سؤال وجواب للوالد الله يحفظه , مشورة صحية بالهند

[رُبـّـمــا]

السلام عليكم ورحمة الله وبركاته


اخواني اخواتي بارك الله فيكم وبحياتكم .. وعيدكم مبارك وجميل ..



ممكن تعطوني اهم المعلومات عن افضل الأماكن الصحية في الهند ..
الوالد مقرر يروح واسمعه يقول فلان اشار علي وفلان قال لي واخاف يطلع شورهم مو مضبوط بخصوص الدكاترة ..
يبي علاج للخشونة بالركبة عسى الله يشافيه ويصونه ..

- علاج طبيعي - المهم ما يتعبثون بركبته ..


فقلت له اصبر يا يبه الحين اشبك وأسأل لك اخواني واخوتي بمنتدانا وان شاء الله يفيدونا ..





اهم شي المعلومات تكون واضحة ومجربة ولكم الاجر ..

تراه غالي حيل لا تقصرون معاه بارك الله فيكم :وردة:


​

 

[اقوش]

عيدج مبارك انشا الله
بابنسبه للهند علاج بالزيوت تعتبر الهند متميزه جدا
ولكن بنفس الوقت علاجهم يعتبر قوي بمعني التدليك اشويه ادينهم ناشفه يعني يمكن يكون عسر علي الشايب ومايتحمل قوة التمارين
انصحه وبشده لجمهوريه التشيك واذا تحتاجين لي معلومات عن التشيك انا بالخدمه من وللي وكل ما يحتاجه الوالد فقط لوجه الله عزوجل كدزويد بالمعلومات وكذالك اقدم له ما يحتاج من لستشاره كتعامل مع اشخاص وتزويدكم برقم هواتف المترجمين الطبيين لك ولغيرك من الذين يرغبون في للعلاج بتشيك
ونسال الله تبارك وتعالي ان يشفي جميع مرضي المسلمين جميعا
انا بخدمتكم عالخاص
والان اساودعكم الله لذهابي لرمي الجمرات في المشاعر ونسال الله القبول
وكل عام وانتم بخير

 

[عزيز وغالي]

كل عام وانتي بخير اختي ربما
وما يشوف شر الوالد الكريم
والهند اتصور بالتدليك ما يعلي عليهم
ولكن الاهم تشوفين مصحه معروفه ومجربه

وسلامته من كل شر

 

[رُبـّـمــا]

عيدج مبارك انشا الله
بابنسبه للهند علاج بالزيوت تعتبر الهند متميزه جدا
ولكن بنفس الوقت علاجهم يعتبر قوي بمعني التدليك اشويه ادينهم ناشفه يعني يمكن يكون عسر علي الشايب ومايتحمل قوة التمارين
انصحه وبشده لجمهوريه التشيك واذا تحتاجين لي معلومات عن التشيك انا بالخدمه من وللي وكل ما يحتاجه الوالد فقط لوجه الله عزوجل كدزويد بالمعلومات وكذالك اقدم له ما يحتاج من لستشاره كتعامل مع اشخاص وتزويدكم برقم هواتف المترجمين الطبيين لك ولغيرك من الذين يرغبون في للعلاج بتشيك
ونسال الله تبارك وتعالي ان يشفي جميع مرضي المسلمين جميعا
انا بخدمتكم عالخاص
والان اساودعكم الله لذهابي لرمي الجمرات في المشاعر ونسال الله القبول
وكل عام وانتم بخير

ما شاء الله تبارك الله يا هني عينكم وانتم تجمعون الجمرات ..
الله يحفظكم وحج مبرور وذنب مغفور ان شاء الله ..

وكل عام وانت بخير اخي الحاج اقوش ..


كلمته وقريت عليه نص رسالتك قال شيك بيك أي شي المهم ارتاح ..

لهذا اتمنى ان تزودني بكل ما لديك من معلومات بارك الله فيك عسى الله يكتب له الشفاء التام ..



اخذ وقتك اخي الخلوق ..
ومتى ما تيسرت امورك اكتب لي ما عندك عشان ادزه برنت واعرضه على الوالد ..

​

 

[رُبـّـمــا]

كل عام وانتي بخير اختي ربما
وما يشوف شر الوالد الكريم
والهند اتصور بالتدليك ما يعلي عليهم
ولكن الاهم تشوفين مصحه معروفه ومجربه

وسلامته من كل شر

وانت بصحة وسلامة اخوي المهذب عزيز وغالي ..
والشر يتعداك يا رب ..

هذا احنا بنشوف الشيك اللي قال عليها اخونا الطيب اقوش .. وان شاء الله تتيسر الامور ..


بالنسبة للهند انا مو مرتاحة واخاف عليه من الامراض اللي ممكن يستوردها منهم ..



اهو خاطره الهند الظاهر واحد من شياب الدوانية مادحها له ..
وعسى الله يكتب ما فيه الخير له ولجميع المسلمين ..

آمين ..

​

 

[بن ذى يزن]

مستشفى ويشتاني تايلند تخصص

 

[سبع]

تقبل الله طاعتكم. وكل مسلم.

وشافاه الله وعافاه. وكل مريض.


النصيحه. كما. قال. اخوي. اللي نصح. بالتشيك
هي المكان الامثل. للعلاج الطبيعي. علي مستوي العالم
توجد عده مناطق. ومصحات. متخصصه. كل. منطقه
تتخصص. مصاحاتها. بعلاج عده. امراض

مايشوف. شر. ان شاء الله

 

[xkuwait]

حسب الحاله ..

بالنسبه للهند علاجهم الطبيعي اتصور المقصود الايروفيديك اسمه ..

وهو عباره عن مرخ بالزيت على الجسم .. على فكره في عيادات بالكويت تسوي هالنوعيه من العلاج .. طبعا العلاج قديم من 5 الاف سنه .. بس طبعا بالهند الكواليتي احسن وافضل ويعطونه اعشاب مع العلاج الطبيعي ياكلها بس الكويت لا .. والعلاج يكون بمصحه نفس المستشفي بس اللي سمعته النظافه لج عليها .. بس هالشي ما يمنع انه العلاج رائع ومميز ..


التشيك طبعا فيها مصحات علاج طبيعي ومعروفه ..

في بعد تايلند المستشفيات زينه هناك وقويه مثل المستشفي الامريكي والمستشفي الملكي .. وكلهم متخصصين وناس راحتلهم ما يمشون وردوا الحين امورهم حيل حلوه ..


في بعد البوسنه والهرسك فيها علاج طبيعي روعه وناس متخصصه ومجربه ..


الخيارات كثيره بس اتوقع افضل الدول المذكوره فوق ..

انا شخصيا مارحت حق ولا واحد فيهم هههههه


بس جربت علاج الايروفيدك اهني بالكويت وكنت ناوي اروح الهند بس غيرت الفكره وشكلي بروح لتايلند ..

والله يوفق الجميع ..

لو انا من ابوج : جان جربت جم جلسه ايروفيدك اهني بالكويت واذا صار تحسن ولو بسيط .. اروح للهند ..
ولو الوضع عادي .. اروح تايلند

 

[بسطويسي]

مايشوف شر الوالد
النصيحه اللى اقدر اقدمها اذا رايح بومبي
يتوجه لمنطقه العرب
اسمها (كلابا) او (كلابه)
كلها عرب واغلبيتهم من الاشقاء من الامارات
وهناك يقدر يستفسر لان بأذن الله راح يحصل ناس يقدر يستفيد منهم عن تجربه
لان اغلب العرب هناك علاج​

 

[رُبـّـمــا]

مستشفى ويشتاني تايلند تخصص

تقبل الله طاعتكم. وكل مسلم.

وشافاه الله وعافاه. وكل مريض.


النصيحه. كما. قال. اخوي. اللي نصح. بالتشيك
هي المكان الامثل. للعلاج الطبيعي. علي مستوي العالم
توجد عده مناطق. ومصحات. متخصصه. كل. منطقه
تتخصص. مصاحاتها. بعلاج عده. امراض

مايشوف. شر. ان شاء الله

حسب الحاله ..

بالنسبه للهند علاجهم الطبيعي اتصور المقصود الايروفيديك اسمه ..

وهو عباره عن مرخ بالزيت على الجسم .. على فكره في عيادات بالكويت تسوي هالنوعيه من العلاج .. طبعا العلاج قديم من 5 الاف سنه .. بس طبعا بالهند الكواليتي احسن وافضل ويعطونه اعشاب مع العلاج الطبيعي ياكلها بس الكويت لا .. والعلاج يكون بمصحه نفس المستشفي بس اللي سمعته النظافه لج عليها .. بس هالشي ما يمنع انه العلاج رائع ومميز ..


التشيك طبعا فيها مصحات علاج طبيعي ومعروفه ..

في بعد تايلند المستشفيات زينه هناك وقويه مثل المستشفي الامريكي والمستشفي الملكي .. وكلهم متخصصين وناس راحتلهم ما يمشون وردوا الحين امورهم حيل حلوه ..


في بعد البوسنه والهرسك فيها علاج طبيعي روعه وناس متخصصه ومجربه ..


الخيارات كثيره بس اتوقع افضل الدول المذكوره فوق ..

انا شخصيا مارحت حق ولا واحد فيهم هههههه


بس جربت علاج الايروفيدك اهني بالكويت وكنت ناوي اروح الهند بس غيرت الفكره وشكلي بروح لتايلند ..

والله يوفق الجميع ..

لو انا من ابوج : جان جربت جم جلسه ايروفيدك اهني بالكويت واذا صار تحسن ولو بسيط .. اروح للهند ..
ولو الوضع عادي .. اروح تايلند

مايشوف شر الوالد

النصيحه اللى اقدر اقدمها اذا رايح بومبي
يتوجه لمنطقه العرب
اسمها (كلابا) او (كلابه)
كلها عرب واغلبيتهم من الاشقاء من الامارات
وهناك يقدر يستفسر لان بأذن الله راح يحصل ناس يقدر يستفيد منهم عن تجربه

لان اغلب العرب هناك علاج​

اخوتي الأكارم :

بن ذي يزن
سبع
xkuwait
بسطويسي

المحترمين ..​

الله يوفقكم ياااا رب ويعطيكم من خير ملأ السموات السبع والارض ..

مشكورين اخواني الموقرين لا حُرمتم الأجر يا رب ..
وان شاء الله تعالى راح اعرض عليه كل مقترحاتكم ووجهة نظركم وابلّغكم بردة فعله إزاءها ..


مرة ثانية أكرر شكري وتقديري واحترامي لقلوبكم المحبة للخير ..


( بوكيه ورد ) لنواياكم ..


​

 

[المتفائل]

نصيحه في مركز اسمه موريس
علي اسم الدكتور هو معروف هندي ابحثو عن بالإنترنت عنده مراكز بالهند
بس نصحني شايب حصلته بالمركز قال اذا قالك روح الهند لا تروح خلك عندهم. مكانهم بالرقعي مقابل جمعية الجيش تقريبا
مايضر المرور له والاستشاره وطاقم كله هنود
نصيحه جربو مو خساره

 

[AlBadel]

أختي ريما
سلامة الوالد ومايشوف شر إن شاء الله
لكن بذكرلج دوا للركبة وموجود في جمعية الرازي حق العظام وهالدوا معترف فيه
وله إيجابيات كثيرة ....... وأجر وعافية​

إذا كان للسياسة فرسان فأيضا للمنتديات أقلام ...
حماة للدستور والمال العام
فلنبارك لأقلام المنتدي
أنشاء أول صرح ( كويتي ) منظم ومعارض في عالم المنتديااات
الأنظمام والعضوية..http://www.nationalkuwait.com/vb/group.php?groupid=49

( الشــــــبكة اللبــــــرااالية الكـــــــويتية )​

 

[رُبـّـمــا]

اليوم قعّدته يمي وبديت اقرأ له ردودكم ..
الله يسعده لما تثيره عبارة يقول : هذا منهو اللي يقول ؟
أقول له : واحد اسمه كويتي ..

وعلى هالحال ليما خلّصت



اسم الرحمن عليه كان مستمتع بالردود ..
وتضايقه الشاشة فكنت اقرأ له ..

واحد من الاخوة الاكارم ارسل بالخاص رقم عيادة دكتور بالكويت ..
وان شاء الله راح يتواصل معاه ..

ويا رب بهالموضوع يجد كل من تشابهت حاجته مع والدي مُبتغاه..
ولا حُرمتم الاجر يا رب ..






​

 

[رُبـّـمــا]

جزاك الله الف خير اخوي الموقر المتفائل ..

ممكن العنوان بالضبط اذا عندك خبر ؟


​

 

[رُبـّـمــا]

على ايدك اخوي الموقر البديل والشر يتعداك يا رب ..

شنو اسم الدوا ؟


ولا حرمت الاجر يا رب ..​

 

[المتفائل]

اختي كتبت العنوان
مركز موريس ٢٤٨٩٩٠٠٠
الدكتور موريس ٦٦٥٦٦٢٧٥

اسأل الله العظيم ان يتم له الشفاء
نسيت اسم الدكتور الشاطر الي يعالج
أنا بإبداء عنده بإذن الله بس مشكلتي كسول

 

[رُبـّـمــا]

الله يخليك ويبارك لنا فيك اخوي الطيب الخدوم المتفائل ..

الله يوفقك يا رب .. شكراً على البيانات ..​

 

[المتفائل]

اللهم. امين
لا شكر علي واجب هذا حق المسلم علي المسلم

 

[.. عصآمية *]

الله يشافيه ويعافيه ، مايشوف شر :وردة:

 

[علي73]

فيه مكمل غذائي اسمه موف فري وشفت البروشور مالهم واعلاناتهم وكاتبين تبدا نتائجه من اول اسبوع وحاطين رقم للطلب 99123213 كلميهم واستفسري منهم