ما هو أفضل جهاز أحط فيه شريحة ( فيفا ) للإنترنت بحيث يكون راوتر ( وايرلس ) ؟!

الموضوع في 'شبكة سؤال وجواب' بواسطة المتبحر, بتاريخ ‏9 نوفمبر 2010.

  1. المتبحر

    المتبحر عضو مخضرم

    عندي اشتراك مع ( فيفا ) بقطعة الـ ( USB ) .

    أبي أشيل شريحة ( فيفا ) الموجودة في الـ ( USB ) وأحطها في جهاز ثاني بحيث يكون هذا الجهاز مثل الراوتر ، ويبث إنترنت على الآي فون والآي باد واللاب توب والديسكتوب .

    لأني بالطريقة هذي راح أكنسل اشتراك ( إنترنت الآي فون ) اللي يكلفني 27 دينار شهرياً .

    شلون الطريقة ؟!:)

    وشنو أفضل وأرخص جهاز ؟!:)
     
  2. جذي رآح يصير بطيء حيييل

    أذكر ربك

    ترآ الفيفا والشين والوثنية يعطونك 10 قيقا كل شهر وال 10 قيقا في ناس اطيرهم من لاب واحد بـ ظرف أسبوع

    .,

    نصيحتي كنسل اشتراك الفيفا

    واشترك بخدمة وآيرلس من كيمز ولآ فآستيلكو اشترآك سنوي , 1 ميجا او 1 ونص ميجا

    وشغل الايفون والاي باد والاي بود واللاب توب والديسكتوب والبلاي ستيشن ثري واشترك بخدمة بلاك بيري لمدة شهر بس ولا تجددها وعقب تقدر تشغلها بالوايرلس ببلاش وعيش يا باشا ;)
     
  3. Na9r.Q8

    Na9r.Q8 عضو فعال

    مثل ما قال الاخ الهارف :إستحسان:

    خذلك اشتراك من اي شركة انترنت متخصصه .. وراح يكون الاشتراك سريع والداونلود UmLimited :قلب:

    وبالنسبة للرواتر اذا بتاخذه معاك كل مكان لاستخدام الايباد والايفون .. راح يضايقك كل شوي يبيله شحن :confused:

    فـ ما لك خيار سوى الاشتراكات التي تهد الحيل .. :باكي::باكي:

    سؤال داش عرض للاخ الهارف :D

    - انا شغلت خدمة البلاك بيري أكثر من سنة .. وكنسلت الاشتراك الحين .. بس إلى الان مو راضيه تشتغل على الوايرلس .. فـ كيف طريقة تشغيلها عن طريق الوايرلس الله لا يهينك ..
     
  4. خدمة بلآك بيري تبع الوطنية تدعّم الـ وآيرلس بعد أنتهآء الخدمة عكس خدمة الـ بي بي في شين و فيفآ "وبروغرآمآتهم النحيسة"., :)

    إذآ عندك خط وطنية أشترك بـ خدمة بلآك بيري مسنجر لـ مدة شهر بس ولآ تجددهآ وعقب بطل الـ وآيرلس تلقى المسنجر بي بي يشب أحمر "دآيركت", وعن تجربة ;)

    .,

    شغلت خدمة بلآك بيري على خط زين أو فيفآ أخوي نآصر ؟!
     
  5. Na9r.Q8

    Na9r.Q8 عضو فعال

    للاسف كان على خط شين :إستنكار:

    يعني ما في امل تشتغل عن طريق الوايرلس :confused:
     
  6. مطر

    مطر عضو بلاتيني

    أشترك adsl أرخص و اسرع .. و كفاءه. :)

    الان وصل سعر الاشتراك السنوي 80 دينار.
     
  7. سو آب ديت حق الـ بي بي مآلك

    وعقب ركب خط وطنية وأشترك بـ خدمة بي بي لـ مدة شهر

    وعقب رآح تشتغل الخدمة بآلوآيرلس دآيركت

    تحيتي

    :وردة:
     
  8. 6ergi

    6ergi عضو مخضرم

    لدي إقتراح مختلف للمتبحر ..

    إشتراك DSL بسرعة 1 ميجا بـ 100 دينار سنويا .. يعني 8 دنانير شهري ..

    +

    إشتراك إنترنت للآيفون بـ 7 دنانير شهريا (من زين) .. لقراءة الإيملات والصحف والتصفح ..

    +

    إشتراك مسبق الدفع للإيباد في حال كان 3G .. ليس به رسم شهري .. مجرد تعبئة عند الحاجة بـ 1 دينار لليوم الواحد تدفع Online عن طريق الـ K-net ..




    بهذا الشكل التكلفة الشهرية إنخفضت من 27 دينار إلى 15 دينار .. بالإضافة إلى أن لديك إنترنت سريع في البيت تستخدمه لجميع الأجهزة .. وإنترنت في الآيفون (للإيميل والواتس أب وما شابه) .. وعند الحاجة للآيباد في المخيم/الشاليه تستطيع إستخدام الانترنت لمدة محددة فقط وليس بإشتراك شهري ..
     
  9. ناصر المعروف

    ناصر المعروف عضو مميز

    الاخ المتبخر

    في قطعة شفتها قبل فترة بمكتبة جرير

    وكان سعرها رخيص (أعتقد أقل من 10 دنانير)

    تركب فيها وصلة الموديم 3G (قطعة الإيقو أو قطعة الوطنية أو الفيفا)

    فتتحول إلى راوتر تقدر تشبك عليه من عدة أجهزة بالبيت (موبايل, لابتوب, اي فون, ... الخ)

    بس المشكلة إن القطعة هذي (على كلام الموظف) ما تشتغل مع قطعة شركة زين :(

    كنت على وشك إني أشتريها للتجارب, لو ما نبهني هذا الموظف.

    ممكن تجرب تروح جرير وتشوف إن كانت القطعة تشتغل مع فيفا أو الوطنية.

    -------------------------

    في حل ثاني

    إذا عندك جهاز كمبيوتر بالبيت عليه ويندوز 7

    وفيه كرت وايرلس, ما يهم إن كان ديسكتوب أو لابتوب

    ممكن تحوله إلى راوتر يخدم باجي الأجهزة

    عن طريق وصلة الفيفا أو الإيقو


    طبعا لازم تستخدم برنامج إسمه Virtual Router

    جرب هالرابط للمزيد من المعلومات


     

مشاركة هذه الصفحة