أنا نضول و عيني حارة

محب الامام

عضو فعال


يا أعزائي الطيبين

القصة كالتالي ..

البداية في سنة 2005 تقريبا حسيت بوسوسة وضيق في سدري وتعب في جسمي وخمول رحت للمستشفيات والحمدلله جميع الفحوصات سليمة لكن المشكلة موجودة!



ومن بعدها صارت معي شغلات عجيبة وهي النضل او الحسد :confused: وشغلة ثانية وهي تنبؤ بالشي ويحصل فعلا :cool: لا تسألني شلون .. مدري



بعدها تزوجت والامور طبيعية ومع السنين لاحظ زوجتي اني حسود :باكي: مع اني طيب وغلبان
شلون لاحظت !!؟

مرة كنا رادين من عزيمة عن بيت نسايبي الي هم اهلها وكانت لابسه عدسات وماكنت داري عنها ولما اركبت معي وطالعتها اسغتربت وقلت شهالعيون العسلية !!!!؟

ماوصلنا البيت الا وهي متأذية من عيونها وراحت بسرعة تنزل العدسات وماكو فايدة راحت جابت ماي وقالت غسل ايدك ووجهك وغسلت فيها عيونها ومن بعدها ارتاحت بشكل ملحوظ :إستحسان:

ومن بعدها كل ماقلت شي ترد علي "قل ماشاءلله" :D ومع مرور الايام اقتنعت زوجتي بأن عيني حارة

وانا لا ادري هل هي صدفة او انا فعلا نضول :باكي: ومرة كنت قاعد اشوف التلفزيون عن خطوط الطيران العالمية واطالع ولا اكثر الرحلات من امريكا الى اوروبا قلت بل اثاري الدوس بين امريكا واوربا وانا عبالي اسيا ؟؟ والله مامر جم يوم الا بركان ثار بين امريكا واوربا والدخان عطل الحركة بينهم !!!؟:eek: قالت زوجتي الله اكبر عليك حتى امريكا وصلتلها :confused:

من غير الي نضلتهم وهم مايدرون عني وانا ادري ومستحي اقولهم !!

أعزائي شنو حل هالبلوى هل يوجد حل اكيد !!
سمعت من واحد يقول خل يصلون عليك صلاة الميت ويطوفون فيك الفريج :باكي:
 

ولد عطا

عضو مخضرم
ههههههههههههه الله يكفينا شرك والله اضحك من العلامات الي تحطها بعد كل جمله بس ابشرك بشي الحسود مايعرف عن حاله شيء انت الظاهر صدف ووسوسة فيهم لأن الحسود مثل المجنون المجنون لو تقوله مجنون يضحك عليك عرفت يازميلي
 
هههههه والله ضحكتني


ههههههاي...


غيرك واجد...

كليناها واااااجد

ياابن الناس بس اذكر الله


قول تبارك الرحمن..

هههههههاي


اقوووول المفروض نستفيد منك...والله ههههه

عينك عالفقرا ليش...


شوف التجار عطهم عين خل بفلسون"استغفر الله..تفكير خبيث"اللهم اني صااايمه...



 

محب الامام

عضو فعال
ههههههههههههه الله يكفينا شرك والله اضحك من العلامات الي تحطها بعد كل جمله بس ابشرك بشي الحسود مايعرف عن حاله شيء انت الظاهر صدف ووسوسة فيهم لأن الحسود مثل المجنون المجنون لو تقوله مجنون يضحك عليك عرفت يازميلي


صدقت الى الان وانا مو مصدق اني نضوول :وردة:
 

ناصر بن تركي

عضو مخضرم
هههههههههههههههههههههههههههههههههههههاي

اقول بالنسبة لصلاة الميت تراها حقيقة ..تفيد

وعند حل ثاني ممكن تعرفه ...بس قوانين الشبكة لاتنفع اقولها :D

ولا خل الشيخ ابراهيم يقرأ عليك ويمسطك كم عصاه :D..وبعدها ببتعافى ان شاء الله

(العين حق )
 

أبوطلال

"رئيس المشرفين"
طاقم الإدارة
طاقم الإشراف
هههههههه:D..الحبيب بو عيون فتانه ..ياخوى انت ماينفع وياك صلاة ميت ولايطوفون فيك الفريج ماينفع ماينفع :confused:حتى لو يصلون عليك التراويح والجيام وكل الصلوات ماينفع
ولو يطوفون فيك مو فريج لو يطوفون فيك كل الفرجان وشوارع بتايا .
.مافى فايدة ..

عموما انت هين عندى واحد من الربع عينه فتانه بس هذاك اخطر منك وحدة بوحده .
ماعنده سوالف يهال الحسودين عدسات وبركان وزلقة وطيحة ونشله
هذه يعتبرها
سوالف مبتدئين ..وحدة بو حده يكافينا شره عينه والقبر .
.
هههههههههه اقسم بالله العظيم مرة اذا تذكر حريق مطعم برج الحمام .قبل عدة سنوات
..قبلها بيوم
كان يسولف عنه (بل بل شنو هالمطعم ومبيعاتهم مطعم مافى مكان كله
مزدحم وتنطر دور ؟؟)!!!! ثانى يوم برج الحمام ولع وشب ..

شعللها ولعهاا النضول :D


يحمدون ربهم بس حريجه .
.انا شاك فيه الحين انه هو السبب فى حريق مكتبة دار العروبة

الحبيب شكله تخصصه قوى ( حرايج وموت .) قوى حده ..مو نفسك ياحظى تخصصك عدسات وسوالف مبتدئين ..ولو ان سالفة نضلتك لامريكا موشويه ..


رغم انى ابتعدت عنه من عدة سنوات ونحشت ..ابى الفكة بعيش ..العمرررررر ياشاااامان ..:باكي:

عموما صديقنا هذا بو عيون فتانة فى سالفة او اشاعة طلعت عنه
انه هو من صك المرحوم احمد ياسين رئيس حماس عين .
.والله اعلم..
يقولون الربع انه كان فى الليل يطالع التلفزيون بالديوانيه وياهم وشاف احمد ياسين فى لقطة فى احد القنوات
..جان يقول تدرون ان هذا رغم انه مصاب بشلل الا انه عنده 9 عيال .
.عيل لو صاحى ممكن ينجب عشرين ؟؟!!!
عين ماصلت على النبى ..من ثانى يوم الصبح الساعه عشر والا خبر عاجل (اغتيال احمد ياسين بصاروخ من قبل اسرائيل ..) اهيييييييب شهالعين هههههههه انا ماابى اظلمه بس جذيه سمعت والله اعلم ..

عموما اخوى انت حاول تكثر من كلمة ماشاء الله وذكر الله ..

طلب اخير (تكفه ياخوى ترا والله برقبتى 7 عيال لاتنضلنى ياخوى وتقول اهييب شكثر يكتب عفيه انامل ...ااه احس اصابيعى بدت تجمد ..
.اذكرر الله اذكر الله يارجااااااال :D:D

هذه لك :وردة: وهذه لعينك الفتانه :mad:
 
وعيونك المزيونه ماتحوش البقره اللي أنت حاط صورته ؟
تكفـــــــــــــــــــــــــــــــــــــــــــــــــــا

عطه وحده نبيه ينسدح :إستحسان:
 

ناصر بن تركي

عضو مخضرم
هههههههههههههههههههههههههههههههههههههاي


اقول بالنسبة لصلاة الميت تراها حقيقة ..تفيد

وعند حل ثاني ممكن تعرفه ...بس قوانين الشبكة لاتنفع اقولها :D

ولا خل الشيخ ابراهيم يقرأ عليك ويمسطك كم عصاه :D..وبعدها ببتعافى ان شاء الله


(العين حق )


ايه قبل ما انسى ...تكفى ترى تكفى تهز الرياجيل ماتحقد علي تراي احبك
كذا من الله :وردة:

تصير صديقي يامحب الامام :cool:
 

محب الامام

عضو فعال
هههههه والله ضحكتني​



ههههههاي...​


غيرك واجد...​

كليناها واااااجد​

ياابن الناس بس اذكر الله​


قول تبارك الرحمن..​

هههههههاي​


اقوووول المفروض نستفيد منك...والله ههههه​

عينك عالفقرا ليش...​


شوف التجار عطهم عين خل بفلسون"استغفر الله..تفكير خبيث"اللهم اني صااايمه...​


شلون تستفيدين مني :)

تصدقين افكر انضل بشار وربعه خخخخ

بللللل شهالجيش اللي من سنة ونص وللحين صامد يلعن خيره لو امريكا وروسيا جان اعلنت استسلامها من ثاني شهر بللللللللللللللل عنكنه مربيهم على طاعته ابد ماينحاشون

:cool: راح النعجة
 
هههههههههههههههههههههههههههههههههههههاي


اقول بالنسبة لصلاة الميت تراها حقيقة ..تفيد

وعند حل ثاني ممكن تعرفه ...بس قوانين الشبكة لاتنفع اقولها :D

ولا خل الشيخ ابراهيم يقرأ عليك ويمسطك كم عصاه :D..وبعدها ببتعافى ان شاء الله


(العين حق )


ماااااصارت قوانين حتي بالنصايح ممنوع,,,,,:mad:






 

أبوطلال

"رئيس المشرفين"
طاقم الإدارة
طاقم الإشراف
شلون تستفيدين مني :)

تصدقين افكر انضل بشار وربعه خخخخ

بللللل شهالجيش اللي من سنة ونص وللحين صامد يلعن خيره لو امريكا وروسيا جان اعلنت استسلامها من ثاني شهر بللللللللللللللل عنكنه مربيهم على طاعته ابد ماينحاشون

:cool: راح النعجة

:D بس بس ابشروا بالخير ياجماعه .انا كنت بنام بس الحين لا ..
على طول فتحت التلفزيون

واقلب فى القنوات ..بسمع خبر مفرح ..انا اشهد انه راح جفى ..:cool:

بس يامحب انا ماصار شى هاليومين معنى هذا انك نضول هاوى وليس محترف ..
وممكن نستعين فى صاحبنا بو الحرايج ..

ماوصيك على ناصر بن تركى ;) عطه واحد نشلة واثنين زلقة بطيحه وكسر وصلحوووووووه ..
 

فلسفة

عضو بلاتيني
تصدقين افكر انضل بشار وربعه خخخخ

بللللل شهالجيش اللي من سنة ونص وللحين صامد يلعن خيره لو امريكا وروسيا جان اعلنت استسلامها من ثاني شهر بللللللللللللللل عنكنه مربيهم على طاعته ابد ماينحاشون

:cool: راح النعجة

ان شالله تكون نظلتك طالعه من قلب 
لأن شرط إصابة المقصود بالعين الإخلاص في النظل 

وابشر بعلاجك إذا ثبت لنا انك نظول وطاح بشار :)
 

أبوطلال

"رئيس المشرفين"
طاقم الإدارة
طاقم الإشراف
بالاسلكي ؟؟؟

شكلك مو مصدق بالعين !! اكيد سليم من الامراض ولا ماقلت هالكلام![/QUOTE]

وليييييييييه راح الشيخ ابراهيم .:باكي:..

شيخ ابراهيم شيخ ابراهيم حول ..

طمنا عن احوالك الصحية عساك بخير ؟؟
 

محب الامام

عضو فعال
هههههههههههههههههههههههههههههههههههههاي


اقول بالنسبة لصلاة الميت تراها حقيقة ..تفيد

وعند حل ثاني ممكن تعرفه ...بس قوانين الشبكة لاتنفع اقولها :D

ولا خل الشيخ ابراهيم يقرأ عليك ويمسطك كم عصاه :D..وبعدها ببتعافى ان شاء الله


(العين حق )

هههههههه هو خله يرد الحين ! :D
 
أعلى