلينا في:
    ‏3 ابريل 2010
    المشاركات:
    2,451

    عموما كانت هديتي هي عباره عن ا كجم من الذهب عن كل سنه من عمرك ولكن بما انك امتنعتي عن الاجابه ....فراحت عليك وحظ اوفر:)
  18. ولنا أثر
    Offline

    ولنا أثر عضو بلاتيني

    إنضم إلينا في:
    ‏26 أكتوبر 2009
    المشاركات:
    3,751
    اشوة لقيت احد كتب بهالموضوع من البنات مو بس من الشياب

    اقصد مو بس من الاخوة الاعضاء

    برايت تذكرين !!

    الله ياهي ايام

    بوسعود هالموضوع قدييييييييييييم قبل سنتين من ويين حصلته :)

    فعلا والله هالمواضيع تذكرنا بالذي مضى

    كنا نسجل فلونة ونفهرس الاشرطة ويوم الجمعة قبل صلاة الجمعة فرض حشى حكايات عالمية

    احد فيه خير يتكلم او يبطل حلجة وهم نسجل الحكايات والى الان موجودة هالاشرطة

    اما حميدو فلا يبيله حقيقة سلسلة مذكرات خاصة فيه

    تذكرون بيل وسباستيان برمضان :(

    عاد ليش بعد الفطور ؟

    ايام والله

    بوسعود مواضيعك رائعة جميلة متجددة متنوعة
    ماشاء الله نبارك الرحمن عيني عليك باردة قلم جميل

    دمت بخير و عافية استاذنا الكريم ..


    ..
  19. المطيريه
    Offline

    المطيريه عضو بلاتيني

    إنضم إلينا في:
    ‏3 نوفمبر 2009
    المشاركات:
    3,185

    صج هذي اذكرها
    .
    .

    ايام البراءه واللعب

    يا حلوها ..

    فرق ذاك الزمان عن هالزمان

    :(

    لهارون الرشيد :وردة:




  20. ارحل ياجاسم
    Offline

    ارحل ياجاسم عضو مميز

    إنضم إلينا في:
    ‏28 مايو 2010
    المشاركات:
    868
    خخخخخخخخخخ


    يبه انا شبااااااااااااااب


    حتى روح اسأل الصالون اذا انا اصبغ او لا :confused::confused::confused:

مشاركة هذه الصفحة