ما هي أفضل طريقه لتعلم القياده ؟

الموضوع في 'شبكة سؤال وجواب' بواسطة شقردي, بتاريخ ‏22 ديسمبر 2010.

  1. شقردي

    شقردي عضو فعال

    السلام عليكم

    اختي كملت 18 سنه وخذينا لها ليسن بالواسطه لأنها ما تعرف تسوق

    وعلى أساس أن احنا ( الأخوه و الأخوات ) نعلمها السياقه ، لكن بصراحه محد فاضيلها

    وما لنا خلق نحرق أعصابنا معاها :) :mad:

    أفكر أدخلها مدرسة تعليم ، ولكن هناك من يقول ان المعلم الخاص أفضل وهو بنظام الساعات

    بماذا تنصحونني

    وما هي أفضل مدارس التعليم اللي تعاملتوا معاها ؟

    واذا تعرفون اسم أو رقم مدربة قياده ممتازه ؟

    أو مكتب تعليم قياده ممتاز ؟


    أفيدوني ، مشكورين مأجورين :)
     
  2. هاشم الاطرقجي

    هاشم الاطرقجي عضو فعال

    انا اشوف اول شي دخلوها تعليم عند اي وحده

    خليها بس تعرف الاساسيات

    وبعدين انتم كل على يوم على وحده فيكم تاخذها الظهر

    الشوارع فاضيه وتروحين المناطق الجديده وخليها تعلم على كيفها

    واول سنه اخذي لها سياره اجار سنوي لأن الرصيفات راح تشتكي منها

    ومنا إلى الشيخ احمد الفهد نطالب بأضافة في خطة التنميه

    رصيفات جديده لأنهم راح يتكسرون

    وبالتوفيق
     
  3. Q8bdooon

    Q8bdooon عضو فعال

    الغشيم غشيم مايتعلم لو شنو اخوي ليسن ويسوق بكل مكان لكن ليومك هذا مايعرف يتصرف ويسوق عدل عادي
     
  4. ولد وايل

    ولد وايل عضو مخضرم

    يالشقردي .. شوف وأنا أخووك ..

    رووح معاها "" للبر "" وشوفلك مكان فيه غنم وبعارين

    وخلها تسوق هناك ..

    صدقني راح تصير قياده من الدرجة الاولى ..

    والوايلي يحييكم :وردة:
     
  5. مالك عذر

    مالك عذر عضو مميز

    البر افضل مكان :)
    خلها تدج فيه
    ولا دخلها شركه تعليم قياده
     
  6. ذيب الظفير

    ذيب الظفير عضو مميز

    سؤال في بطن سؤال ......... ؟

    وهل الأنثى إذا بلغت الثامنة عشر

    من الواجب عليها القيادة ..!!
     
  7. الأناضول

    الأناضول عضو مخضرم

  8. ابو مناحي المطيري

    ابو مناحي المطيري عضو بلاتيني

    نفس ما قال احد الاخوة اخذها للبر اولاً وخلها تسوق على راحتها الين اتعلم ثم بالتدريج داخل المنطقة ومن ثم الى الدائري
     
  9. سلطان زماني

    سلطان زماني عضو مخضرم


    :D

    عادى انا تعلمت القياده بالعكس..

    اول شي الدائر السادس وبعدين المنطقه وبعدين البر..

    والبر اصعب شي..:eek:
     
  10. بلوت

    بلوت عضو فعال

    والله انا تعلمت السواقه من كثر ماابوق سياره ابوي

    تعلمت السواقه وعمري 12 سنه والله علي مااقوله شهيد

    وعمري 16 اجيب الغراض من الجمعيه والتقحيص امام فرع المنطقه
     
  11. ابو نور

    ابو نور عضو فعال

    اولاً : تسجيل بمكتب تعليم قيادة مع مدربة على سيارة متخصصة لهذا النوع من التدريب مع تعليم لـ ارشادات القيادة واشارات المرور وألوان الارصفة واسهم الاتجاهات الأرضية ... ألخ

    ثانياً : شراء سيارة مستعملة ويفضل نوع جيب

    ثالثاً : تسجيل السيارة بأسم صاحبة السيارة حتي تنتظم بقواعد وانظمة المرور

    والله يوفقكم
     
  12. الرحيق المختوم

    الرحيق المختوم عضو ذهبي

    كثر التدعم يعلم
     
  13. بقيييط

    بقيييط عضو ذهبي

    ازيد عليكم في البر وخله تقحص اول شي تروح الرهبه وثاني اتعلم متي تلف ومتي ادوس ومتي تمسك بريك وخلك معه وبعده ركبه مع ابو ساعات
     
  14. shining star

    shining star عضو مميز

    انااا تعلمت الاساسيات بالبر
    بعدين مشاوير صغيره بنفس منطقتناا وصرت 

     
     
  15. الرحيق المختوم

    الرحيق المختوم عضو ذهبي

    كنت ما اعرف اسوق سياره ولي الحين والحمد لله
    الا في الضروره وتكون اوتوماتيك ويمي واحد خبره
    والطريج فاضي ومافي اشارات والمسافه قريبه
    ما ادري هالسياره ما اواطنها ليش ما ادري
    ركبت خيل جيتسكي يعني بر وبحر الا الشارع ما احبه
    بس على فكره السياقه مو صعبه بس تبي تركيز وجرأه
    اكسر حاجز الخوف وفتح مخك تصير باخشب
     
  16. kwt.store

    kwt.store عضو مخضرم

    انا اقووول اللي طلعلها ليسن بالواسطة لازم انبلغ عنه لجنة حماية الاموال العامة
     

مشاركة هذه الصفحة