سؤال وجواب يحق لي تصليح السيارة بالوكالة بعد الحادث؟

[بومحمد33]

السلام عليكم

اخواني ، وانا نايم في امان الله واحد الله يهداه دعم سيارتي عند باب البيت، اهم شي الحمد الله عالسلامة

رحنا المخفر والريال اعترف انه كان ساهي وان الغلط عليه، عموما اهو مصري ومايقدر يدفع فلس واحد ، السؤال كالتالي:

" هل استطيع اجبار شركة التأمين لتصليح سيارتي بالوكاله ؟"


شنو نصايحكم؟

احد جرب هالشي وشنو صار؟

علما ان :
اتوقع قيمة تصليح سيارتي من 750 الى 1250 دينار، وشاريها صارلي 10 ايام يديدة من الحفيز، والحمدالله عندي اللي يغطي قيمة التصليح مرتين .
موديلها 2012

 

[ســـــاحـــــر]

لاحول ولاقوة الا بالله
والله ابتلشنا بالوافدين حتى لو خليت الشارع لهم وصفطت عند بيتك دعموك لا هم بعد يقول ساهي عذر اقبح من ذنب والله حرام الواحد يشتري سيارة جديده في الكويت والمشكله ان القانون مع الوافد بقوة يعني يدعمك ويقولك ما عندي شي التأمين يصلحلك والله حرام ما يصير لازم الوافد يحط تأمين 1000 اذا طلع اجازة يندفع منها لحوادثه ومخالفاته واذا كرر الحوادث تسحب اجازته نهائيا....

اسف طولت عليك ولكن غصه بقلبي منهم

عموما ما تقدر تجبر التأمين يصلحلك في الوكاله ولكن هات فواتير بمبالغ اكبر لان التأمين راح يخصم منها اكثر من النصف ....

 

[ابعتذر]

الحمد لله على السلامه وفي الحديد ولا فيك

واتمنى احد يفيدك
​

 

[مساعد الشويب]

الحمدالله ع السلامه

اخوي اذا عنًك تأمين ع سيارتك اذكر نوعه فضي او ذهبي او ماسي الخ.....

او تصليح عن طريق البيمه

او كفخ الي دعمك ودوس ابطنه وقوله وحده بوحده

 

[محارب]

اذا بيمتك ضد الغير مايصير تصلح بالوكاله
ويصلحون لك بكراج شغل اليد كامل اماا قطع الغيار فيحسبون قيمة استهلاك مثلا السياره موديل 2010 يخصمون نسبه معينه للاستهلاك ويخصمونها من قيمة القطع مثلا السياره مستهلكه 20% يدفعون 80% من القيمه
بس متى عاد يعطونك فلوسك والله بعض الشركات يمرمطك سنه عشان تمل وبعدين مشكلة المحكمه وغرامة العشرين دينار اللي لازم يدفعها اللي دعم والمحكمة ماترضى انك تدفعها بداله

 

[المأثور]

بالكويت المفروض الواحد مايشتري من الوكالة
سيارة مستعملة من مودديل 2000 وتحت عشان ترتاح من هم الحوادث

لا القانون يحميك و لايضمن حقك والتأمين مع الغلطان فقط

المشكلة مو من الوافدين المشكلة مع شركات التأمين ونظامها

المصري أخطأ وأعترف بخطأ وأستخدم التأمين اللي من حقك

أما إنك تفرض عليه تأمين وتبيه يدفع من فلوسه عمرها ما صارت بالعالم

 

[بومحمد33]

شكرا على التفاعل

بس ابي جواب قانوني

شركة التأمين لها حق رفض التصليح بالوكاله ؟ وليش ؟

 

[meshal]

لاحول ولاقوة الا بالله
والله ابتلشنا بالوافدين حتى لو خليت الشارع لهم وصفطت عند بيتك دعموك لا هم بعد يقول ساهي عذر اقبح من ذنب والله حرام الواحد يشتري سيارة جديده في الكويت والمشكله ان القانون مع الوافد بقوة يعني يدعمك ويقولك ما عندي شي التأمين يصلحلك والله حرام ما يصير لازم الوافد يحط تأمين 1000 اذا طلع اجازة يندفع منها لحوادثه ومخالفاته واذا كرر الحوادث تسحب اجازته نهائيا....

اسف طولت عليك ولكن غصه بقلبي منهم

عموما ما تقدر تجبر التأمين يصلحلك في الوكاله ولكن هات فواتير بمبالغ اكبر لان التأمين راح يخصم منها اكثر من النصف ....

ما هو صحيح هالكلام والقانون ما له شغل في وافد ولا مواطن .
في قانون وفي تأمين سواءاً كويتي ولا مقيم التصليح على التأمين إلآ في حالات معينه مثل السرعه وتجاوز الإشارة وحالة السكر وغيرها .

الكلام في شركات التأمين .. ليش ما يعطون الناس حقوقهم كامله .
التأمين إذا ما كان شامل ما تحصل إلا على قيمة بسيطة من التصليح .

 

[meshal]

شكرا على التفاعل

بس ابي جواب قانوني

شركة التأمين لها حق رفض التصليح بالوكاله ؟ وليش ؟

أخوي أبومحمد شركات التأمين نصابين وكل شركة بمزاجها الأفضل تروح تسأل الشركة واول وتالي ما راح يعوضونك حتى بنص المبلغ .

 

[بومحمد33]

انا رحت شركة التأمين وسألتهم

قالولي تقدر تصلح بالوكاله

بس ادفع 5% عن قطع الغيار

20% عن الاجور

 

[الديفي]

سبحان الله

انا توني راد من شركة التأمين .. سيارة الحرمه لكزس 2010 دعمها هندي يسوق كورولا

الهندي طلع منها مثل الشعره من العجين

بشركة التأمين قال لي الموظف الكويتي روح هذا الكراج اللي بالشويخ صلح سيارتك فيه .. قلت السيارة جديده بصلحها بالوكاله

الموظف الكويتي عفس وجهه ابرقت وارعدت قال بيضربونك بالعالي الساير قلت مو مشكله لأن الحكم اتوقع يكون لصالحنا .. قال كيفك

موظف شركة التأمين قال ما راح ندفع فلوس التصليح لما حكم محكمه المرور يكون لصالحك تجيب الحكم لنا واحنا وقتها نعطيك الفلوس
وطبعا معاي فواتير تكاليف التصليح

وسلمت السيارة للساير الري

بس بعد ما تطلع السيارة بسويلها تأمين شـــامـــل حرام الواحد يشتري سياره موديل جديد ويــبــخــل عليها بالتأمين الشامل هالوافدين ما يرحمون من مصاروه وهنود


يا بومحمد33 سيارتك صلحها بالوكاله مادام جديده ترى كراجات الشويخ شغلهم الله بالخير .. وبعد ما تصلحها ما اوصيك بالتأمين الشامل
​

 

[بومحمد33]

سبحان الله​

انا توني راد من شركة التأمين .. سيارة الحرمه لكزس 2010 دعمها هندي يسوق كورولا ​

الهندي طلع منها مثل الشعره من العجين​

بشركة التأمين قال لي الموظف الكويتي روح هذا الكراج اللي بالشويخ صلح سيارتك فيه .. قلت السيارة جديده بصلحها بالوكاله ​

الموظف الكويتي عفس وجهه ابرقت وارعدت قال بيضربونك بالعالي الساير قلت مو مشكله لأن الحكم اتوقع يكون لصالحنا .. قال كيفك ​

موظف شركة التأمين قال ما راح ندفع فلوس التصليح لما حكم محكمه المرور يكون لصالحك تجيب الحكم لنا واحنا وقتها نعطيك الفلوس
وطبعا معاي فواتير تكاليف التصليح ​

وسلمت السيارة للساير الري ​

بس بعد ما تطلع السيارة بسويلها تأمين شـــامـــل حرام الواحد يشتري سياره موديل جديد ويــبــخــل عليها بالتأمين الشامل هالوافدين ما يرحمون من مصاروه وهنود​

يا بومحمد33 سيارتك صلحها بالوكاله مادام جديده ترى كراجات الشويخ شغلهم الله بالخير .. وبعد ما تصلحها ما اوصيك بالتأمين الشامل ​

مشكور اخوي الديفي على التفاعل ، وخطاكم السو

انا لازم اصلح سيارتي بالوكاله عشان ماتطيح الكفاله ، السيارة مكفولة 3 سنوات او 100000 كيلو.

بالنسبة للتأمين انا عرفت الحين شنو السالفة

الله يسلمك تشتريلك جيب تيوتا موديل 1979 بو شنب وتحطلة دعاميات حديد من الشويخ، واذا في احد مو عاجبك روح واشخط سيارتة من فوق لي تحت وحطله رقم تلفونك واكتبلة اسف ، بالنهايه مايقدر يسوي شي وانت راح تدفع بس غرامة الحق العام تقريبا 40 دينار ، والمسكين هذاك راح يحوس بين الكراجات والوكالة وشركات التأمين وراح يدفعونه استهلاك قطع غيار وسوالف ثانية.

بالنهاية المدعوم مظلوم

 

[الديفي]

مبروك سيارتك تأمين شامل

بالنسبه لي تصليح جيب اللكزس اللي دعمه الهندي راح يكلفني 1600 دينار !! وكان بالبدايه قالولي راح يكلفك فوق الـ 2000 دينار وبعد مداحر نزلو الى 1600 دينار
هذي اللكزس ما ترحم اذا اندعمت من هندي او مصري .. وما ان تطلع اللكزس من الكراج بضربها تأمين شامل

والهندي الغلطان فلت منها .. هذي قوانيننا المظلوم يدفع الثمن غالي والجاني الهندي يطلع منها برائه حاله بحال القبيضه ​