سؤال وجواب سؤال مبتدئ شنو يعني ...............

[بوعوض]

السلام عليكم

ياجماعه الخير شنو يعني ضمان محل هل يعني اساهم فيه ولا انا المالك ؟

وشنو الفرق بينه وبين الايجار وهل هو آمن؟


وشكرا ^_^

 

[حوللي]

تضمين المحل معناه أنك تسوي رخصه نشاط تجاري وتأجر لك محل وتعطيه واحد (تضمنه) يديره بمعرفته مقابل مبلغ شهري مقطوع لك، والأرباح مالك شغل فيها. وإذا أنت اللي بتاخذ المحل كضمان العكس. الفرق بينه وبين الإيجار أن الضمان في العادة يكون أغلى لأنه تعب في إستخراج الرخصه وإختيار موقع المحل وقاعد يدفع فيه إيجار يعني راح يطلب منك مبلغ أعلى من لو أنك تقوم بكل هالأمور بنفسك من الصفر.

 

[Meridian]

التضمين هو أنك تأجر المحل والرخصة من شخص هو بالأساس مستأجر وصادر له ترخيص بمزاولة نشاط محدد
فيضمنه مقابل أنك تدفع له مبلغ معين يسد فيه أجار المحل الشهري ويطلع له كم فلس ربح
يعني كأنه يستثمر المحل لحسابه وليس لحساب المالك مباشرة بدل لا يخليه لشخص آخر بخلو
هذا اللي أفهمه ​

 

[ساهر الليل]

الضمان نفس الايجار

الايجار يكون مع صاحب الملك


والضمان يكون مع صاحب الايجار


بمعنى اخر المؤجر ياخذ المحل من المالك بايجار شهري ٣٠٠ دينار ويضمنه علييك مثلا ب٥٠٠ وهو يدفع الايجار

وبالغالب يكون المحل شغال من قبل

 

[ولد وايل]

الضمان هو انك تشتغل بالمحل .. ولكن هو مو باسمك .. بسم الرجاال اللي عطاك اياه .. وايضا حسب الاتفاق بينك وبينه .. على مسالة الايجار .. يا انت تدفعه والا هو يدفعه .. من ضمن الضمان ..

وربي يوفقك ..​