مواليد الستينات والسبعينات

جواهر*

مشرفة
طاقم الإشراف
d8J49566.jpg


هذي الاكياس اللي مادري شسمها
للحين اذا شريت اطقطق فيها تونس

انا وعيالي كل واحد عنده جزء من الشيس:Dومرات نتهاوش عليه
 

جواهر*

مشرفة
طاقم الإشراف
وين اخوانا الهارون عسى ماشر غايب مانشوفك يعني :eek:

ايه والله اخونا العزيز هارون ما قام يشارك مثل اول الظاهر مثل ماقلتو التقاعد اثر عليه:)

واخونا بو طلال مشاركاته صارت قليلة الظاهر تضامنا مع اخونا هارون:)
 

النوف

عضو مخضرم
هذا اول تلفون طلع قبل الموبايلات والايفونات ..

اعتقد كان في اوائل الثمانينات او اواخر السبعينات ..

كان سعره غالي بحدود 500 دينار


بعير حشا مو تلفون :p

والله توقعته فاااكس,,,,

الله يطول بعمرج فزاعة,,
 

أبوطلال

"رئيس المشرفين"
طاقم الإدارة
طاقم الإشراف
هذا اول تلفون طلع قبل الموبايلات والايفونات ..

اعتقد كان في اوائل الثمانينات او اواخر السبعينات ..

كان سعره غالي بحدود 500 دينار


بعير حشا مو تلفون :p

حجية يبدو ان الذاكرة عندج محتاجه الى تنشيط ..:D :وردة:

لنستطلع قصة الموبايلات فى الكويت من البداية ..
لغاية بداية اوائل السبعينات لم يكن هناك الا الهواتف الارضيه فى المنازل والدوائر الحكوميه ..

..
images

هذا تلفون ارضى فى المنزل ..


تقريبا من سنة 1974 دخل (تلفون السيارة )..وهو الهاتف الوزارى تابع لوازره المواصلات ..
ارقامهم كانت تبتدئ ..074 او 075

اعداد الهواتف الوزاريه (تلفون سيارة كما نسميه انذاك قليلة جدا لاتتجاوز 200 هاتف
وهى غالية الثمن جدا انذاك لاتقل عن 4 او 5 الاف دينار للهاتف وهى مبالغ كبيره جدا ..بيوت عربيه فى مناطق خارجيه كخيطان ..
او غيرها كانت تباع باسعار 15 الف تقريبا وعمارة بحولى
مثلا كانت بحدود 45 الف ..سعره يعتبر غالى جدا
انذاك لمعدل رواتب الموظفين لاتتجاوز 120 دينار ..المبلغ باهظ .
.اغلب من اقتنوه انذاك اما الوزراء او التجار او من حالته المادية ممتازه ..


منظر سياره تسير بشوارع الكويت انذاك وصاحبها يرفع سماعة التلفون وهو يتكلم كان يشد ويثير انتباه الناس والكل ينظر له

..اتذكر كنا فى باص المدرسه صغار عندما رأينا سيارة مرسيدس بنز وصاحبها يتكلم بالتلفون جميعنا كطلبة صغار

تجمعنا ناحيه نوافذ الباص ننظر باعجاب لصاحب السياره ..منظر غير طبيعى انذاك ...


بعدها بسنتين اشترى عمى شقيق والدى الاكبر الله يرحمه هاتف سيارة وزارى لكونه حالته الماديه ممتازه وتاجر .

.كنت اتفاخر واتباهى امام عيال الفريج ..اكتشخ بعمى وتلفونه ..خاصة عندما يزورنا فى بيتنا
..خاصة لما يكون عمى رافع السماعة ويتكلم .كنت اتباهى به وانا اشاهد عيال الفريج من اقرانى وهم ينظرون كاطفال باعجاب

..وايد اسولف بتلفونه واتكشخ به :eek:..كنت اتمنى ان والدى الله يرحمه يقتنى تلفون بسيارته كعمى .:باكي:


.ولكن والدى كانت حالته متواضعه كموظف فقير على الله ثم على راتبه ..

ويبدو ان الوالد الله يرحمه انذاك من حرته .:).كان يردد :

(تلفون بالسيارة شحقه هذا فسق ) :confused:وكان ينتقد شقيقه بذلك ..


تلفون السيارة الوزارى كان عباله فمرفق به وايرات كثيره وحقيبة ترتبط به نفس حقائب السموسانيت ..وأريل خارجى يضع فوق سقف السياره ..
هذا الاريل استغل منا كشباب فى اوائل الثمانينات كانت قيمته 5 دنانير فقط ..
كنا نضع (أريل ) خالى فوق سقف السياره ..يعنى عندى تلفون سيارة ..:D
تكشخ بالسياره على الخليج بأريل فقط بدون تلفون ..لأيهام الاخرين ;)باننى عندى تلفون
اخرتها تعطى رقم البيت ;):p واستمر الحال كذلك الى سنة 1987 ..:باكي:

.
images

هذا هو تلفون السيارة الوزارى ومرفق به حقيبه سموسنايت واريل فوق سقف السياره ..



سنة 1987 ..بدأت شركه الاتصالات المتنقلة وهى شركه (زين حاليا ) بطرح تلفونات نقاله
(انطلق 1 )..ومن ثم تبعتها بسلسله موبايلات (انطلق 2 و3 لغايه 6 وهو الاغلى ثمنا )
بدايه كانت المكالمات مجانيه ومن بعدها حددت اسعار للدقائق بسعر 20 فلس للدقيقه
عندها انخفض سعره ..
سعره كان (1700 دينار ) الف وسبعمائه دينار دفعتهم نقدا دينار ينطح دينار سنه 1988 لشراء (انطلق 1).
.راتبى انذاك لايتجاوز 600 دينار كموظف قانونى على الدرجه الخامسه و3 علاوات .


وليس كما ذكرت اختنا فزاعة (500 دينار ) سعره اوائل التسعينات ومنتصفها ..

الطريف والمضحك واعتقد اغلب جيلنا يتذكرون هالموقف كنا عندما ننزل فى الاسواق للتمشى
فى المباركيه او سوق العمارة او شارع سالم المبارك سوق السالميه القديم ..

رغم حجم الموبايل وثقله كنا نحمله وننزل به .. نفس من يمسك حقيبه ويتمشى بها :eek::D

الامر كان عادى واغلبيه الشباب انذاك بهالطريقه وخاصة المغازلجيه :D

بعدها بسنه 1989 ظهر (البيجر ) الصغير وهو جهاز ينبهك لمن يتصل بك ..وتذهب للسياره لكى ترد وتتصل عليه ..

رحلة طويلة مع الموبايلات حتى وصلنا الى حبيبى (بو ليت ).:eek:. وهو المفضل لدى حاليا ..

وهذه هى نهاية قصتى مع الموبايلات ..




اما الايفووون لا اعرفه ..:mad:


1314531539555.jpg



(انطلق 1) كما هوفى اواخر الثمانينات ..




تحياتى :وردة:
 

أم فواز

فـزّاعة
حجية يبدو ان الذاكرة عندج محتاجه الى تنشيط ..:D :وردة:

جوف عاد اخوي المرقابي .. قول نحيسة .. عصبية .. ماعندي مشكله

بس تقول ذاكرتي محتاجة تنشيط لا والف لا :mad:



اعداد الهواتف الوزاريه (تلفون سيارة كما نسميه انذاك قليلة جدا لاتتجاوز 200 هاتف
وهى غالية الثمن جدا انذاك لاتقل عن 4 او 5 الاف دينار للهاتف وهى مبالغ كبيره جدا ..بيوت عربيه فى مناطق خارجيه كخيطان ..

اي انا كنت اقصد 5000 بس الصفر سقط سهوا :)

بعد ما شاب ودوّه المرقاب :p:p
 
تبارك الرحمن عليك ياخوي العزيز مرقابي وش هالسرد الطيب

اول ماطلعت النقالات كنا نقول عنها تلفون سياره متعودين ان تلفون السياره هو المتنقل

واذكر بالتسعينات كان انطلق كانوا يشيلونه شكبره

ومعاه بهالوقت البيااجر

 

أبوطلال

"رئيس المشرفين"
طاقم الإدارة
طاقم الإشراف
هلا اختى الغاليه لاعدمناك ..:وردة:
وكلامك صحيح كنا نسميه تلفون سيارة ..وبعدين نقال ..وبعدين موبايل ..

طبعا الاول كان الوزارى .الغالى الثمن والنادر فى السبعينات ..

وفى اواخر الثمانينات طلع اللى تقصدينه وهو النقال انطلق 1 وكنا نسميه تلفون سياره .

بعدها تطور فى نهايه التسعينات الى الشكل الحالى الصغير ..

اما اللى يشيلونه بالاسواق انكسر ظهرى من قبل الغزو الى منتصف التسعينات
وانا حمال الاسيه :باكي:هالتلفون المصفح دبابه مو موبايل ..:D

حتى الله فرجها على وطلع الحبيب (بو ليت ) يازينه زيناه ..صج مافيه كاميرا .ولا بلوتوث
بس 2000 مره يطيح بالارض وانا نازل من السياره لانى ماحطه بجيبى .ولايصير فيه شئ ..:إستحسان:
لو انه ايفون تكسر منذ مبطي ..
 
هههههههههههههههههه

يازين هذيك الايام وبس

شكلك ياهارون الرشيد الحين بتقول طلعو طلعو الشياب ههههههههه

الله ياازمان راح ليته يعود
 
حتى الله فرجها على وطلع الحبيب (بو ليت ) يازينه زيناه ..صج مافيه كاميرا .ولا بلوتوث
بس 2000 مره يطيح بالارض وانا نازل من السياره لانى ماحطه بجيبى .ولايصير فيه شئ ..:إستحسان:
لو انه ايفون تكسر منذ مبطي


يالبا بو ليت والله ياانه ارسال وجوده واذا بلعمت والا عندك ضرس طف ليت الغرفه وروح المرايه واتخذ الاجراءات اللازمه :D
 

أبوطلال

"رئيس المشرفين"
طاقم الإدارة
طاقم الإشراف
افا يالمرقابي ماتعزمني وهذا وانا ما اقصر معاك بالكاد بوري​






:باكي::باكي::باكي:​

امشششششششش شهالصوره هذه بس ؟؟
متلثمة بشماغ ..منحشة البرد .. ياخاتون عذووب ..:إستحسان:


افا عليج ابشرى بسعدج ..ولو انج تخسرين وايد .اكيد تبين بعد الصبور

تحلين بكاكاوات كادبورى الغاليه الثمن ..:mad:

حاليا مافى صبور ...انطرى للراتب القادم..والحين قزرى نفسج :
فى هالميد المشوى مع عيش مشخول ..

DSC00150.JPG



والتحلية كاكاو بونجوم الاصلى :

images



تستاهلين خاتون ..والعذر والسموحه من القصور ..:p
 

أبوطلال

"رئيس المشرفين"
طاقم الإدارة
طاقم الإشراف
يالبا بو ليت والله ياانه ارسال وجوده واذا بلعمت والا عندك ضرس طف ليت الغرفه وروح المرايه واتخذ الاجراءات اللازمه :D



انا اجزم ياوطنى ..انج لو تستخدمين بو ليت سنه.. بتخرجين ..
121225962619.jpg


.طبيبة اسنان ..:)
 
لاحول ولا قوة الا بالله ..يابو طلال..:confused:


ضاق عليك الوقت ماحطيت هالميد اللي اموت عليه..
الا بالليل..

والناس شتا..والليل طويل...

:confused::confused:

منك ل الله ..ياشيخ:باكي::باكي:
 

أبوطلال

"رئيس المشرفين"
طاقم الإدارة
طاقم الإشراف
20_83_96.jpg



كنا نحب ناكل تالي الكيك اللي بالجدرر طعمه غييير :eek:

النوف لازلنا ناكل معليش انتظري:eek:

حرام عليج لاعدمناك ..تراج ذبحتى البنيه ..الحين تعقدت من سوالف الاكل ؟:confused:

تمجع بشعرها ..وتطق على الكيبورد ..:mad:جننتوووووونى ..:باكي:

معلش يبه النوف ..تفضلى من ذكرياتنا :p..انتظرى ترا ماخلصنا بعد ::cool:

1113.jpg



..
attachment.php


..
images
images


تستاهلين يالنوف عزيزة وغاليه ...:):وردة:
 

أبوطلال

"رئيس المشرفين"
طاقم الإدارة
طاقم الإشراف
لاحول ولا قوة الا بالله ..يابو طلال..:confused:



ضاق عليك الوقت ماحطيت هالميد اللي اموت عليه..
الا بالليل..​

والناس شتا..والليل طويل...​

:confused::confused:

منك ل الله ..ياشيخ:باكي::باكي:​


ماعليه يافراوله . العذر منج ...ماكان قصدى ..ماكنت ادرى
..والا تدرين انى كنت بحط هالصور ::p

9222_2011-01-11_image034.jpg


.
images
images



عاد الحين صج غنى : يا ليل مااطووولك ...:باكي::p:p
 
أعلى