هل ورد الفل يصلح للزراعة بالكويت

الموضوع في 'شبكة سؤال وجواب' بواسطة رُبـّـمــا, بتاريخ ‏26 نوفمبر 2010.

  1. رُبـّـمــا
    Offline

    رُبـّـمــا عضو مخضرم

    السلام عليكم ورحمة الله وبركاته






    اخواني اخواتي الكرام ..

    هل ورود الفل او ما يسمى بالياسمين يصلح للزراعة في تربة الكويت ؟

    وكيف هي طريقة زراعته والاعتناء به

    وما مواسم تزهيره ..




    [​IMG]
     
  2. كاسك يا وطن
    Offline

    كاسك يا وطن عضو بلاتيني


    زراعة الفل .. ما تنفع بالكويت .. الا اذا كان عندج بيوت زراعيه .. green house ..
    لأن الجو عندنا مش ولابد .. وخاصه بشهر 7 ( عز الحر ) .. او بشهر 12 .. ( عز البرد )..
    قبل سنتين .. من قوة البرد .. صار صقيع بالوفره .. والناس قامت تطالب بتعويض .. وصارت ضجه ولجه .. واهي اقصاها زراعة خيار .. !
    وعوضوهم بالنهايه - ان ما خاب ظني - .. بـ 3 مليون .. او 4 .. ماني متذكر .. ووزعوها بيناتهم ..
    تبين الفل .. يا سعاد .. ينزرع بالكويت ..؟ :)


    شكلج حيل رومانسيه ..

    اخذي :وردة:

     
  3. .. عصآمية *
    Offline

    .. عصآمية * عضو مخضرم

    إن شآء الله مع مرور إلزمن يصير ،
     
  4. رُبـّـمــا
    Offline

    رُبـّـمــا عضو مخضرم

    * يعني أفقد الأمل أخي الطيب كاسك يا وطن ؟





    * هلا بالغالية عصامية منورة الشبكة ..


    يعني اشلون مع مرور الزمن يصير ؟ : /​
     
  5. كاسك يا وطن
    Offline

    كاسك يا وطن عضو بلاتيني


    لا ما تفقدين الامل ..
    روحي المشاتل .. اللي صوب الداير الرابع ..
    واشتريلج فل .. واعتني فيها .. يمكن .. لعل وعسى تعيش ..!

    اما بخصوص الاخت عصاميه وما تقصده ..
    ترى كانت تقصد .. ( حتى تعود أرض العرب مروجا وأنهارا :D )

     
  6. .. عصآمية *
    Offline

    .. عصآمية * عضو مخضرم


    هلا بج زود ، النور نورج

    مع مرور الزمن مثل ما قال الأخ كاسك يا وطن مع بعض التعديل :وردة:
     
  7. لوووح!
    Offline

    لوووح! عضو بلاتيني

    هلابك إختي ربــّما..
    وبالنسبه لسؤالك..
    يصلح ليش ما يصلح..
    يعني تُربة السعوديه غير عن تُربة الكويت!
    هذا هو مزروع في بيتنا من 7سنين أو أكثر..
    صحيح إن الفــُل من نفس فصيلة الياسمين..
    لكن الفـُل زهور فقط..
    أما الياسمين شجره مُتســَلــّـقه على الجدران وعلى النوافذ..
    ما عادا الياسمين الهندي(غير متسلق)!
    أما العراقي و السوري(البلدي)و المصري جميعها متسلقه..
    نرجع لموضوعنا..
    أنا مافهمت قصدك هل تبين تزرعينه في الأرض أو في(أحواض)!
    إذا كنتي تبين تزرعين في الأرض(لأول مره)أقصد التـُربه لم(تـُحفر)من قبل لزراعة أي شيء!
    يعني تلاقين لون التُربه(أصفر)
    عندك خيارين:
    تآخذين بذور(فـُل) إن وجدت في المشاتل..
    و إن لم تجديها فإخذي شتله جاهزه يعني ورده لها شهر مزروعه..
    وفي كل الحالات..
    يلزمكِ سماد غنم طبيعي أو سماد عضوي(مخلوط في المصنع) + تُربه زراعيه(غير تُربة الأرض)
    برضو تآخذينها من عند المشاتل..
    و تقومين بإضافتها فوق تُربة الأرض بعد خلطها ببعض..
    ثم تنثرين البذور و تكون قريبه من بعض نوعاً ما أو على حسب مزاجك في تغطية المساحه..
    طريقة الإسقاء(بالماء)
    مره واحده في اليوم وأفضل وقت صباحاً..

    الطريقه الثانيه(الأحواض)
    تربه زراعه + بتنس..عاد ترجميها إنتي..
    البتنس هي تربه المانيه وأفضل تربه..
    تُخلط مع التُربه الزراعيّه..
    ثم تضعين الشتله الجاهزه في الحوض ويــُفضّل أن لا تكون أكثر من ثلاث شتلات بالكثير!
    طبعاً أنا أتكلم عن حوض مستدير(دائري)حجمه وسط..
    أهم نـُـقطه!
    يجب شقّ(تخريم)الحوض من أسفل أربع أو خمس شقوق أو خروم..
    حتى يأخذ النبات كربون و يكسب اوكسجين..
    لأن الماء إذا نقع في الحوض يميت العروووق!
    طبعاً الحوض فيه صحن دائري تحته لكي يقوم بحفظ الماء المـُتسرب..
    أفضل أنواع الفــُل!
    فـُل مصري(مكبـــّس)كبيـر
    فـُل جيزاني(سعودي)صغير
    و تستطيعين زراعة كلا النوعين..و لكن كل نوع في حوض على حــِدَه..
    طريقة الإسقاء(بالماء)
    يوم بعد يوم(مره واحده) صباحاً كذلك..
    و صدقيني تعيش لو تبين عشر سنين..
    أهم شي الماء..يكون بإنتظام!
    ومافيه أي مشكله لو كان مكانها يتعرض للشمس..
    نـُقطه أخيره..
    فيه فيتامينات(حبوب)صغيره جداً..لونها بحري(سماوي)مع أبيض وهي دائرية الشكل..
    يؤخذ منها مقدار ملء اليد..
    ثم تنثر على التربه كل شهر أو شهرين..
    و فوراً يتم إسقائها بالماء..
    يعني لاتنثرين الفيتامين و تتركينه بدون ماء!

    و ماشاءالله عليك إخترتي أحلى نوع(الفــُل)
    فيه برضو شجره متسلقه حلوه لتزيين البيت..
    سواء على النوافذ أو الجدران أو على أي شيء أمامها..
    إسمها(سـِـت الحــُسـن)
    لكن فيها عيب واحد..
    تقوم بجلب النمل الصغير بكثره..
    يعني لازم متابعه لها بشكل دوري..صحيح مـُتعبه لكن خياليــّـه..
    و نتمنى للكويت أن تُصبح مدينة الزهور او بلد الزهور و تغطــّي على(هولندا):p
    أما بالنسبه لوقت الزراعه..
    هذي الأيام أحسن وقت..
    كذلك لامـُشكله في زراعته في أي وقت طوال السنه..

    و تقبلي تحية إخوك(مـُزراع قديم):cool:
     
  8. رُبـّـمــا
    Offline

    رُبـّـمــا عضو مخضرم

    * اخي الفاضل كاسك يا وطن اشكرك على التوضيح .. الحمد لله انقذنا المحترم لوووح ..


    * غاليتي الفاضلة عصامية صاحبة الاسم الراقي شكراً جزيلاً على الرأي الجميل ..




    * اخي المحترم لوووح ..

    شكراً كثيراً ايها المزارع المتمكن ..

    شوف اخوي

    انا بكسر الطابوق وبسوي مكانه حديقه ..

    يعني احتاج احط سماد من جد وجديد والسوالف اللي قلت عنها عدل ؟




    وبزرع الفل بالارض مو بأواني ..


    توني اعرف ان الفل غير الياسمين بس الحمد لله اطلعوا بنات عم

    وودي تكلمني عن ست الحسن وهل تصلح للشبابيك الخارجية والا شمسنا تاكلها



    وان شاء الله تعالى بعد ما استوعب صح منك بروح المشاتل وبحمّل اغريضاتي بوانيت اخونا المحترم اذكر الله ..​
     
  9. عزيز وغالي
    Offline

    عزيز وغالي عضو بلاتيني

    انا بشهر 7 رحت للمشاتل واشتريت فل واعتنيت فيه
    لاني من المغرمين فيه وبرحيتها الي تطير العقل
    وبالاخص لما يتفتح تنتشر ريحته بالاماكن القريبه منه

    ولكن للاسف بعد اسبوعين احترق من الشمس
    وذبل وتبددت امالي اني ازرعها بشكل دائم
    لاني اخذته علي شكل تجربه

    ولكن يبقي الفل زعيم الرائحه الزكيه

    والله يعينك اختي ربما للتجربه والمحاوله
    يمكن لما يشوفك يستحي منك
     
  10. رُبـّـمــا
    Offline

    رُبـّـمــا عضو مخضرم

    كسّرت مجاديفي اخوي المحترم عزيز وغالي ..

    يعني الحين شالحل ..

    يمكن انت كنت زارعهم بمضرب شمس ؟​
     
  11. عزيز وغالي
    Offline

    عزيز وغالي عضو بلاتيني

    لا اختي انا قلت لك جربي مو غلط
    ترا الشتلات رخيصه اتصور 3 دنانيير
    والفل اصلا يبي الشمس
    انا كنت حاطهم بالحوش مره يجيهم شمس ومره ظل
    وللحين ما رضيت اقط الحوض وبقايا الفل قلت يمكن تطلع مره ثانيه
    بس علي فكره ترا الفل بالشتا يذبل ولا يطلع الا بالصيف وحرارته
     
  12. رُبـّـمــا
    Offline

    رُبـّـمــا عضو مخضرم

    يعني الفل زهر صيفي ؟



    لأني سبق وزرعت القرنفل وسبحان الله مات بداية شهر اربعه

    طيب ان حطيته بأحواض يطوّل معاي ويعيش اخوي الطيب عزيز وغالي ؟​
     
  13. عزيز وغالي
    Offline

    عزيز وغالي عضو بلاتيني

    بالضببببببط زهر صيفي ويموت بالبروده او بالاحري يذبل
    الاحواض زينه بس تبي تنفيس وتقليب تربه قبل تزرعينها فيها
    والافضل طبعا بالارض اذا عندك حوض مجهزته
    بس ترا ما يبي ماي كثير كل 48 ساعه ما يكفي الحوض
    لا تاخذين بكلام الي يبيعون بالمشاتل ترا بيقولك بيطلع ويزهر
     
  14. رُبـّـمــا
    Offline

    رُبـّـمــا عضو مخضرم

    الله يعطيك العافية اخوي عزيز وغالي ..

    عز الله اني نشبه ..

    وعساك ذخر يارب ..​
     
  15. لوووح!
    Offline

    لوووح! عضو بلاتيني

    إختي ربــّما..
    عشان تدرين إن اللوح له أغراض عــِدّه:p
    و لاشكر على واجب إختي..
    امممم بتكسرين الطابوق و بتسوين حديقه..
    رغم إنك ماذكرتي المساحه لكن..
    أول شي لازم تنظفون الأرض من الحصى(الحجر)اللي تحت الكاشي(البلاط)
    و لاتنسين حتى الحجر الصغير شيلوووه!
    طبعاً راح تبقى تربه فقط..
    وش المطلوب منك بعد كذا..
    أنا ماأدري عن المساحه لكن إنتي إحسبيها..
    كيس تربه ألماني(كبير)أعتقد قيمته حوالي8دنانير
    يكفي لتغطية حوالي15متر مربع
    +
    تربه زراعيه..
    +
    سماد وأنا ما أنصحك بسماد الغنم رغم إنه أفضل سماد(طبيعي)
    لأن يطلع له رائحه غير مرغوب فيها..
    بحكم إنكم بتزرعون في الأرض و ليس في(أحواض)
    لذلك خذي سماد عضوي إسمه(بــُسـتان)
    يجي في كيس(مغلــّـف)
    كل كيس يكفي تقرباً عشـ10ـره متر مربع..
    المفروض تربه زراعيه +سماد فقط..
    لكن بحكم إنه أول مره تزرعون بهالمكان..
    يـُفضل إضافة تربه ألمانيه(بتنس)
    عشان يجي الشغل مضبوط..
    طبعاً راح يجيك(مـُزارع)بس ماهو بأنا:cool:
    أقصد تآخذينه من محلات المشاتل..
    و هو اللي راح يسوي الخلطه..
    و الفـُل و الياسمن خوات ماهو بنات عم!
    لكن مثل ماذكرت لك سابقاً..

    بالنسبه لـ ست الحســ ن..
    ياهي أخطر شجره عندي من ناحية الجمال..
    أغصان و أوراق كثيفه و أزهار لونها بديع..
    تطول أغصانها من متر إلى أكثر من 20 متر هذا اللي شفته بعيني..
    و تتسلق الجدران والشبابيك وتدور حول حديد النافذه مثل الثعبان..
    و الأجمل من كذا إنها شجره ولها ورورد بنفسجيه و بيضاء..
    لذلك حاولي تزرعينها بالأرض أو في حوض تحت الشباك للدور الأرضي..
    طبعاً لها خيوط خاصه عند محلات المشاتل يبيعونها..
    الخيوط هذي إنتي بمزاجك تربطينها من الشباك الأرضي إلى الشباك العلوي(مثلاً)
    راح تمشي الأغصان(جــَبراً)مع الخيط أو الخيوط على شكل(مشط)
    إلى أن تصل الدور العلوي بشكل ماتتصورينه..
    طبعاً الخيوط ماراح تبان أبداً لأنها دقيقه جداً..
    و بتشوفين الشكل الخارجي لبيتكم(غر طبيعي)
    و ماراح تضرها الشمس إذا قمتي بإنتظام بإعطائها الماء يومياً إذا كانت مزروعه بالأرض..

    و أشكر إخوي عزيز و غالي بصراحه كفـّى و وفــّى..
    و أي إستفسار أنا حاضر باللي أقدر عليه أو عندي خلفيــّـه عنه.. ​
     
  16. رُبـّـمــا
    Offline

    رُبـّـمــا عضو مخضرم

    حياك الرحمن مرة اخرى مزارعنا الفذ لوووح ..

    المساحة تقريباً 20 متر

    وسبق في زمن فائت اني يبت عمال مصريين من المشاتل باقوني وسوولي جزيرة ما تسوى

    عشان جذيه مقرره هالمرة اني ازرع من البداية انا وعلى ايدي

    اعرف امسك الشبل بس ابي معلومات كافية عشان ابدع : /



    بالنسبة لست الحسن هانم ..

    اذا بزرعها من الدور العلوي من الشباك اشلون وين احط تربتها بأحواض طولية ؟

    واشكثر أحط بالحوض الواحد ؟


    وعلى سقيها مثل ما قال اخوي العزيز والغالي عزيز وغالي كل 48 ساعة ..


    اشكثر تعيش وصيفية شتوية ؟


    والفل اقدر ازرعه بالارض ويعيش معاي والا مثل ما قال اخوي عزيز وغالي ما اقدر الا بالصيف ..

    وشنو بعد الشتلات اللي تعطي رونق للحديقة ؟


    واشكرك جداً على التوضيح القيم ​
     
  17. لوووح!
    Offline

    لوووح! عضو بلاتيني

    العفو يا زميلتي..
    و أنا حاضر..​
     
  18. رُبـّـمــا
    Offline

    رُبـّـمــا عضو مخضرم

    كلام سليم..
    إذا كان قصدك أحواض مستطيله و لها مكان(خارج الشباك)يعني فيه مساحه تقريباً15سم
    تستطيعين وضع الحوض بها مافي أي مشكله..
    لكن أنا فهمت من كلامك إنك ساكنه دور علوي..
    طيب ياريت تفيديني(السطح)ملك لكم أو لا!
    عشان أفيدك بطريقه أحسن من الحوض خارج الشباك..






    ما دريت اخوي المحترم لوح ؟












    صار عندي بيت [​IMG]

    من باب السكة للسطح حقي مقي : /



    ما تشوفني خابتكم معاي

    يريت ياخوي الطيب تستمر بإفادتي عسى الله يوسع عليك بالدنيا والاخرة قول آمين​
     
  19. ساره محمد20
    Offline

    ساره محمد20 عضو فعال

    مرحبـاً عـزيزتـي ربمـا :)

    بصراحه ماقدرت أمسـك نفسـي عن المشاركه بمـوضوع يخص الزهور كوني أعشق النباتات بشكل عام.

    أحسنـتِ بالأختيـار الفل و الياسمين من أجمل الأزهـار , ولكـن ما أعتقد ظروف الجو تساعدج بزراعتها والنتايج مو مضمونه .

    ودي أقدم لج هالنصيحه وأنتـي حـره بقـرارج , أنا من رأيي تزرعين زهرة النرجس تنمو بسهولة وحاليا موسمها بس وفري لها تربة جافه وازرعيها بظل لانها تحتاج اشعة شمس خفيفه.

    قبل عام زرعتها بشهر نوفمبر وشكلها كان حلو , عموما أنتي أبحثـي عن مواسم الزهور و أسـألي أصحـاب المشاتل هم اللي فادوني قبل.

    زراعه ممتعه وانشالله ترضيج النتايج

    بالتوفيق

    سـاره :وردة:
     
  20. رُبـّـمــا
    Offline

    رُبـّـمــا عضو مخضرم

    تسلمين لي غاليتي الوردة الجميلة سارة محمد ..

    وراح آخذ بنصيحتج بكل تأكيد ..

    الله لا يحرمني ذوقج يا زهرة اللوتس ​
     

مشاركة هذه الصفحة