سؤال وجواب البروتينات وافضل مكان لشراءها ؟

[Desert Eagle]

السلام عليكم

اخواني امس سجلت بنادي رياضي

انا ضعييف وبغيت اعدل جسمي مابي اصير مثل هالمجسمين .. ابي تقاسيم بجسمي سكس باق و تفاصيل الصدر وجذي

بالنادي كل واحد يقولي نوع بروتين

امينو 10000
امينو 2222
امينو ليكويد

ايزو ون هندرد

ابي احسن نوع يفيدني وارخص مكان اشتري منه هالاغراض


جزاكم الله خير

 

[خالد جاسم الم]

أتمنالك التوفيق

نصيحة أخ .... بما أنك توك بادي .... فجرب فترة معينة ... 4 أشهر مثلا ... و بدون بروتين و شوف جسمك .... اذا ما فاد فكر بالبروتين .... لأن الأكل العادي يكفي لمثل طلبك ... و البروتين له أضرار كثيرة ... و يخليك تكرش بسرعه اذا تركت لعب

و الله يوفقك

 

[صالح]

وعليكم السلام

العب تكرار .. وقبل تشتري بورتينات اسئل طبيب او شخص مختص بآثراها ان كان لها اثار
في مكان يشترون منه الربع اسمه جي ان سي على ما اعتقد

 

[صالح]

واذا تبي صحه وجسم قوي ومرن
يوم سويدي ويوم حديد ويوم بالاسبوع راحه
نام مبجر واقعد مبجر

ضبط اكلك وخل عنك البروتينات المصنعه

 

[بدر11]

اخوي اذا تقصد البروتين من هالنوع لاتشتري عندي كميه زادة عن حاجتي مرني وخذهم لك هديه انا شريهم من الافنيوز كنت مسوي عمليه ودكتور وصفهم لي

 

[فديتك]

اذا تبي عضل صافي ومن غير دهون خذ واي بروتين نو فات انصحك فيه هذا ولاتفكر بغيره
واذا تبي تظيف معاه خذ غلوتامين الاستعمال راح يكون قلاص بروتين قبل التمرين وبعده قلاص بروتين مخلوط بالغلوتامين طبعا القفشه مالت الغلوتامين الصغيره مالت الشاي
الغلوتامين يعتبر نفس المثبت للعضل
وخذ معاهم امينو اسد اسال المدرب واقوله اخذ اي نوع او اسال البايع الي بمحل ابسلوت على ما اعتقد تلاقي المحل بنادي اوكسجين الي بالرقعي اذا ماخابتني الذاكره وفي بالجابريه وفي بشارع سالم المبارك قدام المرينا عند ماكدونالدز تلاقي نفس السرداب وشغله نظيف هالمحل وعندك اي ام جي الي بالمرينا
وفي واجد شغلات بس مابيك ادوخك فيهم وانت توك داش

 

[بن ذى يزن]

جمعية الجيش الامريكي افضل مكان

 

[شمري كويتي]

جمعية الجيش الامريكي افضل مكان

وين عنوانها بالتفصيل

اول مرة اسمع عنها

وهل مسموح الدخول للجميع​

 

[صوتك يناديني]

يارجال البروتين خرطي انا جربته وكل ما اكله يفتر راسي وما اتمرن احس كبدي تقلب ههههههه

طعمه خايس ماعجبني صرت اشرب قهوه واتمرن

 

[بنتلي]

اخوي اذا تقصد البروتين من هالنوع لاتشتري عندي كميه زادة عن حاجتي مرني وخذهم لك هديه انا شريهم من الافنيوز كنت مسوي عمليه ودكتور وصفهم لي

اخوى اخذ هذا البروتين وشوف مفعوله بعد شهر هذا اجود انواع البروتينات

ونشوفك بالبطوله الجايه انشالله

 

[kuwaiti000]

أخوي أنا مختص بالكيمياء الحيوية وأيضاً رياضي .

أولاً البروتين المعلب سلعة تجارية يختلف علبة بروتين عن علبة بروتين بكميته لكل 100 جرام

يعني اللي له نسبة عالية يكون أفضل مثلاُ 60 جرام لكل 100 جرام


ثانياً البروتين المعلب حتى لو كانت كمية البروتين فيه عاليه أحتمال طعمه سيء أو مايذوب بالماء

أو الحليب .

ثالثاً لا يمكن التحقق بسهولة من مصدر البروتين خنزير أو قطط أو كلاب .

رابعاً أنت في غنى عن كل هذا ...


أذا كان وزنك 60 كيلو غرام فأنت تحتاج 40 جرام بروتين يومياً أذا كنت لا تريد ضخامه وإذا زدت

أحتمال يتحول

إلى دهون وله أضرار على الكلى وأنا شقيقي بسبب بروتين العلب حصل معاه حصوات

بالكلى .

لنأخذ أمثله من الطعام اللذي يحتوي على نسبة بروتين عالية تغني عن البروتين العلب

بياض البيض ,, البيضه الواحد بها 8 جرام بروتين

سمك التونه ... العلبة الواحده بها 20 جرام

صدر الدجاجة ... يحتوي على حوالي 22-25 جرام

لبن المراعي ... الكوب 250 ملي يحتوي 9 جرام

واللوز والسبال والكاجو وباقي المكسرات تحتوي على نسبة عالية من البروتين.

أنت بكل سهوله أذا دخلت هذه الأطعمة على وجباتك فلا تحتاج بروتين .

وأذا كنت تريد مكمل غذائي فالأفضل أن تشتري الملتي فايتمن وهي علبه بها فيتامينات وأملاح

مفيدة لأن الفيتامينات في صعوبة أنك تحافظ على تواجدها بوجباتك أما علب البروتين فأنا لا أنصحك .

 

[سايروس]

يارجال البروتين خرطي انا جربته وكل ما اكله يفتر راسي وما اتمرن احس كبدي تقلب ههههههه

طعمه خايس ماعجبني صرت اشرب قهوه واتمرن

ابعدي والله قهوه جنوبية ولا شمالية
لايكون التركية و الفرنسية :باكي:​

 

[بن ذى يزن]

وين عنوانها بالتفصيل​

اول مرة اسمع عنها​

وهل مسموح الدخول للجميع​

اي واحد تعرفه بهندسة المنشأت العسكريه يجيبلك اياه وبنص قيمته بالكويت
وأصلي ميه بالميه انا ما اخذ منهم بس اعرف واحد دايم ياخذ منهم
انا اذكر اخذت لاب توب من اللي بالجليعه

 

[فيصل.م]

اخوي اذا تقصد البروتين من هالنوع لاتشتري عندي كميه زادة عن حاجتي مرني وخذهم لك هديه انا شريهم من الافنيوز كنت مسوي عمليه ودكتور وصفهم لي

وين بالضبط في الأفنيوز ؟


شكرا مقدما



:وردة:
​

 

[الكتالوني]

سنتين وثلاث شهور لعبت بالنادي صاافي
بعدها اخذت دكا طلعت قاص على نفسي كل هالمده
اللي شفتوه قبل ماخذ الدكه عمر ضايع
طلت العب عالفاضي
وكان خوف من المجهول
ومن اخذت الدكه صار لي سنه وشوي ١٠٠٪
بس اخذت خمس غزات كاافيه ووافيه
بس على حسب دمك تركب نوع الدكا
ولا تاخذ تستس ولا سستس ولا جروث وهالخرابيط ضياع
الدكا محلول زيتي خفيف ويقوم بالواجب
وموفق

 

[Desert Eagle]

أتمنالك التوفيق

نصيحة أخ .... بما أنك توك بادي .... فجرب فترة معينة ... 4 أشهر مثلا ... و بدون بروتين و شوف جسمك .... اذا ما فاد فكر بالبروتين .... لأن الأكل العادي يكفي لمثل طلبك ... و البروتين له أضرار كثيرة ... و يخليك تكرش بسرعه اذا تركت لعب

و الله يوفقك

احسن بروتين من البدايه .. لان اللعب الصافي يطوول حيل وياخذ سنين

شكراً لردك

 

[Desert Eagle]

وعليكم السلام

العب تكرار .. وقبل تشتري بورتينات اسئل طبيب او شخص مختص بآثراها ان كان لها اثار
في مكان يشترون منه الربع اسمه جي ان سي على ما اعتقد

واذا تبي صحه وجسم قوي ومرن
يوم سويدي ويوم حديد ويوم بالاسبوع راحه
نام مبجر واقعد مبجر

ضبط اكلك وخل عنك البروتينات المصنعه

مشكور اخوي على ردك

بس الي ابي اعرفه احسن نوع بروتينات

شكرًا ثاني مره

 

[Desert Eagle]

اخوي اذا تقصد البروتين من هالنوع لاتشتري عندي كميه زادة عن حاجتي مرني وخذهم لك هديه انا شريهم من الافنيوز كنت مسوي عمليه ودكتور وصفهم لي

يعطك العافيه .. وبيض الله وجهك

انا بس بعرف احسن نوع وبشتريه بإذن الله

شكراً

 

[Desert Eagle]

اذا تبي عضل صافي ومن غير دهون خذ واي بروتين نو فات انصحك فيه هذا ولاتفكر بغيره
واذا تبي تظيف معاه خذ غلوتامين الاستعمال راح يكون قلاص بروتين قبل التمرين وبعده قلاص بروتين مخلوط بالغلوتامين طبعا القفشه مالت الغلوتامين الصغيره مالت الشاي
الغلوتامين يعتبر نفس المثبت للعضل
وخذ معاهم امينو اسد اسال المدرب واقوله اخذ اي نوع او اسال البايع الي بمحل ابسلوت على ما اعتقد تلاقي المحل بنادي اوكسجين الي بالرقعي اذا ماخابتني الذاكره وفي بالجابريه وفي بشارع سالم المبارك قدام المرينا عند ماكدونالدز تلاقي نفس السرداب وشغله نظيف هالمحل وعندك اي ام جي الي بالمرينا
وفي واجد شغلات بس مابيك ادوخك فيهم وانت توك داش

حنا فينا عضل عشان نثبته ؟

اخوي تنصحني بالغلوتامين .. بس شنو احسن نوع بالامينو ؟

شكراً

 

[Desert Eagle]

جمعية الجيش الامريكي افضل مكان

ناس واجد امدحوها لي بس اتوقع مو اي واحد يدشها

طيب اهم شي بالسؤال ابي احسسسن نوع بروتين ؟

شكراً