شركه الغانم للكترونيات ( خدعه تجارية بحتة ) اخذو درس مني

الموضوع في 'الشبكة الإجتماعية' بواسطة q8gym, بتاريخ ‏10 يونيو 2011.

  1. q8gym
    Offline

    q8gym عضو فعال

    السلام عليكم


    في البداية اشكركم على حرصكم الدائم على مصلحه المواطن والكويت ضد جشع التجار

    الموضوع مافية يجماعة

    كنت رايح لشركة الغانم بشتري ميكروويف ويليتني مارحت لهم


    شريت الميكروويف وركبتة بالبيت الي الاالحبيب مو راضي يشتغل !


    افتح الكتلوج يمكن منية مناك اطالع الا نفس الخطوات اطبقها ومو راضي يشتغل

    غريبه الجهاز جديد

    طنشت اربع ايام قلت يمكن انا ها اليوم مالي خلق او كنت تعبان

    بعدها قلت يااانا يالميكروويف ههههههههه


    مو راضي يشتغل وادق على الشركة دزولي فني


    شاف الجهاز قالي الجهاز مفتوح ومافية براغي غريبة معني من الكرتون على طول مافتحتة يقولي ليش فاتحة قلت يابا مو فاتحة وانا مابيكم تصلحونة ابي تبديل قال خير ان شاء الله


    قال دق علينا بعد يومين دقيت عليهم قالوا جهازك هذا يتصلح ومايتبدل قلت يجماعة ضلم انا شارية جديد يعني اشتري منكم شي جديد والجهاز ملعوب فية من الاول قالوا سياستنا هاذي جهاز عليه كفالة تصليح وليش تبديل


    قلت انا لكم فضيت نفسي يوم كامل للشركة الغانم :)


    رحت للصيانة قلت ماستلم الجهاز انا شارية جديد وانتم بايعنه على خربان وضيعتو وقتي ويمكن تعرضوني للخطر وينفجر الجهاز على قال ماعندنا لك شي اخذ الجهاز وتوكل على اللة قلت ماراح استلمة بشتكي عند مسؤالكم


    ومن الشويخ طلعت رحت للمبني الرئيسي للشركة بجانب شركة bmw


    وادش على المسؤال للشكاوي حاطين لي واحد قمة في الهدوء احس انة خدرني ههههههههه


    انا جاي من اقصاي والحبيب يتكلم ببرود


    يقول حبيبي شوف الشركة نضامها تبدل او ترجع في حال يومين بس تجرب الجهاز


    من اول ماتستلم الجهاز شغلة بالبيت ماشتغل رجعة لنا على طول يبونك حار بحار بالامانة منو يقدر يكتشف العيب خلال يومين

    قال وهذا كلامنا على الفاتور خلال يومين تبديل اكثر من ذالك تصليح حتي لو الجهاز خربان او فية عيب مصنعي حاولت فية منية مناك ماكو فايدة قلت سلمت نفسي للة ميكرويف 80 دينار مالة داعي حرق الاعصاب قلت دزو للبيت دزوه لي للبيت


    اول ماجاني الموضف :) واكسر الجهاز قدامة



    في يجماعة نصيحة مني خل كل واحد يعرف حقوقة كامستهلك

    شركة الغانم تبيع بسعار رخيصة لاانها تبيع لنا اجهزة فيها عيوب مصنيعة وربعنا اهنية محد يجيك على الشي خلال يومين ينسي الجهاز ويشغلة بعدين واذا فية شي على طول يحلونك صيانة يعني انت شاري جهاز على انة جديد وهو خربان !


    ويجماعة انا ماتبلي على الشركة هذا الموقف صار لي وارجو انكم اذا شريتوا شي من الغانم تقولهم وصلوة للي للبيت وشغلوة جدامي اذا مو شغال قول لهم اخذوة ووقعوا على ورقة انة خربان وتبديل على طول
     
    آخر تعديل: ‏10 يونيو 2011
  2. Follow
    Offline

    Follow عضو

    انا مرة شريت منهم هارديسك بقيمة 30 دينار ثاني يوم ما يشتغل وخسرت جميع البيانات المحفوظة بحثت عن موديل الجهاز بالنت .. طلع الجهاز ستوك ومضروب
     
  3. q8gym
    Offline

    q8gym عضو فعال


    تفضلو يالربع هالرجال يشتكي بعد بهدلونا ها الشركة
     
  4. Follow
    Offline

    Follow عضو

    تبي الصج إذا حبيت أشتري شغلة يا الغانم او يوريكا .. ليش ماكو الكترونيات مناحي .. :D
     
  5. ميدان
    Offline

    ميدان عضو فعال

    يبا انا شاري منهم كوايه لاتشتغل خربانه

    جان اروح لهم وازيد الفلوس واشتري وحده اغلى منها

    وليومك هذا ماشيه عندي
     
  6. عــذوب
    Offline

    عــذوب عضو بلاتيني

    وانا شريت كوايه
    استخدمتها بعد اسبوع ضربت بالكهربا وديتها لهم وقلت خربانه بدلوها <ياكبر شرهتي

    قالو الفني وين الورقه (الكفاله) ؟ حذفتها بالزباله (كرمكم الله ) ما اهتميت لها

    قلت ادخل الكمبيوتر مخزنه ليش حاطين كمبيوتر
    قال مااااااااااااايصير
    قال ادفعي دينارين تصليح وهي سعرها 3 دنانير .حذفتها عنده وجيب هالموضوع من يومين
     
  7. ميدان
    Offline

    ميدان عضو فعال


    جان بعتيها علي
    ( غسالات ملابس مكيفات يشتري)
     
  8. kwt.store
    Offline

    kwt.store عضو مخضرم

    من زمان اذكر اني حذرت من التعامل مع هالشركة النصابه
    اذكر شريت منهم طباخ (فرن) بقيمة 200 دينار
    وما اشتغل

    وبعد نقاش وجدال حاولوا يقنوعني بتبديل الجهاز قلتهم انا ما بي تبديل الجهاز ابي فلوسي

    في النهاية عطونوا كوبونات بقيمة 200 دينار
    واضطريت اشتري واحد ثاني من شركة ثانية ب 235
    وطاحن الكوبونات بجبدي

    فشركة حرامية احذروها والله على ما اقول شهيد
     
  9. عبداللـه
    Offline

    عبداللـه عضو مميز

    انا مشتري منهم ايفون قبل فترة والايفون مابطلتة خليته بكرتونة مدة يومين وبعدها بطلتة من الكرتون لما بطلتة طلع خربان وديته لهم قالوا لي المفروض ترجع ولك ٢٤ ساعة اذا طلع خربان واخر شي صلحتة عندهم بفلوس وطلعته وطلع خربان واخر شي كسرت الجهاز انا بعرف شي واحد كفالة سنة علي شنو بالضبط !!!!
     
  10. q8gym
    Offline

    q8gym عضو فعال

    كفاله سنة = ضحك عليك سنه عرفت حبيبي
     
  11. Alone
    Offline

    Alone عضو بلاتيني

    مايكرويف بـ 80 دينار وتقولي رخيص !!
     
  12. kwt.store
    Offline

    kwt.store عضو مخضرم

    والله حرااام شركة قاعده تسيء لعائلة عريقة مثل عائلة الغانم

    للأسف بعد وفاة عميد الاسرة
    شباب الغانم ما حافظوا على سمعتهم بالسوق
    والسبب اختراق الوافدين بقوة داخل الشركة
     
  13. 7Ibrahimإبراهيم
    Offline

    7Ibrahimإبراهيم عضو بلاتيني

    هذا تاجر عنده مليارات مافي احد يقدر عليه

    لو يذبح الشعب ما تقدر تاخذ حقك
     
  14. q8gym
    Offline

    q8gym عضو فعال


    الظاهر انت شريك بالشركة :)


    خليت كل كلامي وعلقت على 80 دينار
     
  15. عبدالعزيزسلامه
    Offline

    عبدالعزيزسلامه عضو جديد

    الكويت افضل دوله تحمي التاجر حتي ضرايب مافي عليهم ويسرقون لا حول الله
     
  16. kwt.store
    Offline

    kwt.store عضو مخضرم


    صدقت اذكر حدثني احد مدرائهم وكان مصري الجنسية بأن الغانم يعتبر شركاته بالكويت مصرف جيب فقط

    وأما روؤس امواله فهي في الخارج

    من حقول نفط وجزر وفنادق وو
     
  17. مساعد الشويب
    Offline

    مساعد الشويب مشرف الشبكة السياسية العالميه إداري

    الله يجزاك خير
     
  18. ميدان
    Offline

    ميدان عضو فعال

    مرزوق الغانم كل سنه بجنيف

    حتي لو يصير شي بالكويت يسكن بجنيف

    واذا خلصت الحرب جاء الكويت 200 ومسك سلاح ولبس بنطلون وتي شيرت وسواا نفسه مع المقاومه


    الي نحش من ديوان الحربش

    اكيد بيفركله اذا غزت امريكا ايران
     
  19. Alone
    Offline

    Alone عضو بلاتيني


    بالعكس اخوي انا معاك بكل اللي تقوله ولكن كان انتقادي بخصوص سعر المايكرويف اللي تقول ان اسعارهم رخيصه !!!
    بـ 80 دينار كثيره بالنسبه لمايكرويف ...... باختصار غالي وخربان (وقصوا عليك):D
     
  20. the blind side
    Offline

    the blind side عضو ذهبي

    هالشركات فوق القانون
     

مشاركة هذه الصفحة