.... " رتم " ،،

#1
هنا " رتم " لمشاعر .. لأحساس .. لخلجات نفس ،،

هنا ستقرأ عزيزي القارئ .. " رتم " ، لأحداث خاصه تفاعلت معها .. وفضفضه من الخاطر ..


هذا المتصفح .. هو الجزء الثاني . من متصفح " أرتكاب .. حلم "


أتمنى أن يكون هذا المتصفح المتواضع .. لائقا" لذائقتك الشعريه .. ومتناسبا" مع الطموح ..


غني عن الذكر .. أن كل النصوص . التي ستنشر هنا . هي من تأليفي .


و .... بسم الله . نبدأ مع أول النصوص .. قريبا" جدا"
 
#2
ياصاحبي بالقلوب إرياح

........................ بس أمسك النفس , و أداري ..

بالك .. تصد الرغى بصياح

.............................. مافيه ساند ,, و لا ذاري ..

نفسي غلوق ن و همي باح

............................ والضرب يمناي , وإيساري ..

ماهوب هوش ن و طق سلاح

............................ علم ن إليا جاب له طاري ..

عساه يخمد .. إليا من لاح

.............................. يالله ,, لاتجيب له طاري ..
 
#3
يا صالح أحوال الحشا عسر وإصعاب

.............................. أمسيت ياصالح ولاجاني النوم ..

ياحسرتي .. وقف على الحظ بواب

.......................... كني ضعيف ن يطلب الزاد محروم ..

مرات ياصالح أرى الدمع ينساب

........................... متأثر ن .. ياصالح .. إبحالتي دوم ..

الناس كل ن يقضب الحظ بكتاب

...................... و أنا .. لا واعذابي .. مخطي وملطوم ..

قضيت عمري بين ربوات .. وإهضاب

......................... أشقيت حالي دون ثمر ن ومقسوم ..

حالات ن إتطرب , وحالات ن إنشاب

.......................... كني غريق ماسك القش .. و يعوم ..

يا صالح أتعبتك .. وأتعبت الأسباب

........................ سامحني ياصالح عن الحق والشوم ..

يالله طبعك ترحم الخلق .. تواب

............................ تغفر لنا عن سكة الهزل .. واللوم ..
 
#4
قالت .. وطبع الغنج أثر عليها

............... أنا أصلا" قائده .. وأملأ يدي ..

جنها تنثر " نواوير " ن . بيديها

.............. والأماني..ياعساها .. تبتدي ..

يا أماني النفس كل شئ تبيها

............. النفوس المغرمه بك تسعدي ..

إصطفافات الضماير صف إليها

............... والبخت .. ياليت دقاته بيدي ..

ياشعرها .. تنسله منها .. إليها

.............. يافتوني .. ياغناتي .. يابعدي ..

يا أماني الروح .. ياخشف ن أبيها

.............. ياسحاب ن فيه غيث ويرعدي ..
 
#5
عبر الإيميل أرسلت لك .. كنت مجبور

.................... ماهيب عاداتي , ولامن طباعي ..

تأكد إني حيل .. مضطر , ومعذور

................ لإجل الستر نرفع سواري الشراعي ..

حسيت في شرخ ن بالأقسام مكسور

................. وإمن إنكساره يفشلن المساعي ..

تماسكت نفسي .. ولاخانني الطور

....................... ماهيب بالقوه .. ولا بالذراعي ..

يابنت الأجواد الجديره على الشور

..................... أبشرك عقب النزول .. إرتفاعي ..

طبعك غزير .. ومبسمك نور ن إب نور

.................. يالله عسى نلقى معاك إجتماعي ..
 
#6
رديت وصلك , وإشتهيت إرضاك

...................... ياليتني ويا إرسومك , دوم ..

عادت شجون القلب يوم القاك

................. وأنا الذي في كوم .. وأنت بكوم ..

قفيت في دربك .. وأنا مناك

................... ما كنني في لازمك .. ملزوم ..

ياصاحبي .. خل الملام هناك

............... لاتنشغل .. مع هاجس ن معلوم ..

تراي مع نفسي .. وكلي فداك

..................... يفداك .. من بيح علوم القوم ..

خل الزعل .. أنا على يمناك

................... أنت القمر , ضو السما ونجوم ..
 
#7
من يومين ,

والطاري , ما خلا العين ,

الضيقه .. صارت مجتمعه

مجتمعه ويا " القلبين " !

شفت الهاجس

أشر بيده ,

ناولني , هم التنهيده !

أنا بعيد ,

واللي بقلبي , عني بعيده

يا هاجس , جانك بتروح ؟

علمني . عن روح الروح

قول إلها , قلبه من بعدج

من بعدج , قلبه مجروح !

قول إلها , بعض الأحيان ,

أشعر جني " مو إنسان " !

مره قلبي لج " ولهان "

و مره من بعدج " حيران " ...
 
#8
يا سطوع النور . .

لما شافته عيني ,

الأماني أنورت . . وسط الحضور

وإمتلت هالقاعه

بعبق العطور ,

وإشتهيت أشمها

وإرتخت أعصابي

و أعصاب الحضور ,

للسهر ليل

يسريني معاك ,

ما على الفرحه عتب ,

الحزن فارق حياتي ,

و الفرح , طق الصدر !

وإشتهيت أشمها ,,

وإرتخت أعصابي . . . وأعصاب الحضور ,

. .

يا قمر

غايب من شهور طويله

ياعمر مفقود

عن خل و خليله

شفتها . . لمحتها

فاجئتني بنورها ..

وين هالدنيا .. ودتها هناك ؟

جايبتها هنيه .. هالدنيا الوفيه ..

سألتها ..

وين نور العين .. مبعد من شهور ؟

قالت ..

إمن العمر .. راحت هالشهور

والبخت لاصار .. وإنزاح الضمور

تلقاني معاك ,

أمشي مع نسمة هواك

كانك إمطول بالحضور

و في هواك . . .

.. ...

يا فاتنه ,,

يللي في قلبي .. لك شعور .. وأسئله ,

كيف جيتي ؟

كيف غادرتي الظروف ؟

كيف قابلتيني يا أحلى الوصوف ؟

قالت ..

إمن اليوم .. و داير

اللقا .. و إنته ظفاير

والهوى ير فع ستاير ..

اللقا في " آب "

ويبعدنا " يناير "

وإشتهيت أشمها ..

و إرتخت أعصابي .. وأعصاب الحضور ..


. . .
 
#9
لقيت غيرك .. يابعد غيرك . مكان ,

أستريح ,, و أستظل إبظلته ,,

و ألقى الأمان ,

حسرتي , من فرقتك

شئ فوق ماتتصوره

شئ فوق المقدره ,

من حدود الليل , لشروق النهار

إنما ,,

كنتي صواديف ,, و هوى

أنثى , ومستويه , و فوق المستوى ,

لكنني ,,

أنا الجريح ..

اللي تثاءب من قصور النوم . . لبيوت الصفيح !!

آه لو تدرين ؟

إشسوت سواقينا , مع حقول القصب !

آه لو تدرين ؟

في عز الشتا . . أشبع من عذوق الرطب !!!!

آه يالحاله

و حالاتي عذاب

و الوجع

زاده .. تباشير إكتئاب !!

آه لو تدرين ؟

والله . . أحبك

يا عناقيد العنب

آه .. آه لو تدرين ؟؟
 
#10
عقب غيابك صار ماعاد لي نفس

.......................... ولا المكان يسرني في إرتياده ..

كن المشاعر في معاناتها حس

.................... كني المريض اللي طلع من عياده ..

فيني شعور ن يحمس بخاطري حمس

........................ جتني نوايا .. بالجفا .. وإبتعاده ..

دنيا عجيبه في علاماتها درس

......................... إتعلم .. وتعطي إبليا .. شهاده ..

ياغايتي .. يامنيتي من بني الأنس

....................... يللي نقشتي في فؤادي وداده ..

مشتاق لج هاليوم أكثر من الأمس

....................... الله يجيبج في سكون .. وهواده ..
 
#11
فرحة القلب الجريح .. إبشوفتك

................. كن هطال المطر في إرياضها ..

فرحتي .. تجمعت مع فرحتك

................... خيمتك .. متثبتات أطنابها ..

من عقب مافارقتني .. غرتك

.................... يوم يبرز بالليالي ,, نابها ..

لين شفت الإبتسام إببشرتك

................. و المشاعر , رافعات أعلامها ..

يابعد كل العيون .. إبنظرتك

.................... ياعديل الروح , يامشهاتها ..

ليت ماتفقد عيوني شوفتك

..................... أبتمتع , في خضار أيامها ..
 
#12
جيتك غريب ن يلفي

ألطعمك المختلفي

يللي سكنت " الزلفي "

.. .. يا سكري القصيم .. ..




في نفسي الملتاعه

كن الهوى .. ولاعه

أبتذوقك , لو ساعه

.. .. وأصارحك بالصميم .. ..



يا حلو شوفك يشرح

حتى عيوني تفرح

يا غايتي , لو تسمح

.. .. يا منيتي من قديم .. ..



ترى في قربك راحه

ألقى الهوى وأرياحه

بأطيابك , الفواحه

.. .. أنسى الزمان الأليم .. ..
 
#13
أتابعك ,,

واللي خلق بك " أغنيه " بأصابعك !

وانقل مسار الفكر

واسأل عنك

. . أدور شارعك

يا ومضة السطر الرزين

إمتى الليالي لك تزين ؟

و تتحقق الأحلام

رغبه ..

في قلب ن أمنيته .. يطالعك ...


...

ما بيننا و بين اللقا

درب ن مشاويره شقا

تقدر تقول أحلام

تقدر تقول أوهام

أو ربما .. تقدر تقول جنون

و بعض الجنون فنون !!

يا آسري مفتون

مفتون بك مفتون

الله عليك ,,

جن الجمال . . إبغرتك مسكون ...

....

أبغادرك مجبور

ما دام صار البعد

و الهجران .. بك ملحوظ

إرحل .. و أنا أبرحل

و حقك بالأمان

و بالحشا ... محفوظ

الله يعين إب غيبتك

بس ألتفت .. جن العيون إتطالعك !!!
 
#14
أنا أبسط سيدي مما تصور

........................ مو تواضع .. بس تبيان الحقيقه ..


صج أتوق إلعالي القمه و أدور


......................... بس تو الدرب .. ما بشر رفيقه ..


ما تيسر لي من أسباب التطور


.......................... و لا لي خطوة ن فيها رشيقه ..


قاعد .. أقرأ , وأتعلم , وأتبلور


............................. ماضي الأيام خامتها رقيقه ..


التحدي في بداياته .. يعور


........................ و الطريق الوعر ما كل ن يطيقه ..


استعين إبذكر من ذكره ينور


............................ واتمسك .. بالتقاليد العريقه ..


أنا أبسط سيدي مما تصور


............................. بس ماسك بالتقاليد العريقه ..
 
#15
أشكر الاداره الموقره .. على تثبيت هذا المتصفح ..

وأشكر الزميل أو الزميله الذي أو التي تم تقييم المتصفح من قبله أو قبلها بنجمه واحده ..

وبالطبع هذا من حق الزملاء .. ولا أجادل فيه ...


أتمنى أن أكون عند حسن ظن الجميع ....



دمتم بخير ،،،،
 
#17
صــح لسانك أخي العزيز .. :وردة:

ويستاهل " التثبيت " هذا التميّز والابداع ..

لك الورد كله .. :وردة:

صح بدنك أخي العزيز الغالي ,,


وماعليك زود أخي وزميلي الرائع .. " ولد وايل "


وشرفني حضورك ..


وسعيد لإن أول من حضر هذا المتصفح من الزملاء هو أنت الله يحفظك ...


سعيد بحضورك زميلي العزيز ... :وردة:
 
#19
أتابعك ,,

واللي خلق بك " أغنيه " بأصابعك !

وانقل مسار الفكر

واسأل عنك

. . أدور شارعك

يا ومضة السطر الرزين

إمتى الليالي لك تزين ؟

و تتحقق الأحلام

رغبه ..

في قلب ن أمنيته .. يطالعك ...


...

ما بيننا و بين اللقا

درب ن مشاويره شقا

تقدر تقول أحلام

تقدر تقول أوهام

أو ربما .. تقدر تقول جنون

و بعض الجنون فنون !!

يا آسري مفتون

مفتون بك مفتون

الله عليك ,,

جن الجمال . . إبغرتك مسكون ...

....

أبغادرك مجبور

ما دام صار البعد

و الهجران .. بك ملحوظ

إرحل .. و أنا أبرحل

و حقك بالأمان

و بالحشا ... محفوظ

الله يعين إب غيبتك

بس ألتفت .. جن العيون إتطالعك !!!

ماشاء الله تبارك الرحمن
صح لسانك اخي اشكر الله
ابداع في ابداع :وردة:
متابعة بكل شغف
 
#20
صح السانك اخي اشكر الله على هالابيات الرائعه والكلمات الجميله


والف مبروووووك التثبيت

صح بدنك ياخوي الغالي ,,


وحضورك هو الرائع والجميل أيها الزميل العزيز ,,


الله يبارك فيك ,, وصراحه تفاجأت بالتثبيت , لإن المتصفح كان تقريبا" غير مقروء .

بل أن أحدهم من الأعزاء قد صنف المتصفح بنجمه واحده أي " سيئ " !



وألف شكرا" لحضورك ,,