سؤال وجواب ماهي افضل طريقه لبيع سياره ؟

[q8gym]

ماهي افضل طريقه لبيع سياره ؟

 

[بسطويسي]

4sale
برنامج للايفون صور سيارتك ونزل صورها وحط السعر اللى يجوز لك ورقم تلفونك وانتظر الاتصالات​

 

[ابو عبدالرحمن العازمي]

تروح الحراج الجمعه العصر

او تعرضها بمكاتب الري

او موقع كويت كار

او موقع 4SALE

 

[مواطن طبيعي]

دش موقع كويت كار


واتصل فيهم


يجيك مندوب يصور السياره ثلاث صور


ويعرضها لك بالموقع

اظن ب5 دنانير مادري 10 دنانير

​

 

[سور الكويت]

الجرايد الاعلانية الوسيط وغيرها

او تعرضها في ساحة سينما الصليبيخات اللي شالوها

تعرضها الخميس بالليل و الجمعة و السبت

و تشيلها السبت بالليل قبل دوام البلدية​

 

[الديفي]

انا عرضت سيارتي بمواقف حديقة عبدالناصر بالروضه وعلقت ورقه الموديل والسعر من الداخل على الزجاج
ضليت حوالي الشهر الى ان بعتها على واحد سوري.. لكن الشريطيه البدون اذوني يتصلون علي ويبونها بسعر التراب

لكن لازم اعرضها الخميس والجمعه والسبت بالليل اشيلها
لأني عرضتها بلايام العاديه هناك لقيت ملصق البلديه عليها X