سؤال وجواب لذوي الخبره في السيارات

[ابو هـــادي]

السلام عليكم ورحمة الله وبركاته

سؤالي هو : عندي بالسياره مانع انزلاق دفعي كيف اشيله
مرة غرزت تغريزه خفيفه جلست ساعه عبل ماطلعت يعني ادعس بنزين وماتدور التواير واحيانا تدور بس خفيف وبحمد الله بعد الموت طلعت مع انه غراز خفيف حيل
وبالزفلت ادعس كل البنزين وماتقحص السيارت مع ان الموتر جديد وسته سلندر
وسؤالي الثاني : ماهي فائدة نمرة L بالقير
وشكرااااااااا
​

 

[Desert Eagle]

ممكن نوع السياره وموديلها

 

[ابو هـــادي]

ممكن نوع السياره وموديلها

شفروليه ماليبو 2011
​

 

[Q8 1]

اظن صعب تلغيه طالع من المصنع جذيه واكيد ان فيه فايده لسياره اهم ابخص صدقنى
والماليبو مو حق رمل وبر يستخدم للمدينه فقط والارض الصلبه

 

[ابو هـــادي]

اظن صعب تلغيه طالع من المصنع جذيه واكيد ان فيه فايده لسياره اهم ابخص صدقنى
والماليبو مو حق رمل وبر يستخدم للمدينه فقط والارض الصلبه

هو احد قايلكــ اني رايح اطعس عليه

كلها حبتين رمل السياره الي كانت قدامي طلعت في اقل مجهود وانا داش الغراز وانا اسرع منها بس اهي طلعت من الغراز ونا قعدت فيها
مع ان الارض كانت مستويه والغراز يكاد ان لايسمى بغراز
لكــــــــ:وردة:
​

 

[ابو هـــادي]

اتمنى ان لاتبخلون علينا بأي معلومه
مو معقول الموضوع حاطه الساعه 1 بالظهر وللحين ماحد اعطاني اجابه مقنعه
انا دشيت المنتدى عبالي الحين بحصل عشرين رد ولا ع الاقل 15رد هزلت
​

 

[حوللي]

نظام الـABS المانع للإنزلاق ماله علاقة باللي تقوله لأنه يشتغل لمن تدوس بريك ، اللي أنت تتكلم عنه بالماليبو نظام Traction Control وأسمه التحكم بالجر ويشتغل بكل تاير على حده . وهذا تطفيه من خلال الضغط على زر TC وإذا تبي تلغي كل نظام ESC وأسمه Electronic Stability Control نظام التحكم الإلكتروني بالإستقرار تظل ضاغط عالزر مدة أطول وتتركه وسلامتك.

 

[ابو هـــادي]

نظام الـABS المانع للإنزلاق ماله علاقة باللي تقوله لأنه يشتغل لمن تدوس بريك ، اللي أنت تتكلم عنه بالماليبو نظام Traction Control وأسمه التحكم بالجر ويشتغل بكل تاير على حده . وهذا تطفيه من خلال الضغط على زر TC وإذا تبي تلغي كل نظام ESC وأسمه Electronic Stability Control نظام التحكم الإلكتروني بالإستقرار تظل ضاغط عالزر مدة أطول وتتركه وسلامتك.

فيه نظامين مانع انزلاق كبحي ومانع انزلاق دفعي
الدفعي اهو الي انا اتكلم عنه

فيه زر اسمه تي سي بس اهو كان طافي اذا ظغطت عليه تولع لمبه بالطبلون
يعني اخليه طافي ولا شغال اهو يوم اغرز كان طافي



وسؤالي الثاني فيه تعشيقه بالجير L شنو فايدتها




​

 

[حوللي]

يوم غرزت كان طافي بس لازم تظل ضاغطه مده طويلة وتهده موبس ضغطه وحده علشان تلغي أنظمة التماسك والتحكم بالجر كلها .. والـ L هذا يخلي السيارة تمشي عالغيار الأول (ترس كبير) ويستخدم في حالتين بس نزول من مرتفع أو صعود لمرتفع وفيه ناس يخمدون فيه سرعة السيارة وهذا غلط.

 

[ابو هـــادي]

شف حبيبي انا فهمي على قدي عليمي بهالسوالف
انا اول ما اشغل السياره يكون طافي الزر ومع ذالكــ شغال النظام التعيس
اشرح لي من جديد شرح مفصل لو تكرمت :وردة:
​

 

[حوللي]

شوف أبجاوبك ترى نشفت ريقي اللمبه إذا شابه بالطبلون معناته النظام TC طافي وهي تعتبر لمبه تحذيريه علشان تعرفك أنك طافي يعني بالعكس لازم تكون اللمبه شغاله علشان تعرف أن النظام طافي .. فهمت ألحين؟

اللمبة طافيه = النظام TC شغّال
اللمبة شغّالة = النظام TC طافي

 

[ابو هـــادي]

شوف أبجاوبك ترى نشفت ريقي اللمبه إذا شابه بالطبلون معناته النظام TC طافي وهي تعتبر لمبه تحذيريه علشان تعرفك أنك طافي يعني بالعكس لازم تكون اللمبه شغاله علشان تعرف أن النظام طافي .. فهمت ألحين؟

اللمبة طافيه = النظام TC شغّال
اللمبة شغّالة = النظام TC طافي

افضل اجابه ياقدع ويعطيكــ الف عافيه وصلت المعلومه
اوووووومبح :قبلة::قبلة:
:وردة::وردة::وردة::وردة:
​