كلمات حضرية غثيثة

[Dejavu]

موضوع حلو وخفيف دم

تذكرت موقف ...

كان واحد من الربع "البدو" مطيح غدا "غداء" والغالبية بالديوانية كانوا بدو ... المهم

كان الغدا بعد عناء ومشقه من باجي الربع كون اللي عازمنا شوي من اللي ايدهم ماسكه ... فعقب رهانات وحلفان صاحبنا نزل الغدا الموعود ...

ما اطول عليكم

بعد الغدا واحد قاله ... "عساه من طبعك واحنا من ربعك"

طبعا الحضور التفتوا حق صاحب العزيمة ومعاها ابتسامات فيها شماته او جذي انا فهمتها لاني كنت ضايع بالطوشه لان اللي اعرفه "كثر الله خيرك" - "سفرة دايمة" - والمشهورة "اكرمك الله"

المهم ... الكل ناطر حبيبنا راعي العزيمة يرد ...

جان يقول - بتردد - "مهنى ولكم عندنا مثنى"

طبعا انا للحين الأولى ما ركزت في بالي عشان اثبت الثانية ... لكن طبعا فهمت المقصد وعرفت ليش الابتسامات كانت تتوزع بين الربع ...

عاد اقولكم قعدت ربع ساعه اخليهم يعيدونها عشان احفظها

وعقب فتره ... بديوانية ثانية كلها حضر ... بعد العشا ... قعدت اتفلسف عليهم لما قلت حق راعي العشا ...

عساه من طبعك واحنا من ربعك ... طبعا الحبيب ما عرف شلون يرد .. قالي هني وعافية ...

قلت له صج حضري "يكون انا مسكت" لازم تقول مهنى ولكم عندنا مثنى"

طبعا الجماعة قعدوا نص ساعة عشان احفظهم ... وصرت جدامهم اتكلم لغات ...


وبس



تحياتي

 

[حلوة الكويت]

موضوع...يينن...
وايد..وايد..دمه حلو..وخفيف..
وروعة...

تصدقون يالربع...صار لي موقف؟
يجنن..امبية...اقصد..
يينن..
صار لي موقف ظاريف..مع وحدة في ايام الجامعة..
قلت لها شفتي كله منك..اخذت 19 من عشرين بالامتحان

ام قليب كنت...
المهم..
كانت اهي ماخذه 9 بالامتحان..
جان تقول لي...
من ذا واردة...
قلت لها..منو وردة..
بعدين قالت...
لا...
من ذا واردة...:وردة:

صرت مثل الغبية؟..
قلت لها تبين وردة...
جان تضحك...
وتضحك...
وترد وتقول...
انت من وين ..
قلت لها.......(من........) جان تقول...
لا
انا اقصد...
من هذا..واردا..يعني
من هالمستوي الي ادني مستوي
او الي الاسواء...
تصدقون طاقتني البوه
ما فهمت...
ممكن واحد مترجم...
والموضوع حده...دخل مزاجي...ولي عودة مع...
مصطلحات...
ومعاني
تحياتي لصحاب الموضوع...

​

 

[بوح الجروح]

موقف طريف ثاني صار بين اخواني
احد اخواني ربعه حظر وصار نفسهم يقلب الكاف جيم... يوم من الايام قال لاخوي الصغير يا فلان قول ( سمج) يقصد سمك... اخوي الصغير ما رد عليه ... طلب منه مرة ثانية قول ( سمج).. ما رد ....
اخرتها قال قول ترى ابهاوشك

تتوقعوووون شنو رد عليه






قال والله العظيم ما اعرف اتكلم انكليزي .. على باله كلمة سمج انكليزية وحنا متعودين نقول سمك

 

[كايدهم]

الزميل شخص مهم ...

قبل ايام كتبت كلمة (يستنى) في ردي على احد المواضيع واتهمت بسببها (إني مو كويتي.. وإني شامي... وجلس محللون المنتدى يحللون اصلي وفصلي وطولي وعرض) في محاولة جادة منهم للكشف عن حقيقتي استعداداً لمقاضاتي امام المحاكم الدولية كوني اقحمت مفردة دخيلة على المعجم الكويتي!! ((لله درهم المحافظين على المفردات الكويتية الاصيلة)) تعبوا واجتهدوا وجاهدوا في سبيل المحافظة على تلك الكلمات التي تفوح منها روائح زكية تذكرهم بالماضي الجميل... شوارع جبله (القبله) (اليبله)... !!

السؤال المحير في هذا الموضوع يا عزيزي هو لماذا لم تتهم حتى الآن بأنك (دخيل و دسيس) وتريد تشويه صورة المفردات الكويتية الاصيلة؟؟!! (يمكن لانك نكك يخرع) يجووووز...!!

عطفاً على موضوعك يا عزيزي... للاسف الشديد تم (تمييع) الكثير من الكلمات والمفردات بشكل مقزز ومنرفز ومن تسمعه يتحدث بها تتمنى أن تشرب من دمه ليكون عبرة لغيره
خذ أمثله على ذلك

الجهراء.... اليهرا...
جابر.... يابر
فيلكا (فيلكاوي)... فيلجا..(فيلجاوي)
القبلة...اليبلة...جبله...
المسجد... المسيد...
التجدد (الوضوء) .. اتيدد..
قاسي... جاسي... ياسي (كتم على انفاسي وجرح احساسي)
دعيج... دعيي...
نجاسة... نياسه...
نجد... (نجادة)... نيد.. نياده....
فرج... فري...
اجودي... ايودي....


هذا فيض من غيض.... !!

 

[Bello]

موضوع مميز وجميل , وأتمنى محد يتنرفز ويكون حساس زياده عن اللزوم لأننا في النهايه موضوع فيه فرفشه و كسر لحدة النقاشات و بالنهاية كلنا اخوان وحبايب

والحضر اللي يميز كلامهم هو حلاوته و قبوله للطرف المستمع

المهم

ندخل بالموضوع

امثله للتسخين :

احنا نقول مكينة كهربا , وهم يقولون ماطور
احنا نقول ثلت-تعش , وهم يقولون ثلط-طعش
احنا نقول يوم الثلاثا , وهم يقولون الثلااثاااااء
احنا نقول ليش , وهم يقولون وراك
احنا نقول صيدليه , وهم يقولون صجدلجه

الحضر إذا بيحلفون يقولون : والله , والله العظيم , ورب الكعبه
البدو إذا بيحلفون يقولون : قسما بآيات الله , وقسما بالله

مستغرب من شغله
ليش ما يحبون السمج , مع انه مفيد وصحي

مستغرب من شغله ثانيه
ليش يقولون رياجيل ؟!! يا إنكم تقولون رجاجيل أو رياييل ... شنو رياجيل !! وليش ما تقولون رجاييل


الحضر ياكلون الخضر واليابس وقت عزيمة البدو
البدو ما ياكلون أي شي عند الحضر , إلا إذا كان لحم , ولازم يذمون الطباخ و يمدحون شغلهم

يلا عاد لا تزعلووون , ترى أحبكم

 

[Modest]

صراحه استمتع لما ادخل للموضوع :d

كلمه استغرب منها ....

بطني يعورني = بطني تعورني ...

شنو الصح بينهم ...؟

انا اقول الاولى ومصمم عليها ...

المتبحر شخص مهم وينكم .....

 

[بو عصام]

صراحه استمتع لما ادخل للموضوع :d

كلمه استغرب منها ....

بطني يعورني = بطني تعورني ...

شنو الصح بينهم ...؟

انا اقول الاولى ومصمم عليها ...

المتبحر شخص مهم وينكم .....

بطن مذكر قبل الدائري الخامس ومؤنث لمافوق السادس... ويونيسكس مابين الدائرين

يعني على المنطقة ينطق اللسان

 

[بو عصام]

موضوع مميز وجميل , وأتمنى محد يتنرفز ويكون حساس زياده عن اللزوم لأننا في النهايه موضوع فيه فرفشه و كسر لحدة النقاشات و بالنهاية كلنا اخوان وحبايب

والحضر اللي يميز كلامهم هو حلاوته و قبوله للطرف المستمع

المهم

ندخل بالموضوع

امثله للتسخين :

احنا نقول مكينة كهربا , وهم يقولون ماطور
احنا نقول ثلت-تعش , وهم يقولون ثلط-طعش
احنا نقول يوم الثلاثا , وهم يقولون الثلااثاااااء
احنا نقول ليش , وهم يقولون وراك
احنا نقول صيدليه , وهم يقولون صجدلجه

الحضر إذا بيحلفون يقولون : والله , والله العظيم , ورب الكعبه
البدو إذا بيحلفون يقولون : قسما بآيات الله , وقسما بالله

مستغرب من شغله
ليش ما يحبون السمج , مع انه مفيد وصحي

مستغرب من شغله ثانيه
ليش يقولون رياجيل ؟!! يا إنكم تقولون رجاجيل أو رياييل ... شنو رياجيل !! وليش ما تقولون رجاييل


الحضر ياكلون الخضر واليابس وقت عزيمة البدو
البدو ما ياكلون أي شي عند الحضر , إلا إذا كان لحم , ولازم يذمون الطباخ و يمدحون شغلهم

يلا عاد لا تزعلووون , ترى أحبكم

حنا الحضر ( يعني قاعد أفتخر ) حلوجنا خفيفة مثل الأنجليز..مو مثل أخوانا البدو....حنا الحضر الجيم .نقلل من نطقها ونحولها الى ياء...مثل الانجليز لما يخففون من نطق ال R.

أنصح أخوانا البدو أن يبدأون بأكل ويتعودون على المأكولات البحرية والزفرة..حتى يتحجون مثلنا
على عيني وراسي الكل

 

[Clock]

ذكرتوني بواحد من الشباب بدوي .. كنت عازمه الشاليه مره و وقتها كان مسوي عمليه ابطنه ..

المهم و احنا نقمبر صدت قبقب حجمه XXL .. جان ايي صاحبنا و يقولي شنو هذا

اهو قال شنو هذا اللي معانا ما شافوا الا غبرتي انا وياه .. انهديت عليه ركضته ركض العالمين اهو صراخ على بجي و انا وراه لاحقه بالقبقب .. ما وقفت الا لما شفته شبه منتهي و بلوزته كلها دم .. اثاري رباط العمليه مفتلت

قضينا ليلتها بالمستشفى ..


فاذا بتخرع بدوي شوفلك ربيانه و لحقه فيها

 

[الدمنه]

اقتباس:
المشاركة الأصلية كتبت بواسطة الدمنه;179439
_____________

الاب - يسمونه
[COLOR=red[/B]الشايب[/color] ... الله يهداكم ما لقيتوا كلمة احسن منها و انتم اهل الفصاحه و الشعر النبطي !!!!


لا مو كل أب نسميه الشايب بس اللي يكون كبير في السن ونفس الكلام

الام - يسمونها العجوز .... بالذمه هل هذا من قدر الام ؟؟؟

لا مو كل أب نسميه الشايب بس اللي يكون كبير في السن ونفس الكلام للأم ...


أخوج الدمنه يقول : ايكون امكحلتها يعني ... احنا عكسج تماما نقول يمه للمرأة الغريبه ويبه للرجل الغريب اللى يكون كبير بالسن حين ملاقاتهم ... فما بالج بالوالد و الوالده الفعليين




الكره - كووووره

بذمتك أي أحسن كره يلله انها تطللع والا كوووره


حاولت يا اختي جاهدا اني اجرب كيف تكون كووووره اسهل باللفظ من كره ....الا اني الله يكافيج الشر .. قصيت و شرقت ابنفس الوقت.. اتقولين جني قاص بشوكة برطامه امنويه




كلمه خذ بالعربيه او اخذ بالحضري - ... يقولونها بعض البدو خوووذ و اسأل الشباب اللى دشو التجنيد عن طريقه كلام المدربين

كلمة خوووذ مو كل البدو يقولونها إذا ماني بغلطانه انهم شمر حنا نقول اخذ ..


و النعم بأهل الكويت كلهم. انا اتكلم عن طريقه لفظ




الطفل او الأصبي - يسمونه البدو ورع .... اتحدى ان يكون لهذه الكلمة اصل باللغه العربيه

ورع أخوانا العوازم يقولونها وحنا نقول بزر وجمعها بزران ..


و ايضا و النعم بأهل الكويت كلهم. انا اتكلم عن طريقه لفظ

في كم كلمه لللحضر أبي اتذكرهم عشان أكتبهم ..

لا ايردج الا لسانج ... المكان مكانج بنت عمي

 

[الدمنه]

ترى عليك حق يا ابو العتاهيه

اخي الفاضل ابو العتاهيه

ترى عليك حق و انا اخوك

يرجى قراءة المشاركه رقم 60 لأخوك الدمنه .... و المشاركه رقم 69 للاخت الفاضلة الفراشه




علما بأن المطلب الوارد بالمشاركه رقم 60 .... هو مطلب شعبي عارم

 

[الفراشة]

موضوع جميل جدا جدا..وممتع و ظريف..وفعلا كثروا من هذه المواضيع..لنقتل الحساسيه التي بيننا.. فنحن بحاجه لها "خاصة بعد استجواب نوريه..والجو المتكهرب هنا في المنتدى..واتمنى من الجميع ان يتقبله بصدر رحب..بعيدا عن التفلسف الزايد.._________ من الكلمات البدويه التي يرددها اخواني البدو وتضحكني..هي كلمه "أبك"..مثال "أبك وشفيييك آنت !!".."ابك ما شفتها..يا زينها زيناااه !!" فما هي كلمه "ابك" بالضبط..وماهو الغرض من استخدامها..ومتى تستخدم ؟ وايضا كلمه اشار اليها احد الزملاء..وهي "يا ولد"..فهل يعقل يا بشر..ان ينادي احدهم صديقه "على بو طايحه الميانه"..ويقول يا "ولد" جيب ال..الخ"..اعن ابو دارك..ريال طول بعرض..شنو يا ولد !! والمشكله انه يكون صك الاربعين..ولا يزال (ولد) "طيب متى يصير (رجل)..بالسبعين؟"وايضا..من الامور التي يتميز بها اخوانا البدو في لهجتهم..ولا اعلم لماذا..هي الصوت العالي..يعني تكون واقف يمه "جمبه"..جتفك بجتفه..وصوته واصل آخر الدنيا !! يلعلع..!! انزين ليش !!..والله سامعك والله !!مثلا..يسولف وياك وانت بالدور السابع..والي بالدور الارضي يسمع سالفتكم !! مو زين..تسولف وياه عن سر بينك و بينه بمكان عام.."والله تنفظح!! وايضا "تبي تضحك؟"..وقف ورا بدوي..بمطعم او كافيه..واسمعه وهو يطلب "بشرط ان تكون الي تشتغل..فلبينيه تتكلم انجليزي.."..واسمع البلاوي..واضحك كذلك..عندما تسال البدوي..مثلا "من الذي فعل الامر الفلاني؟"..فيجيبك بكل هلع..وهو يؤشر على احد الاشخاص..ويقول.."هو هو هو هو هو !!!"..فتشعر وكانه "ينابح !!" (حشاكم)..مع ان بستطاعته الاكتفاء بالاشاره فقط..لماذا كل هذا "التهو هو !!" عموما هذه بعض الملاحظات(وغيرها الكثير)..اتمنى من الجميع تقبلها بصدر رحب..فالغرض منها الضحك والغشمره لا اكثر..فكما تعلمون "الكويتيين اذا ما لقوا احد يتطنزون عليه..يتطنزون على رووحهم.." "وادري بتلعنون خيري الحين..الله يعيني :تحياتي

ههههههههههههه

الله جابك يابهبهاني

من زين حكيكم يالحضر إخذ كم وحده ..

ياحبكم لتدليع الاسامي وخاصه الرياجيل

أجل في واحد اسمه دعي = دعيج !!! والله محرج لما تناديه دعي دعي

وعلي اليراح = علي الجراح !!! اليراح راح واليراح ياي

طيب أخوانا العوزام يقولون كلمة أبك مدري

وأنتم خو ماااادريييييييي .. يخرب بيت الكلمه

شنو كلمة خو !!!! أدري ايرانية بس شنو ؟؟

حياك الله البهبهاني ..

 

[الفراشة]

موضوع حلو وخفيف دم

تذكرت موقف ...

كان واحد من الربع "البدو" مطيح غدا "غداء" والغالبية بالديوانية كانوا بدو ... المهم

كان الغدا بعد عناء ومشقه من باجي الربع كون اللي عازمنا شوي من اللي ايدهم ماسكه ... فعقب رهانات وحلفان صاحبنا نزل الغدا الموعود ...

ما اطول عليكم

بعد الغدا واحد قاله ... "عساه من طبعك واحنا من ربعك"

طبعا الحضور التفتوا حق صاحب العزيمة ومعاها ابتسامات فيها شماته او جذي انا فهمتها لاني كنت ضايع بالطوشه لان اللي اعرفه "كثر الله خيرك" - "سفرة دايمة" - والمشهورة "اكرمك الله"

المهم ... الكل ناطر حبيبنا راعي العزيمة يرد ...

جان يقول - بتردد - "مهنى ولكم عندنا مثنى"

طبعا انا للحين الأولى ما ركزت في بالي عشان اثبت الثانية ... لكن طبعا فهمت المقصد وعرفت ليش الابتسامات كانت تتوزع بين الربع ...

عاد اقولكم قعدت ربع ساعه اخليهم يعيدونها عشان احفظها

وعقب فتره ... بديوانية ثانية كلها حضر ... بعد العشا ... قعدت اتفلسف عليهم لما قلت حق راعي العشا ...

عساه من طبعك واحنا من ربعك ... طبعا الحبيب ما عرف شلون يرد .. قالي هني وعافية ...

قلت له صج حضري "يكون انا مسكت" لازم تقول مهنى ولكم عندنا مثنى"

طبعا الجماعة قعدوا نص ساعة عشان احفظهم ... وصرت جدامهم اتكلم لغات ...


وبس



تحياتي

ههههههههههههههههههههه

أشهد أن صاحب العزيمة توهق

عز الله انه هذه سوالف عوالنا = عيالنا

 

[BEHBEHANi]

ههههههههههههه
الله جابك يابهبهاني
من زين حكيكم يالحضر إخذ كم وحده ..
ياحبكم لتدليع الاسامي وخاصه الرياجيل
أجل في واحد اسمه دعي = دعيج !!! والله محرج لما تناديه دعي دعي
وعلي اليراح = علي الجراح !!! اليراح راح واليراح ياي
طيب أخوانا العوزام يقولون كلمة أبك مدري
وأنتم خو ماااادريييييييي .. يخرب بيت الكلمه
شنو كلمة خو !!!! أدري ايرانية بس شنو ؟؟
حياك الله البهبهاني

اهلا اهلا باختي الفراشه..
خو شفيها اذا قلنا خو؟؟.. كلمه خو..يا طويلة العمر..تستخدم بمعنى عاد..مثلا..خو مادري خو = عاد مادري عاد
يستخدمها معظم الحضر.. وتتفاوت نسبه استخدامها من شخص لآخر..فالبعض يستخدمها كالفاصله..بين كل جمله و جمله..بمعدل 6500 مره باليوم

اما مساله تدليع الاسامي..فهذي عاد حدث ولا حرج..
لانه اساميكم مشالله عليكم مستحيل تتدلع..يعني واحد اسمه مطلق..شندلعه ؟ مطيليق؟ طلوق؟ بو طلقه؟
او مثلا واحد زوجته اسمها شقحه..وبيدلعها يعني رومانسي..شيقولها؟ هلا والله بشقوووحتي؟ "تقتل ام الرومانسيه جذي !!..

وبعدين الاسامي ببلاش..فلماذا يصر بعض اخوانا البدو على اختيار اسماء..تصلح عناوين لافلام رعب !!
والله في اسم مر علي "ما ينقال بالمنتدى !!.."..او الاسم الي اشار اليه احد الزملاء..
كميــــــخ !!!! ليش كميخ ليش شحقه على اي اساس !!!!!..
والله انا لو اهلي مسميني كميخ..جان رفعت عليهم قضيه :d !!!!!!!!

احنا الياهل "الورع.. البزر" عندنا..لي تشيطن..نقوله اقعد عاجل لا نناديلك "كميخ"..
فيسمع الاسم..يخترع و وينام (ما يدري ان كميخ..بني آدم حاله حالنا :>)

وايضا في تساؤل لم يجبني عليه احد حتى الآن..

كذلك..عندما تسال البدوي..مثلا "من الذي فعل الامر الفلاني؟..فيجيبك بكل هلع..وهو يؤشر على احد الاشخاص..ويقول."هو هو هو هو هو !!!"..فتشعر وكانه "ينابح" !! (حشاكم)..مع ان بستطاعته الاكتفاء بالاشاره فقط..لماذا كل هذا "التهو هو !"

طبعا هذا اذا ما كان الذي يؤشر علي ذكر يقول "هو هو هو هو"..اما اذا كانت انثى فسيقول "هي هي هي هي"
فما التفسير العلمي..لتلك الحاله؟

وتحياتي لك يا الفراشه.. وللجميع..

 

[BEHBEHANi]

المشاركه قبل السابقه كان فيها خلل تقني..فسأعيد ترتيبها..لمن لم يستطع فهمها..

موضوع جميل جدا جدا..وممتع و ظريف..وفعلا كثروا من هذه المواضيع..لنقتل الحساسيه التي بيننا.. فنحن بحاجه لها "خاصة بعد استجواب نوريه..والجو المتكهرب هنا في المنتدى..واتمنى من الجميع ان يتقبله بصدر رحب..بعيدا عن التفلسف الزايد.

._________

من الكلمات البدويه التي يرددها اخواني البدو وتضحكني..هي كلمه "أبك" مثال" أبك وشفيييك آنت ! .."" ابك ما شفتها..يا زينها زينااه";
فما هي كلمه "ابك" بالضبط..وماهو الغرض من استخدامها..ومتى تستخدم ؟

وايضا كلمه اشار اليها احد الزملاء..وهي "يا ولد"..فهل يعقل يا بشر..ان ينادي احدهم صديقه على بو طايحه الميانه..ويقول "ياولد" جيب ال..الخ"
.اعن ابو دارك..ريال طول بعرض..شنو يا ولد !! والمشكله انه يكون صك الاربعين..ولا يزال (ولد) "طيب متى يصير (رجل)..بالسبعين؟"

وايضا..من الامور التي يتميز بها اخوانا البدو في لهجتهم..ولا اعلم لماذا..هي الصوت العالي..يعني تكون واقف يمه "جمب"ه..جتفك بجتفه..وصوته واصل آخر الدنيا !! يلعلع..!! انزين ليش !!..والله سامعك والله !
!مثلا..يسولف وياك وانت بالدور السابع..والي بالدور الارضي يسمع سالفتكم !
! مو زين..تسولف وياه عن سر بينك و بينه بمكان عام.." والله تنفظح!"

! وايضا" تبي تضحك؟"..وقف ورا بدوي..بمطعم او كافيه..واسمعه وهو يطلب "بشرط ان تكون الي تشتغل..فلبينيه تتكلم انجليز".
.واسمع البلاوي..واضحك

كذلك..عندما تسال البدوي..مثلا "من الذي فعل الامر الفلاني؟"..فيجيبك بكل هلع..وهو يؤشر على احد الاشخاص..ويقول.."هو هو هو هو هو !!"..فتشعر وكانه "ينابح !!" (حشاكم)..مع ان بستطاعته الاكتفاء بالاشاره فقط..لماذا كل هذا "التهو هو !!"

عموما هذه بعض الملاحظات(وغيرها الكثير)..اتمنى من الجميع تقبلها بصدر رحب..فالغرض منها الضحك والغشمره لا اكثر.
.فكما تعلمو" الكويتيين اذا ما لقوا احد يتطنزون عليه..يتطنزون على رووحهم"

;وادري بتلعنون خيري الحين..الله يعيني
:تحياتي

 

[تأبط رأيا]

اضحك الله سنك عزيزي شخص مهم, قرأت الموضوع كلببيه من أوله لاخره واعجبني بعض تعليقات الاخوان, وخصوصا جزئية (ليش ما يقولون عندي مجابلة)

وهذي ذكرتني بواحد من ربعنا البدو في السعودية عندما اراد الاستهزاء بنا ككويتيين فقال: انتوا الجويتيين..يا حبكم للسمك

عموما لهجات البدو نفسها تختلف من قبيلة الى قبيلة.
والحضر يختلفون في لهجاتهم فهناك اللهجة الزبيرية واللهجة النجدية.



على فكره من وجهة نظري الشخصية ان الكلام الحضري حلو عندما تنطقه المرأة أما من الشباب فشوي ثقيله واحس انها مو حلوه, اللهجة الحضرية المعتدله تجدها مثل ما قالوا الاخوان عند خالد النفيسي وخالد العبيد, أما تمطيطها ولوي الحنج فهي الغثاثه بعينها مثل "غاغوقه"..ذكرتوه؟ ماغيره سميح القلاف.

لدي سؤال يا جماعة ..اخذوه بحسن نيه
العجم وحسب عُرف الحضر والبدو غير محسوبين على الحضر وحتى الحضر انفسهم يقولون "عيمي" ولهم لهجتهم الخاصة, وحتى نسفة الغترة عندهم مختلفة مثل الدكتور حامد العبدالله.

دائما صغيرة ومن دون طاقية والنسفة تقول لسان طير ..وش السر؟

دكتورحامد...انتي قلبج متروسه

 

[شخص مهم]

طبعا هذا اذا ما كان الذي يؤشر علي ذكر يقول "هو هو هو هو"..اما اذا كانت انثى فسيقول "هي هي هي هي"
فما التفسير العلمي..لتلك الحاله؟

..

بعض البدو إذا تكلم يصير عنده " إلتماس "

أسعدني مرورك عزيزي BEHBEHANi:وردة:​

 

[شخص مهم]

على فكره من وجهة نظري الشخصية ان الكلام الحضري حلو عندما تنطقه المرأة أما من الشباب فشوي ثقيله واحس انها مو حلوه, اللهجة الحضرية المعتدله تجدها مثل ما قالوا الاخوان عند خالد النفيسي وخالد العبيد, أما تمطيطها ولوي الحنج فهي الغثاثه بعينها مثل "غاغوقه"..ذكرتوه؟ ماغيره سميح القلاف.

تأبط رأيا

أتفق معك هنا في كل ما قلته 100%

أما "غاغوقة " فهو من قلب " غثيث "

اللهجة الحضرية الأصيلة رووووووووووعة بس خربها ربع " غاقوقة " وهم قلة

لك مني :وردة::وردة:​

 

[شخص مهم]

ههههههههههههه



ياحبكم لتدليع الاسامي وخاصه الرياجيل

..

لا ويدلعون يوسف = يويسف

يأخي مو ضروري تدلعونه

الأسم إذا ما يتدلع لا تدلعه

والله حالة ​

 

[شخص مهم]

موضوع حلو وخفيف دم

تذكرت موقف ...

كان واحد من الربع "البدو" مطيح غدا "غداء" والغالبية بالديوانية كانوا بدو ... المهم

كان الغدا بعد عناء ومشقه من باجي الربع كون اللي عازمنا شوي من اللي ايدهم ماسكه ... فعقب رهانات وحلفان صاحبنا نزل الغدا الموعود ...

ما اطول عليكم

بعد الغدا واحد قاله ... "عساه من طبعك واحنا من ربعك"

طبعا الحضور التفتوا حق صاحب العزيمة ومعاها ابتسامات فيها شماته او جذي انا فهمتها لاني كنت ضايع بالطوشه لان اللي اعرفه "كثر الله خيرك" - "سفرة دايمة" - والمشهورة "اكرمك الله"

المهم ... الكل ناطر حبيبنا راعي العزيمة يرد ...

جان يقول - بتردد - "مهنى ولكم عندنا مثنى"

طبعا انا للحين الأولى ما ركزت في بالي عشان اثبت الثانية ... لكن طبعا فهمت المقصد وعرفت ليش الابتسامات كانت تتوزع بين الربع ...

عاد اقولكم قعدت ربع ساعه اخليهم يعيدونها عشان احفظها

وعقب فتره ... بديوانية ثانية كلها حضر ... بعد العشا ... قعدت اتفلسف عليهم لما قلت حق راعي العشا ...

عساه من طبعك واحنا من ربعك ... طبعا الحبيب ما عرف شلون يرد .. قالي هني وعافية ...

قلت له صج حضري "يكون انا مسكت" لازم تقول مهنى ولكم عندنا مثنى"

طبعا الجماعة قعدوا نص ساعة عشان احفظهم ... وصرت جدامهم اتكلم لغات ...


وبس



تحياتي

هههههههههههههههههههههههههه

الأخ Dejavu

اعترف لك اني ضحكت على ردك ربع ساعة وانا اضحك


​