اغنيات قديمة

[ازدهار الانصاري]

لالا يام راشد عاليات سطوحهم والعالي الله

لالا يام راشد

لالايام راشد شلون روحي تلوحهم وانا امري لله

لالا يام راشد

سافر الليل ومشى بنجماته

وانا سهران واعد ساعاته

وانت تدرين شلون حال العاشقين

شلون حال العاشقين ام راشد

يام راشد

اكبر من سنينا انت وموغريبة لو حجينا همومنا

عرفت كل اسرانا انت ....

وصار عمري فوك شرفتهم سنادين

صار عمري فوك شرفتهم سنادين

وانت تدرين شلون حال العاشقين

شلون حال العاشقين ام راشد يام راشد

اغنية لفؤاد سالم غناه في الكويت في الثمانينات

دمتم بود

سلام

 

[ازدهار الانصاري]

غريبة من بعد عينج يا يمة

محتارة بزماني

ياهو اليرحم بحالي يايمة

لو دهري رماني

حاجيني يايمة

فهميني يا يمة

غريبة من بعد عينج يايمة يمة

محتارة بزماني

كضيتي لاجلي ايام وليالي

سهرانة عليا

واو شفت الالم اكثر بحالي

رضيتي بالمنية

حاجيني يايمة

فهميني يا يمة

غريبة من بعد عينج يا يمه يمه محتارة بزماني

قلبي لو فرح انت فرحتي

قبلي يا حبيبة

ترد الروح لو يمي كعدتي

يالريحتج طيبة

حاجيني يايمه

فهميني يايمه

غريبة من بعد عينج يا يمة يمه محتارة بزماني

اريدج دوم لا تغيبين عني

ياروحي يايمه

عذابي لو كثر ويزيد وني

منو يسمع الكلمة

حاجيني يايمه

فهميني يايمه

غريبة من بعد عينج يا يمه يمه محتارة بزماني


الاغنية لزهور حسين

دمتم بود

سلام

 

[دكان]

بسم الله الرحمن الرحيم



عاين يادكتور الحالي يادكتور

والروح ماتحمل بعد لاظلم لاجور

عاين يادكتور ..


عاين يادكتور القلب جم جرح مجروح

وفراق خلاني صعب واثر على الروح

وجس النبض زين

وشوف الالم وين

برويحتى لو بالقلب عاين يادكتور

وعاين يادكتور السمع جرح لي الخدود

ولو اعلق العشره شمع محبوبي مايعود

وأهات الدموع وكويات الضلوع

ماقدر اتحمل بعد عاين يادكتور


اهداء الى الجميله ازدهار



ودمتم,,,

 

[ازدهار الانصاري]

دكتور جرحي الاولي عوفه

جرح الجديد عيونك تشوفه

اكبر من الاول

وبمهجة طول

جرحين صارت بالقلب والروح ملهوفة

شكرا اخي الجميل دكان

اسعد الله ايامك

ودمت بالف خير

سلام

 

[ازدهار الانصاري]

دكتور تدريني عجزت من الروحة والجية

كم وصفة ليا وصفت مافادت شوية

اشكيلك الحالة

من ولفي واعماله

هذي طبيبي حالتي مبينة ومعروفة

سلام

 

[ازدهار الانصاري]

رسالة للولف مني اوديها

قطعة من العتب والله لسويها

زين ادري حبيبي لو قراها

كل ساعة يعيد النظر بيها

قطعة من العتب والله لسويها

اريد اعتب على ولفي برسالة

المايدري بحبيبه شلون حاله

هاجرني وردت شوفة خيالة

قطعة من العتب والله لسويها

افكر بالرسالة وهي عندي

شارحله الهوى وما نام عندي

ادري بالولف يقراها بعدي

قطعه من العتب والله لسويها

رسالة ودمعة عيوني حبرها

اتذكر الولف والله والله لو نكرها

كل شي كتبت بيها وباثرها

قطعة من العتب والله لاوديها

اغنية قديمة ل هيفاء حسبن

سلام

 

[كنترول]

 

[ازدهار الانصاري]

اخي الكريم كنترول

اجدت في رسمك لكلمات ولحن الاغنية

هي وان كنت نقلتها هنا قبل ايام

فهي ابدا لم تكن بالصورة الجميلة التي تغنيت انت بها

اسعدني حضورك

دمت بود

سلام

 

[كنترول]

يا بني ظلعك من رجيته
لظلعي جبرته وبنيته
و أحسب الشيب اللي من عمرك جنيته
يا بني طش العمى بعيني
وجيتك بعين القلب أدبي على الدرب المشيته
شيلة العلاكة يا بني
تذجر جفوفي بلعب عمرك عليهن
سنة وجفوفك وردتين على راسي
وبيج أناغي كل فرح عمري النسيته
يابني شوفك يبعث الماي الزلال بعودي و أحيا
وانه ميتة
أبيض عيونك لبن صدري
وسواد عيونك الليل اللي عد مهدك بجيته
وأبنك التوه يناغي الخرزبالكاروك يابني
كتله لاتخاف اليتم جده
كتله يابن وليدي من يجبر على الأيام
تلكه حزام ابوك الماطواني وما طويته
تلكه منه خطوط اضمهن حدر ضلعي
لحد ما موت بعز على السر الحويته
ياعمد بيتي وكمر ليلي
وربيع الشيب والعمر الجنيته
جيت اهزك با عمد بيتي
يكون الدهر ظعظع عظم منك للخيانة
وساومت جرحك على الخسة وخفيته
يابني خلي الجرح ينظف
خله يرعف
خله ينزف
يا بني الجرح اليرفض شداده
علم الثوار يرفرف
يابني لبن الجلب يرضع من حليبي
ولا ابن يشمر لي خبزة من البراءة
يابني ياكلني الجلب عظم ولحم
وتموت عيني ولا دناءة
يابني هاي ايام بفرزنها الكحط ايام محنة
يا بني لا تلثم شرفنا
يا بني يا وليدي البراءة تظل مدى الأيام عفنة
تدري يابني بكل براءة
كل شهيد من الشعب ينعاد دفنه
وخلي ايدك على شيبي
واحلف بطاهر حليبي
كطرة كطره
وبنظر عيني العميته

الاخت
خوي كابلت السجن
حر وبرد ليلي ونهاري
تحملت لجلك شتايم على عرضي
واشعلت ليلي ينهاري
تالي تهتكني بخلك وصلة جريدة
كرة عيونك يخوي بهاي جازيت انتظاري
بهاي اكابل كل اخت تنتظر منك ثار لعرضها
بهاي اكابل امهات اناس وهمومي افضها
جنت ارضى اتدوس اعظامي
وكلك حيل رضها
جنت ارضى تذبح جنيني
ولا براءة عار متبركع تجيني
ولا تكون الكاع تبلعني ش خبر الناس
والينشد شكله
شلون تجابل عيون المحلة
شلون اوصفلك وانت كلك عار وذلة
بعد كالك ارض وبانا وخبز
لاتصل يمنة وهاك اخذ عار الجريدة
ولف ضميرك والكرامة
مثل ما تبريت من شعبك
تبيرنا من اسمك
ياشعب هذا التشوفه موش ابنا


مظفر النواب ​

 

[ازدهار الانصاري]

ارد انشد الصوبين كرخ ورصافة

الاخذ قلبي وراح يا هو اللي شافة

ارد انشد الصوبين ارد انشد الصوبين

كرخ ورصافة يا عيني كرخ ورصافة

من السبت للاثنين انشد وادور

لو صدفة يالمحبوب ضيف وتسير

ويه الانسام تميل ويه الانسام تميل

فتنة وترافة يا عيني فتنة وترافة

الاغنية ل فاضل عواد

سلام

 

[ازدهار الانصاري]

اخي كنترول

لاتدري كم اوجعتني

اه كم آلمتني

دمت بود

سلام

 

[ازدهار الانصاري]

يسألني

يسأل عن حالي

من شرفة منزله العالي

ويظل يراقب اشواقي

بنفس حلو سيال

لغة الاطفال على فمه

ما احلى لغة الاطفال

قصيدة مغناة قديمة لا اعرف لمن

لكنها غزتني فجأة واحببت البوح بهاهنا

سلام

 

[ازدهار الانصاري]

حبيبها

حبيبها

لست وحدك حبيبها

حبيبها انا

حبيبها انا قبلك

وربما جئت بعدك

وربما كنت مثلك

حبيبها حبيبها

حبيبها وروت لي

ما كان منك ومنهم

فهم كثير ولكن

لاشيء نعرف عنهم

وعانقتني والقت برأسها

فوق كتفي

تباعدت وتدانت

كاصبعين في كفي

سيحفر الحب قلبي

بالنار

بالسكين

وهاتف يهتف بي

حذار يا مسكين

الم تزل تلقاني

وتستبيح خداعي

بلهفة للقاء

برغبة في الوداع

بدمعة ليس فيها كالدمع

الا البريق

برعشة هي نبض

بغير عروق

وسرت وحدي شريدا

محطم الخطوات

تهزني انفاسي

تخيفني لفتاتي

كهارب ليس يدري

من اين او اين يمضي

لفح

ضباب

حطام

بعضي يمزق بعضي

سألت عقلي فاصغى

وقال لا لن تراها

وقال قلبي اراها

ولن احب سواها

ما انت يا قلب قل لي

اانت لعنة حبي

اانت نقمة ربي

الى متى انت قلبي

قصيدة لا اعرف كاتبها غناها عبد الحليم حافظ

سلام:وردة:

 

[ازدهار الانصاري]

ابهيدة من تسبقني روحي

ابهيده هيده

والفرح داير عليها

ابهيده من تتعنه ليك

ابهيده هيده

يمك الورد يحاجيها

بجفوفك الترفات تتمنى روحي تبات

وانثر لك النجمات

كونك تجيها

للشواطي تعنى قلبي

يناشد الريح التجي بلجي انت بيها

وعلى شوفك عيني تربي

ناطرة طيوفك يا عيني لو تمر بيها

كلها علمودك هاي

يا منور بدنياي

وك روحي وردة وماي

كونك تجيها كونك تجيها

سلام

 

[كنترول]

أمس واليوم



أمس واليوم مامروا عليه

أمس واليوم ادق واصفق بديه

أمس واليوم راووني المنيه

أمس واليوم مامروا عليه



أمس واليوم صاروا علي سنتين

أمس واليوم ضاع الزين بالشين

شسوي شلون شعمل انا بعدين

على الهجران مالي قابليه

أمس واليوم مامروا عليه


أمس واليوم صرت احجاية للناس

أمس واليوم شاب القلب والراس

لا مغني اليسليني ولا كاس

بعد طيبي جازوني بأذية

أمس واليوم مامروا عليه



أمس واليوم اتسلى بونيني

أمس واليوم يجري دمع عيني

أفرح لو خبر منهم يجيني

قلبي وروحي يرتاحن شوية

أمس واليوم مامروا عليه ​

 

[ازدهار الانصاري]

اهنا ياهل الماشي خذ لي رسالة وياك

لايشمت الواشي كله فلا انساك

ياهل الماشي خذ لي رسالة وياك

خذ لي رسالة

قللي الفراك اسبوع واليوم اله سنتين

واليوم اله سنتين

عيوني تهل دموع وتجري على الخدين

تجري على الخدين

قل له شا قوله

فل له فلا انساه

قل له فلا انساه

سلام

 

[ازدهار الانصاري]

وين وعودكم يا حباب قلبي

ظلت على الدرب العيون تربي

عفتوني وحيدة

بديار البعيدة

وين وعودكم يا حباب قلبي

سلام

 

[ازدهار الانصاري]

انا وخلي تسامرنه وحجينا

بنزهة والبدر شاهد علينه

والعذيبي تنسم

عبير الورديشتم

على شاطي النهر جينا وغدينا

انا وخلي

انا وخلي تسامرنا وحجينا

سلام

 

[ازدهار الانصاري]

على الميعاد اجيتك اجيتك

اجيت وما لكيتك ما لكيتك

ليش نسيت وعدي

وعمري ما نسيتك

اجيتك اجيتك

اجيتك اجيتك

ميعادك يا غالي صدك على بالي

ميعادك يا غالي صدك على بالي

ومااظن الليالي تنسى لو جفيتك

اجيتك اجيتك

اجيتك اجيتك

متأملة عيني تذكرني وتجيني

متأملة عيني تذكرني وتجيني

وما يبطل ونيني من يوم اعتنيتك

اجيتك اجيتك

اجيتك اجيتك

الاغنية للفنان الراحل رضا علي

سلام

 

[ازدهار الانصاري]

اليوم اله يومين ما مر عليا

ومنين اجيبه منين يصعب عليا

لو رحت يمه واهله شافوني

شنطي عذر مو ذوله عدواني

يمكن منعوه هله

وينه اليوصل لهله

مثل ام ولد غركان وبره الشرايع

كلمن وليفه وياه بس ولفي ضايع

يمكن منعوه هله يمكن منعوه هله

كون القلب بيه باب ينطر وراويه

جان كتلي عفيه عليك دم ولحم بيه

يمكن منعوه هله يمكن منعوه هله

اتباعد بالدلال جاهل يعت بيه

يبجي من اصيح عليه يكطعه من اخليه

وينه ليوصل لهله

يمكن منعوه هله

سلام