كلمات حضرية غثيثة

الحالة
مغلق و غير مفتوح للمزيد من الردود.

شخص مهم

عضو ذهبي
كثير من الكلمات في لهجة إخواني " الحضر " تجيب لي الضغط والسكري <<<سلامتي

كلمات لا أستطيع هضمها :

- صغير تم إستبدالها ب ( إزغير )

- كلمة إنزين .....ليش ما تقولون زين ..ليش إضافة إنــ !!؟

- استبدال حرف الجيم إلى ياء ...مثل كلمة (يجي ) تستبدل وتصبح ( ييي ) :)<<<< بالذمة هذي كلمة !!

- كنت أكره المعلق خالد الحربان عندما يقول عن اللاعب السابق بدر (حجي) ويقول بدر (حيي )

- كلمة ( هالشكل ) اصبجت ( جذي ) ومن ثم حولها ( حضر ) المارينا مول إلى ( جي )

- كلمة ( قدام ) وتعني أمام أصبحت ( جدام ) ومع مرور الوقت اصبحت ( يدام )

- كلمة ( قيمة ) اصبحت ( جيمة ) ثم اصبحت ( ييمة )

- كلمة ( قليل الحيا ) اصبحت ( جليل الحيا ) فتغير المعنى كلياً

- كلمة ( البنك ) وهو المصرف أصبح ( البنق ) وينطقونها بتضخيم الباء ( والنون كأنك منشول ) والكاف أصبحت قاف


- ( فلان كله مقابل التلفزيون ) تم إستبدالها بــ ( فلان كله مجابل التلفزيون ) ....طيب ليش إذا صارت عندكم مقابلة معينة كوظيفة مثلا ما تقولون ( عندي مجابلة في الوزارة ):)


- سيارات أصبحت ( سيايير ) <<<< العن أم الكلمة

وطيارات أصبحت ( طيايير ) ....طيب ليش ( القطارات ) ما تقولون ( قطاطير ) :)




* فلاش *


هذا الموضوع " لتوسعة الصدر " ولا يحتمل أكثر من هذا ...( وبالمقابل في كلمات بدوية تجيب المرض ..بس أنا مشتهي أتحرش باخوانا الحضر :قلب: )

ويبقى كل الحضر :قلب:على راسي من فوق ....بس غيروا لهجتكم تكفون :)
 

وادي المسك

عضو بلاتيني
هههههههههههههههههههه


يعطيك العافيه اخوي شخص مهم بصراحه يبتها :إستحسان:

جعت ايابل موضوعك ساعه ويم دجيجه مامليت منه :p


شوف انا بعترف علي نفسي بصراحه هم بعد بعض المصطلحات وربي قاعد اترجمها لربعي الحضر ..

خذ عندك سالفة واحد من الجماعه عقد مسؤوله المسكين ساعه وجابله صدمه نفسيه :eek:

داش على مسؤوله حضرى اصلا عايش مع البدو وبينهم وهم مافهمله :confused:

يقوله بروح ( لبلبي ) وابي اجازه .. يقوله المسؤوله لبلي هذي شنو ؟ :eek:

وهو يقصد ( أبل ( يعني الابل ,, النياق ,, الذود ,, البعارين ,, الجمال ,, ) وأبي يعني ,, أبي ,, ابوي ,, والدي ,, :)

بس شبكهم بلهجه سريعه (( لبلبي ) وداخ الخضرى :D

الله يستر من هالموضوع الللللللللللللللله يستر :eek:
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
هههههههه

صراحه خوش موضوع ....

اول شي لا ننسى حتى نحن البدو في كلمات عندنا ...

لكن صج مرات انغث خاصة الرجال يتكلم حضري احس مو لايق عليه هههههه

اذكر في مديره عندنا تسالني تقولين وين ( سيادتي ) طالعتها وانا مو فاهم مادري شنو تقول واحاول ارقع الموقف وقول مادري وينها ما شفتها ...

اخرتها تبي سجادة الصلاة ..

في كلمات لكن ناسيهم ...

بس حلوه كلمة (بنك)..
 

نقطة نظام

عضو مميز
شخص مهم..انت بديت...اذن تحمل...ولا يهونون البدو في المنتدى....:)

اول شي خلنا انشوف... اقتباسك وفي رأيي انك "بوشت" في "جم" كلمة..;)

- - كلمة ( قدام ) وتعني أمام أصبحت ( جدام ) ومع مرور الوقت اصبحت ( يدام )

"يدام" هذي موجودة وانا اخوك وتعني...اللحوم او الدجاج او السمك..مضافة الى الارز..(زين خليتنا اتكلم لغة عربية بدل اللهجة الكويتية حتى نشرح لك..;) )

- كلمة ( قيمة ) اصبحت ( جيمة ) ثم اصبحت ( ييمة )

ايضا "الييمة" موجودة وأسأل الحداقة عنها فهم يضعون الخثاق..او الميد..ويشبكونه مع الميدار..ويسمونه "ييم او ييمه"


- كلمة ( البنك ) وهو المصرف أصبح ( البنق ) وينطقونها بتضخيم الباء ( والنون كأنك منشول ) والكاف أصبحت قاف

لا عاد هذي عالمية بنك ما نختلف عليها ولا تحتاج شرح...اما "البنق" الذي ذكرت فهو شيئ مدور اسود يعور الضروس..ويبيعونه عند الدوار في الشتاء..وإذا اكلته يصير عندك ادمان ما اتهد.."او تترك" الجيس حتى تنهي اخر حبه منه..

انزين...اعطيك جم كلمة عندكم..

419ZAPFg6QL._SX315_SY375_.jpg


عيربانة..!!!

وتعريفها عند البدو...الوانيت..."شكو"

مثال آخر...

واحد من زمان ما شفته وولهان عليه اتسلم عليه.. اشلونك شخبارك..يرد عليك......"ياولد" آنت... بمد الألف...الي وينك...!!!

طبعا ..ً يروح الوله.. و"تّسمر" عنده...حجي الله يهداك..الحين ريال.. اشكبري اشعرضي ليش الغلط...اتقولي ولد...

عاد يرد يبي يراضيك يعني......"ياولد" انت زعلت "مع قبض الحاجب"..!!!!

ولا يهون البدو اخوة وحبايب وأهل..بس انتغشمر مع اخونا شخص مهم...وترى عندي زود بس خاشهم "جود" اترد ...;)
 

أوراد الكويت

عضو بلاتيني
:):)

تحويل حرف الجيم إلى " جيم مصريه ..أو ياء " هي بالأصل تتحدث بها القبائل العربيه وليست دخيله ..
أما سلونتس أو شلونش أو كوله أو شاهي وماهي وكاهي هي ايضا لم ترد في معاجم العرب ..;)

تحياتي للجميع ..

:وردة:
 

الفراشة

عضو مخضرم
انزين...اعطيك جم كلمة عندكم..

419ZAPFg6QL._SX315_SY375_.jpg


عيربانة..!!!

وتعريفها عند البدو...الوانيت..."شكو"

مثال آخر...

واحد من زمان ما شفته وولهان عليه اتسلم عليه.. اشلونك شخبارك..يرد عليك......"ياولد" آنت... بمد الألف...الي وينك...!!!

طبعا ..ً يروح الوله.. و"تّسمر" عنده...حجي الله يهداك..الحين ريال.. اشكبري اشعرضي ليش الغلط...اتقولي ولد...

عاد يرد يبي يراضيك يعني......"ياولد" انت زعلت "مع قبض الحاجب"..!!!!

ولا يهون البدو اخوة وحبايب وأهل..بس انتغشمر مع اخونا شخص مهم...وترى عندي زود بس خاشهم "جود" اترد ...;)


ههههههههههههههههههههه والله ضحكتني

كلمة عيربانه .. يمكن هذه في لهجة ثانية بس حنا نقول عربانه أو ددتسن ( كنايه عن ماركة ديهاتسو )

وليومك هذا ماني عارفه سبب تسميتها بكلمة عربانه

بس بعد في نقطة محيرتني اذا العربانه تسمونها وانيت

أجل الوانيت شنو تسمونه ؟؟؟

ramsrt1004_07.jpg


وأذا هذا وانيت والعربانه وانيت شلون تفرقون ؟؟؟
 

الفراشة

عضو مخضرم
:):)

تحويل حرف الجيم إلى " جيم مصريه ..أو ياء " هي بالأصل تتحدث بها القبائل العربيه وليست دخيله ..
أما سلونتس أو شلونش أو كوله أو شاهي وماهي وكاهي هي ايضا لم ترد في معاجم العرب ..;)

تحياتي للجميع ..

:وردة:

أها بدت مشرفتنا تتحرش فينا :p:p

قوليلي شفيها كلمة شلونش ؟؟ عسل والله

وبالعكس هذه لهجة قبيلة العجمان والقبيلة معروفة بلهجتها منذ القدم

وكلمة شاي لغه عربية فصحى

كلمة لبيك عربية فصحى ( لبى قلب أوراد الكويت )

كلمة لحد الحين عجايزنا يقولونها ( خلي الخدامه تاتي ) يعني تأتي شفتي شلون عربية فصحى:cool:

وكلمات كثيره فديت عمرش بس هذا اللي طرى علي ..
 

نقطة نظام

عضو مميز
وأنا أقول
أبحث عن كلمة
" كشخة "
في معاجم اللغة
ستصقع لمعناها

معناها "الديوث"....:)
_________________

عزيزتي الفراشة...

العيربانة تقال وسمعتها عند بعض القبائل...وفي قبائل ثانية تنطقها...عربانة كما تفضلتي...اما المعنى فلا أعرف كيف تحور وتتطور..الى وانيت..!!!
 

أبو العتاهيه

عضو مخضرم
شلى مخلينى ماادخل تجارة ,,غير الأسم ,, الله يديم النعمه

بكره يقولون وصل التاير وذهب التاير وأذا خسرت ,,بنشر التاير
 

أبو العتاهيه

عضو مخضرم
هههه الفراشه عمص كارثه من يومين

على سفرة الغداء وبجنبى بنتى عمرها تقريبا سنتين ,,

اذبحتنى تزن براسى ,,يبا أبى ذبان يباا أبى ذبان

أنا فريتها براسى قلت عمص هالبنيه هاذى فيه عرق ضفدع (من الزواحف)

بس يبا لوعتى جبدنا ,,

وبعد محالات حثيثه لمعرفه شنو تبى ,, أطلعت تبى روبيان ,,عمص

صرت أقشر لها واغرّها من الروبيان ,,عمص

أأءءءيــه وين ايام قبل ,,
 
:):)


تحويل حرف الجيم إلى " جيم مصريه ..أو ياء " هي بالأصل تتحدث بها القبائل العربيه وليست دخيله ..
أما سلونتس أو شلونش أو كوله أو شاهي وماهي وكاهي هي ايضا لم ترد في معاجم العرب ..;)

تحياتي للجميع ..


:وردة:


فعلاً قلب حرف الجيم ميم هي بالأصل لهجة لأهل البادية وخصوصاً المنحدرين من نجد , وعلى سبيل المثال كثير منهم بدلاً من ان يقول اقعد جمبي يقول اقعد "يمي" فقلب الجيم الى ميم. او ان بدلاً من ان يقول "جب" بمعنى هات يقول "يب" !!

اما ما تقوله الاخت الكريمة اوراد من ان سلونتس او شلونتش لا وجود لها في العربية فهذا كلام خاطئ حيث انها من لهجات العرب المعروفة وتسمى الكشكشة. مثل قولنا "شلونج" او " شلونش"

ولغة تميم مثلاً وهي من افصح اللغات ونزل بها القرآن الكريم مع لغة قريش يتحدث اهلها بالطريقة التي ذكرتها الاخت اوراد مثل قولهم " شلونتس" او " شخبارتس" !!

نعم هذه اللهجات هي في الأصل لهجات اهل القبائل.. وكنت دائما ما اقول مازحاً لأصدقائي العجم ذوي الأصول الفارسية حين يهزئون باللهجة البدوية بما معناه ان اللهجة التي تتكلمون بها وتعلمتوها في الكويت هي اساساً لهجة بدوية ولولاهم ولولا بعض العوائل الكويتية التي آوتكم والمنحدرين من تلك القبائل وتلك المناطق لكنتم الى الآن تتحدثون الفارسية ولما استقام لسانكم .
 

الفراشة

عضو مخضرم
هههه الفراشه عمص كارثه من يومين

على سفرة الغداء وبجنبى بنتى عمرها تقريبا سنتين ,,

اذبحتنى تزن براسى ,,يبا أبى ذبان يباا أبى ذبان

أنا فريتها براسى قلت عمص هالبنيه هاذى فيه عرق ضفدع (من الزواحف)

بس يبا لوعتى جبدنا ,,

وبعد محالات حثيثه لمعرفه شنو تبى ,, أطلعت تبى روبيان ,,عمص

صرت أقشر لها واغرّها من الروبيان ,,عمص

أأءءءيــه وين ايام قبل ,,

هههههههههه

ياحلوها هالبنت فله الله يخليها لك إن شاء الله . ..
 

شخص مهم

عضو ذهبي
هههههههههههههههههههه


يعطيك العافيه اخوي شخص مهم بصراحه يبتها :إستحسان:

جعت ايابل موضوعك ساعه ويم دجيجه مامليت منه :p


شوف انا بعترف علي نفسي بصراحه هم بعد بعض المصطلحات وربي قاعد اترجمها لربعي الحضر ..

خذ عندك سالفة واحد من الجماعه عقد مسؤوله المسكين ساعه وجابله صدمه نفسيه :eek:

داش على مسؤوله حضرى اصلا عايش مع البدو وبينهم وهم مافهمله :confused:

يقوله بروح ( لبلبي ) وابي اجازه .. يقوله المسؤوله لبلي هذي شنو ؟ :eek:

وهو يقصد ( أبل ( يعني الابل ,, النياق ,, الذود ,, البعارين ,, الجمال ,, ) وأبي يعني ,, أبي ,, ابوي ,, والدي ,, :)

بس شبكهم بلهجه سريعه (( لبلبي ) وداخ الخضرى :D

الله يستر من هالموضوع الللللللللللللللله يستر :eek:


ههههههههههههههههههه

يا أخي أنا بالغصب فهمت ( لبلبي ) مع إني راعي نياق :)

الله يعين الحضر علينا ....بصراحة ما ألومهم بعد سالفة ( لبلبي ):)


لك مني وادي المسك :وردة::وردة:​
 

شخص مهم

عضو ذهبي


لكن صج مرات انغث خاصة الرجال يتكلم حضري احس مو لايق عليه هههههه

)..

تصدق إنت مثلي :)


الكلام الحضري راكب على الحريم بس ...اما الرجال تحس ودك تصكه " بوكس " أول ما يخلص كلامه :)

تحية لك عضو ( يديد ) <<<كيفي ابي اصير حضري

ولك مني :وردة::وردة:​
 

شخص مهم

عضو ذهبي
شخص مهم..انت بديت...اذن تحمل...ولا يهونون البدو في المنتدى....:)

اول شي خلنا انشوف... اقتباسك وفي رأيي انك "بوشت" في "جم" كلمة..;)



"يدام" هذي موجودة وانا اخوك وتعني...اللحوم او الدجاج او السمك..مضافة الى الارز..(زين خليتنا اتكلم لغة عربية بدل اللهجة الكويتية حتى نشرح لك..;) )



ايضا "الييمة" موجودة وأسأل الحداقة عنها فهم يضعون الخثاق..او الميد..ويشبكونه مع الميدار..ويسمونه "ييم او ييمه"




لا عاد هذي عالمية بنك ما نختلف عليها ولا تحتاج شرح...اما "البنق" الذي ذكرت فهو شيئ مدور اسود يعور الضروس..ويبيعونه عند الدوار في الشتاء..وإذا اكلته يصير عندك ادمان ما اتهد.."او تترك" الجيس حتى تنهي اخر حبه منه..

انزين...اعطيك جم كلمة عندكم..

419ZAPFg6QL._SX315_SY375_.jpg


عيربانة..!!!

وتعريفها عند البدو...الوانيت..."شكو"

مثال آخر...

واحد من زمان ما شفته وولهان عليه اتسلم عليه.. اشلونك شخبارك..يرد عليك......"ياولد" آنت... بمد الألف...الي وينك...!!!

طبعا ..ً يروح الوله.. و"تّسمر" عنده...حجي الله يهداك..الحين ريال.. اشكبري اشعرضي ليش الغلط...اتقولي ولد...

عاد يرد يبي يراضيك يعني......"ياولد" انت زعلت "مع قبض الحاجب"..!!!!

ولا يهون البدو اخوة وحبايب وأهل..بس انتغشمر مع اخونا شخص مهم...وترى عندي زود بس خاشهم "جود" اترد ...;)


الأخ العزيز نقطة نظام

إستر علينا الله يستر عليك <<<< أدري عندنا بلاوي :)


بس ترى يدام غير الأيدام ....دايم اسمعهم يقولون أطلع يدام وبعدين ارجع

وحتى كلمة ييمة ...يعني يسأل البائع كم ييمته ؟ هذا اللي قصدته


وبعدين العيربانة :) غير الوانيت <<< حضري شفهمك :p


وتحية لكل حضري ومن قلبي والله :وردة::وردة:

وتحية خاصة لك إنت " يا ولد " :p
 

شخص مهم

عضو ذهبي
:):)

تحويل حرف الجيم إلى " جيم مصريه ..أو ياء " هي بالأصل تتحدث بها القبائل العربيه وليست دخيله ..
أما سلونتس أو شلونش أو كوله أو شاهي وماهي وكاهي هي ايضا لم ترد في معاجم العرب ..;)

تحياتي للجميع ..

:وردة:


شلونتس أو شلونش او شاهي هو كلام العرب الأقحاح <<< بس ما ادري عندهم قبل شاهي :eek:


عموما مرورتس أسعدني:وردة::وردة:​
 

السلطاني

عضو مخضرم
جميلة جدا هالغشمرة....

بس لا تقلبونها بعدين هوشة......!!



___ ساعات يأتيني تلفون....من البنات....


* يبا....نبي وجبات......جوعانييييييين....!!


تخيلوا لو كنا حضر....شنو ممكن يقولون....البنات...!!
 

سيف خالد

عضو مميز
مو شرط اذا تحول الجيم ياء يكون الامر خطأ او بدلية او تاثر بالعيم ..

لان ذلك الفأر الذي يعيش في البر والذي يسمى عند البدو بالجربوع

يذكر في كتاب الحيوان للجاحظ بالــيـــربــوع !!

انا شخصا يعجبني لهجة الفنان خالد النفيسي رحمه الله ..لهجة اصيلة.!
 
الحالة
مغلق و غير مفتوح للمزيد من الردود.
أعلى