سؤال وجواب الافضل بالاسعار للاجهزة الكهربائية؟

السلام عليكم

حاليا اقوم بتجهيز شقة جديدة
وتقريبا انتهيت من الاثاث
والباقي الاجهزة الكهربائية
فما رأيكم الافضل بالاسعار للاجهزة الكهربائية؟
الكترو زان او يوريكا او الغانم

وتقبلوا تحياتي
اخوكم
ناصر
 

ميثاق

عضو فعال
الافضل وانا اخوك تروح للمحلات الاجهزة الكهربائية الصغار نفس البضاعة المعروضة في يوريكا والغانو والكتروزان ارخص منهم بكثير وادا مالقيت الي تبي عندهم اطلب منهم يوفرونه لك من الشركات الكبار والله يوفقنا ويااك
 

عبدالله .

عضو بلاتيني
الكترو زان ماعندهم شي يسوا غاليين وموديلاتهم قديمة
الغانم كل شي عنده هو ويوريكا الافضل
حتى اسعارهم نفسها
انا قبل جم شهر لما رحت اشتري علشان شقتي قارنت الاسعار ولقيت انها نفسها
مثلاً غسالة LG نفس الموديل بيوريكا والغانم كانت نفس السعر 140 دينار

بس لورحت للغانم راح تلاحظ بأنهم يحدونك على ماركات ونوعيات معينة يبون يسووقوونها لأن هو الوكلاء لها
فأنت مالك شغل فيهم اخذ الي تبي

غسالة وثلاجة عليك بالـ LG
 

World on Wheelz

عضو ذهبي
الافضل وانا اخوك تروح للمحلات الاجهزة الكهربائية الصغار نفس البضاعة المعروضة في يوريكا والغانو والكتروزان ارخص منهم بكثير وادا مالقيت الي تبي عندهم اطلب منهم يوفرونه لك من الشركات الكبار والله يوفقنا ويااك


بالفعل هالكلام صحيح ..

شوف شنو السلعه اللى خاطرك فيها وأكتب رقم موديلها وبقية تفاصيلها بعد السؤال عند سعرها عن الغانم أو يوريكا .. ومن ثم روح للمحلات اللى بالجهراء او الفروانيه وقارن السعر ..

يقولون أنه أسعارهم أرخص مقارنه بالغانم أو يوريكا .. وبالغالب يعطونك فاتوره سعرها أغلى من السعر الفعلى الذى دفعته حتى لا يتعرضون للمساءله من قبل الوكلاء .

على فكره أجيان فى مجمع 360 وكارفور فى مجمع الأفينيوز أيضا لديهم تشكيله كبيره ومتنوعه من الأجهزه الألكترونيه والكهربائيه مر عليهم وشوف أسعارهم .
 
الرثعان أجهزته كلها مضروبة

شغل صيني وكوري مجمع وحاطه ماركات مثل سوبرجنرال وكراون

مواصفات مرة سيئة والناس ما تشتري منه إلا علشانه يعطي اقساط على محلهم

الغانم غالي ويضع عروض على الأجهزة اللي له وكالة عليها

يوريكا ساعات عندهم شغلات طيبة لكن سعرهم أيضا غالي

كارفور عندهم ساعات عروض طيبة

بست باي (شركة يابانية ماخذ اليوسفي وكالتها بالكويت لبيع الاجهزة الإلكترونية) احتمال يكون عندهم شئ طيب
 

مالك عذر

عضو مميز
الغانم انا خلصت منهم من قام يمدح لي تلفزيونات توشيبا على السوني
عرفت بعدا السبب وبطل العجب لانه هو وكيل توشيبا و ونسا
والبايعين فقهم جهل في سلعهم بشكل كبير
وفيهم جذب بعد مره قلت له ابي تلفزيون سوني ولما طقطق بالاب توب قالي مافيه حتى بشركه سوني نفسها ماصدقته ورحت سوني الي بشرق ولما قلت له ابي الموديل هذا قالي متوفر
عاد بلغته انه الغانم يبلغ زبائنه بأنه سوني ماعندها
 
أعلى