سؤال وجواب ابي احلى بخور ومعمول وين؟

[عالمي وحدي]

عشان ما اتعنون تدشون عالموضوع كتبت لكم العنوان شنو ابي

اولا مشكورين ماقصرتو على الحلول السابقه عطيتوني اياها

وهذا اللي شجعني اكتب مره ثانيه

ابي احلى معمول واحلى بخور من وين


بس عفيا مانبي دقات يعني اتقول حلو ويطلع جاوي

ولكم جزيل جزيل

الششششششششششششكر:وردة:

 

[bant-failaJa]

الجزيرة والقرشي
بالافنيو وعطورات الجزيرة اتيين
مادرى شنو ذوقكـ بس انت مر الجزيرة اول واقعد عندهم وتبخر وشووف
هذولا اللى اتعامل معاهم بالبخور وان شاء الله يفيدونكـ الاخوان​

 

[joreyaa]

يعتمد على الميزانية والمناسبة ؟

بشكل عام البخور القرشي وبخور رصاصي روعة ...جرب وشم....المعمول محلات كثيرة ....منها القرشي والرصاصي .....بس آنا طايحة بمعمول فزاع عجيييييييييييييييييب

 

[عالمي وحدي]

مشكور ين بنت فيلجا والجوري انزين اجمل وامل الكويت شرايكم فيه والعربيه للعود

انا احب البخور الاصلي يعني شغل معاريس

والمعمول لما اتدش بيت اتحس بانتعاش وين انحصل هالطلبات


احم احم معمول فزاع وين وجم سعر ه

 

[bant-failaJa]

مشكور ين بنت فيلجا والجوري انزين اجمل وامل الكويت شرايكم فيه والعربيه للعود

انا احب البخور الاصلي يعني شغل معاريس

والمعمول لما اتدش بيت اتحس بانتعاش وين انحصل هالطلبات


احم احم معمول فزاع وين وجم سعر ه

العربيه للعود حلوو تلاقي عنده شغلات حلوة طبعاَ انا اتعامل مع اللى بدبي لانه بضاعته تنزل هناكـ اول

انا متأكده لو تروح لعطورات الجزيرة راح تلاقي اللى يسركـ
ولاتنسي اخوى هذا بخور يعنى اللى يعجبنا مايعجبكـ فما انصحكـ تاخذ على الاسم جربه بالمحل قبل:وردة:​

 

[مقروده]

امل الكويت عندهم معمول معاريس في نفسه بالضبططط عند المرشود ب5 دنانير ونفس الريحه

وفي القرشي ب25 دينار هذا روووووعه وريحته توصل للجيران

واجمل عندهم معمول اسمه وهاااج بس ينزل بالسعوديه كل ما اروح اشتري منه حلوووو

هذي صورته على فكرة لقيتها بقوقل مو تبعي الصور

 

[شوفير]

محل احسان فى منطقة شرق واحسن بخور عنده اسمه ( معمول الرمث )وحاضرين للطيبين

 

[كويتيه حرهـ]

كل اللي قالوهـ الاعضاء زين وماعليه كلام

بس انا عن نفسي اتعامل بالمعمول بالذات مع حريم

يجيبونه من منطقه بالسعوديه اسمها وادي الدواسر

معمول روووعه ولما تشبه بالبيت يشرح الصدر صج

والله يعطرنا وأياكم من عطور الجنه​

 

[غادة الكاميليا]

خل عنك كل هالسوالف تدل سوق السلاح؟؟؟ روح المحلات هناك يبيعون بالجمله ويبيعونه على المحلات الي انت تسمع عنها هذي كلها وطيعني وانا اختك ترا بالكويت يستوي الغالي والرخيص ومرات ترا الرخيص نسبيا احسن بميه مره من الغالي والغالي غالي مو ليش انه احسن ليش ان الناس تبي جذيه تبي الي سعره مرتفع عبالهم انه مميز
روح محل اسمه الطيب الفرنسي وجرب البخور وخلطات الملابس ولا أروع ووفر افليساتك أبرك لك ولمعلوماتك ماكو أكثر مني شرت بالميات وقطيت ع الغالي دم قلبي وبالاخير رديت ع سوق السلاح لانه بكل بساطه ماشفت فرق يسوا
موفقين
مراسلتكم من سوق السلاح غادة:وردة:
​

 

[السلطاني]

بالضبط كما ذكرت الإخت غادة الكاميليا .. ..

في سوق السلاح وهو أحد الطرق الفرعية من سوق الغربللي .. ..

يوجد محل إسمه ( الشمالي ) .. .. اسعاره روعة وعطوراته وبخوره أروع .. ..

 

[الفيصل]

أفضل وأحلى بخور هو اللي ينقال له سوبر كمبودي (طبعاً فيه غش إذا رحت لمحلات بخور عادية ) بس إذا تبي الزين

شوف الجزيرة للعطور عندهم بخور سوبر كمبودي التولة يمكن بـ 35

 

[سمو ذاتي]

خلك من الي قالوه الشباب ...
روح الجزيره للعطور..
وقولهم "عطوني بخور بالعنبر"وبس
التولتيين بعشرين دينار
وشم الريحه وادعيلي
صدقني راح تشب فيه اليوم كله من حلاته

 

[وحده من الناس]

بالنسبة للعود........عندك أمل الكويت/القرشي/المرشود​

والطيّب من 30 دينار وفوق​

أما المعمول...عندك العود المبخر (القرشي) 25دينار​

وإذا كانت ميزانيتك محدودة أنصحك في بخور زينب 1ونص وتلقاه عند أقرب حواج لمنطقتكم ورائحته وشكله نسخة طبق الأصل من العود المبخر للقرشي(وراح تدعيلي)

بس إختلاف العلبة من الخارج​

أنا بالنسبة لي وفّر كثير علي بخور زينب:وردة:​

 

[عالمي وحدي]

مشكوره وحده من الناس جنج تقرين افكاري انا محتاج شي غالي يعني جوده وشي رخيص بس مايكون بخيس:وردة:

مشكوره سمو ذاتي شكله حلوو بس ياويلج اذ طلع دخاخين سوف اجدج في المكان الذي لا يجدوني نيهاهاهاها
الفيصل شكلك ذوقك ملكي يعجبني بجربه انشالله :وردة:

مشكوره بنت فيلجا ماقصرتي
شكرا غاده الكاميليا
شكرا المقروده
شكرا شوفيير
شكرا السلطاني

 

[عالمي وحدي]

تسلمون لكل الللي فزعو ماقصرتو يعطيكم العافيه كفيتو ووفيتو
لكم يوكيه ورد

معطر بالبخوووووور
ثانكس:وردة:

 

[ألب آرسلان]

متاااااابع فقظ

 

[أبوقتيبة]

في محل أسمه
ركن دكان البخور
في منطقه الفحيحيل
بنفس صف عماره العنود
لون المجمع برتقالي​

 

[مقروده]

بخور زينب دخاخين مو حلو صج اول ما يشب نفس ريحة القرشي بس عقب تقلب الريحه وما ثتبت بالبيت


الرخيص في بخور مشلف من بانافع موجود عند الهنود و العطارين

و الحرمين حلووووو موجود عند محل الحرمين وهم العطارين والهنود ورخيص تقريبا ب3 دنانير وفي ارخص حسب الحجم بس جودة والريحه تثبت كافي انه من الحرمين

والروقي

وفي عود رخيص عند الرصاصي كنت اخذه ب4 دنانير حلو استعمال يومي مادري اذا للحين نفس السعر

 

[نايف الشامري]

بالنسبة لي افضل بخور الهندي بصراحة شوية غالي ومشكلتة انه نادر وساعات احصلة عندامل الكويت بمجمع النقرة الجنوبي

 

[الأناضول]

الرصاصي وأمل الكويت كويسين