قول المثل الشعبي اللي بخاطرك !!

[خيالي]

ما اردى من المربوط إلا المفتلت

 

[emkokas]

لا تطق طاسه و بالبيت أقرع

يعني لا تتكلم بموضوع احتمال يكون محرج لأحد الحاضرين

 

[@Noura@]

اللي يبينا عيّت النفس تبغيه
واللي نبيه عيا البخت لا يجيبه !!

 

[كويتي تايوان]

لا طريت الجلب ولم العصا

الجلب جلب لو يتطوق بالذهب

مرد الجلب على القصاب

لوقى لا هو جلب ولا سلوقى

ذيل الجلب عوج

 

[الأم الكويتية]

روح بعيييد و تعال سالم

الباب الي يجيك منه ريح سده و استريح

الي ببطنه ريح يهده و يستريح

فوق شينها قواة عينها

طققاق نفسه ما يبجي

و الامثال وايدة بس معظمهم ما ينقالون بصراحة

 

[@Noura@]

[FONT=Simplified Arabic,simplified arabic,tahoma,ms sans serif,verdana,arial,helvetica]سوّد الله وجـه جحّـاد الجميـل[/FONT]
[FONT=Simplified Arabic,simplified arabic,tahoma,ms sans serif,verdana,arial,helvetica]إن فعلت الطيـب فيـه بيجحـده[/FONT]
[FONT=Simplified Arabic,simplified arabic,tahoma,ms sans serif,verdana,arial,helvetica]وان تركته يشتغلك بقـال وقيـل[/FONT]
[FONT=Simplified Arabic,simplified arabic,tahoma,ms sans serif,verdana,arial,helvetica]هرجه الأبيض يجي مثل أسـوده[/FONT]​

 

[بوعبد الله الجهراوي]

حلاة الثوب رقعته منه وفيه

 

[reema85]

انا عندي مثلين الاول يقول

شوف وحراك يوف

والثاني

شهر اللي مالك بي خبزه لاتعد ايامه

اختك ريما

 

[بو عصام]

السلام

والله خوش موضوع وأصلا كنت ودي أقترحه


بس ياليت اللي يحط مثل يحاول يحط شنو يعني المثل أو على شنو ينقال....ترى والله مرات نضيع ولا أفهم المعني

مثلي
مو كل من طق قبله قال انا قبله ((ما ادري شلون اقول معناه))
من سبق لبق ( first come first serve)

 

[بو عصام]

السلام




مو كل من طق قبله قال انا قبله ((ما ادري شلون اقول معناه))
من سبق لبق ( first come first serve)

مو كل من طق طبله قال انا قبله

 

[حلوة الكويت]

طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطقعه بسوق الصفافير ضايعه

· الطقعه بسوق الصفافير ضايعه

· الطول طول نخله والعقل عقل صخله

· عتيج الصوف ولا جديد البريسم

· عقب ما طقعت صكَت فخوذها

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لأ . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَهه
ها بعد..
ولا يكفي امثله اليوم؟...​

موضوع حلو مثل صحبته؟....

 

[مضاوي]

الحيي يحييك والميت يزيدك غبن ! < المثل المفضل عند أمي دايم تقوله

وفيه بيت شعر دايم امي تقوله لاخواني الصغار لا جت توعيهم من النوم :
" النوم للهلباج والكلب والنسا - مايهتني بالنوم سرحان ذيبه "

ينرفزني هالبيت أحس فيه اساءه لنا بس امي من الطراز القديم .. ضد الحريم وبس !


وفيه مثل عاجبني هالايام .. قاله لي ابوي من فتره .
سبحان الله ياشمس انا " مفتريه " أحب اهاوش عيال اخواني واتسلط عليهم .. ابوي يقول يا العوبا لاتحارشينهم يزعلون منتس امهاتهم .. من كم يوم طقيت واحد منهم قدام امه قال ابوي :
"يزول جبل ولا تزول طبيعه " !! يعني مافيني حيله ههههههههه


وفيه مثل وسيع صدر :
قال من عاقلكم ؟ قال هالمربط !

ويا مال العز يا ام رتوجه

 

[@Noura@]

الحيي يحييك والميت يزيدك غبن ! < المثل المفضل عند أمي دايم تقوله

وفيه بيت شعر دايم امي تقوله لاخواني الصغار لا جت توعيهم من النوم :
" النوم للهلباج والكلب والنسا - مايهتني بالنوم سرحان ذيبه "

ينرفزني هالبيت أحس فيه اساءه لنا بس امي من الطراز القديم .. ضد الحريم وبس !


وفيه مثل عاجبني هالايام .. قاله لي ابوي من فتره .
سبحان الله ياشمس انا " مفتريه " أحب اهاوش عيال اخواني واتسلط عليهم .. ابوي يقول يا العوبا لاتحارشينهم يزعلون منتس امهاتهم .. من كم يوم طقيت واحد منهم قدام امه قال ابوي :
"يزول جبل ولا تزول طبيعه " !! يعني مافيني حيله ههههههههه


وفيه مثل وسيع صدر :
قال من عاقلكم ؟ قال هالمربط !

ويا مال العز يا ام رتوجه

يا زين هالحضور

كلج على بعضج حلو مضاوي:إستحسان:

 

[شخص مهم]

أدعي على ولدي وأكره اللي يقول آمين​

 

[النائب العام]

في مثل بلغاري يقول " إضرب زوجتك حتى تخرج منها الشياطين السبعة "

لأن البلغار القدماء كانت عندهم نظرية تقول أن المرأة عندما تتشكل جنينا في بطن امها يدخلها 8 شياطين , يخرج احدهم عندما تولد والباقي يكون مهمة الزوج أن يخرجها بطريقته الخاصة .

والله زين
بلغاريا الحريم عندهم فيها 8 شياطين ............. بس

 

[حلوة الكويت]

إرضينا بالهم والهم ما رضي فينا :
تقال عندما نقبل بأسوأ الظروف ولكنها تعاكسنا



موت الحمير فرج للكلاب :
المثل المرادف : مصائب قوم عند قوم فوائد



التكرار بيعلم الحمار
اذا كررت نفس الموضوع عدة مرات فبالتأكيد يتم استيعابه حتى لو تم التكرار الاعادة على الحمار الذي لا يفهم فسيفهمه وبالتالي فانه يقال عندما يطلب من الشخص فهم موضوع فلا بد من تكراره عليه وتكراره عليه من الطبيعي ان يفهمه لانه لو كررت ذلك على الحمار فسيفهمه


سوري جو عالبالي؟....

 

[درب_الزلق]

اللي يبينا عيت النفس تبغيه
واللي نبيه عي البخت لايجيبه

 

[ريم العدواني]

تقول حلوة الكويت :

الطقعه بسوق الصفافير ضايعه

عقب ما طقعت صكَت فخوذها

هل صحيح أنك حلوة الكويت أم هذا النك وضعتيه لمجرد تعويض النقص إلي عندج!!

شنو هذا .. إنت من صجج وإلا ما كنتي بكامل قواج العقليه أول ما كتبتيه أو بالأصح نقلتيه!!

هذا كلام ينقال في منتدى محترم ... مو قلتلج مشاركاتج فوق الخطوط الحمرا..الله يهديج ويكملج بعقلج.

 

[حلوة الكويت]

شنو هذا .. إنت من صجج وإلا ما كنتي بكامل قواج العقليه أول ما كتبتيه أو بالأصح نقلتيه!!

هذا كلام ينقال في منتدى محترم ... مو قلتلج مشاركاتج فوق الخطوط الحمرا..الله يهديج ويكملج بعقلج.

اول حبيبتي ريم....هذي من كلام اهلنا الاولين....
وامثله يرددها العرب....

مثل شفته...ونقلته.....؟..
واي من صجي ...حلوة وقمر بعد....
تبين تشوفييني...
تعالي لي بيوم واعزميني عل مفطح...وتشوفيني....
بس اخاف عليج....
تموتين قهر

لا تنسين حبيبتي كالعادة...روحي مثل الصغار وتشكي عند المشرفين؟.....

 

[دون كيشوت]

يارب سترك وعافيتك !!