فـــراتــــيّات ,,,,,!!!!

M

Mc.Murphy

عضو جديد
كنترول قال:
1054840-7677df6eeaaa9f82.jpg



هاي تاليها صفت​

رحتي وبسكته مشيتي​

رحتي حتى وبالجذب بالجذب ماتعذريتي ​

لا لا لا لا لا لا ​

خفتي الله ولا حسبتي حساب ​

حوبة دمعي وقليبي وخطيتي​

مشكوره ​

تردين الصدق ما قصريتي ​

شرد اقلج وآنا مسافر لديرة غرب​

مشكـــــوره​

تردين الصدق ماقصريتي​

جنت اشوفج يقضه بأحلام السعاده ​

ودنيا مليانه امل​

وجنت اشوفج فرح عرسي وشمع ليلي ​

ودهر ايامه عسل​

اهدمتي بيش شما بنيت ​

كتبتي بيش شما محيت​

يعني شفتيني رجيج الحال ​

يا معوده إشتفيتي ...!!!​

مشكـــــوره​

تردين الصدق​

.....ماقصريتي​

الله يهديج لشبابج​

غير هذا شرد اقول ​

بعد ماظلي عتب​

انتي والايام صرتي وضيم دهري والعذول ​

عجب ياحبيبه عجب​

اهدمتي بيه شما بنيتي ​

كتبتي بيه شما محيتي ​

مشكــــــوره​

تردين الصدق ​

ما قصريتي ​

كتاب بيدج جان قلبي ​

وحرف واحد ماقريتي​

مشكوره ​

تردين الصدق​

.....ماقصريتي​




فـــــــــــؤاد ســــالم​
أنقر للتوسيع...



الله .. الله


تسلم والله
سجلت في المنتدى عشان هالاغنية ..


:وردة:
 
ك

كنترول

عضو ذهبي
378554.jpg
​



عاتبني ابعتابك خل ترد روحي​


أوَهّسني ابدلالك ، يا شتل شمّام​


حتى ازهق ، وَشوفَك وينها اجروحي​


بيّه اشبع غرورك​


يا أعز جتّال​


يتمايل غَنج لو بيّه ، ثُكَل نوحي​


تعاتبني اعله حالك​


صار بيك الصار​


جا شنهو اجروحك هاي وشتوحي​


قبل حبك ، جبل مالاح طرفي السيل​


هَسّه أول زخاخ​


إيغطّن سفوحي​


ومنّك ماروت يَدعَج بعد روحي​


ولارادت ولا سمعت ولا حَبّت​


ولا تحمل { نجاة } ابليل لو غَنّت​


اعلمها الورع واطبق عليها الباب​


تذكر ضحكتك ، واجهرت ما عَنّت​


لا لامتك ليش ، وشوفك اصبح طيف​


شلون ابعدت عنها​


شلون ما جَنّت​


وعيونك ابغير عيونها اتهَنّت ​


وجفوفك ابغير جروحها اتحَنّت ​


يا تل الورد . تل آخر السبّاح​


حته اطفه من اشوف رويحتي انتَلّت .​


قلت انجفه الماي​


وذبل عود الياس​


والوادم نست​


وبغيرنه اتسلّت​


وأول ماشفت طولك نسيت الصوت​


وروحي بلا سبب بجفوفك افتَلَت​


يا قمرة حياتي البَعد ماهَلّت​


يا أنتَ ، وكفاني اتوهدنت ويّاك​


تحسبني وحسبتي وياك ما فلّت​


كلمن عرف وشره ، وشال منها الشال​


وتعدّه العمر والوادم اندَلّت​


هسه الراح راح ، وبين ايديك الروح​


بس ذمّه ابرقبتك يوم لو سَلّت .​


عريان السيد خلف

0 0 0 0 0

من الضيم

اريد ارسل سلامي إلـ هم من الضيم

واحجي ما بدلاّلي من الضيم

أحبابي إلـ كنت ألوذ إبهم من الضيم

غدوا يا وسفتي وأقطعوا بيّه


http://iraqnaa.com/iraq/read-ahmad/7.ram رياض أحمد وموال من الضيم

​
http://www.6arab.net/ViewSingersCats/singers/1922.html
 
ك

كنترول

عضو ذهبي



83840-albums39-picture7283.jpg




خيو بنت الديرة .. خيو حلوة صغيرة .. خيو يامشيتها .. خيو مثل الطيرة


خيو بنت الديرة ...

خيو حلوة صغيرة..

خيو يامشيتها

خيو جنها طويرة


خيو عدها قصيبة...

خيو شقرة طويلة..

خيو ليرة وتلهث

خيو حدر الشيلة


خيو ورقات الخس

خيو جفوف الترفه

خيو دورة محبس

خيو رسم الشفة


خيو ياضحكتها

خيو في وجوري

خيو يارقبتها

خيو جالفرفوري


خيو بنت الديرة

خيو حلوة صغيرة

خيو يامشيتها

خيو مثل الطيرة


http://songs.njom.net/music/arab/ram/sadoon/sadoon2.ram​
 
ك

كنترول

عضو ذهبي
W5786-Iraq-MarshArab.jpg


خلني خلني ​

خلني لوحدي اهيم بدنيتي وانسى عذابي ​

خلني ارحل وابتعد عنك ولو تهت بسرابي ​

خلني اتعذب واشوف الضيم بعد يا صوابي ​

خلني خلني ​

خلني ياضلع انكسر فوق القلب مابيه طبّه ​

خلني عايش والحزن جوّا القلب والوقت شبّه ​

خلني منّي لك نصيحه ,, انسى قلبي وانسى حبّه ​

خلني خلني ​

شوف ياعيني وبعد عيني انا اللي صار بيّه ​

ما اريد الحب جان الحب اصبح لك اذيه ​

ولو فتحت القلب غنّا لك من احزانه بوذيّه​

خلني خلني ​

هاي هوه الحب خلني ​

هاي هوه الضيم خلني ​

هاي هوه الحزن والدلاّل باحزانك يذلني ​

للحزن اشكي عذابي ​

وما سمعني غير هوّه ​

وللعذاب اشكي الحزن واقول بيه لوهو ولوّه ​

صاروا الاثنين ليّه من نصيبي احلى خوه​

وبيهم قليبي تجوّه ​

خلني خلني ​

يابعد هالروح خلني ​

يابعد هالناس خلني ​

يابعد هالدنيا كلها ​

خلني روح ابعيد خلني ​

جنت انا ويّاك احلى اثنين عصفوره وغصنها​

وجانوا الاشجار تتمنى لو يضمّك حضنها ​

وجيت يمّي اتقول روحي شافتك انته وطنها ​

ولو سألت الليل مع ضي القمر يحجون عنها ​

هاي بأيام المحبه !!!​

قلت ارحل وابتعد عنّك بعيد​

ما اريد الحب منّك ما اريد ​

موتتني وهاي انا عايش ولا صرت الشهيد ​

دار دوراته الوقت , حسيت انا حبّك كتلني ​

بعدي اصغيرون واحلام الهوى يمكن تملني ​

مدري اشمال الهوى شفته من افراحه عزلني ​

خلني خلني ​

وقلت انا للولف خلني ​

وصاح بيّه الولف خلني ​

قال ليّه : ما اريدك ​

ارد اعوفك ​

وما بعد فد يوم اشوفك ​

ما اريدك صاح بيّه :​

حظي ويّاك وخذلني ​

قلت انا : يوم الاعوفك ​

ما اريدك يوم تتعب ​

تشتري حبي وتكسب ​

هم مع ضيم وكدر ​

وانته في ضنّك انا ويّاك نلعب !!!!​

جان هاي الضن بيّه , لو يجي طاريك يشتب ​

وقررت هم آنا اعوفك ​

واتركك انته وظروفك ​

لنّي احبّك ​

والله احبّك ​

وما اريد ابيوم اشوفك تبجي ودموعك سببها​

اني احبك ​

ارد اعوفك لّني احبّك ​

وما بعد فد يوم انسى اي وربّك ​

بس شوفوا اشعمل بيّه : !!!!​

قال : انته اتريد تمشي ؟​

انته خاين !!​

هاي دمعاتك جذب والجذب باين ​

انته اكيد اتحب غيري وانا حبي صار هاين ​

وهم انا قررت مثلك ارد اعوفك ​

ولو امر يمّك اطوفك ​

انعمت عيني وبد الناس صارت ماتشوفك ​

انته خاين انته خاين ​

قلت : هاي اشلون عجبه ​

ارد اعوفه لنّي احبّه ​

بعده اصغيرون وهموم الهوى لاشك صعبه ​

هو وحيد امّه وابيّه ​

يا عسا يخليه ربّه ​

بس احبه ​

ولنّي احبّه قلت اعوفه ​

بس ظلمني ​

ما رحمني ​

وما عرف قصدي وفهمني​

صار مقهور بفراقي ​

يريد كل لحظه عناقي ​

ولو يشق صدري بخنجر ​

صاااااااح بهره ( الله واكبر ) ​

بالقلب معجزه وتكبر ​

حتى مايقدر يعبر ​

شاف نفسه بيه آيه ​

صار قلبي له مرايه ​

وقلبي يحجي له ويقول ​

انته باقي انته باقي انته باقي ​



كنترول​
 
@

@Noura@

عضو مخضرم
أنا المجروح وأتعذّر بممشاي ....​

وعلى عناد الــ يكرهوني أكابر ..!
::
::
::
أقل للعين افرْحي بيج مابيج
ترى الدمعات أمضى من الخناجر
تحدّي الــ حجوا ضدي وصيري ويّاي
على الصّعبات والهم والمخاطر ..!!!!!!!​




 
@

@Noura@

عضو مخضرم




دكتور بيا ألم
لا هو عشق لا هو هوى
ماتنعرف حالتي ما تنوصف صعبه
ونيراني ماتنطفي والقلب فيه انكوى​

ويادوا الــْ توصفه للــ محْترق قلبه
وقلبي رواه الحزن وغير الحزن ما روى​

وصب لي كل الدوا ماطيب لو شربه​

ظلمه حياتي أصبحت مابيها ومضة ضوى
حال الضرير اللي ضايع عليه دربه​

ياحال خيط الشمع حالي وحاله سوى
مدفون هُوَّ عدل مايعرف بذنبه​

يا لْتعرف لكل مرض ممكن تلاقي الدوا
اوصفلي وين الدوا اللي يعالج الغربه
وينك يادوا وين​
 
ك

كنترول

عضو ذهبي
d240a73680dc5498cdf40d5cc66d6b47_lm.jpg



ميجنا .. وعا الميجنا ...وعا الميجنا ​

ياظريف الطول حوّل عندنا ​

لابس الهبري وقالبته قلب ​

يابعد زوج العيون والقلب ​

روحي عند دربي دا يسلاك القلب ​

وان نساج القلب كيف انساج انا ​

ميجنا .. وعا الميجنا ...وعا الميجنا ​


ياظريف الطول حوّل عندنا ​


يا ريام الوارده ياشط العرب​

من هدب عيني اصوغ لج ذهب​

لو مشت عا الجسر حتى الجسر شب​

من ثقل حجله ترنــّح ونثنى​

ميجنا .. وعا الميجنا ...وعا الميجنا ​

ياظريف الطول حوّل عندنا ​

يا ريام الوارده مشمش وتين​

زاهي الشامة على الخد اليمين​

والله يم شامه اريد اقسم يمين​

يوم التغيبين محسوب بسنه​

ميجنا .. وعا الميجنا ...وعا الميجنا ​

ياظريف الطول حوّل عندنا ​


 
ك

كنترول

عضو ذهبي

http://www.youtube.com/watch?v=CjEYDtJAb04


ويا نسيم الصبا سلامكم جاني ,,,,, تسعر ولا تنطفي نيران خلاّني

اوووووف اووووووف

خشوف مرن عصر جنهن حواري جنان ,,,, والعين سوده كحيله والخد ضرف رمّان

اوووووف اووووووف

روحي تمناك وعيني ترقب دروبك ,,,,, وعليك مثل الجنين يلوف محبوبك

اوووووف اووووووف




شدعي اعليك ياللي احرقت قلبي

كون ابلوتي يبلاك ربي

سهران ليلك

مهدوم حيلك

تتوسل ولفك مايجيلك

قلبك ينجوي من دمع العيون وتشوف الاسيه

حتى تعرف طعم الجفا شلون ياللي خنت بيه

تتوسل ولفك مايجيلك

تتحصر ولفك مايجيلك

من تسمع عدوك جايب اخبار تتغير احوالك

هذا اللي يخلي عالحطب نار ويحير بجمالك

تتوسل ولفك مايجيلك

تتحصر ولفك مايجيلك

بعيوني اشوفك مثل حالي تتسلى بونينه

مثلي بالسهر تقضي الليالي ولا واحد يعينه

تتوسل ولفك مايجيلك

تتحصر ولفك مايجيلك

شدعي اعليك ياللي احرقت قلبي

كون ابلوتي يبلاك ربي

سهران ليلك

مهدوم حيلك


​
 
ك

كنترول

عضو ذهبي


507x262-163910.jpg




يالـ راحلين لهلي صوب المحب ودو

ومن توصلون لهلي ليّه خبر ودو

اعزاز طول العمر ما لغيرنا ودو

باعوا برخص النفس لأجلي ولا بشدّه

وقالولي حبل الوصل لو ينقطع شدّه

خل ايدك ويا الوفي واجمع إلك شدّه

ولا تعاشر المابيه وفا بس الـ إلك ودو

____


اقبلك آني وهي قبلت قبيله

تعاهدنا الـ يخون الله قبيله

رحت اخطب واخذت إلهم قبيله

ابوها مارادني وماقبل بيّه


http://www.youtube.com/watch?v=Dbbh22p7Vuw&feature=player_embedded#!

​
 
ك

كنترول

عضو ذهبي
travel1.514248.jpg



قصَت شعرها الخلق بس مو مثل قصتك ​

ماشفت بين البشر طولك ولا قصتك ​

جن انته والا انس قلّي شنو قصتك ​

عجبني طيفك بيات معاي عاجبني ​

كلما امر ابـ درب القاه عاجبني​

تدري انت شنو الحلو والبيك عاجبني​

عاجبني كلك حلو من جدمك الـ قصتك ​
 
يجب تسجيل الدخول أو التسجيل كي تتمكن من الرد هنا.
أعلى