سؤال وجواب طيران فلاى دبى ؟؟

jassem

عضو مخضرم
سمعت البعض من المسافرين لطيران ( فلاى دبى ) انه طيران سىء !.. وانا احترت فى حجزى لهطيران بسبب سمعته الغير طيبه من بعض المسافرين له:confused: ... وابى اسئل الزملاء والزميلات عن تجاربهم لهطيران ؟؟ وايهما افضل الجزيره او فلاى دبى ؟؟

ومنتظر اختار افضل عضو جاوب على سؤلى
 

عبدالله .

عضو بلاتيني
ماجربت الجزيرة
بس جربت فلاي دبي
طيران زين مافيه شي
بالعكس مواعيدهم مضبوطة وخدمتهم زينة
بس لما تحجز لازم تشتري وزن علشان ماتتفاجئ بالمطار

انا احجز بالنت وقبل لا اسافر بيوم اشتري الوزن اللي احتاجه
 

سوزان 1

عضو بلاتيني
لا والله مو سيئه بس كل شي بدك تشتريه مافيها بطانيات أو مخدات ,ازا معك أطفال احسب حسابك تكون جايب معك هالاشياء وسناك الهم ومي انا سافرت فيها ومتعودة من الملكية الاردنية كلشي متوفر من بطانيات ومخدات ووجبه وعصير وشاي وقهوة تفاجئت انه فلاي دبي ولا شي بقدمو والمشكله انه كان معي أطفال ولما حاولت اشترى بطانيات ومخدات لولادي كانت خالصة الكمية ضلو طول الرحلة بدون غطا تجمدو برد وهمه نايمين
أما الأكل مو مشكلة بتشتريه من المضيفه
 

jassem

عضو مخضرم
من الكويت الي دبي ساعه وربع





فلا تسأل عن جودةالخدمه فالموضوع لايستحق والرحله قصيره


صحيح ساعه وربع .. لكن بالنسبه للمواعيد الأقلاع هل فى التايم المظبوط وله غالبا تأخير ؟؟ وبالنسبه للوزن الزايد جم ياخذون ؟؟ .. يعنى اكثر من7 كيلو جم ياخذون على الوزن الزايد فى اكثر من 7 كيلو ؟؟ لانه بجلب معاى بضاعه من دبى ..

وسمعت انه الطياره جدا صغيره .. يعنى فى المطبات الهوائيه حدث بلا حرج ..

كل هالأسئله لازم اعرفها :)

ومشكور اخوى انفصام :إستحسان:
 

عبدالله .

عضو بلاتيني
ياجماعة الخير لازم نفهم بأن فلاي دبي والجزيرة تندرج تحت مسمى الطيران الإقتصادي
واللي يقابله في آسيا طيران آسيا وفي اوربا طيران برلين اير برلين وايزي جت
كلها شركات طيران اقتصادي واللي تعتمد على الدفع مقابل الخدمة علشان تقلص مصاريفك وتشتري احتياجك بس

المهم بالنسبة لإستفسارك بخصوص الوزن
والله اللي اذكره بأن الاسعار رمزية يعني لو اشتريت 40 كيلو للشخص يطلع عليك تقريباً 25 دينار او اقل مو ذاكر بالضبط
بس طبعاً السعر بالمطار اغلى
فالافضل تشتري مسبقاً بعد ماتحجز

ومثل ماذكر اخونا إنفصام الدرب ساعة ونص فلاتسأل عن الخدمة او الكراسي
 

سياسي - شعبي

عضو فعال
طيران فلاي دبي

وكيله والموزع المعتمد في الكويت

سكاي لينك للسياحة والسفر

واذا تعرف احد في دبي يحجزلك افضل وارخص

من ناحية قيمة التذكرة وقيمة الوزن

وافضل خدمة بحكم اني رجعت فيها مرتين بعد نكبات وتاخير الكويتية
 
أعلى